זענען די בלאגס (היינטיגע משכילים) א סכנה פאר כלל ישראל?

געשמאקע ארטיקלן און בילדער וכדו'

די אחראים: אחראי, געלעגער

אוועטאר
אנעים זמירות
שר שלשת אלפים
תגובות: 3812
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

זענען די בלאגס (היינטיגע משכילים) א סכנה פאר כלל ישראל?

תגובהדורך אנעים זמירות » דינסטאג אוקטובער 30, 2012 5:26 pm

עטליכע וואכען צוריק בין איך געזעסן אין מיין געשעפט שפעט ביינאכט (ליתר פרטים קוק סוף פון דעם ארטיקעל), ווען עס איז צו מיר אריינגעקומען מיינס א קרוב, אן אמעריקאנער בחור, וואס איז פונקט דא געוועהן אויף א באזוך און האט מחליט געוועןן אפצושטייגען ביי מיר אין געשעפטל. ער איז גראדע א 'working boy', נאר פון אויבן אויף זעהט ער אויס צו זיין רעלאטיוו ערליך (עכ"פ שומר שבת, כשרות, נגיעה וכו').

שמועסענדיג מיט איהם האט ער מיר פארציילט ווי עס מאכט זיך כסדר פרייטאג צונאכטס נאכען טיש פון זיין רבי, גייט ער צוזאמען מיט עטליכע חברים אחים לדעה צו א bar ערגעץ-וואו ארויס פונעם געגענט, און זיי פארברענגען דארט א גאנצע נאכט. רח"ל. יענער האט זיך נאך פראבירט צו פארענטפערן אז קיין דאורייתא'ס איז ער זיכער נישט עובר, אפשר אמאל א דרבנן אבער דאס אויך לאו דוקא, ווייל ער אליין טראגט נישט דער געלט (עכ"פ אזוי טענה'ט ער), און דער אונטער-ערדישע באן פארט דאך ממילא א.א.וו. דברי הבל ורעות רוח.

איך האב איהם נישט געלאזט אויסרעדן נאר געזאגט ער זאל מיר ביטע נישט האקען אין קאפ מיט זיינע נארישע תירוצים. ער ווייסט גאנץ גוט אז וואס ער טוט איז כנגד דעם רצון ה' און עס איז בכלל נישט אינטרעסאנט פונטקלעך וויפיהל דאורייתא'ס און דרבנן'ס ער איז יא אדער נישט עובר. ער טוט פארקערט פון וואס דער אויבעשטער וויל און דאס איז שוין גענוג. ער האט אבער צוריקגע'טענה'ט אז אויב עס זענען פארהאנען loopholes אין הלכה קען מען זיי אויסנוצען, און ער האט פראבירט ווייטער מפלפל זיין און אויפווייזען אז ער טוט אלעס בהיתר, און אז מען קען זיין אן אויסגעהאלטענע יוד טראץ דעם אלעם.

"הער אויס," האב איך איהם איבערגעהאקט, "ראשית כל בין איך ב"ה פיהל מער ת"ח ווי דיר און איך קען דיר גרינגערהייט אויפווייזען בהלכה ובאגדה ווי דו טוסט נישט גוט, אבער עס איז א שאד אויף מיין און דיין צייט ווייל מיר ביידע ווייסען וויאזוי ערליכע יודען זעהן אויס. אויב וואלטען מיר געשטאמט פון גרים וואלט אפשר געוועהן שייך צו קלערן וואס מען מוז אלעס טוהן בכדי צו זיין אויסגעהאלטען כלפי שמיא, נאר היות מיר קומען ביידע פון ערליכע יודען, און מיר האבען ביידע געזעהן צדיקי אמת איז א שאד דאס גערעדעכץ."

"מיינסט איך בין עפעס דער איינציגסטע?" פראבירט ער זיך צו פארטיידיגען. "עס זענען דא צענדליגע יונגעלייט מיט ווייסע זאקען וואס זענען ווי מיר אדער ערגער און זיי הייסען ערליכע יודען. אזוי איז עס היינטיגע צייטען, מען דארף שפילען דעם שפיל, בלאפען פארן טאטע און שווער, און מען בלייבט א חלק פון דעם קלוב. אלעס איז איין גרויסע בלאף, אנגעהויבען ביי די רבנים..."

איך האב מיר אפגעשטעלט ביי זיינע רייד און גענומען טראכטען. איז דאס טאקע ריכטיג אז גאנצע חלקים פון 'היימישע יודען' זענען ליידער מחללי שבתים ואוכלי נבילות? וואס וועט זיין מיט זייערע קינדער און אייניקלעך, זיי וועלן דאך אויך אזוי שפילען דעם שפיל. הייסט דאס אז אויב חלילה משיח קומט נישט ביז א פאר יאר איז אויס מיטען כלל ישראל? און וואס איז מכח אלע טענות קעגן דעם סיסטעם און די רבנים, זענע דען נישט דא קיין ריכטיגע טענות? אויב אזוי דארף מען טאקע פארשרייען יעדער וואס האט טענות און שטעלט זיך ארויס קעגן סיסטעם, אדער אפשר איז טאקע ריכטיג מען זאל איינמאל פאר אלעמאל זיך אויפשטעלן און זאגען פאר די רע-בנים וואס מיר האלטען פון זיי?

