בזיעת אפיך - ממון ודמים.

עצות טובות אויפן טעגליכן לעבן

די אחראים: זייער נייגעריג, אחראי, thefact

ר' יום טוב
שר האלף
תגובות: 1469
זיך איינגעשריבען אום: זונטאג סעפטעמבער 20, 2015 12:58 pm

בזיעת אפיך - ממון ודמים.

תגובהדורך ר' יום טוב » פרייטאג מאי 03, 2019 10:56 am

אט הייבן מיר אן אין דעם רובריק די סעריע שיעורים אין פינאנציעלע עצות און טיפס פארן טעגליכן עמך ארבייטארער, און אזוי ווי דאהי איז דאך א פאבליק פארום, דעריבער איז יעדער געלאדענט אריינצוקומען און איבערגעבן אויף די דאזיגע פלאטפארמע אייגענע עקספיריענס מיט איידיע'ס איבער וויאזוי אנצוגיין מיטן פיינאנציעלן בודזשעט אויפן טאג טעגליכן לעבן. גאר אנדערש זענען מיינע געדאנקען איבער די קריטישע נושא ווי די מהלכים פונעם טיפיקעל פיינענשעל אדווייזער אויף קול מבשר און אין די צייטונגען, וועלכע הערן זיך זייער שיין גלאנציג פארן אזויגערופענעם שניפסל ביזנעסמאן, אבער ברענגען על פי רוב גאנץ קנאפ נוצן פארן אויסגעהארעוועטן ארבייטער, און טראץ וואס דא-אין-דארט ברענגען זיי ארויף גאנץ גוטע געדאנקען, דאך זענען מיר מחולק מיט רובא דרובא פון זייערע שטעלונגען.

מיר וועלן אצינד אנהייבן מיט א יסודות'דיגע קלייניגקייט מיט וואס מיר זענען זייער שטארק מחולק אויף אלע עצה-געבער אין די אינדעסטריע. און דאס איז איבער די פראגע 'וואס דארף זיין די פיינענשל גאול פון א פרישער אינגערמאן?' טייל וועלן גלייך אנהויבן רעדן פון לייף אינשורענס... אנדערע וועלן אפפערן עטליכע סעסיעס אין 'זעלבסט-קאנפידענס'. און אמבעסטן וועט מען אייך לאזן וויסן אז איר דארפט זיך צו לערנען א טרענירטע פאך אדער זאגאר ארויסגיין פון אייער זאנע עפענען אן אייגענע ביזנעס. און דער אמת איז, אז עס איז נישט פאראן קיין קלארע "וואן-סייז-פיטס-אלל" שיטה וואס די 'גאול' פון א אינגערמאן דארף זיין. ס'קען זיין אמת אז אויב איינער שפירט אז ער האט א געפיל צו א געוויסע פאך, און ער שפעקעלירט אז ס'איז פאראן א דימענד אין דעם פעלד, איז ריכטיג זיך צו דערלערנען די ליין. אבער אויב עפעס א גאול דארף שטיין פאר די אויגן, דארף די ענדע ציהל זיין בלויז איינע, און דאס איז:

"לייגן דאלער אויף דאלער". דאס איז דער סאמע יסוד היסודות וואס וועט דיך פירן אויף א ריכטיגן און געזונטן פינאנציעלן לעבנסשטייגער. וואס פריער אין לעבן דו האסט אנגעיאגט אפצושפארן ווי מער געלט, אלס א גרעסערע בסיס פאר סוקסעס האסטו פארגעברייט אויף דיינע שפעטערדיגע יארן. געלט ברענגט געלט. איינמאל דו האסט אוועקגעלייגט א גענונדיגע שיינע סומע, דאן וועט שוין אריינקומען די ברכה, ביי איינעם מער און ביי איינעם נאך מער. אבער אן קיין גרויס געלט אפגעשפארט קענסטו מאכן וויפיל ביזנעס און חובות די ווילסט, גיין צו וויפיל ביזנעס קאוטש פראפעסיאנאלן עס לאזט זיך, עס וועט כמעט אוממעגליך זיין מצליח צו זיין.

און וואס וועסטו טוהן איינמאל דו האסט א שיינע סומע געלט? דאס גיי איך דיר נישט זאגן. בלויז דו זעלבסט קענסט די בעסטע אויספיגערן וואס איז געאייגנט פאר דיר, אין דיין פאזיציע און מעגליכקייט אז דו זאלסט ווייטער שטייגן מיטן ציהל פון אוועקלייגן דאלער אויף דאלער. פאר מיר למשל, איז מיין אפגעשפארט געלט געווען א ישועה ווען איך האב בס"ד געקויפט א שיינע דירה, קענענדיג אראפלייגן א גרעסערע סומע און אזוי שפארן מארגעדזש צינזן. א צווייטער קען מעגליך האבן א בעסערע אפערטוניטי וואס ברענגט מער רוחים ווי די 4.5% פער יאר פון די מארגעדזש ראטע. אבער ס'גייט נאך טיפער. ווי פריער דו עררייכסט דיין ערשטע שטאפל גאול פון האבן א גרעסערע סומע, אלס מער שפארסטו דיך אין שווערע געלטער אויף די ווייטערדיגע יארן. צו ווייל דו קענסט פריער עררייכן אן אייגענע דירה און מער נישט ברויכן צאלן רענט. צו ווייל מיט א סומע געלט האסטו אויפגעבויעט פיל מער לעוורידש פאר א ריכטיגע דיסישען איבער סיי וועלכע קריטישע פינאנציעלע אפערטוניטי עס זאל נאר אונטערקומען.

מאנכע וועלן פרעגן א קלוגע פראגע, וואס וועל איך שוין האבן פון די קנאפע אויסגעהארעוועטע דאלאר וואס איך שפאר יעצט אפ דאס ביסן, עס איז ליבערשט גלייך אריינצושפרינגען אין עפענען אן אייגענע ביזנעס, אינוועסטירן ערגעץ א עיסקא אדער פאליסי, אדער זיך גיין לערנען א פאך וועלכע האט די פאטענציאל צו ברענגען א לאנג-טערמיניגע סטאבילע הכנסה?

דער תירוץ דערויף אינעם המשך בעז"ה.
מיטל-קלאס רעפרעזענטעטיוו.

אוועטאר
געריבענער סוחר
שר חמש מאות
תגובות: 890
זיך איינגעשריבען אום: מאנטאג יולי 30, 2018 10:50 am
לאקאציע: אין קאנפערענס רום

תגובהדורך געריבענער סוחר » פרייטאג מאי 03, 2019 11:21 am

קומסט אריים זייער פריש און קלאר, עס איז די מערסטע אקטועלע נושא, וואס קיינער וויל נישט עכט טראכטן.

לגבי דיין לעצטע סטעיטמענט

מאנכע וועלן פרעגן א קלוגע פראגע, וואס וועל איך שוין האבן פון די קנאפע אויסגעהארעוועטע דאלאר וואס איך שפאר יעצט אפ דאס ביסן, עס איז ליבערשט גלייך אריינצושפרינגען אין עפענען אן אייגענע ביזנעס, אינוועסטירן ערגעץ א עיסקא אדער פאליסי, אדער זיך גיין לערנען א פאך וועלכע האט די פאטענציאל צו ברענגען א לאנג-טערמיניגע סטאבילע הכנסה?

איי טאעטלי דיסעגרי וויט יא. וויאזוי פונקטליך לייגט מען א דאלער אויף א דאלער אן האבן עפעס א פאך, אדער א ביזנעס?
סתם מיט א 800 בי 1200 וועידש א וואך קענסטו קיין אויסגעהארוועטע גרייצער נישט אנווארעמען אונטער די מאטראץ.
.When someone tells you: "It can't be done!" Remember: Those are their limits, not yours

הר גריזים
שר מאה
תגובות: 182
זיך איינגעשריבען אום: מאנטאג אוגוסט 14, 2017 1:34 pm

תגובהדורך הר גריזים » פרייטאג מאי 03, 2019 11:22 am

שכח פארן זיך לאזן הערן אויף די נושא, קוקט אויס ס'גייט זיין שטארק באלערענד!

