זכרונות מרביה"ק מסאטמאר ז"ל ועוד

תולדות וסיפורי צדיקים וחסידים

די אחראים: אחראי, גבאי ביהמד

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:18 pm

scy4851 האט געשריבן:רבותי' איך זיך דעם פסק אין עס וועט נאך אפיר קומען.
איך האב דא גישריבען צו איינעם און תיבה אישית אז איינער פון מיינע קונדער האבען גיוואלט ברענגען מיין ספרים שטוב און ארדענונג און מאכען א סדר. צום סוף האט זיך אויסגילאזט אוויא דער בעל הסליחה זאגט און פוזמון פון ערב יום הקדוש "ואין סודר לי סדר"
פריערט האב איך גיוויסט אלס וויא עס ליגט, יעצט אז עס איז דא א סדר, דארף איך זוכען.
אבער שרעקס ענג נישט. איך וועל עס אויף זיכען אין בעזה"ית ארויף לייגען.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:47 pm

זיידעניו האט געשריבן:ר' שמחה איך האב מעך פינק היינט דערמאנט די קפידה פונעם רבין צו גיין מיט א קנעפל אויפן קאפל קענט איר מיר מסביר זיין ווי דאס איז אזוי מיסטרעיעז פארשווינדן געווארן ?

מיללער האט געשריבן:זידה'ני"ו,

דער רבי האט 'מקפיד' געווען צו גייו מיט'ן קנעפל אויף די קאפל? ווער זאגט? דעמאלטס איז יעדער אזוי געגאנגען, וגם אני הקטן בין אויך אזוי געגאנגען בערך צוואנציג יאר צוריק.

זיידעניו האט געשריבן:יא אויסדריקליך מקפיד געווען אז די קאפל זאל זיין געמאכט פון זעקס שטיקער סחורה און מיט א קענפל אינדערמיט און די סיבה דערפון איז געווען על פי קבלה אז די זעקס מידות חג"ת נה"י וואס רעפרזענטירט די זעקס שטיקליך סחורה זענען אלע משפיע אויף מלכות וואס דאס איז געווען רעפרעזענטירט אין דעם קנעפל און דאס איז פארשטיייט זעך העכער די מוחין איז דאס די מלכות עילאה

און ווי באקאנט איז די רבי געווען זייער שטארק אויסגעהאלטן על פי תורת הנסתר אפילו מען האט דאס קוים געקענט זעהן אבער איינמאל האט מען יא געהאט א זעלטענע געלעגענהייט און יא געקענט זעהן ווי די רבי איז עוסק אין נסתר

געווען איז דאס און די מיטעלע כ' יארן איינמאל יום כיפור און די סדר איז אז ווען דער עולם האט געזאגט די עבודה איז דאך דער בעל תפילה שטיל און נאכדעם זאגט דער בעל תפילה עס איבער פון אנפאנג אבער דער רבי האט געמיינט אז יעדער זאגט פון אינעווייניג און קיינער וועט נישט קוקן וואס ער טוט האט ער פון בוזעם ארויסגענומען די הייליגן ספר פרי עץ חיים ס'איז געווען אויף געמישט ביי שער יום כיפור

און ווען דער קול פונעם ציבור האט זיך אנגעהויבן פארשטילערן וואס דאן האט די רבי דאס צירוק געלייגט און ער האט אנגעהויבן מיט אזא דביקות דקדושה אתה כוננת עולם מראש מיט בכיות נוראות און אן אימתא עילאה האט אנגעכאפט דעם גאנצען ארום און ווען די רבי איז געפאלן כוראים איז געווען אזא צוקוועטשעניש

אנטשולדיגט כ'בין פארקראכן
יא וועגן די קאפל

עס האט זיך ארום געדרייט א מעשה ס'ליגט מיר און קאפ א בערגער אבער כ'בין נישט זיכער אז ער איז אריין צום רבין און געוואלט געבן א קאפל און די רבי זאל אים געבן זיינס (וואס איז געווען כמעט ווי א נארמאלע ערשיינונג) און די רבי האט עס נישט געוואלט נעמען ווייל עס האט נישט געאט קיין קענפל

מיללער האט געשריבן:ישר-כח ר' זידה פאר די פרטי-הדברים, די מעשה מיטן פרע"ח איז זייער באלערנד.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:51 pm

scy4851 האט געשריבן:
זיידעניו האט געשריבן: און ווען דער קול פונעם ציבור האט זיך אנגעהויבן פארשטילערן וואס דאן האט די רבי דאס צירוק געלייגט און ער האט אנגעהויבן מיט אזא דביקות דקדושה אתה כוננת עולם מראש מיט בכיות נוראות און אן אימתא עילאה האט אנגעכאפט דעם גאנצען ארום און ווען די רבי איז געפאלן כוראים איז געווען אזא צוקוועטשעניש ובפרט ווי איך בין געשטאנען אז כ' געמיינט אז כגיי אויס

אזוי וויא איך האב דא אהנגיפאנגען שרייבען איז די לעצטע צוויי וואכען גיי איך ארום וויא און א חלום און זכרונות וואס זענען שוין לאנג לאנג באהאלטען פאנגען זיך אהן אויפציוועקען. און א ווארט פון דעם אדער א רמז פון יענעם איז אסאך דער גורם דערצי.
זיידעניו האט צירוק גיברענגט דעם זכרון וויא אזוי דער רבי איז גיזצען מיט די פיס אויף א פיס בענקעל. ער האט מיר אויך דערמאנט דאס וויינען ביים דער ערשטען סליחות ביי "צדק צועקיך..". או! די באהאלטענע זכרונות.