אלץ והייתם נקיים מה' ומישראל וויל איך מקדים זיין אז איך האב נישט באמת די פראגעס, ווייל איך האב שוין בעזה"י פון לאנג אויסגעארבעט א מהלך דערין, נאר איך האב געוואלט ארויסברענגען אויפען שפיץ גאפל וואס אנדערע זאגען, ובאמת וואס איך האב געשטעלט אלץ פראגעס שרייבען אנדערע אלץ פאקטען און הוראות אויף אלערליי בלאגס, קאווע שטיבלעך און שבת בלעטלעך למיניהם וואס (כמעט) כל באיהם לא ישובו (מיין קרוב האט מיר טאקע געזאגט אז ער ער דרייט זיך בקביעות אויף איינער פון די דערמאנטע מקומות).

איך האב שוין פון לאנג געוואלט אפשרייבען אן ארטיקעל אין די ענינים נאר איך האב מיר געפוילט, אבער יעצט האב איך געקלערט צו נעמען די מיה און דאס קלאר ארויסברענגע, מיט עטליכע קעפלעך און פראגעס:

זענען די בלאגס א סכנה פאר כלל ישראל? איז דער קאמף קעגן זיי א פארלוירענע? זענען די 'היימישע' מחללי שבתים א געפאר צום כלל ישראל? זענען זיי גערעכט מיט זייערע טענות? איז דער עתיד פון יודענטום דאס וואס רופט זיך 'חרדי לייט'?

די אלע בלאגס, משכילים, חרדי-לייט און היימישע פושעים קען מען אלע באטיטלען מיט איין כלליות'דיגע טיטעל: אויבער חכמים. זיי מיינען אז זיי זענען קלוגער פון אלע ערליכע יודען, סיי היינטיגע און סיי פריערדיגע, און טייל פיהלען נאך פאר א פליכט 'מחנך' צו זיין כלל ישראל.

ובכן, דער וואס קען אפילו א קליין ביסעל היסטאריע ווייסט אז עס זענען שוין געוועהן אין כלל ישראל צענדליגע אויבער חכמים וואס האבען פראבירט מאכען נייע וועגן און גיין פארקערט פונעם סיסטעם. נאך בימי בית שני זענען געוועהן די צדוקים וביתוסים וואס האבען געהאט זייערע אייגענעם דרך, אנדערש ווי חז"ל. סוף בית שני זענען געוועהן די קריסטען וואס האבען גע'טענה'ט אז זייערע וועג איז גאר דעם ריכטיגע. ומאז ועד עתה זענען אלעמאל געוועהן אויבער חכמים וואס האבען געוואלט 'מחנך' זיין דעם כלל ישראל.

טייל פון די גרופעס זענעם אפילו געוועהן גאר גרויס און מאכטפול בשעתם, און האבען אריינגעשלעפט גרויסע טיילען פונעם כלל ישראל. די צדוקים האבען געהאט א שטארקען מאכט בזמן הבית, און האבען טיילמאל אפילו מצליח געוועהן אריינצושטעלן זייערע מענטשען אין די העכסטע אנשטאלטען. עס זענען געוועהן צדוקים ובתוסים וואס האבען אמטירט אלץ כהנים גדולים וראשי סנהדראות! לא'מיר אבער קוקען היינט, וואס איז פון זיי געבליבען? גארנישט מיט גארנישט!

פון אלעס וואס זיי האבען געשאפט און געטוהן איז נישט געבליבען קיין זכר (אויסער א גוטען טשולענט להוציא מלבן של צדוקים...), און פון די חכמים איז געבליבען א כלל ישראל. וועט דאך דער משכיל טענה'ן אז עס טויג גארנישט אזא כלל ישראל - זאל זיין! זאל ער רעדן און טענה'ן וויפיהל ער וויל אבער א כלל ישראל וועט בלייבען.

די היינטיגע בלאגערס (רובם) און אפיקורסים מיינען אז זיי האבען אנטדעקט אמעריקע מיט זייערע טענות און ליצנות. עס הייבט זיך נישט אהן! זיי טוהן נישט מער ווי איבערקייען די זעלבע אלטע נארישקייטען פון די משכילים, צדוקים, נוצרים, קראים וכו' וכו' אין אלע דורות. און דאס זעלבע וואס האט באטראפען די פריערדיגע כתות וועט זיי אויך באטרעפען. דער יונגערמאן וואס זיצט ביים טיש מיט די ווייסע זאקען און סעלפון אין קעשענע מיינט אז ער האט יעדן אפגענארט. אה"נ ער האט אפשר אפגענארט זיין טאטע, זיידע, שווער, חבר, רבי, און אפילו ווייב און קינדער, אבער דעם אויבעשטער האט ער נישט אפגענארט!

אויב איז ער א שורש פורה ראש ולענה וועט זיין אייניקעל (אדער אור אייניקעל) שוין נישט זיין קיין חלק פון כלל ישראל. א פארדארבענע צווייג קען נישט וואקסען און ארויסגעבן פירות. דער יונגערמאן וואס דרייט זיך אויף די בלאגס למיניהם און רעדט זיך איין אז ער קוקט אהן דעם כלל ישראל פון אויבן אראפ זאל וויסען אז פון די פאנאטישע יודעלעך וועט ארויסקומען יודישע דורות און פון איהם חלילה נישט. מען מוז נישט צוריק גיין אזוי ווייט ווי די צדוקים, אפילו אין די לעצטע הונדערט יאר, די וועלכע האבען געליינט ביכער און געהאט טריפה'נע מחשבות האבען נישט איבעגעלאזט קיין יודישע דורות. דער זיידע איז נאך געוועהן א 'היימישע' און זיך געדרייט צווישען יודען, אבער דער אייניקעל, זאגאר אויב ער איז נאך בכלל א יוד, איז ער אפגעפארען אינגאנצען און שוין נישט קיין חלק פונעם כלל.