אוועטאר
אדער יא
שר האלפיים
תגובות: 2629
זיך איינגעשריבען אום: דאנארשטאג ינואר 11, 2018 11:00 am

תגובהדורך אדער יא » פרייטאג מאי 03, 2019 12:44 pm

ייש"כ ר' יום טוב, וויכטיגע נושא.

דברים אלו
שר האלף
תגובות: 1027
זיך איינגעשריבען אום: פרייטאג אוקטובער 16, 2015 2:30 pm

תגובהדורך דברים אלו » פרייטאג מאי 03, 2019 1:53 pm

יום טוב איר האט שטארקע פוינטס מיר ווארטן אויפן המשך

אוועטאר
בערל קראקאווער
שר האלף
תגובות: 1063
זיך איינגעשריבען אום: דינסטאג מאי 17, 2016 1:18 pm
לאקאציע: בעקבתא דמשיחא

תגובהדורך בערל קראקאווער » זונטאג מאי 05, 2019 12:56 pm

ר׳ יום טוב זאגט זייער גוט.
יעצט לגבי ׳געריבענער סוחר׳ס׳ דיסאגרימענט, קומט ווייטער אריין ר׳ יאנטעל׳ס צווייטער פאראגראף ווי ער שרייבט: אז עס איז נישט פאראן קיין קלארע "וואן-סייז-פיטס-אלל".

דהיינו דאלער צו דאלער קען כמעט יעדער וואס האט צוויי געזונטע הענט און פוס ווען מען נעמט זיך אין די האנט אריין און טוהט וואס ער קען נאר - נישט קוקענדיג אויף זיין כבוד - נאר ער טוהט וואס ער דארף צו ערפילן זיין חוב צו טוהן השתדלות פאר פרנסה און שפייזן זיין פאמיליע.

דאן קען מען בע״ה - איינער מער, איינער ווייניגער, אפשפארן פרוטה לפרוטה, וואס וועט אים בע׳׳ה ברענגן נענטער צו זיין הצלחה בע״ה.

משא׳׳כ גיין לערנען א פאך עפענען א ביזנעס, איז די מציאות אז זייער אסאך וואס זענען משקיע אין די אלע שטודירונגען וכו׳ בלייבן בכלל נישט אין די ליין, עס בלייבט נאר איבער א לאך מיט חרטה אויף די פארברענטע שעות, וכן לגבי עפענען א ביזנעס.
ס׳איז זיכער דא אזעלכע וואס האבן יא, און וועלן יא מצליח זיין אזוי, אבער עס איז ווייטער נישט קיין "וואן-סייז-פיטס-אלל"!
ראש הקהל
הויפט געווינער - שרייבעריי פארמעסט תשע''ז
בקראקא אין אומרים ׳תתננו׳ ובאונגארן אין אומרים ׳הבינינו׳

דברים אלו
שר האלף
תגובות: 1027
זיך איינגעשריבען אום: פרייטאג אוקטובער 16, 2015 2:30 pm

תגובהדורך דברים אלו » זונטאג מאי 05, 2019 3:41 pm

ר יום טוב ווי ביסטו?

אוועטאר
הודו להשם
שר חמש מאות
תגובות: 712
זיך איינגעשריבען אום: דאנארשטאג אוגוסט 17, 2017 3:44 pm
לאקאציע: בבית מדרשו של רבינו

תגובהדורך הודו להשם » זונטאג מאי 05, 2019 3:55 pm

ייש"כ ר' יום טוב, מיר ווארטן אויפן המשך
איך בין שוין נישטא. מ'קען מיר קאנטאקטן אויף hoidylhashem@gmail.com

אוועטאר
lebediger berel
שר שלשת אלפים
תגובות: 3576
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » זונטאג מאי 05, 2019 4:12 pm

בערל קראקאווער האט געשריבן:ר׳ יום טוב זאגט זייער גוט.
יעצט לגבי ׳געריבענער סוחר׳ס׳ דיסאגרימענט, קומט ווייטער אריין ר׳ יאנטעל׳ס צווייטער פאראגראף ווי ער שרייבט: אז עס איז נישט פאראן קיין קלארע "וואן-סייז-פיטס-אלל".

דהיינו דאלער צו דאלער קען כמעט יעדער וואס האט צוויי געזונטע הענט און פוס ווען מען נעמט זיך אין די האנט אריין און טוהט וואס ער קען נאר - נישט קוקענדיג אויף זיין כבוד - נאר ער טוהט וואס ער דארף צו ערפילן זיין חוב צו טוהן השתדלות פאר פרנסה און שפייזן זיין פאמיליע.

דאן קען מען בע״ה - איינער מער, איינער ווייניגער, אפשפארן פרוטה לפרוטה, וואס וועט אים בע׳׳ה ברענגן נענטער צו זיין הצלחה בע״ה.

משא׳׳כ גיין לערנען א פאך עפענען א ביזנעס, איז די מציאות אז זייער אסאך וואס זענען משקיע אין די אלע שטודירונגען וכו׳ בלייבן בכלל נישט אין די ליין, עס בלייבט נאר איבער א לאך מיט חרטה אויף די פארברענטע שעות, וכן לגבי עפענען א ביזנעס.
ס׳איז זיכער דא אזעלכע וואס האבן יא, און וועלן יא מצליח זיין אזוי, אבער עס איז ווייטער נישט קיין "וואן-סייז-פיטס-אלל"!


כאטש סאיז דא אויסנאמען אויף אלע כללים אויסער אויף די י"ג עקרים (אני מאמין'ס)
איז דער כלל אז ווער ס'לערנט זיך א פאך און ער איז קודם גוט בודק צו דער פאך איז פאר אים, צו ער איז געאייגענט דערויף, און צו ער האט ליב דאס צו טון, איז אויב יא און ער לערנט עס געהעריג, נישט האלבע זאכן מן השפה ולחוץ, וועט ער שטארק מצליח זיין, אויב נישט מיט די פאך אליין איז מיט א קאזין דערפון.
כ'האב עס געזען צענדליגע מאל, און אויב לערנט מען דארף מען עס באמת וועלן קענען און גוט ארויס האבן און פרובירן צו זיין דער בעסטע וואס מ'קען דערין, און מיט השי"ת'ס הילף איז מען מצליח.
נאך א גרויסע פראבלעם איז ווען מ'הייבט אן צו לערנען צו שפעט, ווען מ'האט שוין ריזיגע הוצאות מיט שיעבודים. און אסאך מאל דארף עס זיין אונטערן רוקן פון שווער שוויגער טאטע מאמע און צומאל ל"ע אויך ווייב
דעאמאלטס איז (בדרך כלל) א רעסעפי פון דיזעסטער ולא זה ולא זה נתקיימו בידם
ס'דארף זיין (לכתחלה)
1. גענוג פרי אין לעבן
2. מיט די פולע הסכמה פון בני בית וכדו'
3. א זאך וואס דו האסט ליב און האלטסט דערביי.
4. נאך א תפלה צום בוכ"ע - צדקה - ברכה פון א ערליכן איד.
און פארשטייט זיך טאקע לערנען פלייסיג און דערנאך טון צו דער זאך - און נישט זוכן מתנות פון פעטערשמואל אין זעלבע צייט. (דאס באגראבט אויך אסאך מאל)

99 פראצענט שעשו כן גדלו והצליחו גם עשו פרי למעלה למעלה.
אז מ'לעבט דערלעבט מען

ר' יום טוב
שר האלף
תגובות: 1469
זיך איינגעשריבען אום: זונטאג סעפטעמבער 20, 2015 12:58 pm

שפארן געלט - בעפאר "ביזנעס".

