ל'אופס משפחת ה'אופס'י (Oops, איי'ם סארי...)

געשמאקע ארטיקלן און בילדער וכדו'

די אחראים: אחראי, געלעגער

אוועטאר
שמאטע
שר שלשת אלפים
תגובות: 3207
זיך איינגעשריבען אום: דאנארשטאג מארטש 26, 2009 3:40 pm

ל'אופס משפחת ה'אופס'י (Oops, איי'ם סארי...)

תגובהדורך שמאטע » מיטוואך יולי 19, 2017 11:23 pm

‏די אלטימעט "אופס" געשיכטע

מארטש 23, 1984.

דער מעדיקל עקזעמינער האט נארוואס ערהאלטן די גוף פון א נפטר מיטן נאמען 'ראנאלד אופס'. נאך א אינטערזיכונג האט דער עקזעמינער באריכטעט אז דער בר מינן איז אומגעקומען פון א שאס אין קאפ‏.
א מארד (האמעסייד).

די פראבלעם איז אבער געווען אז די אינפארמאציע וועלכע דער מעדיקל עקזעמינער האט ערהאלטן לכתחילה האט באריכטעט אז מיסטער אופס איז געשפרינגן צו זיין טויט פון א 10 שטאקיגע געביידע. - דהיינו, די רעדע איז גא פון א "זעלבסמארד‏" (סוסייד).
דאס האט מצען געוואוסט דורך דעם וואס מיסטער אופס האט איבערגעלאזט א זעלבסמארד צעטל מיט זיין כוונה און זיין אקט.‏

שטעלט זיך די פראגע, וויאזוי קומט דאס אז ער איז למעשה געשטארבן דורך א שאס?

אויפדעם האט די אינוועסטיגעשען געענטפערט אז דורכפאלענדיג די 9'טע שטאק איז מיסטער אופס'ס לעבן ‏"געשטערט געווארן" דורך א קויל וועלכעס איז ארויסגעפלויגן פון די פענסטער פון א דירה אויף די ניינטע שטאק, און די קויל האט אומווילענדיגערהייט אומגעברענגט מיסטער אופס... 

#אופס... דאס מיינט אז יעצט איז די קעיס צוריק געווארן א 'מארד' (האמעסייד) קעיס...

‏די פראבלעם?!  

די פראבלעם איז, ווייל על פי דיני דמלכותא, ווען א פארשוין באשליסט, און טוט א אקט פון באגיין זעלבסמארד, דאן איז נישט קיין חילוק וויאזוי ער קומט 'בפועל' אום. דהיינו, אין די פאל אין וועלכע מיסטער אופס איז געשפרינגען צו זעלבסמארד, אבער איז למעשה אומגעקומען ‏נישט ווי ער האט געוואלט נאר דורך א צווייטע אופן, דורך א קויל אין קאפ, מיטדעם אלעם ווערט די אורזאך פונעם טויט נאכאלס פארצייכענט אלס א 'זעלבסמארד' און נישט אלס א 'האמעסייד'

אופס....‏

אבער איין מינוט! ס'נאכנישט פארטיג. (אוטש!)‏

סאו האלט מיר דערווייל אז ס'איז יא א 'סוסייד'.‏

למעשה האט זיך ארויסגעשטעלט נאך מער גרינטליכע אויספארשונגען אז די בילדינג האט פארמאגט א 'סעיפטי נעץ' ביי די אכטע שטאק וועלכע מען האט אויסגעשפרייט צו פארזיכערען די רייניגער פון בנין, און נישט מיסטער אופס, און נישט דער וואס האט אים געשאסן האבן געוואוסט אז ס'איז פארהאן די סעיפטי נעץ

אופס....

וואס מיינט די נייע אינפאו?

די נייע אינפארמאציע באדייט אז צוליב די סעפטי נעץ איז 99 פראצענט זיכער אז מיסטער אופס וואלט איבערגעלעבט זיין שפרינג און ער וואלט נישט געווען סוקסעספול מיטן אויספירן זיין זעלבסמארד פלאן‏. און דאס מיינט, אז הגם טאקע ווי פריער געשריבן אז אויב איינער באשלוסט צו באגיין זעלבסמארד איז נישט קיין נפקא מינא צו ער איז למעשה אומגעקומען‏ לויט ווי ער האט גערעכענט אדער דורך א אנדערע אופן, און די טויט ווערט פארצייכענט אלס 'סוסייד', אבער דא, צוליב די פאקט אז מיסטער אופס וואלט בכלל נישט אומגעקומען דורך זיין פעולה, צוליב די סעיפטי נעט וואס וואלט אום געכאפט, דאס האט געמאכט אז די מעדיקל עקזעמינער זאל צוריק טוישן און יא אנרופן די טויט א 'האמעסייד' (א מארד) און נישט קיין סוסייד!.