[איך האב בכונה ארויסגעשריבען אפיקורסות-פארומס ווייל איך ווייס אז עס זענען דא פיהל וואס דרייען זיך סיי דא און סיי אין אזעלכע מקומות, און זיי מיינען אז זיי זענען 'אימיון' צו די ליצנות און כפירה וואס ווערט דארט געשריבען. זיי געדענקען אבער נישט די רייד פון חז"ל - וואס זענען דעם אבסאלוטען אמת - שאני מינות דמשכי. ווען מען זאפט זיך אהן מיט ליצנות אויפען תוה"ק און כפירה דרינגט עס אריין כארס של עכנאי און איידער מען כאפט זיך איז מען שוין ליידער פאר'סמ'ט. ער טוט נישט אפ קיינער אויסער זיך אליין, שחת לא לו בניו מומם.]

איז צוריק צו אונזערע פראגעס: זענען די בלאגס א סכנה פארן כלל ישראל?
ניין! זיי זענען א סכנה פאר יודען אבער נישט פארן כלל ישראל! זיי זענען א שרעקליכען געפאר פאר יעדער יוד וואס גייט אויף זיי אבער דעם כלל ישראל אליין קענען זיי נישט טשעפען. עס וועט זיי אפשר געלונגען אראפצורייסען פיהל צווייגען פונעם בוים אבער דער שטאם וועט שטיין פעסט און דער מינדעסטע פארדארבונג וועט זיך נישט דארטען קענען אריינכאפען. אזוי איז געוועהן און אזוי וועט זיין. די סכנה און ספק איז נאר אויף יעדען יחיד, צי וועט ער בלייבען באהאפטען צום עץ החיים אדער ח"ו נישט.

דער עתיד פון יודענטום איז פונקט ווי דער עבר. מיר האפען אז משיח וועט קומען בקרוב ממש, אחכה לו בכל יום שיבא. אבער זאגאר ווען חלילה די גלות וועט זיך נאך ציהן צוויי-דריי הונדערט יאר וועט דער כלל ישראל גארנישט אויסזעהן אנדערש פון יעצט. די ערליכע יודען אין דריי הונדערט יאר פון יעצט וועלן גיין מיט שווארצע הוטען און לאנגע רעקלעך, און די פרויען וועלן גיין צניעות'דיג געקליידעט. פון חרדי-לייט וועט בלייבען גוי-פול!


וואס דארף זיין מיין בליק אויף די וואס האקען קעגן רבנים אדער דעם סיסטעם?

אלץ קינד אין חדר ווען מיר האבען זיך אנגעשטויסען אין דער ווארט 'צדוקים' האט דער רבי מסביר געוועהן אז זיי זענען געוועהן אזוינע וואס האבען נאר געגלייבט אינעם תורה שבכתב אבער נישט אינעם תושבע"פ. דער רמב"ם אין פיה"מ אבות (א' ג') ערקלערט אז אין אמת'ן אריין האבען די צדוקים געגלייבט אין גארנישט, נאר זיי האבען מורא געהאט צו פארציילען אז זיי גלייבען נישט אינעם אויבעשטער אדער אין די תורה (ווייל בימים ההם וואלט מען אזא איינעם גע'הרג'עט), האבען זיי דאס אנגעהאנגען כאילו די תורה אליין איז גוט נאר די 'רבנים' מיט זייערע פשטים און איסורים האבען עס פארדרייט.

רבותי, נקוט האי כללא בידך, דער וואס איז פארנומען אפצושפעטען פון די רבנים און זייערע איסורים איז דאס א סימן מובהק אז באמת וואלט ער געוואלט גענצליך זיין פורק עול מלכות שמים, נאר ער האט מורא (צוליב סאציאלע דרוק) דאס ארויסצוזאגען בפירוש. אין הארצען האט ער אבער אינגאנצען אראפגעווארפען פון זיך דעם עול התורה והמצוות.

הגם עס זענען דא פעלער פון לעגיטימע טענות כלפי רבנים און דעם 'סיסטעם', און מען קען נישט אפסטעמפלען יעדע וואס האט א קלאגע אלץ אפיקורוס, אבער די וואס זענען שטענדיג פארנומען דערמיט, ובפרט די וואס לאכען אפ פון די איסורים זענען אלע אין דעם כלל. (יעדע כלל האט א יוצא מן הכלל, אבער עס איז טאקע דאס - א יוצא מן הכלל.)

איך ווייס עס וועלן זיין חולקים אויף מיין באהויפטונג, אבער דאך בין איך גערעכט (לענ"ד).

זאל דער אויבעשטער העלפען משיח זאל שוין קומען צו ראטעווען דעם שארית הפליטה און עס זאל מקוים ווערן דעם כי לא תשכח מפי זרעו.