בנוגע מיין יום הקדוש איבערלעבעניש האט מיך זיידעניו מיט זיין תגובה דערמאנט.
איך האב נישט גיהאט האט די זכויה צו שטיין לעבען רבין אבער עס קומט ציבוסלעך צירוק די בכיות ביים עבודה. פון וויא איך בין גיזעצען האט מען קיין איין ווארט נישט גיקענט פארשטיין. נאר וויינען אין וויינען. ביים סוף האט מען יא עפעס גיקענט אויסמאכען וויא ער זאגט וסמך שתי ידיו עליו והתודה.. דער עליו אביסל כצויגען אוויא דער ניסוך הידוע.
איך כידענק יעצט אויכעט דעם וכך היה מונה..

ער איז מיר אויך צירוק גיקומען און זכרון שבת נאכט דער טיש. איך גידענק איהם צאמשארען די ברעקעלעך פון חלה אויף א לעפעל און אויפעסען.
וואס האב איך דענמאלס גיוויסט אז עס איז דא אן ענין דערביי? איך האב ביי מיר אזוי גיטראכט אז ער איז זייער פעדאנט און ער גלייכט אלעס זאל זיין ריין. איך גידענק אן אויסטערלישען שטילקייט, וויא דער רבי האט גיגעסען די פיש און גיטונקען חלה און די זאפט.
עס איז מיר אזוי אדורך און קאף אז ווארשיינליך עסט ער ווייניג דורך די וואך און די סעודת שבת איז זיכער זיין עיקר עסען פון די וואך.
איך גידענק טאקע זאגען פאר מיין פעטער מיין אויפמערקזאמונג, אין ער האט מיר גיזאגט אז עס איז אמת אזוי.

עס וועט נאך אפירקומען נאך זכרונות פון מיינע קונדערישע יאהרן.

נ.ב. אוך האב היינט און דערפרי גישוקט אן אימעיל צו מיין חבר און אוסטראליע אז ער זאלל מיר שיקען א קאפי פון ר' משהס פסק וואס איך האב איהם גישוקט בערך צווי יאהר צירוק אויב ער האט עס נאך, און אזוי וויא עס קומט אהן וועל איך עס בל"נ ארויף שטעלען.
דער אריגינעל איז ערגעץ וויא און שטוב אין איך האב אנגיפאנגען זוכען.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:53 pm

scy4851 האט געשריבן:
זיידעניו האט געשריבן:און ווי באקאנט איז די רבי געווען זייער שטארק אויסגעהאלטן על פי תורת הנסתר אפילו מען האט דאס קוים געקענט זעהן

זיין באהאלטען זיין התנהגות בכלל און פרט זיין זיך פירען ע"פ תורת הנסתר איז גיווען לעגאנד.
איך גידענק איינמאל ווען דער רבי האט גיהייסען טוישען א הויזבחור, ווייל ער האט דערשפירט אז ער קוקט איהם ציפיל נאך זיין התנהגות.
זיינע הויז בחורים זענען כסדר גיווען נישט צו גרויסע חכמים. גיטוהן וואס מעו האט באדארפט, שטארק אויגיפאסט אויפען רבין און נישט גיהאט ציפול דעת עפעס נאשען אן התנהגות אין טיילען מוטען עולם.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:54 pm

מיללער האט געשריבן:ווער איז געווען דער הויז-בחור וועם מ'האט געטוישט?

בכלל, וואלט געווען כדאי דא צמאכן א שטיקל ליסטע פון הויז-בחורים, וזה החלי בעזהש"ת:

ר' שמואל בראך שליט"א אב"ד נאנאש
ר' עקיבא וויינשטאק
ר' שלום האלפערט

נא העלפט ארויס אידן.........

farshlufen האט געשריבן:דאס ווייס איך אויבענאויף
ר' שמואל בראך איז געווען הויז בחור אין די ערשטע העלפט י' יארן.
ר' יצחק שטוהל פלעגט ארויס העלפן די רעבעצין אין שטוב ביז בערך ט"ז-י"ז
ר' עקיבא וויינשטאק האט איבער גענומען ר' יצחק אין די קאך אלס אינגער בחור
א שטיק צייט האט מען געראטעיט די הויז בחורים טעגלעך ס'האט נישט אנגעהאלטן פאר צו לאנג ,
נאכדעם האט מען גערויטעיט וועכנטלעך דעמאלטס איז געווען ר' נח קליין און נאך
ר' עקיבא וויינשטאק איז אויך געווען פון די, שפעטער ארום תש"כ איז ער געווארן עמטליך הויז בחור ביז בערך כ"ד-כ"ה
נאך ר' עקיבא איז געווען
ר' מאיר דייטש
נאכדעם ר' יעקב הערש ברייער
ר' שלום האלפערט איז שוין געווען אין די נישט געזינטע יארן
ר' מאיר שניטצלער
ר' משה שווארטץ
ר' משה גפן
ר' שלום יוסף ווייס

יאסל האט געשריבן:נאך ר' וואלף בער לעבאוויטש ז"ל שנת תשי"ד האט מען צילוב א סיבה געטוישט דעם סדר אין יעדע וואך מיט א ראטעישאן האט זיך געטוישט די גבאים.סהאט אנגעהאלטן ביז תשי"ח
מסתמה איבער צוואנציג האבן זיך דורעך געדרייט אין דע צייט איך וועל אויסרעכענען עטליכע
ר' שמואל בראך שליט"א ער איז אויך געווען מיטן רבין אויף א"י תשט"ו ער האט אסאך צי פארקויפן פון יענע נסיעה
זיין ברודער ר' חיים אלטער
ר' שלום פעקעטע
ווען מהאט צוריק געטוישט דאכט זיך איז געווארן ר' משה אלי פאלאטשעק ווען ער איז א חתן געווארן האט ער תיכף געמוזט סטאפען ווייל זיין כלה האט געוואינט העכערן רבי'ן
דערנאך איז ר' עקיבא וויינשטאק געווארן.
זיין טאטע האט זיך אויסגענימן מיטן רבי'ן אז ער מיז זיך יעדע וואך שטעלן צים פארהער ער איז געווען קרוב צו 4 יאר הויז בחור
ער איז לכאורה פון די חשובסטע פון די הויז בחורים
דערנאך איז ר' מאיר דייטש געווארן ער האט זיך שוין דארט געדרייט פאר דעם העלפענדיג די רעביצן
ער האט נישט לאנג נאכדעם חתונה געהאט.
אבער נאך ווי די רבי איז נישט געזינט געווארן איז ער שטענדיג געווען דארט ער האט געהאט א חוש אויפציכאפן וואס די רבי זאגט וואס נישט יעדער האט פארשטאנען אין די נישט געזינטע יארן.
דער נאך איז ר' יעקב הערש ברייער געווארן אין זיין באווארפען איז געווען עטליכע וואכן נאכן סטראוק

