דער אייזל האט מיר אויפגערעגט, און די קרעטשמע האט ריוח דערפון

געשמאקע ארטיקלן און בילדער וכדו'

די אחראים: אחראי, געלעגער

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

דער אייזל האט מיר אויפגערעגט, און די קרעטשמע האט ריוח דערפון

תגובהדורך זיידעניו » זונטאג פאברואר 24, 2008 1:06 am

פארוואס? טוה איך דאס?

יא, א גוטע קשיה, וואס איין פארשלאפענע אינגערמאן, מיט וואטע אויף די אויגן, האט גענומען די מיה, און מיר און א זייט און געפרעגט שטילערהייט, אבער כ'גלייב אז ס'איז דא נאך אנדערע ליינער, וואס פרעגן די זעלביגע קשיה,

וואס איז אייערע מאטיווען מיט די על הצדיקים אפטיילונג?

דאס איז די באמבע קשיה וואס איז מרפסין קרעטשמע, און צו א תירוץ אויף די קשיה, וועל איך מאכן א צורקע הקדמה'לע, מיט א מיטמאכעניש וואס איז אריבער עלי ראשי, און א נישט לאנגע תקופה צירוק.

איך בין געזיצן ביי א לחיים, איין אינדערפרי נאכן דאווענען, און געשמועסט פון די בעלי היארצייט, פון היינטיגן טאג, און די שמועס איז געגאנגען מצדיק לצדיק שלא באותו צדיק, ווען נעבן מיר האט זיך אוועקגעזעצט א בלאנדע אינגערמאנטשיקל, שלא פרחה זקנו כלל, אפילו נישט די שתי שערות, און ער האט געשלינגען מיט הונגער, יעדע מעשה און עובדה, אדער מציאות, און נאך יעדע פאר מעשה'לעך, האט ער מיר אנגעוויזן אז די רבי זז"ג און פריש, האט טאקע די זעלבע מדרגה ממש צו באוואונדערן, און ווען כ'האב גערעדט פונעם קדושת לוי, האט ער זיך געלאזט הערן אז יענע רבי איז ממש גענוי די זעלבע, מלא דביקות פון דעם בארדיטשובער זי"ע, האבן מיר גערעדט פון צאנזער רב, אבער ר' ר' אלימלך, ר' ישעי'ע קרעסיטער, וועלכע צדיק זאל נאר זיין, איז גלייך געקומען א דוגמא פון רבני זמנינו.

כ'על נישט פארלייקענען דעם אמת, די בלוט פרעשור איז מיר ארויף, די ציקער האט זיך אנגעהוין צוצושפילען, כ'האב געוויסט אז פאר מיין אריכות ימים, מיז איך נאטורליך נעלם ווערן פון דעם טיש, כ'האב געמאכט דעם אינטער ברכה, און גענומען מיין טלית בייטל אינטערן ארעם, און אפגעצויגן.

כ'בין אהיים געגאנגן, מיין בעלי באסטע, האט געזעהן די מצב, האט זי מיר גלייך מכבד געווען, מיט די מעדיקעשן אויף פרעסטאג, און די אייער שפייז איז נאכגעקומען, און אויך נישט צו פארגעסן, די אנדערהאלבען דאזע פון אינסולין איינצופריצן, מיט א שרעקעדיג אויסקיקענדיגע נידל.

איך בין אריין און בעט זיך אנצילאנען, און געטראכט וואס איך קען טוהן אז די קומענדיגע דורות זאלן וויסן, וואס ס'איז געווען אין די דורות הקודמין, וואס א ערליכע איד איז געווען, וואס א צדיק איז געווען, יא, ער איז געווען צוזאמען געשטעלט פון די זעלבע בשר ודגים ווי אינז, אבער עס איז פילייכט געווען אנגעפליט מיט געטליכקייט און אויסגעארבעט יעדע אבר, אלעס ארום זיי און געווען הייליג, כולו אומר כבוד, און בכלל איז זייער קערפער נישט געווען פון די זעלבע טייג געקנויטן ווי אינז, א שטייגער ווי אויסהאלטן שעות גולגול שלג פון ר' ר'אלימלך, און ר' זושא, שלאפן א האלבע שעה יעדע מעת לעת, און זיי וואך ווי א בער, אזוי ווי דער צאנזער רב. פארברענען די הענט, אויסהאלטן גלות ליידן, זיצן אין תפיסה פאר אידן'ס וועגן, שפאצירן ציווישן דערנער מיט א שמייכל, טאנצען מיט א פאראייטערטע פיס ברוך שאמר, דער קאזניצער מגיד'ס ארויסלויפן פון בעט ווען ער האט געזעהן די בית מדרש און געטאנצען ביים דאווענען אוממענטשליך בשעת ווען איבערן טאג האט קוים געקענט רירן די קערפער, און אזוי ווייטער, דאס קען אפילו האבן א דמיון מייט אינזער בשר ודגים'דיע טייג.