נ.ב. מיט דעם אשכול טוה איך אביסעל אריינדרינגען אין ר' שאץ מאץ'ס געביט און איך האף עס איז נישט קיין שאלה פון השגת גבול. איך האב געזעהן אז מיט זאלץוואסער קען איך מיר נישט פארמעסטען פראביר איך מיט א צווייטע...
צוגעלייגטע
היינטיגע משכילים.pdf
(209.03 KiB) דאונלאודעד 461 מאל
לעצט פאראכטן דורך אנעים זמירות אום מיטוואך אוקטובער 31, 2012 10:23 am, פאראכטן געווארן 4 מאל סך הכל.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
שמן למאור
שר האלף
תגובות: 1710
זיך איינגעשריבען אום: פרייטאג יוני 17, 2011 3:00 pm

תגובהדורך שמן למאור » דינסטאג אוקטובער 30, 2012 5:32 pm

ר' אנעים, שוין לאנג געווארט אויף אזא ארטיקל דא אין קרעטשמע. מ'ברויך רעדן און רעדן דערפון פאר עס איז צו שפעט.
יישר כח

אוועטאר
ירוחם
שר האלפיים
תגובות: 2257
זיך איינגעשריבען אום: זונטאג אפריל 08, 2012 11:37 pm

תגובהדורך ירוחם » דינסטאג אוקטובער 30, 2012 5:41 pm

א"כ איז אינטערנעט בכלליות נישט קיין סכנה פאר כלל ישראל נאר פאר יודען. ודו"ק.
ביטע האלטן די פראפאגאנדע צו א מינימום, אויב מעגליך. ~ שלמה הילדעסהיימער

אוועטאר
כבושה בגולה
שר העשר
תגובות: 45
זיך איינגעשריבען אום: זונטאג אוקטובער 28, 2012 1:20 pm

תגובהדורך כבושה בגולה » דינסטאג אוקטובער 30, 2012 5:46 pm

ירוחם האט געשריבן:א"כ איז אינטערנעט בכלליות נישט קיין סכנה פאר כלל ישראל נאר פאר יודען. ודו"ק.


למעשה ביסטו דאך א איד, אניין?

אנעים זמירות ריכטיג געזאגט.
כאטש כאטש כאטש כבושה בגולה,
דאך דאך דאך לומדת יראתך.

אוועטאר
ירוחם
שר האלפיים
תגובות: 2257
זיך איינגעשריבען אום: זונטאג אפריל 08, 2012 11:37 pm

תגובהדורך ירוחם » דינסטאג אוקטובער 30, 2012 5:49 pm

כבושה בגולה האט געשריבן:
ירוחם האט געשריבן:א"כ איז אינטערנעט בכלליות נישט קיין סכנה פאר כלל ישראל נאר פאר יודען. ודו"ק.


למעשה ביסטו דאך א איד, אניין?

אמת, און דערפאר נוצט מען טאקע מיט א כשר'ע פילטער. אבער לויט אנעים'ס חשבון זענען די לאזונגען אז אינטערנעט איז א "סכנת הדורות" אדער א סכנה פאר כלל ישראל נישט ריכטיג.
ביטע האלטן די פראפאגאנדע צו א מינימום, אויב מעגליך. ~ שלמה הילדעסהיימער

אוועטאר
לכתחילה אריבער
שר עשרת אלפים
תגובות: 19987
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » דינסטאג אוקטובער 30, 2012 6:07 pm

אווי געווענדליך זייער שיין און גוט ארויס געברענגט!
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
אנעים זמירות
שר שלשת אלפים
תגובות: 3812
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אוקטובער 30, 2012 6:10 pm

ירוחם האט געשריבן:
כבושה בגולה האט געשריבן:
ירוחם האט געשריבן:א"כ איז אינטערנעט בכלליות נישט קיין סכנה פאר כלל ישראל נאר פאר יודען. ודו"ק.


למעשה ביסטו דאך א איד, אניין?

אמת, און דערפאר נוצט מען טאקע מיט א כשר'ע פילטער. אבער לויט אנעים'ס חשבון זענען די לאזונגען אז אינטערנעט איז א "סכנת הדורות" אדער א סכנה פאר כלל ישראל נישט ריכטיג.


אודאי איז עס א סכנת הדורות - פאר דיינע (און מיינע) דורות. עס איז נישט קיין סכנה פאר כלל ישראל as a whole נאר פאר יעדן יחיד ויחיד. דער שטאם וועט בלייבען נאר יעדע צווייג איז אין געפאר נישט צו ווערן אראפגעריסען.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
ירוחם
שר האלפיים
תגובות: 2257
זיך איינגעשריבען אום: זונטאג אפריל 08, 2012 11:37 pm

תגובהדורך ירוחם » דינסטאג אוקטובער 30, 2012 6:13 pm

נו, און אז טויזענטע צווייגעלעך רייסן זיך אפ רח"ל פון שטאם און ס'בלייבן איבער הונדערטע (אזוי ווי השכלה און רעפארם האט טאקע געטון אז מער אידן האבן דעמאלט פארלאזט אידישיקייט פון וויפיל ס'געבליבן) איז עס נישט קיין סכנה פארן בוים (כלל ישראל)? אודאי וועט די בוים אייביג בלייבן, כי לא תשכח מפי זרעו. אבער אינו דומה א ריזן בוים מיט מיליאנע צווייגעלעך, צו א קליינטשיגע ביימל.
ביטע האלטן די פראפאגאנדע צו א מינימום, אויב מעגליך. ~ שלמה הילדעסהיימער