אופס.....

און איר מיינט אודאי אז דא האט זיך עס גענדיגט?! א מכה! ‏
חא חא! ווארט נאר ווארט... די מעשה גייט נאך ווייטער!

זיך דערגרינטעווענדיג טיפער אין די נושא, האבן די נאכפאלגענדע אויספארשונגען געצייגט אז די דירה אויף די ניינטע שטאק פון וואנעט די קויל וועלכעס האט דערמארדעט מיסטער אופס איז געקומען באלאנגט צו א עלטערע פארפאלק, און דער האזבענד האט בשעת מעשה געצילט דעם רעוואלווער צו זיין כנגדו אינמיטען א העפטיגע געפעכט (וואזשע דען זאלן זיי טון אויף דער עלטער חוץ זיך קריגן?!...)‏, און מחמת גרויס אויפרעגונג האט ער נישט געקענט באלאנצירען זיין האנט שלעפענדיג די צינגל, און דעריבער ווען ער האט געשלעפט די צינגל פונעם רעוואלווער האט זיך די קויל פארקירעועט און ארויסגעשאסן פון פענסטער (אנשטאט אין זיי כנגדו אריין) און אוועקגע'פטר'ט מיסטער אופס'ן.....

אופס...‏

יעצט אזוי.
ווען איינער צילט צו הרג'נען ראובן און ער האט 'בטעות' גע'הרג'עט שמעון, איז ער נאך אלס שולדיג אינעם מארד פון שמעון! - ‏סאו דער אלטער, וויבאלד ער האט געצילט אויף זיין שווענצעלע איז ער יעצט געווארן דער שולדיגער אינעם טויט פון מיסטער 'אופס' אפילו ער האט בכלל נישט געוואלט הרג'נען מיסטער אופס.

#אופס!!‏

‏ווען די אלטע  האבן געהערט אז זיי ווערען באשולדיגט אינעם מארד, האבן זיי ביידע געשריגן אויף די העכסטע אלטע טענער אז דאס איז בכלל נישט ריכטיג! אמער, קיינע פון זיי צוויי האבן נישט געוואוסט אז די גאן פארמאגט קוילן! ‏

ווי ס'האט זיך ארויסגעשטעלט האט דער אלטער פארמאגט אזא 'האבי' וועלכעס גייט שוין צוריק יארן, אין וועלכע ער פלעגט סטראשענען ס'רעבעצין זיינע מיט א "ליידיגע גאן" ‏און עס צילן אויף איר, און די יעצטיגע פאל איז נישט געווען אנדערש. ער האט נישט געוואוסט אז די גאן זאל האבן קוילן דערינען!

אופס!‏

סאו, אז דער אלטער האט נישט געהאט קיין כוונה צו הרג'נען בכלל,‏ איז ער דאך נישט קיין מערדער,  מאכט דאס די טויט פון מיסטער אופס איז אויב אזוי א ווירקליכע "עקסידענט", דהיינו, די גאן האט "בטעות" פארמאגט קוילן דערינען.


אבער ווייטערדיגע אויספארשונגען האט אנדעקט עדות וועלכע האבן געזעהן אז די זוהן פון די פארפאלק איז געזען געווארן אנפילענדיג די גאן מיט לעבעדיגע קוילן געציילטע וואכן איידער די פאטאלע עקסידענט האט פאסירט.