תגובהדורך ר' יום טוב » זונטאג מאי 05, 2019 10:23 pm

בעפאר מיר גיין ווייטער צו פארשטיין געבן פארוואס אן קיין אפגעשפארטע געלט צוערשט איז אריינטאנצן אין די ביזנעס-וועלט נישט קיין אפציע, וועלן מיר פארענטפערן די שאלה וואס א חשובע ניק האט דא פריער געפרעגט, און מן הסתם האט דאס געעגבערט פאר נאך לייענער, "וויאזוי פונקטליך לייגט מען א דאלער אויף א דאלער אן האבן עפעס א פאך, אדער א ביזנעס? "

אויף דעם איז דער תירוץ אז יא! רוב מענטשן האבן די מעגליכקייט אפצושפארן געלט בלויז מיטן זיין אן ארבייטער. טאקע נישט ווען מען האט שוין א שטוב מיט קינדער, און זיכער נישט ווען מען מאכט שוין חתונה. נאר אין די פריע שטאפלען פון ערוואקסענעם לעבן. איר וועט זיין סורפרייזד צו הערן וואספארא סכומים פשוט'ע ארבייטארער האלטן אין גמח'ן. איך קען אפילו אזעלכע וועלכע האבן אראפגעלייגט דאס גאנצע געלט ביים קויפן א הויז און נישט געברויכט קיין מארגעדזש! עס זענען פאראן גענוג וואס מאכן חתונה אלע קינדער אנע חובות. און די פראגע איז, וויאזוי טוען זיי דאס טאקע באווייזן?

איז לאמיר א בליק טאן און נעמען אן אקטואלע מעגליכע עקזעמפל. א אינגערמאן מיטן נאמען ר' לייבל. ער און די ווייב ארבעטן פול-טיים. ער האט אויך געוויסע קליינע זייטיגע הכנסות וועלכע קומען צוהילף. ער האט צוויי קליינע קינדער. און ער וואוינט אין א קליינע דריי רומיגע דירה. ס'איז אים טאקע נישט גרינג, אבער ער ווייסט אז מיט יעדע דאלער וואס ער לייגט יעצט, שפארט ער זיך דאפלט און טריפלט אינעם צוקונפט. ער גייט נישט היי יאר אין די קאנטרי, און נעמט בלויז א ביליגע 2 טאג וואקאציע. ער קויפט איין גאר קלוג. ביי יעדע שאכטל טשאקלעד אין געשעפט ווייסט ער אז טראץ וואס די פרייז אויפן שאכטל איז $6.99 - גייט ער אבער מעגליך דערלייגן $18.99 אויפן געשעפט. אלע באלבס אין זיין הויז זענען LED - און ער האט נישט קיין קאר. ער קויפט נישט קיין פערטיגע עסן, אדער 400% מארקאפ געזופטע מעהל. בשר בהמה נאר לכבוד יו"ט.

אזא אינגערמאן קען אפשפארן 1500-2500 א חודש, ווענד זיך אינעם וואוין ארט.

אמת, נישט יעדער ממש קען דאס באווייזן, אבער עס איז מיר ברור אז רוב אין די סטעידש, מיט די ריכטיגע צוגאנג און אז מען האט ארויס די מהלך מיט אפעטיט, און עס איז דא שלום בית, האט מען - מער/ווייניגער - די מעגליכקייט דערצו.

יעצט וועלן מיר צוריקגיין און א בליק געבן וואס עס וואלט געשען אז ר' לייבל וואלט געהערט פון זיין חבר אז מען מוז נישט ארבייטן אזוי שווער, די געלט וואס מען פארדינט וועט סייווי נישט קלעקן, און עס פעלט נישט אויס צו לעבן אזוי שפארזאם, ווייל מען "גייט זיך לערנען א פאך" - אדער - "אריינגיין אין ביזנעס".

כאטש וואס איך קען ביזנעסלייט וואס האבן יא עטוואס מצליח געווען אויף דעם אופן איז דאס במתי מעט. און אויך בלויז מיט געוויסע תנאים וואס מיר וועלן אי"ה באזונדער אויסשמועסן. ליידער ליידער זענען פאראן פיל מער וועלכע האבן ביזנעסער, זיי דרייען מיט קרעדיט, און זיי האבן נאך קיינמאל נישט טועם געווען קיין סכום געלט אין זייער קאנטע. איך קען אויך פילע וואס זיי זענען ארבייטער, אבער האבן נישט ארויסגעהאט די וויכטיגקייט פון שפארן און אוועקלייגן א סכום געלט "גלייך פון אנפאנג" און היינט איז זיי דאס שוין פיל שווערער אדער כמעט אוממעגליך צו באווייזן. זיי קענען אייך פארציילן אומצאליגע אפערטוניטי'ס וואס זיי האבן אנגעוואוירן דורך נישט האבן צו די האנט די קריטישע ביסל סומע געלט. איך קען אויך אזעלכע וואס טראץ די הצלחה אין זייער קאריעריע, איז דאס געקומען שוין אביסעלע שפעט אין לעבן, ווען אויסגאבן איז שוין גרויס און זיי האבן זיך שוין צוגעוואוינט צו א ברייטערע לעבן-שטייגער און ווייסן שוין נישט וויאזוי מען שפארט אפ פאר א דאון פעימענט.

ווייל: צו אלעמען ערשט, איז נישט פאראן קיין שום גאראנטיע אז דיין שנה-ראשונה ביזנעס וועט דיר למעשה ברענגען מער ריוח נאכן משקיע זיין און זיך אנחובות'ן קעגן וויפיל דו וואלסט געקענט פארדינען מיטן מהלך פון גיין ערשט ארבייטן און אוועקלייגן א דאלער אויף דאלער און דערנאך מאכן א קלוגע און אויסגערעכנטער באשלוס. אפילו אויב די ביזנעס איז מצליח, און אפילו עס ברענגט אין די ענדע יא מער ריוח, דארפסטו אין באטראכט נעמען די פאטענציאלע שווערע ארבייט, קרעדיט צינזן און 24 שעה קאפוויי וואס קומט דערמיט, און אפשאצן צו ס'איז באמת ווערט געווען. צווייטנס, זענען רובא דרובא נייע ביזנעסער נישט מצליח. אין פאקט ווייזט א שטודיע (קען זיין נישט אינגאנצן אמת) אז אזויפיל ווי אכציג פראצענט ביזנעסער זענען אין א מיינוס פינעף יאר נאכן עפענען. צו אוינען און אפערעיטן א ביזנעס היינט צו טאגס, איז גאר שווער בדמים תרתי משמע. אפילו ווען מ'זעט שוין דעם דאלער, איז א שטארקע פראגע אויב ס'שלאפלאזע נעכט איז בכלל ווערט די עפפארט. עס איז דא אומצאליגע לאגיסטישע דעטאלן, גאווערמענט רעגולאציעס און פאפיר ארבייט הוצאות נאך איידערן זען די ערשטע דאלער פראפיט. און נאך עפעס. נישט יעדער איז געגאסן צו זיין א ביזנעסמאן פון נאטור אויס. עס איז גאר שווער צו פירן א ביזנעס פאר זייער אסאך מענטשן וואס וואלטן געקענט זיין גאלדענע ארבייטער.

דריטנס, ניין. אונזער ציהל איז נישט אייך צו מאכן קאלט פון זיין א סוקסעספול ביזנעסמאן. מיר זענען מודה אז עס איז פאראן זעלטענע פעלער ביי וועלכע עס איז יא א גוטע אפערטוניטי פאר מאנכע ליבערשט אריינצושפרינגען גלייך אין א ביזנעס, טראץ וואס דאס איז דייקא נישט קיין נחלת הכלל. אבער אפילו אין אזא פאל דארף אויך זיין די פיינעל 'גאול' אוועקצולייגן 'דאלער אויף דאלער'. און זיכער נישט צו לעבן אין חובות צוליב די ביזנעס.