farshlufen האט געשריבן:ר' עקיבא וויינשטאק איז געווארן זומער תשי"ט פאר דער רבי איז געפארן אויף שעראן ספרינגס
לעצט פאראכטן דורך scy4851 אום מיטוואך אוגוסט 26, 2009 2:01 pm, פאראכטן געווארן 2 מאל סך הכל.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:56 pm

scy4851 האט געשריבן:אז מען רעדט שוין פון הויז בחורים.
דאס האב איך גיהערט פון א קאזין מיינער, ער איז שוין היינט א בן שבעים, און ער האט גיהאט די זכויה צי זיין א הויז בחור פאר א קורצע תקופה.
און די גאר ערשטע יאהרן פון רבין דא און אמעריקא, איז גיווען אייו הויז בחור א שטיקעל צייט משמש גיווען דעם רבין זייער גיטריי. די גבאים זענען אויפגיקומען אויף אן המצאה אז עס וואלט גיווען כדי צו טאשען א יעדע פאר וואכען אזוי זאלען אנדערע בחורים אויך האבען די זכויה. מען האט טאקע אזוי גיטוהן.
עס האט נישט לאנג גידוירט ווייל דער רבי האט אליינס גיבעטען מען זאלל צירוק גיין וויא אזוי עס איז גיווען פריערט. עס האט איהם זייער מבלבל גיווען אז א יעדע פאר וואכען אויפסניי אריינברענגען און שואנג אין אויפסניי דארף מען אויסלערנען וואס צו טוהן.
פון די עטליכע וואס האבען יא זוכה גיווען איז מיין קאזין גיווען איינער. ער האט מיר דערציילט אז ער איז דארט גיווען 4 וואכען. דורך די צייט וואס ער איז דארט גיווען איז דער רבי גיווען זייער פארקולט און זייער הייזעריג, איז פלעגט ער איהם שרייבען וואס ער האט גיוואלט. מיין קאזין האט דערנאך אנגיהאלטען די צעטליך און ער האט מיר זיי גיוויזען. אויף איין צעטעל גידענק איך אנגישריבען ' בעט פונעם רביצן זי זאלל מיר מאכען א טיי.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:57 pm

אנדי פעטיט האט געשריבן:
זיידעניו האט געשריבן:אלול תשל"ט איז געווען און אינזער לוח א חול המועד תשעה באב פשוטו כמשמעו

די פטירה פון דעם רבין האט יעדעם געגעבן א זעץ אין מוח אז מען איז באמת געווארן געדעמידשט פאר א שטיק צייט ביי יעדעם האט גענומען אן אנדער צייט ביז מען איז ציזיך געקומען און כ'לייב אז סעאיז נאכדא היבשע מענטשען וואס ליידן נאך ערענסט פון יענע מוח קלאפ
כ'וועל זעך פרעבירן צו דערמאנען יענע שווארצע תקופה וואס איז אריבער אויף אינז כאטש צו רעדן דערפון איז מיר זייער שווער אבער צו שרייבן ערלויב יא דער טינט פלוס צו פארגוסן הארץ וויטאגליכע זכרונות
אוי ! געדעמישט אידן וואס האבן געהאט א געשטעל ווי ראשי קהלה זענען ארומגעגאנגען וואס בעטלערס מיטן קאפ אראפ נישט צוגעמאכט אלע קנעפליך פונעם העמד פון אנזעץ
עס איז געווען א נארמאלע זאך אז אין קאווע שטיבל אדער אין מקוה בור זאל זעך א פלעינע בעל הבית צעוויינען ווי א בעבי
ווייסט וואס עס מיינט אז א לאנגע תקופה (כ'געדענק נישט ווי לאנג ) איז דער גאנצע קהילה פון קיין ביז גרויס געגאנגן נאר אינעם רבין בור (ווי מען האט געמאכט דעם רבי'ס טהרה) דער בור איז געוועזן שווארץ ווי הייסע טינקעלע קאווע און עס האט געזידט ווי קאלע סאדע בלי גוזמה
ביים דאווענען שמו"ע האבן זיך כמעט אלע בעלי תפילות צעוויינט אדער צעקרעכטס ביי די ברכה פון מחיה המתים
ס' האט געקענט זיצן א טיש ביי לחיים נאכן דאווענען און קיינער זאל נישט אויסטוישן א ווארט מיטן צוווייטן פון צובראכנקייט
אסאך מענטשען זענען פלעין געזיצן און געקוקוט אויפן הימל ווייל יעדע סעקונדע איז מען געווען זעכער אז משיח קומט ווייל אנעם רבין איז אויס וועלט (ווי ר' עזריאל האט געקוויטשעט ביי די לויה)
און פינקט דאן האט זעך אומגעוונטשען אנגערוקט די ימים נוראים און אויפגעפליקט א פרישע וואנד אונעם ציבר'ס אזוי ציבליטיגטן געביין


ליינענדיג דער שטיקעל איז מיר שווער געווארען א קשיא וואס איז מיר בעצם שווער געווען שוין א צייט צוריק ווען איך האב געהערט פון אן אנדערע איד בערך די זעלבע שמועס איבער די קלאפ וואס די וועלא בכלל און די סאטמארער קהלה בפרט האט דאן געכאפט. (און אויך פון מיין טאטע האב איך געהערט, ער איז נישט געווען קיין חסיד אבער א מבין איז ער געווען און ער האט פארשטאנען די גודל האבדה).