#אופס... (אוטש)...‏

די אויספארשונג האט ווייטער געטראפן אז דער זוהן האט געהאט לעצטענס א געפעכט מיט די מוטער זיינע צוליב וואס זי האט אים נישט געלאזט אויספאטשקענען געלט, און וויסענדיג פון זיין פאטערס רייץ און האבי צו פאכענען די גאן פאר מאמי האט ער במזיד אריינגעשטעלט אפאר קוילן האפענדיג אז איין טאג בשעת ס'וועט פארקומען א ויתרוצצו צווישן די‏ עלטערען וועט דער אלטער שלעפן דעם צינגל און ס'וועט פאסירן.....‏

מיט די פרישע אויפדעקונג האט מצען יעצט 'צוריקגעטוישט' די קעיס צו א 'מארד קלאגע' אויפן זוהן בשיכות מיטן טויט פון מיסטער אופס.....‏

און דא קומט די גרעסטע "אופס" פון די גאנצע געשיכטע....!

נאכן אויפזוכן דעם זוהן האט זיך ארויסגעשטעלט אז דער זוהן - ראנאלד אופס - איז געווארן זייער נערוועז און דערפרעסט זעהנדיג אז זיין פלאן צו הרג'נען די מוטער דורכ'ן פאטער ארבייט זיך נישט אויס‏, ס'נעמט שוין צופיל צייט. איז ער מארטש 23 1984 אין גרויס יאוש ארויף אויפן דאך פון די 10 שטאקיגע געביידע מיטן ציל צו 'יורד זיין לחייו" נאר צו ווערען דערשאסן מיטן גאן פון די ניינטע שטאק....

אופס!!!!!!!....

הה"ד: "לאופס משפחת האופסי. ומפרשינן - אופס, איי'ם סארי....."

נ.ב.. דער מעדיקעל עקזעמינער האט פארצייכענט די מארד אורזאך - זעלבסמארד. 

#על דאט-פעך אטפעך. וסוף הכבד לבוא חמת.

שנשמע ונתבשר בשורות טובות. ‏
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.

צולייגער
שר האלפיים
תגובות: 2296
זיך איינגעשריבען אום: מיטוואך אוגוסט 04, 2010 11:08 am
לאקאציע: איבערגעלייגט

תגובהדורך צולייגער » מיטוואך יולי 19, 2017 11:27 pm

שמאטי שמאטי שמאטי... אופס אמעסארי!
לאמיר עס צולייגן, שטאטעלעך... איינס ביי איינס...

קליינקעפיק
שר חמישים ומאתים
תגובות: 406
זיך איינגעשריבען אום: זונטאג יוני 07, 2009 1:11 am

תגובהדורך קליינקעפיק » מיטוואך יולי 19, 2017 11:28 pm

WOW

יקיש
שר העשר
תגובות: 32
זיך איינגעשריבען אום: זונטאג אפריל 30, 2017 7:08 pm

תגובהדורך יקיש » מיטוואך יולי 19, 2017 11:28 pm

ווי האט מען עם געלייגט?

אוועטאר
פריילעך אידל
שר האלף
תגובות: 1595
זיך איינגעשריבען אום: דינסטאג סעפטעמבער 01, 2015 4:10 pm

תגובהדורך פריילעך אידל » מיטוואך יולי 19, 2017 11:30 pm

;l;p- ;l;p- ;l;p- :lol:

איך דארף מער גארנישט צילייגן... (חוץ אפשר נאך א שמייכל...)
אין יעדע תגובה איז פארהאן איינע פון די צוויי: תוכן אדער טוחן = מאלן וואסער. פערזענליך גלייך איך די ערשטע.

יקיש
שר העשר
תגובות: 32
זיך איינגעשריבען אום: זונטאג אפריל 30, 2017 7:08 pm

תגובהדורך יקיש » מיטוואך יולי 19, 2017 11:32 pm

און דאנקען די באשעפער אז דיין טאטע מאמע וואוינט נישט אויפן ניינטן שטאק!

אוועטאר
כא כא כא
שר האלף
תגובות: 1172
זיך איינגעשריבען אום: דינסטאג ינואר 31, 2017 5:28 pm

תגובהדורך כא כא כא » מיטוואך יולי 19, 2017 11:32 pm

:grin: :smile: :lol: :P
ביסט אזא צוריסענע שמאטע.......
האסטו שוין אמאל געהערט ווי די רויבערס צילאכן זיך...
לאך פון די וועלט
קח''א קארדינעיטאר

איך לאך
שר מאה
תגובות: 190
זיך איינגעשריבען אום: מיטוואך סעפטעמבער 02, 2015 6:22 pm

תגובהדורך איך לאך » דאנארשטאג יולי 20, 2017 12:02 am

לשמאטי משפחת השמאטי..ללאכי משפחת הלאכי...