איך האב געהערט וויזוי אידן האבן גערעדט מיט אן אימה ויראה, צוזאמגעשמאלצען מיט אן אויסטערלישע מתיקות, פון די פריערדיגע צדיקים, ווי צום ביישפיל דער באבאווער רב ר' שמה'לע, דער פשעוואסקער רבי יאנקעלע, דער קרעטשנעפער רבי ר' הערשעלע, און פון יעדע עלטערע איד, האט מען געקענט הערן איבערזאגן איין קליינע עובדה, וואס האט א משמעות פון א מדרגה, אדער א לימוד, א צען מאל, און מיט די זעלבע פרישקייט יעדעס מאל .

נאר וואס יא!

איך האב אמאל געזאגט א שיינע חילוק, פון די אמאל ביז היינט.

אמאל איז א רבי געווען א ריז אין אלוקית, מען האט געזעהן מופתים אינטערן טיש, דער צדיק גוזר וה' מקיים, איז געוון א דבר פשוט, די צדיקים האבן געזעהן גענוי וואס ס'טוט זיך אין די עולמות עליונים, און ארום דעם צדיק האט מען נישטאמאל גערעדט דערפון, ווען מען איז געווען ארום א צדיק, איז מען געווען אין א העכער אטמאספערע משא"כ דער המון עם, זענען געווע סתם תמימות'דיגע אידעלאך, קוים געקענט דאווענען אביסל, חומש, איינער וואס איז שוין געווען אביסל מער, האט שוין געקענט משניות, און א תלמוד חכם האט שוין געקענט אביסל שלחן ערוך, מיט א מסכת, צוויי,

ווי כ'האב אמאל געהערט א געדאנק פון א עלטערע איד ע"ה, אז מ'ח"צ"י'ת איז די מיטעלסטע אות א צדי"ק, און ווער ס'איז נאנט מיטן צדדיק איז ח"י, און ווער ס'איז ווייט פון דעם צדיק איז מ"ת, מיט דעם האט ער אויסגעטייטש פארשידענס, אקעי כ'על נישט מאריך זיין.

משא"כ די היינטיגע ציבור, איז אסאך העכער אין ידיעות, און מיט השגות, כמעט וואס מען קען נישט טרעפן אן עם הארץ, אינטער צו הערן זיין סדר נאכט, און דאס זעלבע פארקערט, ביי די גרויסע רביים, זאלן זיין געזינט און שטארק, זענען געווארן סאך נידריגער, ווי די רבי'ס פון די פריעדיגע דורות, קומט אוים אז ס'האט זיך געלעוועלט און אויסגעגלייכט.

קען זיין אז דאס איז פשט פון ראה הקב"ה הצדיקים שהם מעוטין, עמד ושתלן בכל דור ודור, מיינט פשוט מען האט דעם צדיק צוטיילט אויף גלייך פארן גאנצען דור.

די רבני דורינו זענען געטרייע פאסטיכער און מנהיגים, און טראגן אויף זיך דעם אחרוית פון זייער עדה און קהילה, זיי פיהרן זיך אויף עהרליך, זיי זענען די "קאמענדער אוו טשיף" פון זייער קהילה קדושה און מען דארף זיי זייער מכבד זיין, פארן טראגן דעם עול און אחרוית און פארן זיין א עומד גדרים, ומתקן הנפרצות, אבער דאס מדמה זיין מיט די שרפי מעלה מאן דכר שמיה.