און צום לעצט, די זעלבע איז נוגע ביים צאלן זיך לערנען א פאך. עס איז א מציאות אז רוב פון די וואס גייען צו די באצאלטע לעקציעס וואס לערנען אויס א פאך, האבן גארנישט דערפון. בלויז אויסגעפאטשקעט די קריטישע טויזנטער דאלער פארן דמיון אנצוקומען צו א פרעזשפולע פאזיציע. די געציילטע וועלכע זענען יא מצליח דערמיט, זענען אזעלכע וואס פארשטייען שוין גרונטליך די בעיסיק כללים ארום פון בעפאר, ווייסן קלאר וואס זיי צילן צו קענען אנקומען, האבן א קלארע פלאן פאר נעקסט סטעפ, און האבן א ידיעה וויאזוי די מארקעט דימענד דערפאר איז איינמאל מען האט זיך דאס שוין דערלערנט.

הארט איידער איר שפרינגט ארויף אויף מיינע קאנטרעווערסיאלע אנטי-ביזנעס אנטשויאונגען, ווילן מיר אייך לאזן וויסן אז דער יעצטיגער שמועס איז געווען מער געווידמעט פארן רוב המון עם, עמך ארבייטער מיט געצוימטע קשרים און ריסארסן, די וועלכע זענען יוזשעלי מיס-רעפרעזענטעט אין טיפיקל פיינענשל הדרכה, אבער אינעם קומענדיגן שמועס גייט מען טאקע אי"ה באהאנדלען א קאנסערוואטיווע בליק וויאזוי א סוקסעספולע ביזנעס איז מצליח בס"ד, און אלעס ארום.
מיטל-קלאס רעפרעזענטעטיוו.

אוועטאר
אדער יא
שר האלפיים
תגובות: 2629
זיך איינגעשריבען אום: דאנארשטאג ינואר 11, 2018 11:00 am

תגובהדורך אדער יא » זונטאג מאי 05, 2019 10:38 pm

געוואלדיג, ייש"כ שעלפענעפיצער.

אוועטאר
nmi
שר שלשת אלפים
תגובות: 3131
זיך איינגעשריבען אום: דאנארשטאג יוני 02, 2016 4:25 pm

תגובהדורך nmi » מאנטאג מאי 06, 2019 5:15 am

זייער שיין הרב יו"ט. 2 ניקידות. 1) א יונגערמאן ברויך זיך אויסלערנען אז ווען אומער מ'האט אן עקסטערע פאר דאלער צו איז עס פון טעקס ריטוירן אדער פון עני אנדערע פלאץ זאל מען עס גראד סעיוון אויב נישט וועט מען זייער שנעל טרעפן ווי עס צו ספענדן... 2) היינט צוטאגס איז אסאך שווערער צו סעיוון ווי אמאל, ווייל היינט באקומט מען כמעט נישט באצאלט קיין ירקות דאס מיינט אז ס'איז פיל פאכיג גרינגער צו ניצן די קרעדיט קארד און פיל פאכיג שווערע צו האלטן חשבון אויפן בענק עקאונט. אז דו האסט א גוטן מהלך וויזוי דאס מסדר צו זיין קום ארויף ביטע. (אז מ'זאל אויפגעבן די קרעדיט קארד איז נישט קיין מהלך)
https://www.nmi.com/ שטיצט א גוי

אוועטאר
lebediger berel
שר שלשת אלפים
תגובות: 3576
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » מאנטאג מאי 06, 2019 9:39 am

ר' יום טוב האט געשריבן:און צום לעצט, די זעלבע איז נוגע ביים צאלן זיך לערנען א פאך. עס איז א מציאות אז רוב פון די וואס גייען צו די באצאלטע לעקציעס וואס לערנען אויס א פאך, האבן גארנישט דערפון. בלויז אויסגעפאטשקעט די קריטישע טויזנטער דאלער פארן דמיון אנצוקומען צו א פרעזשפולע פאזיציע. די געציילטע וועלכע זענען יא מצליח דערמיט, זענען אזעלכע וואס פארשטייען שוין גרונטליך די בעיסיק כללים ארום פון בעפאר, ווייסן קלאר וואס זיי צילן צו קענען אנקומען, האבן א קלארע פלאן פאר נעקסט סטעפ, און האבן א ידיעה וויאזוי די מארקעט דימענד דערפאר איז איינמאל מען האט זיך דאס שוין דערלערנט.

איך פארשטיי נישט וואס דו רופסט אן "באצאלטע לעקציעס וואס לערנען אויס א פאך"
א פאך לערנט מען זיך נישט פון קיין איינצעלנע לעקציעס, נאר פון געהעריג דורך לערנען דעם נושא בכל לב, און 99 פראצענט היימישע וואס טוען דאס זענען אויסער געווענליך מצליח.
איך פארשטיי נישט וואסערע בעיסיק כללים ארום פון בעפאר מען דארף קענען, דער עיקר איז מ'זאל וויסן וואסערע ליין מ'וויל אריין גיין און וויסן צו מ'האלט באמת דערביי. נעם למשל פראגרעמינג, אודאי דארף ער פארשטיין וואס מיינט צו זיין א פראגרעמער, זיצן אויפן קאמפיוטער שעות ארוכות און סאלוון פראבלעמען, און דארפן האבן א קלארע פלאן פאר די נעקסט סטעפ אז ער וויל אנפאנגען אלץ ארבעטער ביי א קאמפעני אלץ פראגרעמער, "די מארקעט דימענד דערפון", אודאי זאל קיינער זיך נישט גיין לערנען צו מאכן ניטינג אדער קאטינג, אבער סאיז דא גנוג און נאך פאכן וואס דער דימענד איז משוג'ע הויעך און אויף ענגליש זאגט מען די סקיי איז די לימיט.
מיט א ברכת הצלחה בכל אשר תפנו
אז מ'לעבט דערלעבט מען

אוועטאר
געריבענער סוחר
שר חמש מאות
תגובות: 890
זיך איינגעשריבען אום: מאנטאג יולי 30, 2018 10:50 am
לאקאציע: אין קאנפערענס רום

תגובהדורך געריבענער סוחר » מאנטאג מאי 06, 2019 12:10 pm

lebediger berel האט געשריבן:
ר' יום טוב האט געשריבן:און צום לעצט, די זעלבע איז נוגע ביים צאלן זיך לערנען א פאך. עס איז א מציאות אז רוב פון די וואס גייען צו די באצאלטע לעקציעס וואס לערנען אויס א פאך, האבן גארנישט דערפון. בלויז אויסגעפאטשקעט די קריטישע טויזנטער דאלער פארן דמיון אנצוקומען צו א פרעזשפולע פאזיציע. די געציילטע וועלכע זענען יא מצליח דערמיט, זענען אזעלכע וואס פארשטייען שוין גרונטליך די בעיסיק כללים ארום פון בעפאר, ווייסן קלאר וואס זיי צילן צו קענען אנקומען, האבן א קלארע פלאן פאר נעקסט סטעפ, און האבן א ידיעה וויאזוי די מארקעט דימענד דערפאר איז איינמאל מען האט זיך דאס שוין דערלערנט.

איך פארשטיי נישט וואס דו רופסט אן "באצאלטע לעקציעס וואס לערנען אויס א פאך"
א פאך לערנט מען זיך נישט פון קיין איינצעלנע לעקציעס, נאר פון געהעריג דורך לערנען דעם נושא בכל לב, און 99 פראצענט היימישע וואס טוען דאס זענען אויסער געווענליך מצליח.
איך פארשטיי נישט וואסערע בעיסיק כללים ארום פון בעפאר מען דארף קענען, דער עיקר איז מ'זאל וויסן וואסערע ליין מ'וויל אריין גיין און וויסן צו מ'האלט באמת דערביי. נעם למשל פראגרעמינג, אודאי דארף ער פארשטיין וואס מיינט צו זיין א פראגרעמער, זיצן אויפן קאמפיוטער שעות ארוכות און סאלוון פראבלעמען, און דארפן האבן א קלארע פלאן פאר די נעקסט סטעפ אז ער וויל אנפאנגען אלץ ארבעטער ביי א קאמפעני אלץ פראגרעמער, "די מארקעט דימענד דערפון", אודאי זאל קיינער זיך נישט גיין לערנען צו מאכן ניטינג אדער קאטינג, אבער סאיז דא גנוג און נאך פאכן וואס דער דימענד איז משוג'ע הויעך און אויף ענגליש זאגט מען די סקיי איז די לימיט.
מיט א ברכת הצלחה בכל אשר תפנו

בעסיק כללים מיינט ער צי זאגן אז דער אינגערמאן האט שוין געארבעט אין די פעלד אביסל, דאס טייטש א בעה''ב האט אים גענומען פאר זיין ערשטע דשאב אנע עקספיריענס, פאר קליינע וועידש, און די אינגערמאן זעהט אז אין די פעלד קען ער מצליח זיין, עס ציט אים, דעמאלטס אינוועסט ער אין א קורס, וואס דעמאלטס איז דא מער % ער זאל בלייבן אין די ליין, ווייל ער ווייסט שוין פון פאראויס אין וואס ער גייט אריין.