זייענדיג א פרעמדע (ווי מ'זאגט) און צוקוקענדיג פון די זייט וויל איך פארשטיין (אויב מעגליך) וואס איז אדורך דיין קאפ, דיין הארץ און וואס איז געווען דיינע געפילן וואס האט דיר גענויגען צו פארן קיין בארא פארק און מאכען די החלטה אז עס איז צייט צו גיין ווייטער?

ווען פונקטלעך איז דאס געשען?

וואס איז געווען די ריספאנס פון דיין משפחה, קרובים וידידים ווען זיי האבן איינגעזען אז דו האסט געמאכט די החלטה.

איך האף אז איר פארשטייט אז איך פרעג די שאלות פשוט ווייל איך בין אזוי אריין געשלעפט געווארען דורך דער אשכל אין די עמאשעניל געפילן פון יענע צייט און איך וויל זיין קלאר פונקטלעך אלעס אן אויס לאזען קיין דיטעילס.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 1:58 pm

scy4851 האט געשריבן:מען האט גימיזט גיין ווייטער. עולם כמנהגו נוהג. עס האט נישט גיקענט סטאפען.
אונז זעמיר מער נישט גיגאנגען דארט. אוך האב נעכטען נאכט גישמוסט מיט איינעם וועגען דעם, און איך בין נאך שולדיג דא פאר איינעם א תשובה און זיין אישית וועגען דעם.
אונז האמער זיך אנגיפאנגען צו גראוויטעטען צו ר' הערשעלע ספינקער ז"ל. אבער סטאפען איז נישט גיווען קיין אפשען.


אנדי פעטיט האט געשריבן:דאס האב איך פריער פארשטאנען פון די פאקט אז אזא עולם איז געפארן קיין באראפארק אין יענע תקופה און איך האב אויך געהערט פון א שכן אז מ'האט זיך געהאנגען אין דערויסן פון די פענסטערס. מיין שאלה/בקשה איז געוען אויב מקען אדורך גיין די עמאשענעל פראסעס פון די נאמנעס (כנ"ל) און שאק דורך די געוויין און צער ביז'ן החלטה אז מען דארף גיין ווייטער.

אבוויעסלי איז א יעדע מענטש געווען אנדערש ווייל א יעדע מענטש אין די וועלט האט אן אנדערע סארט פעין אינדורענס סיסטעם.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 2:04 pm

scy4851 האט געשריבן:
אנדי פעטיט האט געשריבן: מיין שאלה/בקשה איז געוען אויב מקען אדורך גיין די עמאשענעל פראסעס פון די נאמנעס (כנ"ל) און שאק דורך די געוויין און צער ביז'ן החלטה אז מען דארף גיין ווייטער.

ר' שמשון רפאל הירש שרייבט סוף זאת הברכה אויפען פסוק ,ויתמו ימי בכי אבל משה,
עס שטייט נישט ימי אבל, עס שטייט בכי אבל.
'אבל' איז גיבליבען דער 'בכי' האט זיך אויפגיהערט. מען האט שוין נישט גיטרויערט פון דרויסען, אבער 'אבל' האט זיך נאך אנגיהאלטען אויף א גאר לאנגע צייט. דאס פארקלעמניש אין הארץ האט גידוירט א לאנגע צייט זיך נאכלאזען.
דא איז אויך גיווען אזוי.
'איט וואס עי סלאו פראסעס' אין עס איז שווער ארפשטעלען און פינטלעך אהנצייכענען אויף דער מינוט וואס מען האט גימאכט אן החלטה גיין ווייטער.

זיידעניו?
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 2:08 pm

scy4851 האט געשריבן:בנוגע דער פסק פון ר' משה פיינשטיין ז"ל וואס איך האב אויווען דערמאנט.
דער אריגינעלער הוספה צום פסק בעצם כתב ידו איז נאך דערוואל מיר נישט אונטער גיקומען. אבער איין הצלה פורטא איז יא דא.
זיכענדיג היינט אונדערפרי צווישען פאפירען פון מיין טאטען ע"ה איז מיר אונטערגיקומען דער קול קורא. איך ווייס נישט גיין דיטעלס דערפון, צו דאס האט מען גיהאנגען איבעראל אדער נאר אין סאקמער שטיבעל. מיר קוקט אויס אוויא מען האט עס ארויסגישוקט אויף די פאסט פאר יעדען, און אפשר אפילו גיהאנגען אין שטיבעל (ווארשיינליך לעבען די קאווע אלזא ווען מען שטייט און מען טרינקט זאל זיין עפעס א זאפטיקע נושא איבער צי קייען)

דער אויבערשטער חלק אנטהאלט דער סעיף ב' פון דעם אריגינעלער פסק דין. פון אונטען איז דאס שטיקעל וואס ער האט גישריבען חול המועד, און יענס שטיקעל איז וואס איך זיך יעצט.