טיס מען איז אנריעל

אוועטאר
שטאלצער יוד
שר האלפיים
תגובות: 2414
זיך איינגעשריבען אום: דאנארשטאג מאי 19, 2016 2:00 pm

תגובהדורך שטאלצער יוד » דאנארשטאג יולי 20, 2017 12:24 am

איך בין נישט אזא למדן. איך האב נישט געקענט מטהאלטן די גאנצע שיעור...

עפעס דערמאנט עס מיר א בריסקע תורה איבער די טאכטער פון המן. זרק חץ וכו'...

ניק נקי
שר מאה
תגובות: 117
זיך איינגעשריבען אום: דאנארשטאג מארטש 26, 2015 11:23 pm
לאקאציע: ביי קריעת ים סוף

תגובהדורך ניק נקי » דאנארשטאג יולי 20, 2017 12:50 am

וואס דיר פאלט נאר נישט ביי????!!

;l;p- ;l;p- ;l;p- ;l;p-

אוועטאר
יענקעלע
שר חמש מאות
תגובות: 725
זיך איינגעשריבען אום: מאנטאג פאברואר 21, 2011 4:09 pm
לאקאציע: אינפארמאציע: דער באנוצער געפינט זיך נישט.

תגובהדורך יענקעלע » דאנארשטאג יולי 20, 2017 1:43 am


אוועטאר
הרבטייטעלבוים
שר האלף
תגובות: 1722
זיך איינגעשריבען אום: מאנטאג פאברואר 20, 2012 5:52 pm
לאקאציע: שתולים בבית ד'

תגובהדורך הרבטייטעלבוים » דאנארשטאג יולי 20, 2017 1:53 am

בקיצור ס'איז נישט א פשוטע זאך צו באגיין זעלבס מארד, נ'וואדע נישט אין שמאטע'ס בילדינג.
הק' איתמר טייטעלבוים
אבד"ק דלאָניע והגלילות

אוועטאר
משהזוךמיר
שר חמשת אלפים
תגובות: 5006
זיך איינגעשריבען אום: מיטוואך סעפטעמבער 14, 2016 3:24 pm
לאקאציע: איך קען נישט אויסזאגן ווייל משה וועט מיך קענען טרעפן

תגובהדורך משהזוךמיר » דאנארשטאג יולי 20, 2017 3:13 am

WOW! אן עכטער בצל כוואפאפעיכו ארטיקל!! פיין געלאכט..

שמאטע האט געשריבן:די פראבלעם איז, ווייל על פי דיני דמלכותא, ווען א פארשוין באשליסט, און טוט א אקט פון באגיין זעלבסמארד, דאן איז נישט קיין חילוק וויאזוי ער קומט 'בפועל' אום. דהיינו, אין די פאל אין וועלכע מיסטער אופס איז געשפרינגען צו זעלבסמארד, אבער איז למעשה אומגעקומען ‏נישט ווי ער האט געוואלט נאר דורך א צווייטע אופן, דורך א קויל אין קאפ, מיטדעם אלעם ווערט די אורזאך פונעם טויט נאכאלס פארצייכענט אלס א 'זעלבסמארד' און נישט אלס א 'האמעסייד'

די זעלבע איז להלכה (עכ"פ אין דעם פאל ווי ער איז געשפרינגען צו זיין טויט און איז דער'הרג'עט געווארן אינצווישן) וויבאלד זרק חפץ מראש הגג ובא אחר ושברו במקל פטור וויבאלד מנא תבירא תבר (ריש כיצד הרגל).

זעה איך אז איינער ערווענט שוין די נושא:
שטאלצער יוד האט געשריבן:איך בין נישט אזא למדן. איך האב נישט געקענט מטהאלטן די גאנצע שיעור...

עפעס דערמאנט עס מיר א בריסקע תורה איבער די טאכטער פון המן. זרק חץ וכו'...