אגב, דעיס איז סתם א גוטע עדווייס פאר מען אינוועסט אין א קורס צי גיין ארבעטן פאר איינעם פאר א קליינע וועדש פאר א שטיק צייט. קען אויך זיין ער וועט באקומען גענוג עקספיריענס אז די קורס וועט שוין נישט אויספעלן.
.When someone tells you: "It can't be done!" Remember: Those are their limits, not yours

דברים אלו
שר האלף
תגובות: 1027
זיך איינגעשריבען אום: פרייטאג אוקטובער 16, 2015 2:30 pm

תגובהדורך דברים אלו » מאנטאג מאי 06, 2019 12:17 pm

אוועקלייגן דולר אויף דולר דארף מען נישט זיין קיין גרויסער חכם עס צו טוהן או ןיעדער קען עס טוהן איינער מער איינער ווייניגער ביז מען זאמלט אן א שיינע פאר 100 אלפים אבער עפענען א ביזנעס איז שוין די נעקסטע סטעפ צו ווערן א עושר בעז"ה

סלם
שר העשר
תגובות: 16
זיך איינגעשריבען אום: מיטוואך יולי 01, 2015 4:11 pm

תגובהדורך סלם » מאנטאג מאי 06, 2019 1:41 pm

;l;p-
ר' יום טוב האט געשריבן:אט הייבן מיר אן אין דעם רובריק די סעריע שיעורים אין פינאנציעלע עצות און טיפס פארן טעגליכן עמך ארבייטארער, און אזוי ווי דאהי איז דאך א פאבליק פארום, דעריבער איז יעדער געלאדענט אריינצוקומען און איבערגעבן אויף די דאזיגע פלאטפארמע אייגענע עקספיריענס מיט איידיע'ס איבער וויאזוי אנצוגיין מיטן פיינאנציעלן בודזשעט אויפן טאג טעגליכן לעבן. גאר אנדערש זענען מיינע געדאנקען איבער די קריטישע נושא ווי די מהלכים פונעם טיפיקעל פיינענשעל אדווייזער אויף קול מבשר און אין די צייטונגען, וועלכע הערן זיך זייער שיין גלאנציג פארן אזויגערופענעם שניפסל ביזנעסמאן, אבער ברענגען על פי רוב גאנץ קנאפ נוצן פארן אויסגעהארעוועטן ארבייטער, און טראץ וואס דא-אין-דארט ברענגען זיי ארויף גאנץ גוטע געדאנקען, דאך זענען מיר מחולק מיט רובא דרובא פון זייערע שטעלונגען.

מיר וועלן אצינד אנהייבן מיט א יסודות'דיגע קלייניגקייט מיט וואס מיר זענען זייער שטארק מחולק אויף אלע עצה-געבער אין די אינדעסטריע. און דאס איז איבער די פראגע 'וואס דארף זיין די פיינענשל גאול פון א פרישער אינגערמאן?' טייל וועלן גלייך אנהויבן רעדן פון לייף אינשורענס... אנדערע וועלן אפפערן עטליכע סעסיעס אין 'זעלבסט-קאנפידענס'. און אמבעסטן וועט מען אייך לאזן וויסן אז איר דארפט זיך צו לערנען א טרענירטע פאך אדער זאגאר ארויסגיין פון אייער זאנע עפענען אן אייגענע ביזנעס. און דער אמת איז, אז עס איז נישט פאראן קיין קלארע "וואן-סייז-פיטס-אלל" שיטה וואס די 'גאול' פון א אינגערמאן דארף זיין. ס'קען זיין אמת אז אויב איינער שפירט אז ער האט א געפיל צו א געוויסע פאך, און ער שפעקעלירט אז ס'איז פאראן א דימענד אין דעם פעלד, איז ריכטיג זיך צו דערלערנען די ליין. אבער אויב עפעס א גאול דארף שטיין פאר די אויגן, דארף די ענדע ציהל זיין בלויז איינע, און דאס איז:

"לייגן דאלער אויף דאלער". דאס איז דער סאמע יסוד היסודות וואס וועט דיך פירן אויף א ריכטיגן און געזונטן פינאנציעלן לעבנסשטייגער. וואס פריער אין לעבן דו האסט אנגעיאגט אפצושפארן ווי מער געלט, אלס א גרעסערע בסיס פאר סוקסעס האסטו פארגעברייט אויף דיינע שפעטערדיגע יארן. געלט ברענגט געלט. איינמאל דו האסט אוועקגעלייגט א גענונדיגע שיינע סומע, דאן וועט שוין אריינקומען די ברכה, ביי איינעם מער און ביי איינעם נאך מער. אבער אן קיין גרויס געלט אפגעשפארט קענסטו מאכן וויפיל ביזנעס און חובות די ווילסט, גיין צו וויפיל ביזנעס קאוטש פראפעסיאנאלן עס לאזט זיך, עס וועט כמעט אוממעגליך זיין מצליח צו זיין.

און וואס וועסטו טוהן איינמאל דו האסט א שיינע סומע געלט? דאס גיי איך דיר נישט זאגן. בלויז דו זעלבסט קענסט די בעסטע אויספיגערן וואס איז געאייגנט פאר דיר, אין דיין פאזיציע און מעגליכקייט אז דו זאלסט ווייטער שטייגן מיטן ציהל פון אוועקלייגן דאלער אויף דאלער. פאר מיר למשל, איז מיין אפגעשפארט געלט געווען א ישועה ווען איך האב בס"ד געקויפט א שיינע דירה, קענענדיג אראפלייגן א גרעסערע סומע און אזוי שפארן מארגעדזש צינזן. א צווייטער קען מעגליך האבן א בעסערע אפערטוניטי וואס ברענגט מער רוחים ווי די 4.5% פער יאר פון די מארגעדזש ראטע. אבער ס'גייט נאך טיפער. ווי פריער דו עררייכסט דיין ערשטע שטאפל גאול פון האבן א גרעסערע סומע, אלס מער שפארסטו דיך אין שווערע געלטער אויף די ווייטערדיגע יארן. צו ווייל דו קענסט פריער עררייכן אן אייגענע דירה און מער נישט ברויכן צאלן רענט. צו ווייל מיט א סומע געלט האסטו אויפגעבויעט פיל מער לעוורידש פאר א ריכטיגע דיסישען איבער סיי וועלכע קריטישע פינאנציעלע אפערטוניטי עס זאל נאר אונטערקומען.

מאנכע וועלן פרעגן א קלוגע פראגע, וואס וועל איך שוין האבן פון די קנאפע אויסגעהארעוועטע דאלאר וואס איך שפאר יעצט אפ דאס ביסן, עס איז ליבערשט גלייך אריינצושפרינגען אין עפענען אן אייגענע ביזנעס, אינוועסטירן ערגעץ א עיסקא אדער פאליסי, אדער זיך גיין לערנען א פאך וועלכע האט די פאטענציאל צו ברענגען א לאנג-טערמיניגע סטאבילע הכנסה?