אוועטאר
אנעים זמירות
שר שלשת אלפים
תגובות: 3812
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אוקטובער 30, 2012 6:30 pm

ירוחם האט געשריבן:נו, און אז טויזענטע צווייגעלעך רייסן זיך אפ רח"ל פון שטאם און ס'בלייבן איבער הונדערטע (אזוי ווי השכלה און רעפארם האט טאקע געטון אז מער אידן האבן דעמאלט פארלאזט אידישיקייט פון וויפיל ס'געבליבן) איז עס נישט קיין סכנה פארן בוים (כלל ישראל)? אודאי וועט די בוים אייביג בלייבן, כי לא תשכח מפי זרעו. אבער אינו דומה א ריזן בוים מיט מיליאנע צווייגעלעך, צו א קליינטשיגע ביימל.


איך מיין אז מר אמר חדא ומר אמר חדא ולא פליגא.

מיר ערליכע יודען פאר זיך דארפען וויסען אז עס דראעט א סכנה, ווי צו זאגען אויף 'כלל ישראל', ווייל יעדע צווייגל איז א חלק פון כלל ישראל, נאר כלפי די וואס מיינען אז מען קען טאנצען אויף ביידע חתונות האב איך איך געשריבען אז כלל ישראל וועט אייביג בלייבען און די שאלה איז נאר צי זיי וועלן בלייבען א חלק דערפון. אויף זיי איז די סכנה און נישט אויפען כלל as a whole.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

דערציילער
שר מאה
תגובות: 113
זיך איינגעשריבען אום: דאנארשטאג יוני 16, 2011 8:13 am
לאקאציע: Boro Park
פארבינד זיך:

תגובהדורך דערציילער » דינסטאג אוקטובער 30, 2012 8:02 pm

איך האב אמאל געעפענט אן אשכול פון אזא נושא, אבער מען האט עס מיר גלייך פארמאכט :oops:

איך האלט אז איך ווייס פארוואס דאס קומט, נאר איך ווייס נישט צו איך זאל עס דא אויסשמיסען.

שאהן הענניטי
שר האלפיים
תגובות: 2558
זיך איינגעשריבען אום: פרייטאג יוני 15, 2012 12:07 pm

תגובהדורך שאהן הענניטי » דינסטאג אוקטובער 30, 2012 9:18 pm

איך ווייס נישט וואס דו ווייסט, אבער פונעם שרעקעדיגן סמיילי און פון דעם ווארט
דערציילער האט געשריבן:איך האלט אז איך ווייס פארוואס דאס קומט, נאר איך ווייס נישט צו איך זאל עס דא אויסשמיסען.
קוקט אויס אז די וועג ווי אזוי דו האסט ארויסגעברענגט דעם אשכול איז אזא וואס האט געדארפט פארמאכט ווערן.
ביטע אנטשולדיג מיר אויב כ'האב דיר חושד געווען, ס'איז נאר פשוט אז ווען מ'רעדט פון דעם ענין איז פאראן צוויי אופנים דאס ארויסצוברענגן, איינס איז אזוי ווי אנעים האט עס ארויסגעברענגט, און נאכדעם איז שייך דאס ארויסצוברענגן אויף א מין אפרעדערישע אופן וואס איז נישט אזוי אייאייאיי פאר אונז אייוועלט ליינער.

שאהן הענניטי
שר האלפיים
תגובות: 2558
זיך איינגעשריבען אום: פרייטאג יוני 15, 2012 12:07 pm

תגובהדורך שאהן הענניטי » דינסטאג אוקטובער 30, 2012 9:29 pm

ירוחם האט געשריבן:
כבושה בגולה האט געשריבן:
ירוחם האט געשריבן:א"כ איז אינטערנעט בכלליות נישט קיין סכנה פאר כלל ישראל נאר פאר יודען. ודו"ק.


למעשה ביסטו דאך א איד, אניין?

אמת, און דערפאר נוצט מען טאקע מיט א כשר'ע פילטער. אבער לויט אנעים'ס חשבון זענען די לאזונגען אז אינטערנעט איז א "סכנת הדורות" אדער א סכנה פאר כלל ישראל נישט ריכטיג.

די לאזונג "עס איז א סכנה פאר כלל ישראל" איז עפעס וואס באלאנגט פאר גדולי ישראל, וואס זיי זענען פאראנטווארטליך אויפן מציאות און עתיד פון כלל ישראל. אזוי איז געווען אין אלע דורות בימי חז"ל. אלע תקנות פון די חכמים זענען געווען צו ראטעווען דעם עתיד פון כלל ישראל. עכ"ז דארף דאס יעדער יחיד אנקוקן ווי זיין פריוואטע פראבלעם. אויב גייט ער נישט זיך נישט צושטעלן צו די תקנות פון די חכמי הדור (אין לך אלא כהן שבימיך) מיינט עס טאקע נישט אז דורך דעם גייט כלל ישראל אינטערגיין, נאר ער וועט אינטערגיין מיט זיינע דורות אינאיינעם און כלל ישראל וועט אנגיין, ווי די הבטחה פונעם מייסד פון כלל ישראל "כי לא תשכח מפי זרעו" וכו'.
פון די אנדערע זייט ליגט אבער נאכאלץ א פליכט אויף די גדולי ישראל צו ווארענען כלל ישראל נישט צו זיין פון די וואס פאלן.