איין אויפמערקזאם:
רי"א רויזנבוים איז דער זוטשקער(קאסקי יאסקא) רבי. און ליינען דעם בריף זעהט מען לאפאיעט.
דער זוטשקער רביןס בית מדרש איז דארט גיווען.
צוגעלייגטע
satmar.jpg
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:25 pm

צייטליך האט געשריבן:א גרויסן יישר כח ר' שמחה פאר דאס צעטיל, עס איז מיר זייער אינטערסאנט צו זעהן נאכן ליינען דיינע באשרייבונגען דערוועגן.

scy4851 האט געשריבן:א ישר כח קומט פאר ר' טריאו(אזוי הייסט ער?) וואס ער האט מיר גיהאלפען ארויפלייגען דעם קול קורא.

צייטליך האט געשריבן:איר דארפט טניטאמאל פרעגן וויאזוי ער הייסט, אויב האט אייך איינער געהאלפן דא אין קרעטשמע, איז עס אינזער געטרייער טריאו.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:25 pm

מיללער האט געשריבן:ר' שמחה א מעכטיגער ייש"כ, עס איז באלערנד צו זעהן ווי דער גרויסער גדול ר' משה פיינשטיין זצ"ל האט איינגעזעהן אז צוליב מחלוקת איז וויכטיג זיך מתיר צו זיין און שרייבן חוה"מ, שיחת חולין של ת"ח צריכה לימוד.

אגב, אז מ'רעדט פון ר' משה און זיין שייכות צו סאטמאר, כידוע האט דער רבי ז"ל חולק געווען מיט אים אויף עטליכע ענינים ופסקים וואס דער רבי האט געהאלטן אז זיי זענען עיקרי הדת ווי מ'ברויך גיין לחומרא אין א צייט ווען ר' משה האט יא נוטה געווען לקולא.
מאכט זיך אמאל אז ר' משה איז אין אן עלעוועיטאר אינאיינעם מיט א פארברענטע סאטמארער חסיד, (דער נאמען ליגט ביי מיר, אין אישית פאר ווער ס'איז נייגעריג) אז צוויי אידן טרעפן זיך איז מען שואל בשלומו איינער דעם צווייטן, פרעגט ר' משה דעם יוד ווער ער איז אא"וו, דער איד ענטפערט אים גערן און פרעגט צוריק "און ווער זענט איר?"
זאגט ער "משה פיינשטיין"
"אה, דו ביסט עס?!"..........רופט זיך אן דער איד.

קאמענטארן זענען איבריג.

scy4851 האט געשריבן:ר' מיללער,
איך האלט עס איז נישט וויכטיג מפרסם זיין אפילו נישט אין אישית.
מיין פריוואטע דעה.

יאנאש האט געשריבן:די מאנסע איז נישט אמת.

מיללער האט געשריבן:די וועלט זאגט "האסט עפעס א גוטס? מוז נישט דוקא זיין אמת".......

גוט איז עס זיכער, פון וואו ווייסטו אז עס איז נישט אמת? כ'וועל דיר זאגן מער, איינער ווייסט דען צו דאס איז אמת אדער נישט, ווער האט דאס פארצייילט ר' משה אדער ר' מ.? איך מיין קיינער פון זיי זענען נישט געווען קיינע בעלי מספרי לשה"ר.

וואדען? דער רעיון פון די מעשה איז אן אמת'ע אז צומאל ווען איינער איז נעראו-מיינדעד איבער אן אישו, טוט ער/זאגט ער זאכן וואס זעהן אויס זייער אויפאלנד פאר פרעמדע, די אידן ביי וועם דער רבי איז געווען זייער טאטע, זייער רבי, און זייער מורה-דרך, ביי זיי איז נישט פארהאנען געווען אזא זאך ווי אז איינער זאל דיך מחולק זיין אויף אים זאל ער זיין סיי ווער.

זיידעניו האט געשריבן:נישט אמת יא אמת ראיון הדברים למי שאמרם
און בכלל די לופט ביי די סאטמארע חסידים איז געווען אזוי פון די צוויי פסקים פון ר'משה ווען מחיצות און הזרעה מלאכתות וד"ל

scy4851 האט געשריבן:איך האב נישט גיוואלט דערמאנען דער טעמא פון די מחלוקות אבער אז דער זיידע האט שוין יא דערמאנט,
עס איז דא א גאר א לאנגע מערכה וועגען דער מחלוקות בענין הזרעה מלאכתות אין טהרות יו"ט פון הלמיצער רב און איינע פון די ערשטע חלקים(דאכט זיך מיר חלק ג' אבער האלטס מיך נישט צום ווארט ווייל עס איז א בערך 30 יאר וואס איך האב עס גיזעהן) כמעט דער גאנצער חלק איז אויף דער שאלה אין עס איז כמעט נישט דא א בריף אדער תשובה פון א פוסק וואס ער ברענגט נישט צו.


scy4851 האט געשריבן:זייער מעגליך אז עס איז נישט אמת.
אזוי וויא זיידע האט גיזאגט, די ליפט איז גיווען פארפויזנט בתקופה ההיא אין ווארשיינליך מען האט אויסגיטראכט א זאפטיגע מעשה.
אינז האמער נאר גיזאגט אז מיר האבען עס ביידע גיהערט דענמאלס.

וואס דענמאלס האט זיך אף גיטוהן.
דער באבאוער רב ז"ל האט גישריבען א בריף (גידרוקט אין טהרות יו"ט וואס איך האב דערמאנט) אין תוך דבריו שרייבט ער אז ער האט נישט גיקענט שלאפען. זענען גיגאנגען עטליכע פון ר' משהס תלמידים אין מען האט איהם אונטער גירוקט א פלעשיל סליפינג פילס.
און נאך אין נאך אזעלכע שטיקלעך פון ביידע צדדים.
עטס מיינטס אז נאר די היינטיגע יכול'ען.
לעצט פאראכטן דורך scy4851 אום מיטוואך אוגוסט 26, 2009 9:43 pm, מאל פאראכטן געווארן 1 סך הכל.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:28 pm

קרעמער האט געשריבן:יישר כח ר' שמחה און זיידעניו, איך שפיר זיך ווי א גליקליכער אונטערהערער ביי א ריכטיגע אסיפת זקנים. איר מאכט אונזער טאג דא.