דער בריסקער תורה לויפט אזוי: אין פסוק שטייט והמן נדחף אל ביתו אבל וחפו ראש. זאגט די גמ' אין מגילה אבל על בתו וואס איז ארויסגעשפרינגען פון פענסטער, וחפו ראש ווייל זי האט אים באגאסן מיט מיסט.
איז דאך שווער, אויב אזוי וואלט געדארפט שטיין חפו ראש ואבל, אמער זי האט אים דאך קודם באגאסן (מיינענדיג אז ס'איז מרדכי) און דערנאך ארויסגעשפרינגען?
איז דער תי', ווייל אויף די גמ' ב"ק הנ"ל זאגט תוס' אז דוקא זרק כלי מראש הגג זאגט מען מנא תבירא תבר וויבאלד ער האט געטון א פעולה אינ'ם חפץ. משא"כ זרק חץ פונ'ם דאך אויף א כלי אויף דער ערד און איינער האט עס צובראכן אינצווישן איז ער יא חייב, וויבאלד למעשה אינ'ם כלי האט איז נאכנישט געטון געווארן קיין שום פעולה, כאטש וואס די כלי וואלט פוקט אזוי צובראכן געווארן ווי ביי זרק די כלי אליינס.

אויב אזוי איז זייער פשוט. די מעשה איז געווען אז זי האט געכאפט אז ס'איז המן נאך פאר די מיסט האט אים אנגעטראפן, און איז תיכף ארויסגעשפרינגען. אין יענע רגע ווען ביידע זענען געפלויגן איז המן שוין געווען אבל, ווייל היות זי איז אליינס ארויסגעשפרינגען זאגט מען אז זי איז שוין א מנא תבירא אזויווי זרק כלי, ממילא הייסט זי שוין טויט. אבער חפו ראש איז ער ערשט געווארן ווען די מיסט האט געלאנדעט אויף אים, וויבאלד דאס איז שוין זרק חץ....
Get your facts first, then you can distort them as you please.

אוועטאר
חברותה
שר חמש מאות
תגובות: 782
זיך איינגעשריבען אום: מיטוואך דעצמבער 29, 2010 1:18 pm

תגובהדורך חברותה » דאנארשטאג יולי 20, 2017 6:31 am

אופס.. וואס דער ווארפט דא צאם. ;l;p- ;l;p- ;l;p-

אוועטאר
וויכטיג מאכער
שר עשרים אלפים
תגובות: 24393
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » דאנארשטאג יולי 20, 2017 8:01 am

נישט אומזינסט זינגט גרויזי אויף זיין נייע סידי "שמאטי, שמאטי את אופ'סיתך" און ביי איין פאל שרייטער אפאר מאל אין איין צי "שמאטי שמאטי שמאאאאטי"...

#בצל כוואפאפעיכו עט היז בעסט!
הכונו ל'מעמד אדיר איום אסיפת ה''ניקס'' לטוהר המחנה!!!

דריידל
שר ארבעת האלפים
תגובות: 4451
זיך איינגעשריבען אום: דינסטאג יולי 07, 2015 2:13 pm

תגובהדורך דריידל » דאנארשטאג יולי 20, 2017 8:13 am

ווי האט מען געטראפן מר אופס, אין די נעץ אדער אויף דער ערד?
עפעס שטימט נישט דא

נא_שכל
שר חמשת אלפים
תגובות: 5155
זיך איינגעשריבען אום: מאנטאג יולי 14, 2008 10:44 pm
לאקאציע: עולם הדמיון

תגובהדורך נא_שכל » דאנארשטאג יולי 20, 2017 9:08 am

וואס א מעשה! וואוו!! לומדות געמישט מיט היומער מיט דראמא. #בצל כוואפפע שאו!

טענק יו מר. שמאטי
"ואומר לאשר יבוא מכתבי לחזות, אכול את המגילה הזאת. כי מהאוכל יצא מאכל, ושכל יצא משכל ..." (ר' ברכיה בן נטרונאי הנקדן, בהקדמת ספרו 'משלי שועלים').

אוועטאר
ענדע צדיק!
שר חמשת אלפים
תגובות: 5859
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » דאנארשטאג יולי 20, 2017 9:26 am

סארא מעשה! סארא קעפל! סארא שפראך! געוואלד!!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
זאכליך
שר שבעת אלפים
תגובות: 7623
זיך איינגעשריבען אום: זונטאג דעצמבער 19, 2010 5:23 pm

תגובהדורך זאכליך » דאנארשטאג יולי 20, 2017 9:43 am

כ'האב געזעהן ס' שטייט שמאטע פונדרויסן בין איך שנעל אריינגעלאפן... שטארק הנאה געהאט.
אמור מעט, קוק ווייניגער אויף וואס ער זאגט,
ועשה הרבה, און קוק מער וואס ער טוהט.