יא! איך ווייס וואס די טראכסט, אז איך בין א כופר הכל, ניין, איך בין נישט קיין כופר הכל, אבער כ'בין א זוכר חסדי אבות, איך וועל אייך דערציילן, אז איך געהער צו א חסידישע קהילה, וואס איז א אמת'דיגע חסידישע קהילה, און איך בין א חלק פון דעם פארטיי, און מיין רבי זז"ג, איז א חשובער איד, און א גוטע קאמאנדיר פאר די פארטיי, און ער פרובירט כסדר אויפצוטוהן פאר תורה, מיט אידישקייט, יא, אוודאי וואלט איך געקענט באשטיין אז ער זאל זייין ווי א קדושת לוי, אדער א צאזנער רב, א.א.וו. אבער איך האב יא געקענט אידן, וואס האבן מיטגעלעבט דעם דור פון ראשונים כמלאכים, האב איך געהערט פון וואס מען רעדט, אבער איך זעה די מציאות פאר די אויגן, און אויב איך וואלט געמאכט די החלטה, אז וויבאלד ס'איז נישטא קיין צדיקים, ממילא טאר מען נישט געהערן צו קיין קהילה, וואס דער מנהיג איז ניטאמאל די שטויב פון קרסילי רגליו, פון די צדיקים פון פריעדיגע דור, ווער עס זאג אזוי איז א יונגער נישט אחריות'דיגע מענטש, פשוט פאר די אייגענע קינדער, און אייניקלעך, אויב געהערן זיי צו א חבורה, וואס פרובירט זיך צו פירן, על דרך המסורה, איז דא א האפענונג אז זיי וועלן זיך ווייטער פירן ערליך און אידיש על דרך המסורה לנו דור דור.

און צו דיר בלאנדע אינגערמאן, וויל איך דיר זאגן אז מיטן מדמה זיין, טוסטו אנשטאט ארויפטראגן די רבני דורינו ביז די הויכע הימלען, פון די פייערדיגע צדיקים, ברענגסטו גאר אראפ די מלאכי אלוקים, צו דעם דור, און ביסט ווערט א טיטול, אז די ביסט א "דאטנקי" יאב אן אייזעל' נישט איך גיב דיר דאס, נאר חז"ל ווען זיי האבן געזאגט אם הראשונים כבני אדם אויב די ברענגסט אראפ די ראשונים, זאגענדיג אז זיי זענען אזעלעכע בני אדם ווי אינז, דאן אנו כחמורים זענען מיר ווי דאטנקיס .

לאור זה, האב איך מחליט געווען, אז זיך בייזערין ביזן קבר, איז נישט קיין תכלית, נאר אזוי ווי די יונגווארג פילעוועט נישט אין סיפורי צדיקים, דערקייקעלט מען זיך ביזן אפגרינד פון די אובנדעמאנטע מחשבות זרות, האביך אויף מיר גענומען אן אגענדע צו שרייבן, און ברענגען, איבער וויפיל איך ווייס, און כ'געהערט, און כ'געדענק פון די סיפורי צדיקים און כ'בעט ווער ס'האט עפעס גוטע ענינים אל תמנה הטוב נאר עס אריינברענגען תחת גג אחד און יהי רצון מיר זאלן נאך זוכה זיין מקבל צו זיין פני משיח מיט אלע צדיקים הקודמים באנאזאם במהרה בימינו אמן.
לעצט פאראכטן דורך זיידעניו אום זונטאג פאברואר 24, 2008 2:48 am, פאראכטן געווארן 2 מאל סך הכל.

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

תגובהדורך זיידעניו » זונטאג פאברואר 24, 2008 1:42 am

א בילד פינעם פארשלאפענעם אינגערמאן מיט די וואטע אין די אויגן
לעצט פאראכטן דורך זיידעניו אום מאנטאג פאברואר 25, 2008 3:01 pm, מאל פאראכטן געווארן 1 סך הכל.

אוועטאר
שוועמל
שר עשרת אלפים
תגובות: 14186
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג פאברואר 24, 2008 3:36 am

דיין פשט אויף עמד ושתלן איז עפעס מוראדיג!!

עניוועי זיידי, איך זעה דו נעמסט אינסולין, אין די וועכנטליכע בולעטין אדער אין גאזעט איז דא ארטיקלען גאנץ באלערנדע איבער אינסולין און וויאזוי דאס אויסצוהיילן בע"ה.
שוש אשיש בה', תגל נפשי באלקי! (ישעיה סא)

ווער ביסטו
שר העשר
תגובות: 20
זיך איינגעשריבען אום: דינסטאג יולי 04, 2006 2:28 am

תגובהדורך ווער ביסטו » זונטאג פאברואר 24, 2008 10:00 am

גאר חשוב.