דער תירוץ דערויף אינעם המשך בעז"ה.
.
זייער א גוטע פוינט וואס מען דארף אויסלערנען יונגעלייט גלייך ווען מען האט חתונה די זעלבע ווי מען לערנט שלום בית דארף מען לערנען פיינענס. געווענליך ווייסן נישט יונגעלייט נאך דע חתונה בעסיק כללים פון סעווינגס און מען כאפט זיך אן און דמיונות אז מען גייט ווערן א גרויסער עושר. אין דערנאך קומען אריין די חשובע גבאי צדקה און מען נעמט זיך אינטער כאילו מען איז די עושר. ר יו״ט זייער זייער וויכטיג.

אוועטאר
lebediger berel
שר שלשת אלפים
תגובות: 3576
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » מאנטאג מאי 06, 2019 1:48 pm

געריבענער סוחר האט געשריבן:
lebediger berel האט געשריבן:
ר' יום טוב האט געשריבן:און צום לעצט, די זעלבע איז נוגע ביים צאלן זיך לערנען א פאך. עס איז א מציאות אז רוב פון די וואס גייען צו די באצאלטע לעקציעס וואס לערנען אויס א פאך, האבן גארנישט דערפון. בלויז אויסגעפאטשקעט די קריטישע טויזנטער דאלער פארן דמיון אנצוקומען צו א פרעזשפולע פאזיציע. די געציילטע וועלכע זענען יא מצליח דערמיט, זענען אזעלכע וואס פארשטייען שוין גרונטליך די בעיסיק כללים ארום פון בעפאר, ווייסן קלאר וואס זיי צילן צו קענען אנקומען, האבן א קלארע פלאן פאר נעקסט סטעפ, און האבן א ידיעה וויאזוי די מארקעט דימענד דערפאר איז איינמאל מען האט זיך דאס שוין דערלערנט.

איך פארשטיי נישט וואס דו רופסט אן "באצאלטע לעקציעס וואס לערנען אויס א פאך"
א פאך לערנט מען זיך נישט פון קיין איינצעלנע לעקציעס, נאר פון געהעריג דורך לערנען דעם נושא בכל לב, און 99 פראצענט היימישע וואס טוען דאס זענען אויסער געווענליך מצליח.
איך פארשטיי נישט וואסערע בעיסיק כללים ארום פון בעפאר מען דארף קענען, דער עיקר איז מ'זאל וויסן וואסערע ליין מ'וויל אריין גיין און וויסן צו מ'האלט באמת דערביי. נעם למשל פראגרעמינג, אודאי דארף ער פארשטיין וואס מיינט צו זיין א פראגרעמער, זיצן אויפן קאמפיוטער שעות ארוכות און סאלוון פראבלעמען, און דארפן האבן א קלארע פלאן פאר די נעקסט סטעפ אז ער וויל אנפאנגען אלץ ארבעטער ביי א קאמפעני אלץ פראגרעמער, "די מארקעט דימענד דערפון", אודאי זאל קיינער זיך נישט גיין לערנען צו מאכן ניטינג אדער קאטינג, אבער סאיז דא גנוג און נאך פאכן וואס דער דימענד איז משוג'ע הויעך און אויף ענגליש זאגט מען די סקיי איז די לימיט.
מיט א ברכת הצלחה בכל אשר תפנו

בעסיק כללים מיינט ער צי זאגן אז דער אינגערמאן האט שוין געארבעט אין די פעלד אביסל, דאס טייטש א בעה''ב האט אים גענומען פאר זיין ערשטע דשאב אנע עקספיריענס, פאר קליינע וועידש, און די אינגערמאן זעהט אז אין די פעלד קען ער מצליח זיין, עס ציט אים, דעמאלטס אינוועסט ער אין א קורס, וואס דעמאלטס איז דא מער % ער זאל בלייבן אין די ליין, ווייל ער ווייסט שוין פון פאראויס אין וואס ער גייט אריין.

אגב, דעיס איז סתם א גוטע עדווייס פאר מען אינוועסט אין א קורס צי גיין ארבעטן פאר איינעם פאר א קליינע וועדש פאר א שטיק צייט. קען אויך זיין ער וועט באקומען גענוג עקספיריענס אז די קורס וועט שוין נישט אויספעלן.


ווענדט זיך וואס די קורס איז, קען זיין סאיז גוט ער זאל וויסן וואס ער גלייכט, אבער ער קען זיין א פראפעשאנעל פראגרעמער אדער א סיפיעי וכדו' אן געהעריג לערנען
איך זע איך רעד פון אנדערע סארט געלערנעכץ פון וואס איר רעדט דא
איך רעקאמענדיר "געהעריג לערנען" אזוי ווי תורה וואלט ווען באמת געדארפט זיין.
אז מ'לעבט דערלעבט מען

אוועטאר
lebediger berel
שר שלשת אלפים
תגובות: 3576
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » מאנטאג מאי 06, 2019 1:53 pm

דברים אלו האט געשריבן:אוועקלייגן דולר אויף דולר דארף מען נישט זיין קיין גרויסער חכם עס צו טוהן או ןיעדער קען עס טוהן איינער מער איינער ווייניגער ביז מען זאמלט אן א שיינע פאר 100 אלפים אבער עפענען א ביזנעס איז שוין די נעקסטע סטעפ צו ווערן א עושר בעז"ה

wow איך האף מיינסט נישט צו זאגן אז יעדער איינער קען זאמלען שיינע פאר הונדערט אלפים.
אז מ'לעבט דערלעבט מען

סלם
שר העשר
תגובות: 16
זיך איינגעשריבען אום: מיטוואך יולי 01, 2015 4:11 pm

תגובהדורך סלם » מאנטאג מאי 06, 2019 2:10 pm

lebediger berel האט געשריבן:
ר' יום טוב האט געשריבן:און צום לעצט, די זעלבע איז נוגע ביים צאלן זיך לערנען א פאך. עס איז א מציאות אז רוב פון די וואס גייען צו די באצאלטע לעקציעס וואס לערנען אויס א פאך, האבן גארנישט דערפון. בלויז אויסגעפאטשקעט די קריטישע טויזנטער דאלער פארן דמיון אנצוקומען צו א פרעזשפולע פאזיציע. די געציילטע וועלכע זענען יא מצליח דערמיט, זענען אזעלכע וואס פארשטייען שוין גרונטליך די בעיסיק כללים ארום פון בעפאר, ווייסן קלאר וואס זיי צילן צו קענען אנקומען, האבן א קלארע פלאן פאר נעקסט סטעפ, און האבן א ידיעה וויאזוי די מארקעט דימענד דערפאר איז איינמאל מען האט זיך דאס שוין דערלערנט.

איך פארשטיי נישט וואס דו רופסט אן "באצאלטע לעקציעס וואס לערנען אויס א פאך"
א פאך לערנט מען זיך נישט פון קיין איינצעלנע לעקציעס, נאר פון געהעריג דורך לערנען דעם נושא בכל לב, און 99 פראצענט היימישע וואס טוען דאס זענען אויסער געווענליך מצליח.
איך פארשטיי נישט וואסערע בעיסיק כללים ארום פון בעפאר מען דארף קענען, דער עיקר איז מ'זאל וויסן וואסערע ליין מ'וויל אריין גיין און וויסן צו מ'האלט באמת דערביי. נעם למשל פראגרעמינג, אודאי דארף ער פארשטיין וואס מיינט צו זיין א פראגרעמער, זיצן אויפן קאמפיוטער שעות ארוכות און סאלוון פראבלעמען, און דארפן האבן א קלארע פלאן פאר די נעקסט סטעפ אז ער וויל אנפאנגען אלץ ארבעטער ביי א קאמפעני אלץ פראגרעמער, "די מארקעט דימענד דערפון", אודאי זאל קיינער זיך נישט גיין לערנען צו מאכן ניטינג אדער קאטינג, אבער סאיז דא גנוג און נאך פאכן וואס דער דימענד איז משוג'ע הויעך און אויף ענגליש זאגט מען די סקיי איז די לימיט.
מיט א ברכת הצלחה בכל אשר תפנו

99% דיססעגרי. אפשר 50%. יונגעלייט האבן זיך גלערענט אקאינטינג אדער ספעשל עד זיך געלערנט א יאר צייט אדער מער יעדען טאג. און זיי קענען עס נישט איינקעשן.
און 99% פון א קנאפע 10% היימישע וואס זענען זיך געגאנגען לערנען כדבעי׳.