דער קוטשער
שר חמש מאות
תגובות: 774
זיך איינגעשריבען אום: מאנטאג דעצמבער 14, 2009 9:47 pm

תגובהדורך דער קוטשער » דינסטאג אוקטובער 30, 2012 9:30 pm

שמן למאור האט געשריבן:מ'ברויך רעדן און רעדן דערפון פאר עס איז צו שפעט.
יישר כח

שאהן הענניטי
שר האלפיים
תגובות: 2558
זיך איינגעשריבען אום: פרייטאג יוני 15, 2012 12:07 pm

תגובהדורך שאהן הענניטי » דינסטאג אוקטובער 30, 2012 9:34 pm

שמן למאור האט געשריבן:ר' אנעים, שוין לאנג געווארט אויף אזא ארטיקל דא אין קרעטשמע. מ'ברויך רעדן און רעדן דערפון פאר עס איז צו שפעט.
יישר כח

ביטע נישט זיך פארלירן.
עיין בחתימתי....

דערציילער
שר מאה
תגובות: 113
זיך איינגעשריבען אום: דאנארשטאג יוני 16, 2011 8:13 am
לאקאציע: Boro Park
פארבינד זיך:

תגובהדורך דערציילער » דינסטאג אוקטובער 30, 2012 10:49 pm

שאהן הענניטי האט געשריבן:איך ווייס נישט וואס דו ווייסט, אבער פונעם שרעקעדיגן סמיילי און פון דעם ווארט
דערציילער האט געשריבן:איך האלט אז איך ווייס פארוואס דאס קומט, נאר איך ווייס נישט צו איך זאל עס דא אויסשמיסען.
קוקט אויס אז די וועג ווי אזוי דו האסט ארויסגעברענגט דעם אשכול איז אזא וואס האט געדארפט פארמאכט ווערן.
ביטע אנטשולדיג מיר אויב כ'האב דיר חושד געווען, ס'איז נאר פשוט אז ווען מ'רעדט פון דעם ענין איז פאראן צוויי אופנים דאס ארויסצוברענגן, איינס איז אזוי ווי אנעים האט עס ארויסגעברענגט, און נאכדעם איז שייך דאס ארויסצוברענגן אויף א מין אפרעדערישע אופן וואס איז נישט אזוי אייאייאיי פאר אונז אייוועלט ליינער.


קען זיין אז ביסט גערעכט.

איך האלט אבער אז די עולם וויל נישט איינזעין די חורבן
אנעים האט עס גוט אראפגעלייגט, אבער איך האלט אז די מצב איז אסאך ערגער פון וואס ער שרייבט
אינגעלייט היינטיגע צייטן האבן נישט קיין שום בושה אפצוחוזק'ן פון אידישקייט.
ווען איך רעדט זיך אויס פאר חשובה אינגעלייט, מאכען זיי עס אוועק, און זאגן מיר, אז די אינגעלייט וואס רעדן אזוי גלייבן יא, זיי רעדען נאר אזוי ווייל זיי ווילן זיין קאל (cool)

איך האלט אז מען וואלט די אינגעלייט געדארפט ארויס ווארפן פון בתי מדרשים און ארויס ווארפן די קינדער פון תלמיד תורה

אוועטאר
זאלץוואסער
שר האלף
תגובות: 1774
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » דינסטאג אוקטובער 30, 2012 11:00 pm

איך האב א טבע מסכים צו זיין צו אנעים אפילו פארן לייענען זיינע ארטיקלען, אבער דאס מאל בין איך נישט נאר מסכים פארן לייענען, נאר אפילו נאכן לייענען, ער איז געהעריג דער מגיד שיעור דא.... איך פרוביר א גאנצן טאג צו באקומען מיין פארציע מיט הומאר קומט ער אן מיט אזא גוטן ערנסטן ארטיקל.

כה לחי

אוועטאר
בלעקבערי פען
שר חמש מאות
תגובות: 793
זיך איינגעשריבען אום: דינסטאג דעצמבער 13, 2011 10:37 pm

תגובהדורך בלעקבערי פען » דינסטאג אוקטובער 30, 2012 11:02 pm

עס טיט באמת ווי צו ליינען די ארטיקעל זעהן ווי מיר שטייען

אוועטאר
פעדער
שר האלף
תגובות: 1373
זיך איינגעשריבען אום: זונטאג ינואר 02, 2011 4:23 am
לאקאציע: אין די הויזן!
פארבינד זיך:

תגובהדורך פעדער » מיטוואך אוקטובער 31, 2012 1:16 am

פחדים. אנעים, האסט מיר געגעבן א טיאכקע אין הארצן.
וואויל גערעכט. ס'איז א ווייטאג אז עס זענען ליידער דא אזוינע ביי כלל ישראל. דער פון אויבן זאל זיך אויף אונז דערבארימען.
און די זעלבע צייט דארף מען זיך כסדר מחזק זיין אין אמונה.
והשיבות אל לבביך. און ווי דו זאגסט מען דארף זיך אונטערווארפן אונטער די רבנים, און האבן אויף וועמען ארויפצוקוקן און ווייזן די קינדער אז עס איז פאראן א רבנישע אויטאריטעט.
נישטא אזא זאך חוזק מאכן פון א רב. איי ער האט גענגער? דאס איז נישט אונזער געשעפט, סך הכול איז ער נישט פאר אונזער קרייז, און מיר ברויכן נישט גיין צו אים, אבער ער איז זיכער מער ערליכער ווי דיר און קען בעסער לערנען ווי דיר. איז דערפאר השמר והזהר צו רעדן א ווארט אויף אים ביי מיר אין הויז.
זוי פלעגט מיין טאטע זאגן.
אנעים דו ווייסט וואס דאס מיינט פאר מיר צו לייענען אן ארטיקל אין אזא צייט?! קיפ אפ יור גוד ווארק.
כ'מיין נישט דיך! אבער אויב מיינסטו אז איך מיין דיך, זאלסטו וויסן אז טאקע דיך מיין איך!!

אוועטאר
גוגל
שר האלף
תגובות: 1876
זיך איינגעשריבען אום: דינסטאג יוני 19, 2012 2:35 pm
לאקאציע: אויף אייוועלט

תגובהדורך גוגל » מיטוואך אוקטובער 31, 2012 2:40 am

אויב האסטו פעדער אויף דיין זייט, דערוואג איך זיך שוין נישט צו עפענען די מויל

אוועטאר
msp
שר עשרת אלפים
תגובות: 18004
זיך איינגעשריבען אום: דאנארשטאג מארטש 10, 2011 10:03 am
לאקאציע: בין גברא לגברא

תגובהדורך msp » מיטוואך אוקטובער 31, 2012 6:45 am

מורי ורבותי
מיר רעדען וועגען אנ'ענין וואס איז עומד ברומו של עולם והעולם מזלזל בהם
די בלאגס איז אסאך אנ'ערגערע סכנה ווי די משכילים אמאהל
ווייל די אנאנימיטעט באהיט פון קהל'ס רעפערקטשענס...
מען קען זיך באהאלטען אונטער א ניק און טוהן מה שלבו חפץ...
תסמר שערות ראש
כהאב געהערט פון א קרוב מיינער אז עס איז שוין א לעגיטימער שאלה צו פרעגען: ביזטו א גאנץ שבת צו א האלב שבת?
ביזטו שומר נגיעה אדער נישט?
אזוי ווי דאס וואלט געווען א שאלה צו דו עסט קארטאפעל קוגל פרייטיק צונאכט אדער לאקשען קוגל....
אויף צו קענען ביישטיין די נסיונות אקעגען די קשיות און סארקאזם פון די אפיקורסים דארף מען זיין שטארק אין אמונה
אין אמת'ן וואלט מען נישט געשאלט אריין אין די אפיקורסישע וועבסייטס
את חטאי אני מזכיר היום
איך פלעג אריין אין די אזוי גערופענע "חרדישע" וועבסייטס
און אחוץ אפיקורסות איז דארט דא לשון הרע מוציא שם רע ניבול פה וליצנות
וואס ברענגט א קאלטקייט ביי יעדעם וואס נעמט אהן דאס געשרייבעכץ ווי תורת משה
נאך די גרויסע אסיפה האב איך מיר אונטערגענומען עד פה תבא...
נישט מעהר געווען דארט, הגם עס איז געשמאק צו וויסען פון די פלאטקעס...
אבער וויסען דארף מען רבותי אז הגם מען נעמט זיך פאר נישט מעהר צו גיין אויף אזעלכע פלעצער
און מען פארמאכט די טיר איז מען נאך אלץ נישט פארזיכערט קעגען די איינפלוסען פון די גאס
א חבר מיינער האט מיר דערציילט אז ער האט גערעדט מיט דעם משגיח ר' מתתיהו סאלאמאן שליט"א
און ער האט אים געזאגט: אפילו אויב מען פארמאכט די טיר, טוט די השפעה פון די גאס זיך אריין שלענגעלען פון אונטער די טיר
זאגט אים ר' מתתיהו: אריינשלענגעלען? עס טוט אויפברעכען די טיר און אריינשפרינגען!!!
נו וואס טוט מען?
מען דארף ביי זיך מחזק זיין דער דע מה שתשיב
נישט אויף זיך מתווכח צו זיין מיט די פושעים, די אפיקורסים
אבער אויף ביי זיך אליין זיך צו האלטען שטארק ביי די אמונה
איך בין נישט זיכער צו היינט קען אמונה פשוטה נאך אזוי שטארק ארבעטען און אהנהאלטען ווי אין די פריערדיגע דורות
אבער איך מיין נישט אז מען דארף פילאזאפירען
לענ"ד איז לערנען דעם מאמר על האמונה פון הגה"ק ר' אלחנן וואסערמאן זצ"ל הי"ד א חוב גמור אויף יעדען איד!
און ווער עס קען ליינען די מאמרים פון הגה"צ ר' אביגדור מיללער זצ"ל זאל דאס טוהן
מיט אזא חיזוק און באגאזש איז א מענטש ווי אנ'אילן ששרשיו מרובים....
און דעמאלס אפילו אויב עס זענען דא אידען וואס טויגען נישט אפילו אזעלכע וואס הייסען חשובע מזרח אידען מיט דעם גאנצע לבוש
וועט דאס אבער נישט שטערען די אמונה פון א מענטש
ווייל זיין אמונה איז נישט אפהענגיג אין די הנהגות פון א צווייטען
עס איז אנ'אייגענע איבערגעצייגטע אמונה אז עס מוז זיין א בורא עולם, וואס האט א פלאן פאר זיין וועלט,
און האט אונז איבערגעגעבען דעם פלאן דהיינו די תורה, וממילא מוזען מיר איר האלטען און דינען דעם באשעפער
מורי ורבותי
לאמיר נישט נתפעל ווערען פון קיינעם נישט
לאמיר זיך שטארקען ולעבדו ית' בלבב שלם און זיך מתדבק זיין אין ערליכע אידען עובדי השם במסי"נ
ובמהרה יתגלה עלינו מלכותו ית' לעיני כל חי בביאת גו"צ בב"א
חכלילי עינים מיין ולבן שנים מחלב