דער פראבלעם איז באמת אן ערנסטער, נישט דוקא פון היינט, אבער היינט צו טאג איז פונקט אזוי וויכטיג צו וויסן אז די היינטיגע רביים זענען נישט אין די זעלבע מדריגות וועלכע זענען געווען אמאל. פונקט ווי עס איז וויכטיג צו וויסן אז מ'דארף פאלגן היינטיגע רבנים די זעלבע ווי מ'האט געדארפט אמאל פאלגן די אמאליגע.

אן עלטערער איד האט מיר אמאל דערציילט אז ער איז געווען ביי א חופה וואו רביה"ק מסאטמאר זי"ע איז געווען דער מסדר קידושין, און מ'האט אויפגערופן "זידיטשויבער רב, ברכה אחריתא", האט דער רבי זיך אויסגעדרוקט מיט א קרעכץ זיין ווייטאג, "מ'וועט נאך זאגן אז אזוי האט אויסגעקוקט זידיטשויבער רב" (דוכט מיר אז ס'איז געווען ביי זידיטשויב).

יענער האט מיר צוגעלייגט נאך מער, אז ער האלט דאס איז די סיבה פארוואס כמעט אלע ערליכע רבנים אין פריערדיגן דור האבן אויסגעקליבן נעמען פון שטעט וואו זיי האבן געוואוינט בעפאר די קריג, און נישט די נעמען פון דעם שושלת היחוס פון וועלכן זיי האבן ארגינעל געשטאמט און נאך וועמען זיי האבן זיך מתייחס געווען, טאקע ווייל זיי האבן מורא געהאט אז מ'זאל זיי נישט פארגלייכן מיט די פריערדיגע צדיקים (מיר צום ביישפיל גרילצט אין די אויערן יעדעס מאל וואס איך הער אדער זע "כ"ק אדמו"ר מליזענסק שליט"א"...).

ער האלט אויך אז דער רבי זי"ע האט פאר די זעלבע סיבה אויסגעקליבן צו בלייבן מיטן נאמען סאטמאר און נישט מיטן נאמען סיגוט, כאטש לכתחילה וואלט דער רבי ענדערש געדארפט נעמען דעם דאזיגן נעמען צו פאראייביגן זיין עלטערנ'ס אנדענק, אבער ער האט נישט געוואלט אז ער זאל בלייבן פאראייביגט אלס "סיגוטער רב" (לענ"ד איז ער דא נישט גערעכט, ווייל דער רבי זי"ע האט דאך כידוע שטארק געוואלט ווערן רב אין סיגוט, וואס דאן וואלט ער במילא פארבליבן אין די היסטאריע אלס "סיגוטער רב". מעגליך אז "מקום שהתפללו בו אבותי" איז אנדערש? ומי יבא בסוד קדושים).

אפגעזען צי ער איז גערעכט מיט זיין באהויפטונג איז זיכער אז ס'איז דא טויזנטער מענטשן וואס האבן נישט ארויס דעם פראבלעם דערפון.

אוועטאר
יגרסהדותא
מ. ראש הקהל
תגובות: 3682
זיך איינגעשריבען אום: מאנטאג יולי 03, 2006 10:14 am
לאקאציע: קאר וואש

תגובהדורך יגרסהדותא » זונטאג פאברואר 24, 2008 10:17 am

ס'ווילט זיך דא אינטערזינגן סרח בת אשר'ס לידל:

אוי זיידעניו, זיידעניו, זייטס'זשע מיר פרייליך
ווייל די וואך - מיטוואך - איז די יארצייט פון הייליגן רבי ר' אלימלך

מיר האבן געמיינט אז אלעס איז שוין לאנג פארביי
זינג'זשע אלע, זינג'זשע אלע, עוד זיידע זיידע זיידניו חי

קרעטשמע קרעטשמע ביסט ווערט א שפיי, ווייל זיידע זיידע זיידע חי..

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

תגובהדורך זיידעניו » זונטאג פאברואר 24, 2008 12:15 pm

ווער ביסטו האט געשריבן:גאר חשוב.

דער פראבלעם איז באמת אן ערנסטער, נישט דוקא פון היינט, אבער היינט צו טאג איז פונקט אזוי וויכטיג צו וויסן אז די היינטיגע רביים זענען נישט אין די זעלבע מדריגות וועלכע זענען געווען אמאל. פונקט ווי עס איז וויכטיג צו וויסן אז מ'דארף פאלגן היינטיגע רבנים די זעלבע ווי מ'האט געדארפט אמאל פאלגן די אמאליגע.