דברים אלו
שר האלף
תגובות: 1027
זיך איינגעשריבען אום: פרייטאג אוקטובער 16, 2015 2:30 pm

תגובהדורך דברים אלו » מאנטאג מאי 06, 2019 2:14 pm

lebediger berel האט געשריבן:
דברים אלו האט געשריבן:אוועקלייגן דולר אויף דולר דארף מען נישט זיין קיין גרויסער חכם עס צו טוהן או ןיעדער קען עס טוהן איינער מער איינער ווייניגער ביז מען זאמלט אן א שיינע פאר 100 אלפים אבער עפענען א ביזנעס איז שוין די נעקסטע סטעפ צו ווערן א עושר בעז"ה

wow איך האף מיינסט נישט צו זאגן אז יעדער איינער קען זאמלען שיינע פאר הונדערט אלפים.

סאיז שווער אבער מען קען און די ערשטע 10 יאר פון די חתונה קארגן און אויסציען יעדן דולר מיט א רשעות און מיטן טעקס ריטורן קומט מען אן צו הערליכע סכומים

YellowPages
אנשי שלומינו
תגובות: 7
זיך איינגעשריבען אום: מיטוואך יוני 15, 2016 2:31 pm

תגובהדורך YellowPages » מאנטאג מאי 06, 2019 2:35 pm

דברים אלו האט געשריבן:
lebediger berel האט געשריבן:
דברים אלו האט געשריבן:אוועקלייגן דולר אויף דולר דארף מען נישט זיין קיין גרויסער חכם עס צו טוהן או ןיעדער קען עס טוהן איינער מער איינער ווייניגער ביז מען זאמלט אן א שיינע פאר 100 אלפים אבער עפענען א ביזנעס איז שוין די נעקסטע סטעפ צו ווערן א עושר בעז"ה

wow איך האף מיינסט נישט צו זאגן אז יעדער איינער קען זאמלען שיינע פאר הונדערט אלפים.

סאיז שווער אבער מען קען און די ערשטע 10 יאר פון די חתונה קארגן און אויסציען יעדן דולר מיט א רשעות און מיטן טעקס ריטורן קומט מען אן צו הערליכע סכומים

איך האב הנאה די נוצט די ווארט 'רשעות'...
ווייל ס'זייער שווער יעדע מאל מ'דארף א שטיקל סטעיק, צו נעמען די געלט אין אריינלייגן אין די אנדערע טאש אלץ זה חליפתי אין קויפן אנשטאט דעם א בארעם מיט מעש פאטעטע אין זיך איינחזר'ן א גאנצן צייט הרינו אוכל באדעם זו לשם מצות סעיווינג...
אפילו די אינגעלייט וואס נוצן יא זייער שכל אין סעיוון דאללער נאך דאללער קומען קוים ארויס מיט דאון פעימענט

אוועטאר
lebediger berel
שר שלשת אלפים
תגובות: 3576
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » מאנטאג מאי 06, 2019 4:04 pm

סלם האט געשריבן:
lebediger berel האט געשריבן:
ר' יום טוב האט געשריבן:און צום לעצט, די זעלבע איז נוגע ביים צאלן זיך לערנען א פאך. עס איז א מציאות אז רוב פון די וואס גייען צו די באצאלטע לעקציעס וואס לערנען אויס א פאך, האבן גארנישט דערפון. בלויז אויסגעפאטשקעט די קריטישע טויזנטער דאלער פארן דמיון אנצוקומען צו א פרעזשפולע פאזיציע. די געציילטע וועלכע זענען יא מצליח דערמיט, זענען אזעלכע וואס פארשטייען שוין גרונטליך די בעיסיק כללים ארום פון בעפאר, ווייסן קלאר וואס זיי צילן צו קענען אנקומען, האבן א קלארע פלאן פאר נעקסט סטעפ, און האבן א ידיעה וויאזוי די מארקעט דימענד דערפאר איז איינמאל מען האט זיך דאס שוין דערלערנט.

איך פארשטיי נישט וואס דו רופסט אן "באצאלטע לעקציעס וואס לערנען אויס א פאך"
א פאך לערנט מען זיך נישט פון קיין איינצעלנע לעקציעס, נאר פון געהעריג דורך לערנען דעם נושא בכל לב, און 99 פראצענט היימישע וואס טוען דאס זענען אויסער געווענליך מצליח.
איך פארשטיי נישט וואסערע בעיסיק כללים ארום פון בעפאר מען דארף קענען, דער עיקר איז מ'זאל וויסן וואסערע ליין מ'וויל אריין גיין און וויסן צו מ'האלט באמת דערביי. נעם למשל פראגרעמינג, אודאי דארף ער פארשטיין וואס מיינט צו זיין א פראגרעמער, זיצן אויפן קאמפיוטער שעות ארוכות און סאלוון פראבלעמען, און דארפן האבן א קלארע פלאן פאר די נעקסט סטעפ אז ער וויל אנפאנגען אלץ ארבעטער ביי א קאמפעני אלץ פראגרעמער, "די מארקעט דימענד דערפון", אודאי זאל קיינער זיך נישט גיין לערנען צו מאכן ניטינג אדער קאטינג, אבער סאיז דא גנוג און נאך פאכן וואס דער דימענד איז משוג'ע הויעך און אויף ענגליש זאגט מען די סקיי איז די לימיט.
מיט א ברכת הצלחה בכל אשר תפנו

99% דיססעגרי. אפשר 50%. יונגעלייט האבן זיך גלערענט אקאינטינג אדער ספעשל עד זיך געלערנט א יאר צייט אדער מער יעדען טאג. און זיי קענען עס נישט איינקעשן.
און 99% פון א קנאפע 10% היימישע וואס זענען זיך געגאנגען לערנען כדבעי׳.

עפעס שטימט נישט מיט דיין לשון
אויף ספעשל עד קען איך דיר נישט ענטפערן אפשר איז נישטא קיין געהעריגע פארלאנג דערפאר, און כ'האב עס נישט קאנסידערט ווען כ'האב געשריבן, אדער צאלט מען נישט דערפאר (שווער צו גלייבן)
אבער אויף אקאונטינג אויב טוט מען עס געהעריג, און מגעבט זיך אוועק פולי דערפאר מיט פולע סופארט פון ארומיגע, און מ'טוט עס גענוג אינג ווען מ'דארף נישט מאכן נאך אסאך געלט גראד ביים לערנען צו קענען שפייזן א גרויס געזינדל, איז עס 99.99 פראצענט גאראנטירט פאר א פרנסה קלה ונקי' עס א מינימום אויב מ'לערנט פול סיפיעי, און מ'האלט ביים ווערן אן אקאונטענט, כ'האב עטליכע באקאנטע אין דעם פעלד גדלו והצליחו וגם עשו פרי.
אז מ'לעבט דערלעבט מען

אוועטאר
lebediger berel
שר שלשת אלפים
תגובות: 3576
זיך איינגעשריבען אום: דינסטאג יוני 17, 2008 11:17 am