איך_הער האט געשריבן:ווידער האט מיר קרעמער אויסגעכאפט מיינע מחשבות, כאטש איך וואלט זיך נישט אויסגעדרוקט דאס זעלבע ווי ער, פאר דעם איזער דאך קרעמער, און איך בין נאר, איך הער.

איך פארברענג שוין ביים דעם אשכול, שוין איבער פופצן מינוט, אין די לעצטע צוויי טעג, איז צוגעקומען איבער פיר פעידזשעס. א גרויסן שכוח פאר אלע מגיבים, און פאר די שלעפער'ס פון די ווייסער'ס, יעדע תגובה דא, איז הערליך, און ציענדיג, א שיינעם דאנק פאר יעדן פון אייך.


זיידעניו האט געשריבן:
קרעמער האט געשריבן:יישר כח ר' שמחה און זיידעניו, איך שפיר זיך ווי א גליקליכער אונטערהערער ביי א ריכטיגע אסיפת זקנים. איר מאכט אונזער טאג דא.


נישט קיין שיינע זאך זיך אונטערצוהערן יענעם שמועס נאכדערצו ווען יענער וואלט געקענט זיין דיין טאטע

זעץ דיך נארמאל צו צי די לחיים טיש און שטעל דיינע פראגעס און מאך דעך ווי די ביסט אינטרעסירט צו הערן נישט נאר צו שאקלן מיט די קאפ און זאגן "יא יא זייער פיין" "אזוי איז ס טאקע געווען" "ממש מורעדיג" וכו'
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:48 pm

scy4851 האט געשריבן:בנוגע דעם זוטשקער רבי ז"ל.
איך האב איהם נישט גיקענט פון 'בעט סטיי'. איך האב איהם גיקענט ווען ער האט שוין גיווינט אין באראפארק. ער איז גיווען א זין פון ר' איתמר רויזענבוים,(מען האט איהם גירופען דער אבי אבות, ווייל זיינע קונדער, אין אייניקלעך, און איר אייניקלעך האבען גיפורט רביסטע נאך בחיו) א רעכט אייניקעל פון ר' מרדכי נאדווערנער זצוק"ל.
דער טאטע ע"ה פלעגט אלס יונגעל, זימער, פארען מיט זיין מאמע, פון באטור צו זיין באבע קיין בישטנא, ר' מרדכי נאדווערנערס שטאט. ער האט גידענק ר' איתמר נאך פון דארט.
ער האט מיר דערציילט אז דער ר' איתמר איז גיווען אזא עני ואביון, ער האט גיווינט אין א האלב פארטיג גיבויט הויז עס האט נאך גיפעלט אויפ עטליכע ווענט ציגעל.

קומענדיג צירוק צום זוטשקער רבין, ער האט גיווינט אויף 14 לעבען פונטערס ספרים סטאר.
איך פלעג פון צייט צו צייט גיין אהין שבת נאך מיין טאטעס שבת סעודה איהם ציהערען דאווענען. ער האט גידאווענט גיט שפעט אין גיווען א גרויסער עובד.
זיין קריאת שמע איז גיווען עפעס ספעשיל צי הערען.

דער עולם זאלל מיר מוחל זיין אז איך ברענג דא אנדערע זאכען נישט פון רבין זי"ע.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:50 pm

בני היכלא האט געשריבן:זיידע שמחה, לייג אראפ וויאזוי ס'האט אויסגעקוקט א פארהערן.

scy4851 האט געשריבן:איך פארשטיי נישט דיין פראגע.
וואס מיינסטו מיט 'פארהארען'?

אין די צוויטע שאלה מיינער איז. וואס טוסטו עפעס דא 4 איזייגער פארטאגס?
ביזט זיכער אויפגישטאנען צי דעם תהלים מנין פון שובבי"ם ת"ת און איידער מען נעמט זיך דערצי האסט א קוק גיטוהן צי עס דריט זאך אימיצער אין קרעטשמע וואס קען נישט שלאפען?

אדער אפשר גאר אויפגיווען אליינס 'ליל ששי'?

מיללער האט געשריבן:ר' שמחה,
ער מיינט ווען דער רבי האט פארהערט די בחורים אין די ישיבה.

בני היכלא,
איך וואלט געזאגט אז ר' שמחה האט נישט געלערנט אין די ישיבה, ממילא פאלט אוועק דיין האפענונג, אבער ער האט אונז שוין סורפרייזד מער ווי איינמאל, סאו מעיבי איים ראנג.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:53 pm