אן עלטערער איד האט מיר אמאל דערציילט אז ער איז געווען ביי א חופה וואו רביה"ק מסאטמאר זי"ע איז געווען דער מסדר קידושין, און מ'האט אויפגערופן "זידיטשויבער רב, ברכה אחריתא", האט דער רבי זיך אויסגעדרוקט מיט א קרעכץ זיין ווייטאג, "מ'וועט נאך זאגן אז אזוי האט אויסגעקוקט זידיטשויבער רב" (דוכט מיר אז ס'איז געווען ביי זידיטשויב).


איך מיין אז איך האב ארויסגעברענגט די נקודה פון זיין הארכזאם צום קאמאנדיר און גענעראל

און וועגן די מעשה וואס די פארציילסט וועל דיר זאגן אז איך געדענט אז איינמאל ביי טיש האט מען מכבד געווען דעם שיניאווער פון מאנסי און מען האט אויסגערופן שיניאווער רב מיט...... האט זיך די רבי אויסגעדרייט און געפרעגט ווער איז דער שינעווער רב און די רבי האט אים געזאגט אז ער זאל זיך ענדערש ריפן שינאווער רבי און נישט שינאווער רב משום טעם הנ"ל

אוועטאר
מיללער
שר עשרים אלפים
תגובות: 25754
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג פאברואר 24, 2008 1:44 pm

זיידעניו, איר זענט אזוי גערעכט אז איך קען אייך גאר נישט מסביר זיין, דער אייזל/דאנקי/חמור וואס האט אייך אויפגערעגט, רעגט יעדן טאג אויף מענטשן אין פארשידענע מקומות אבער לאו בכל יומא מתרחש אז די קרעטשמע זאל דערפון האבן ריוח, נאר וועגן דעם נייעם שטערן מיט וואס דער קרעטשמע איז לעצטענס באשאנקען, איט פעיד אוט.

ווער ביסטו,
ווער ביסטו? אה דו ביסט עס, כ'האב דיך שוין לאנג נישט געזעהן דא, קום נאר אהער לאמיך הערן דיינע ערציילונגען,.

יעצט טוה א קוק, זיידעניו האט שוין פאראכטען דיין ערשטע טעות אז די מעשה איז געווען מיט שינאווא, אבער במחילת כבודך הרמה וועל איך מיך ערלויבן מעיר צו זיין אויף די אנדערע חלקי תגובתך לאמר, אז דאס וואס רבנים וועלכע האבן אליינס משמש געווען ברבנות אינדערהיים האבן ווייטער אנגעהאלטן זייער נאמען נאך די קריג, און נישט גענומען די נאמען פון זייער דינאסטיע, איז זייער פשוט אן די הסבר וואס דו שרייבסט, והוא ווייל אז איינער איז געווען אדווארי רב אין שטאט אדווארי, איז ער געבליבן אדווארי רב אפי' נאכדעם, נאר איז געווען געצווינגען אוועקצוגיין פון דארט, והוא הדין אפי' נאך די קריג עי' מאנטעווידעא, מעלבוירן, קליוולאנד, מאשלוי ועוד.
נאר ווען איינער איז נישט געווען קיין עמטליכע רב אין ערגעץ נאר ער האט געפנט אליינס א ביהמ"ד/קהילה דאהי, האט ער געווענליך מנציח געווען שם אבותיו דורך רופען די קהילה על שמם ושם עירם, א זאך וואס איז זייער פארשטענדליך אין קען נישט ווערן אנגערופען א פגיעה בכבוד הראשונים נאר ליבערשט א כבוד אז מ'איז מנציח שמם לדורות הבאים.
ווידער דאס וואס דו ווילסט זאגן וועגן רביהקוה"ט מ'סאטמאר זצ"ל אז ער וואלט לכתחילה געברויכט נעמען סיגוט ע"ש מקום ששרתו שם אבותיו, דבריך סותרים זא"ז, פון איין זייט שרייבסטו אז דער רבי האט כידוע אליינס געוואלט ווערן רב אין סיגוט אבער רופען סיגוט נישט, כלפי-לייא, איי פארוואס האט ער זיך נישט גערופען סיגוט, קען מען זאגן עטליכע טעמים אבער די פשוט'ע טעם איז ווייל עס איז פארבליבען א יורש מדאורייתא און איינער וואס האט בפועל געדינט אלס סיגוט'ער רב נאך די קריג וד"ל.