אוועטאר
אנעים זמירות
שר שלשת אלפים
תגובות: 3812
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » מיטוואך אוקטובער 31, 2012 10:27 am

ר' מנחם שלום,

יעדע ווארט גאלד. איך האב נאך וואס צו צושרייבען אבער איך האב נישט די צייט אויפען מינוט, נאר עכ"פ א ייש"כ אויף אייערע ווארעמע רייד קען איך נישט אפשטופען.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
שנאפס
שר עשרת אלפים
תגובות: 15187
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מיטוואך אוקטובער 31, 2012 11:44 am

אנעים זמירות האט געשריבן:ר' מנחם שלום,

יעדע ווארט גאלד. א ייש"כ אויף אייערע ווארעמע רייד
kraitchmah עט גימעיל

אוועטאר
ירוחם
שר האלפיים
תגובות: 2257
זיך איינגעשריבען אום: זונטאג אפריל 08, 2012 11:37 pm

תגובהדורך ירוחם » מיטוואך אוקטובער 31, 2012 1:51 pm

דערציילער האט געשריבן:איך האלט אז מען וואלט די אינגעלייט געדארפט ארויס ווארפן פון בתי מדרשים און ארויס ווארפן די קינדער פון תלמיד תורה

שארף... :shock:
ביטע האלטן די פראפאגאנדע צו א מינימום, אויב מעגליך. ~ שלמה הילדעסהיימער

אוועטאר
אינסוזעאיסט
שר מאה
תגובות: 208
זיך איינגעשריבען אום: דינסטאג פאברואר 14, 2012 8:13 pm

תגובהדורך אינסוזעאיסט » מיטוואך אוקטובער 31, 2012 2:06 pm

ברוך השם איך קען זאגן אז אין די לעצטע תקופה האב איך מיר איינגעקויפט הייסע געווער אקעגן די חברה, און ב"ה מקען רעדן צו זיי מיט רוהיגע געמיטער און שטארקע שארפע סטעיטמענטס וואס לייגט די שכל אין פלאץ, און נישט סתם שיסן ווייטאג רייד מיט וואס זיי פילן אז זיי געוואונען.

לדעתי א יעדע דור האט זיינע פארמאסקירטע טענות זיך צו פארטיידיגען, און בימינו איז גאר וויכטיג אריינצוגיין ביסודות הדת היהודית, און אויב אמאל האט די ווערטער אמונה פשוטה אפגעהאלטן פון אפפארן, איז דאס ליידער אריינגעפאלן אין די הענט פון די שטן, ווי באקאנט אז די שטן קען זיך באהאלטן אונטער א יעדע פרומע קלייד אינקלאדינג "אמונה פשוטה" "מסורה", די ווערטער און די מהלך דארף מען נוצען זייער פארזיכטיג, און פונקט ווי קנאים זענען געווען אפי' קעגן מאכן מוסדות, וועלן היינט קנאים זאגן אז מ'טאר נישט לערנען יסודי הדת, ליידער קאסט די מהלך טויזענטער יודישע נפשות טעגליך, ומאידך טוט די אנדערע ועג ברענגען טויזענטער בעלי תשובה

אוועטאר
בעל דעת
שר חמש מאות
תגובות: 809
זיך איינגעשריבען אום: דינסטאג אוגוסט 24, 2010 11:48 am

תגובהדורך בעל דעת » מיטוואך אוקטובער 31, 2012 2:36 pm

אינסוזעאיסט האט געשריבן: ליידער קאסט די מהלך טויזענטער יודישע נפשות טעגליך, ומאידך טוט די אנדערע ועג ברענגען טויזענטער בעלי תשובה

אפשר דערצילט איר אינז פין ווי איר נעמט אייערע ווערטער
וויפול איך ווייס זענען אלע אוועקגעפאלענע פשוט פין תאוות סאיז עבדא בהפקירא ניחא ליה זיי ניצען דע קשיות נאר פאר תירוצים
ווי יענער זאגט פאר אלע קשיות איז דא תירוצים אבער פאר תירוצים איז קיין תירוץ נישט פארהאן
בכל פגע הריני מורגל להחזיק האמונה, כי לא נעשה דבר ביד המקרה רק על פי השגחתו יתברך, והריני מתאמץ בתפילה להעביר את רוע הגזירה, ולפיכך הריני מתייחס בקרירות להשתדלות (חזון איש אגרות ח"ב קלב)


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 9 געסט