scy4851 האט געשריבן:מיללער, דא ביסטו יא גירעכט. נאו סופרייזעס,
איך האב נישט גילערענט און סאקמער שפעטערע יאהרן. נאך די איסטסייד ווען אינז האמער זיך אריבער גיצויגען צי בעט סטיי האט מיך מיין טאטע ע"ה אריינגישטעלט אין סאקמער. (יונתן פייערווערגער, פון סאקמער 53 און באראפארק) האט דענמאלס גיארבעט און אפיס און ער האט מיך רעגיסטריערט.
איך בין גיווען אין סאקמער נאר איין יאר (איך האב טאקע גלערענט אין בנין פונעם בית מדרש) אבער דערנאך האט מיך מיין טאטע ע"ה ארויסגינומען משום איזה סיבה, אוך ווייס נישט פארוואס און אוך גידענג נישט אז זאל מיר זאגען פארוואס.
איך בין דענמאלס גיגאנגען לערנען אין צעהלעם וויא איך בין גיווען א פאר יאהר ביז אינז האמער גימאפט קיין באראפארק.
אלזא קען איך גארנישט דערצילען פון א פארהער.
דאס יא, אין עס איז א צחות'דיקע גישעניש.
איך האב גידאווענט אלס בחור ציזאמען מיט א יוד וואס האט גילערענט ביים רבין נאך אין סאקמער, ער האט גיהייסען ר' בעריש בערגער ע"ה, ער איז גיווען א משולח, איך גידענק נישט פאר וועליכער מוסד.
האט ער דערציילט, און ער איזט גיווען ביי די מעשה, אז דער רבי פלעגט איעדער וואך פארהערען חומש רשי. האט זיך גימאכט אז איינמאל א פרשת בא, דער רבי פארהערט, און אויפען פסוק 'במכסת נפשות' האט אינער גטייטשט ,נישט 'צאל' מענשען, נאר וויפיל מענשען קענען עסען פון לשון 'כוסס חיטים'
האט דער רבי א שמייכעל גיטוהן און גיפרעגט דעם בחור, אין וויא אזוי טייטשט די ,וכיסת את ציאתך?
ער האט דערציילט אז עס האט גידוירט א שטיקעל צייט ביז דער עולם האט אויפגיהערט צי לאכען אין דער פארהער זאל ווייטער קענען אנגיין.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:58 pm

אנדי פעטיט האט געשריבן:לא"ה. א שיין ווארט.

מיללער האט געשריבן:ר' שמחה עס איז א טייער ווערטל, און יא דער רבי האט זיך ערלויבט צו מאכן אזא ווערטל צומאל.

אן עי סייד נאוט, נישט אזא איידעלע ווערטל, אבער פארט אין די סעריע, עס האט אמאל איינער געזעהן אן איבערוואגיגער פארשוין (אביעס) און ער האט געשלעפט א גרויסן טראנק, האט ער זיך אויסגעדריקט 'איש לפי אכלו תכסו'.........

זיידעניו האט געשריבן:עסץ לאכטץ אבער אך און ווי אויף דעם בחור וואס די רבי האט זעך ציווערטעלט אויף זיין חשבון

מען רעדט שוין נישט ווען די רבי האט אנגעקוקט א בחור וואס רעדט נישט צום דבר און אוודאי נישט ווען ס'איז אריינגעפארן מיט א פסק

אבער ווען ס'איז געגאנגען מיט א ווערטעל האט מען געוויסט אז ער גייט זיין די געשפרעך פון שטאט די קומענדיגע יארן

בני היכלא האט געשריבן:ר' שמחה, איך בין אויף געוון ליל שישי.

איך האב טאקע געמינט פארהערן ווי מילער האט שוין מסביר געווען.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 9:59 pm

scy4851 האט געשריבן:דעם שבת איז אויסגיקומעו צי רעדען עפעס וועגען מצות אויף פסח איז מיר ארויף גיקומען און זכרון א ערב פסח מצות באקען ביים רבין זי"ע.
איך האב גיזאגט פאר מיין זון אז איך מיז מיך טיילען מיטדעם, מיט מיינע חברים און קרעטשמע.

איך בין דענמאלס גיווען א בחור פון 13 אדער 14.
דער רבי איז 2 וואכען שוין נישט גיווען אין בית מדרש ווייל ער האט גיליטען אויף א רויז.
איך בין גיווען און בעקערי (עס איז דענמאלץ גיווען אויף BROADWAY איך ווייס נישט אויב עס איז נאך היינט דארט) אין פלוצלינג האט זיך גימאכט א רעש אז דער רבי קומט באקען. איך בין ארויס קוקען אין איך גידענק וויא א ווען איז אנגיקומען. עס איז גיווען א גרויסער 'פאטעל' און די ווען אין דער רבי איז אזוי גיזעצען דארט, מען האט איהם גיהאלפען ארויס אין ער איז אריין אין בעקערי. קודם איז ער ארום גיגאנגען אלס באקוקט, און גירעדט אדער גיפרעגט פון די באאמטע.
עס זענען גישטאנען אסאך קונדער דארט און איך האב גיזעהן וויא ער נעמט זיך בייזערען אז די קונדער מוזען שטיין אויף א זייט אדער ארויס פונעם בעקערי. מען האט טאקע ארויסגישטעלט אלע אונטער בר מצוה
מען האט אנגיפאנגען באקען.
דאס ערשטע מיירע האב איך גיזעהן וויא ער לייגט אליינס דאס וואסער אין זערנאך איז ער גישטאנען אין גיווארט אז דער קנעטער זאל פארטיגען.
ער האט זיך נאכדעם גישטעלט צום שפיץ פונעם טיש וויא מען וועלגערט, מיטען מיירא און דער האנט, אין ער האט אליינס גיטיילט.
זיין צורה ליגט מיר נאך היינט פאר די אויגען וויא ער איז אזוי גישטאנען ביים שפוטץ פונעם וועלגערעס טיש מיט א ווייסער פאפיר פאר א שירטצעל.
דאס לצטע שטיקעל גידענק איך האט ער אליינס גיוועלגערט, און די גאנצע צייט גיזאגט הלל מיטען עולם. אזא מתיקות! איך הער עס נאך עד היום.

די מצה בעקערי עפיזאד איז מיר גיקומען פלוצלינג און זכרון גייענדיג אהיים פון שול שבת בייטאג
איך האב עפעס א גיפול אז עס ליגט מיר באהאלטען אין זכרון נאך זאכען וואס איך אליינט האב שוין לאנג פארגעסען און יעצט ווען איך טו אין דעם נושא קומען זיי ציביסלעך אפיר.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:00 pm

קרעמער האט געשריבן:די בעקעריי איז נאך אלץ אויף בראדוועי, און עס איז א געשמאק צו הערן אז איר טיילט מיט מיט אייער זוהן אייער קרעטשמע עקספיריענס (הלואי ווען מיר זאלן קענען אזוי אפן רעדן דערפון צו קרובים און פריינט).