[מנהלים, אויב ווערט דער טעמע פארברייטערט אויף דברים שאין רוח הקרעטשמע נוחה מהם, בין איך וויליג צו מעקן מיין לעצטערע פאר שורות, משום כבודם של הגדולים, אשר קטנם עבה ממתני]

אוועטאר
farshlufen
שר עשרים אלפים
תגובות: 22544
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » זונטאג פאברואר 24, 2008 2:00 pm

הרב מילער: אמשול לך משל:

ס'איז דא גרויסע קאמפאניס וואס פארקויפן זייער לייסענס אויף געוויסע פראדוקטן אזוי ווי STANLEY - GE און אנדערע, ווער קויפט עס אפ פון זיי?
קליינע קאמפאניס וואס ווילן אריינברענגען זאכן פון טשיינע, די ברויכן צוקומען צו א ברענד.

א קאמפאני וואס האט שוין א אייגענע גוט אויפגעבויטע ברענד ברויך צו דעם נישט צוקומען.

והמבין יבין.
זאלסט נישט שרעקן זיך נישט זארגן וואס די זון פארגייט
קומען וועט א נייער מארגן פיל מיט גליק און פרייד.

3x0
המכונה 'טריאו'
תגובות: 9146
זיך איינגעשריבען אום: מיטוואך יוני 28, 2006 11:29 am
לאקאציע: חבוי

תגובהדורך 3x0 » זונטאג פאברואר 24, 2008 2:05 pm

כ'מיין אז ס'איז א שאד צו פארדרייען אזא העריכע אשכול, שכוח זיידע פאר די רייכע אינהאלט פון 'על הצדיקים'.

אוועטאר
אנדי פעטיט
שר שבעת אלפים
תגובות: 7174
זיך איינגעשריבען אום: זונטאג סעפטעמבער 02, 2007 11:20 am
לאקאציע: אין די גלייזן

תגובהדורך אנדי פעטיט » זונטאג פאברואר 24, 2008 9:16 pm

זיידעניו איך בין מפליא דער ארטיקעל עד מאוד! מער ווי אלעס וואס דו האסט געשריבן ביז היינט!

ניין! נישט די רייכקייט דערפון בין איך מפליא! נישט די איידיע! און נישט די מליצות און די ווערטלעך וואס האבן א טעם של פעם!

איך בין מפליא אז ס'קומט א איד, און אין ווייניגער ווי א וואך שרייבט ער 56 אשכולות און 333 תגובות, און נישט סתם שטותים מיט הבלים נאר דברים העומדים ברומו של עולם, און ער דארף זיך נאך פארענטפערען פאר אונז פארוואס ער טוט דאס?

דרך אגב האב איך אויך הנאה געהאט פון די רייכקיטיט, די איידיע און די מליצות און ווערטלעך.

יישר כח.
הייב אויף דיינע הענטעלעך צום טאטע אין הימל!

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » זונטאג פאברואר 24, 2008 9:35 pm

אזא מין דאנקי צו זיין, אויפרעגן דעם זיידן פון די קרעטשמע?

זיידעניו לאכט אייך אויס, פונעם דאנקי פון אונז, און גייט אן מיט אייער ארבעט און שוין. מאכט אבער זיכער אז קעגן יעדע פינף אדער צען פון אלע צדיקים אפטיילונג, זאל קומען איינס מיט הומער.

אוועטאר
יגרסהדותא
מ. ראש הקהל
תגובות: 3682
זיך איינגעשריבען אום: מאנטאג יולי 03, 2006 10:14 am
לאקאציע: קאר וואש

תגובהדורך יגרסהדותא » מאנטאג פאברואר 25, 2008 8:51 am

איך הער; דו ווייסט נישט וואס מיר פארדינען דא, פאר יעדען "אייזל" גייט קומען אן אשכול!! מנהלים; גרייט'ס אן גענוג פאפיר און טינט און קרעטשמע..

ווער ביסטו
שר העשר
תגובות: 20
זיך איינגעשריבען אום: דינסטאג יולי 04, 2006 2:28 am

תגובהדורך ווער ביסטו » מאנטאג פאברואר 25, 2008 12:34 pm

אנטשולדיגט, איך האב גארנישט געמיינט. איך האב בלויז איבערגעזאגט א געדאנק וואס אן עלטערער איד האט מיר געזאגט (און איינגערינגלט פארוואס איך האלט אז ער איז נישט אינגאנצן גערעכט).