כ'האב אפגעשעטעלט היינט צופרי ביי שחרית

תגובהדורך lebediger berel » דינסטאג מאי 07, 2019 9:47 am

א באקאנטער אינגערמאן דא אין בארא פארק וואס טוט זייער אסאך אין ספעשל עד און איז גאר שטארק מצליח, כ'האב אים געזאגט קלאר, אז מ'האט געלייגט אויפן אינטערנעט אז 50 פראצענט וואס לערנען זיך זענען נישט מצליח וואס דער פשט וכו'
קודם האט ער גאר שטארק קריטיקירט דעם נאמבער ער זאגט אז סאיז געווען א לאנגע תקופה וואס ער האט געשטופט אינגעלייט צו נעמען א בעשלאר אין ספעשל עד (וואטעווער דעס מיינט) און ער האט געקענט כמעט יעדן אינגערמאן פון בארא פארק וואס האט זיך דעמאלטס געלערנט און "אלע" וואס ער האט מיטגעהאלטן זענען לויט אים געווארן שטארקע בעלי פרנסה, אבער דאס איז נאר אין א געוויסע תקופה, ער האלט נישט אלעס מיט דעי טו דעי. אבער ער טענה'ט אז 50 פראצענט איז ממש אוממעגליך לויט זיינע ידיעות אין דעם פעלד און סשטימט נישט אויב יא, קען לכל היותר זיין צען צוואנציג פראצענט וכדו'
ער טענה'ט אבער אז אויב איז עס אמת אז א געוויסע פראצענט איז נישט מצליח איז עס בעיקר צוליב די סיבות וואס כ'האב אויסגערעכנט, אינטערעסאנט אז ער האט געזאגט מיינע סיבות אן דעם וואס כ'האב עס פארגעשלאגן (אפשר ליינט ער דא? כ'האף אז נישט ווייל איך ציטער פון גילוי) איך שרייב איבער די סיבות און יעדע איינס איז כדאי לעצמו, און דער עיקר די תקופה פון אנפאנג. דאס ארבעט אז מ'הייבט און פרי אין לעבן ווען מ'קען תיכף פארדינען געלט און נישט דארפן צוקומען צו פעטער שמואל, און שטייגן מיט אינקאם און מיט ראנג צוזאמען מיט די שטייגונג פון פאמיליע און הוצאות.
דא זענען נאכאמאל מיינע פונקטן פון אויבן:
אך א גרויסע פראבלעם איז ווען מ'הייבט אן צו לערנען צו שפעט, ווען מ'האט שוין ריזיגע הוצאות מיט שיעבודים. און אסאך מאל דארף עס זיין אונטערן רוקן פון שווער שוויגער טאטע מאמע און צומאל ל"ע אויך ווייב
דעאמאלטס איז (בדרך כלל) א רעסעפי פון דיזעסטער ולא זה ולא זה נתקיימו בידם
ס'דארף זיין (לכתחלה)
1. גענוג פרי אין לעבן
2. מיט די פולע הסכמה פון בני בית וכדו'
3. א זאך וואס דו האסט ליב און האלטסט דערביי.
4. נאך א תפלה צום בוכ"ע - צדקה - ברכה פון א ערליכן איד.
אז מ'לעבט דערלעבט מען

אוועטאר
בערל קראקאווער
שר האלף
תגובות: 1063
זיך איינגעשריבען אום: דינסטאג מאי 17, 2016 1:18 pm
לאקאציע: בעקבתא דמשיחא

תגובהדורך בערל קראקאווער » דינסטאג מאי 07, 2019 11:12 am

הער ׳לעבעדיגער בערל׳ לאויט״א

איך זעה איר חזר׳ט איבער אייער דעה איינמאל און נאכאמאל אזוי שיין מסודר אין 5 פונקטן, מוז איך אייך זאגן אייערע אויערן זאלן ליינען וואס אייער פינגער האבן געשריבן, און זיך נאכפרעגן ביי אונזער היימישע עולם יונגעלייט וואס וואקסן אויף אין ישיבה, און דערנאך גייט מען אביסל און כולל וויפיל ס׳איז שייך, - איז די מציאות אז מען גייט ארבייטן ווען די בני בית איז שוין מיטן בליק אויף ארויס פון איר ארבעט, - [צו דאס איז די ריכטיגע מהלך, קען מען עפענען א צאל באזונדערע געהענגלען און זיך ארום טענה׳ן, אבער דאס איז די מהלך ביי עמך יונגעלייט] - און ביים יונגערמאן הייבט שוין אן ברענען די הויט, דרוקן די הויזן, און שמאל ווערן אין קאפ, און מען ברויך זיך אנהייבן זעהן מיט א שטיקל אינקאם, וואס דאן קען מען זיך נישט אריינזעצן א גאנצן טאג אין א קאלעדזש שטודירן אפילו א זאך וואס מען האט ליב און מען האט א געפיל דערצו.

וואס יא, נעמט מען א קורס ביינאכט / זונטאג וכדומה, מען צאלט אסאך געלט, און - לפי ידיעתי פון מיינע ארומיגע - איז דא פיל מער ווי 10 / 20 פראצענט וואס זענען אריין אין געוויסע זאכן וואס זיי האבן ליב געהאט, אבער די געברויך פאר מער געלט קומט אן אסאך שנעלער ווי די רייכע עקספערטיז אין דעם פאך, האבן זיי זיך געמוזט ברעכן און אנעמען מכל הבא ליד, למשל א געלערנטער אקאונטענט האט געמוזט גיין טוהן קאר סערוויס.

סך הכל ביי אונזער עולם איז נישט דא די צייט זיך צו לערנען און זיך ארויפארבעטן, וואס יא, דער אייבערשטער העלפט מען טרעפט זיך אונטער א גוטע בעה״ב וואס האט געדולד דיר צו זעהן שטייגן, און צוביסלעך זעהט דער בעה״ב און ארבייטער פירות, בשעת מען צאלט אים גלייך פון אנהייב.

א יונגערמאן וואס האט נאך די צייט און רואיגקייט זיך צו גיין לערנען און רואיג אויסווארטן ביז איינער וועט אים כאפן, כל הכבוד, אבער איינער וואס נישט, ברויך זוכן גלייך זיך אריינצולייגן און טוהן עפעס וואס איז פאר זיין תכונת הנפש, ווי די חובת הלבבות צונעמט עס אין שער הבטחון, דהיינו א פיזישע אדער נישט, און פרובירן וואס ער קען און בע״ה וועט ער דארט שטייגן מיט זיין עקספיריענס מיט זיין געהאלט אינאיינעם.

הצלחה וברכה בכל אשר תפנו תשכילו ותצליחו.

אסיים בברכה פון בית אברהם פון סלאנים וועמענ׳ס יארצייט איז נעכטן - א׳ אייר - געווען, האט ער געזאגט וואס טייטשט ׳למלאות פגימת הלבנה׳: א קלארע מח, א ריינע הארץ, און א פילע קעשענע!
א הארציגע ברכה אויף אסאך הצלחה ברוחניות ובגשמיות.
ראש הקהל
הויפט געווינער - שרייבעריי פארמעסט תשע''ז
בקראקא אין אומרים ׳תתננו׳ ובאונגארן אין אומרים ׳הבינינו׳

אוועטאר
היימישער הייקער
שר חמש מאות
תגובות: 614
זיך איינגעשריבען אום: דינסטאג ינואר 08, 2019 5:07 pm

תגובהדורך היימישער הייקער » דינסטאג מאי 07, 2019 1:30 pm

שכח יו"ט! א גאר וויכטיגע נושא.

אן אמת'ן געדאנק געהערט פון הרב אבא חייא טויבער שליט"א.
די הילוך המחשבה ביי אסאך מענטשן איז אז נאר די געלט וואס איך האב נישט, איז פאר מיר אינטערסאנט און איך וועל אריין ארבעטן עס צו באקומען.
די געלט וואס איך האב שוין קען איך גערן ספענדען ווייל איך באקום דאך די ווערט דערפון. קומט אויס אז א מענטש וועט קיינמאל נישט זיין רואיג ווייל ער איז נאר פארנומען נאכלויפן די געלט וואס ער האט נישט.
לעצט פאראכטן דורך היימישער הייקער אום דינסטאג מאי 07, 2019 1:37 pm, מאל פאראכטן געווארן 1 סך הכל.
איך האב שוין באגעגענט הערשן, בערן, פוקסן, שלענג און הערשן. קען זיך א קיאוטי אפשר מרחם זיין? איך ווייס עטס זענטס דא...
Views expressed here are solely my own and do not express the views or opinions of any organization


צוריק צו “ולאחיו יאמר חזק”

ווער איז אונליין

באנוצערס וואס דרייען זיך דא: טשעירמאן, קרייסלער און 6 געסט