אוועטאר
פאראינטערסירט
שר שלשת אלפים
תגובות: 3957
זיך איינגעשריבען אום: דאנארשטאג יוני 30, 2016 10:49 am

תגובהדורך פאראינטערסירט » דאנארשטאג יולי 20, 2017 9:49 am

;l;p- ;l;p- שמאטע גאר גוט
אין בי כישרון מיוחד, אבל יש בי הרבה סקרנות. ...{אלברט איינשטיין}

פינחס
שר מאה
תגובות: 222
זיך איינגעשריבען אום: דאנארשטאג יולי 20, 2017 12:03 am

תגובהדורך פינחס » דאנארשטאג יולי 20, 2017 9:56 am

:lol: זייער גיט הנאה געהאט

מושך חסד
שר חמישים ומאתים
תגובות: 388
זיך איינגעשריבען אום: מאנטאג מארטש 07, 2016 11:06 am

תגובהדורך מושך חסד » דאנארשטאג יולי 20, 2017 10:45 am

יויש איז דער..... כאניש קיין ווארט
איין פראבלעם האב איך מיט דיינע מאסעס, איך ווייס נישט ווען צו גלייבן, מ'דארף איינפירן אז פאר יעדע ארטיקל פון דיין צייטונג זאל שטיין 'אמת'ע מאסע', אדער 'פעליטאן' (מ'נוצט נאך די ווארט? כאבעם שוין לאנג נישט געזען) אדער 'באזירט אויף אביסל אמת'ע פאקטן'. דא אבער ווייס איך נישט, אפשר 'באזירט אויף א געבאקענע מעשה'

אוועטאר
שמאטע
שר שלשת אלפים
תגובות: 3207
זיך איינגעשריבען אום: דאנארשטאג מארטש 26, 2009 3:40 pm

תגובהדורך שמאטע » דאנארשטאג יולי 20, 2017 10:51 am

מושך חסד האט געשריבן:יויש איז דער..... כאניש קיין ווארט
איין פראבלעם האב איך מיט דיינע מאסעס, איך ווייס נישט ווען צו גלייבן, מ'דארף איינפירן אז פאר יעדע ארטיקל פון דיין צייטונג זאל שטיין 'אמת'ע מאסע', אדער 'פעליטאן' (מ'נוצט נאך די ווארט? כאבעם שוין לאנג נישט געזען) אדער 'באזירט אויף אביסל אמת'ע פאקטן'. דא אבער ווייס איך נישט, אפשר 'באזירט אויף א געבאקענע מעשה'

נעה, די מעשה איז א אמת'ע געבאקענע מעשה....

האיך יתקימו שניהם??
זעה דא.
Ronald Opus is the subject of a fictional murder case, often misreported as a true story.

The case was originally told by Don Harper Mills, then president of the American Academy of Forensic Sciences, in a speech at a banquet in 1987. After it began to circulate on the internet as a factual story and attained the status of urban legend, Mills stated that he made it up as an illustrative anecdote "to show how different legal consequences can follow each twist in a homicide inquiry"
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.

אוועטאר
קאטשקע
שר חמישים ומאתים
תגובות: 480
זיך איינגעשריבען אום: זונטאג יולי 05, 2015 1:40 pm

תגובהדורך קאטשקע » דאנארשטאג יולי 20, 2017 10:59 am

איך האלט אז עס איז יא א האמעסייד אומדירעקט פון ראנעלד און עס קומט טויט שטראף פארן מערדער...
אלינפאלס :lol: :lol: :lol:

אוועטאר
אויסגערעכנט
שר ששת אלפים
תגובות: 6846
זיך איינגעשריבען אום: מאנטאג אוגוסט 10, 2015 9:50 pm

תגובהדורך אויסגערעכנט » דאנארשטאג יולי 20, 2017 11:09 am

יוש שמאטע..... אלעס האט א מאס, לאז אטעמען.... כהער נישט אויף צו לאכן.


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: באמת א חכם, קאסאניער און 19 געסט