אזויפיל איז ער לכאורה יא גערעכט אז אסאך רבנים האבן אויסגעקליבן צו פאראייביגן זייערע אלטע קהילות איבער פאראייביגן זייער ארגינעלע דינאסטיע צוליב די אויבנדערמאנטע סיבה.

איך שיהי' איז זיידעניו 100% גערעכט, דער ציל איז נישט צו זיין קיין אייזל, און אויך נישט צו זיין קיין פערד.

אוועטאר
מיללער
שר עשרים אלפים
תגובות: 25754
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג פאברואר 25, 2008 12:48 pm

א גוטן הרב ביסטו,

עס וואלט מיר געווען אינטערעסאנט צו הערן ווער לויט אייער איינגערינגלטען מיינונג האט נישט גענומען די נאמען פון זיין דינאסטיע צוליב די אויבנדערמאנטע סיבה (חוץ צאנז וואס דער קפידא איז שוין געווען אינדערהיים מיט קרייז-צאנז כידוע).

ווי אויך זענט איר איינשטימיג מיט מיר אויף די אישו בנוגע רביה"ק מ'סאטמאר און דער סיבה פארוואס ער האט נישט סעלעקטעד סיגוט?

גערעכט, מ'טאר נישט זיין קיין אייזל און קיין פערד, אזוי ווי דהמע"ה זאגט שוין אל תהיו כסוס כפרד אין הבין, אבער צו שרייבן דברים של מה בכך מיט אן קיין בעקונג איז אויך נישט אין איינקלאנג מיט חכמה.

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

תגובהדורך זיידעניו » מאנטאג פאברואר 25, 2008 9:58 pm

אוי א חורבן !!!!!
יא ,וואסי געשעהן ????
עס איז איינגעפאלען !!!!

ווואאאס, ברוכדייעמעת, וויפיל טויט וויפיל פארוואונדעט ???

ניין, ס'איז מיר איינגעפאלן אן איידיע

אז אפשר זאל איך בעטן פון די מנהלים צו מאכן דעם אשכול פאר אן עגונה אין די על הצדיקים אפטיילונג ??

זאלעך בעטן יא אדער ניין ?

כ'ווייס נאך נישט, כ'על עס איבער טראכטן

אוועטאר
סאכדעס
שר עשרים אלפים
תגובות: 20445
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מיטוואך פאברואר 27, 2008 2:27 pm

זיידי, נעכטן נאכט האבעך געליינט ס'לאנגע ארטיקל, כ'מוז דיר זאגן זיידי, אז כאב זייער הנאה געהאט, האסט געשריבן דברים הראוים להעלות על שלחן מלכים. דער פראבלעם איז נאר, אז דער אייזל כאפט בכלל נישט אז מ'מיינט עמען...

איז אזוי זיידי, זיך נעמען צום הארצן איז אויך נישט קיין וויכטיגע זאך, בפרט נאך ווען עס קען דאך שאדן צום שלום בית. אויב שוין יא אזוי לאנג א גוטע שלום בית, לאמיר נאך אנהאלטן אביסל...

בעצם איז דאס שרייבעריי איבערמעכטיג, עס איז מיר נאר א פלא וויאזוי מ'לערנט אן אלטן בער טאנצן, ווייל מסתמא אויב האט איר אזא גוטע פאך, העט איר ווען געזאלט שרייבן אין אויסגאבעס (פארגעסט נישט, אמאל איז נישט געווען קיין קרעטשמע...) און כ'דענק נישט נאך אזא גוטער שרייבער אין די פריערדיגע היימישע צייטונגען. אלא מאי זיך געלערנט שרייבן אויף דער עלטער, נאך וואס די קינדער האבן איבערגענומען קאמפיוטעריש די ביזנעס, איז עס ממש א פלא.... אזוי גוט קענען שרייבן, הגם די ספעלינגס זענען נישט אזוי איי איי איי, דאס געבט צו א סברא צו זאגן אז זיידי האט נישט געשריבן אין די אינגע יארן קיין סאך...
איין זאך איז זיכער אז הרבה קרעטשמע נזרקה בו, אסאך קרעטשמע ארטיקלן האט זיידי געליינט...


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: Kosher Travel, געשמאקע ווינטל און 30 געסט