זאלן אייערע געפילן טאקע ארויפקומען און אראפגעשריבן ווערן למשמרת לדורות עולם.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:07 pm

scy4851 האט געשריבן:
מיללער האט געשריבן:רבותי, גוט א קוק וואס איז געווארן פון א תמימות'דיגע "שובבי"ם" אשכול...........


נו?

זארעכפעפער האט געשריבן:גם אני מצטרף, ס'איז שוין העכסט צייט צו צעטיילן דעם אשכול. די זכרונות פון רבי'ן זי"ע כדאי הוא אשכול לעצמו, ועל מקומו הראוי דארט אין בית המדרש ווינקל.

מיללער האט געשריבן:איך כאפ, ליידער ליידער ב'אין' אחראי מול מגיד סדר, תגיד ליאנאש דבר חוק ומשפט

זארעכפעפער האט געשריבן:נו, הפסק... וצדקינו במשפט המילער המשפט...
scy4851 האט געשריבן:נו רבותי!
לאטץ אן גיין!
עס איז דא א ספעציעל אשכול פארדעם.

יאנאש האט געשריבן:מיללער 'אין' האט שוין א פארטרעטער, קאנסט זיך נעמען צו די עבודה, ר' שמחה ווערט שוין אביסל נערוועזליך...


מיללער האט געשריבן:אקעי רבותי, די נושאים זענען צוטיילט באופן נאה ומתוקן עניני שובבי"ם ת"ת לחוד באשכול 'מידי שבת בשבתו', זכרונות מרביה"ק מסאטמאר ז"ל און בחור'ישע זכרונות עקסטער אין 'היימישע קרעטשמע'.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:08 pm

זארעכפעפער האט געשריבן:וואס א גוט יאר האסטו קורא שם געווען דעם אשכול על שמי? זיי מוחל רוק אהין אויך ר' שמחה'ס תגובה'ס וועגן די שובבי"ם ביים רבי'ן, און זאל דער אשכול נקראת ווערן על שמו הנערץ והנכבד. דער אשכול הייבט זיך דאך אן מיט געשפינט און געוועבטע קש ותבן'דיגע שטותים און לאקשן'דיגע מעונן'דיגע ענינים. לאז דעם אשכול טראגן א נארמאל פנים. נישט אבעראל מוז מען זיך פוגע זיין אין מיינע ברויך קרעמפן.


אלעקסיי האט געשריבן:דו מיינסט אפשר די אשכול בחור'ישע זארעכונות? דאס איז אויך קרוא ע"ש אלתר בחור ז"ל...
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:10 pm

יאסל האט געשריבן:
זיידעניו האט געשריבן:
יאסל האט געשריבן:נאך ר' וואלף בער לעבאוויטש ז"ל שנת תשי"ד האט מען צילוב א סיבה געטוישט דעם סדר אין יעדע וואך מיט א ראטעישאן האט זיך געטוישט די גבאים.סהאט אנגעהאלטן ביז תשי"ח


געהייסן האטעס דעמאלץ אז ר' וואלץף בער האט ציפיל נאכגעקוקט דעם רבין און די רבי איז נערוועז געווארן, האט ער פארלאנג א טויש נאך אים אויף די ניי סדר אבער למעשה נישט אלע בחורים וואס זענען געגאנגען האבן געיכולט און ס'האט שטארק געשטערט דעם רבין'ס עבודת הקודש האט מען עס צירוק געטוישט צו א געהעריגע סדר

די סיבה האט לגמרי נישט געהאט מיטן נאכקוקען דעם רבי'ן
ר' עקיבא וויינשטאק איז געווען דער וואס האט נאכגעקוקיט דעם רבי'ן אויף טריט אין שריט
ער האט אלעס פארשריבן אין ארויס געגעבן אומאפציעל א היבש'ן דיקע חיבור פון דעם
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:10 pm

farshlufen האט געשריבן:יאסל: ר' עקיבא האט טאקע געהאט אפגעשריבן אסאך, ער האט אבער גארנישט ארויסגעגעבן.

יאסל האט געשריבן:וועל
איך האב ביי מיר אינדערהיים א דיקן געטייפטען חיבור מיט הארטע דעקלעך
פון וואס ער האט פארשריבן

farshlufen האט געשריבן:ער האט דאך נישט אלעס, א חלק איז פארלוירן געגאנגען.
לעצט פאראכטן דורך scy4851 אום מיטוואך אוגוסט 26, 2009 10:15 pm, מאל פאראכטן געווארן 1 סך הכל.
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:11 pm

יאסל האט געשריבן:
זיידעניו האט געשריבן:בני שאלה גדולה שאלת ותשובה אתנו ככה

איך טראכט צירוק חודש אלול כ'בין נישט זיכער האט מען נאך קיינער נישט גערעדט אפע וועגן א ממלא מקום ווייל יעדער איז דעך געווען זיכער אז משיח קומט יעדע רגע

אבער סעאיז דעך אייביג דא אפאר פרישע כוחות וואס האבן יא די קאפ אויפן פלאץ און מען האט פלעין פשוט געמאכט א ווינט און דער עולם איז געפלויגן מיטן ווינט

פרעגסט מיר צו איך האב שוין דאן געוויסט אז ער גייט זיין די ממלא מקום כ'האב אפשר געהאט א קליינע מחשבה אז יא, אבער ס'איז מיר נישט אין בייזטען חלום איינגעפאלן אז די וועלט וועט געהעריג עקזעסטירן אנעם רבין

און פארוואס פונקט קין סיגעט איז פשוט ווייל ער האט געהאט דעם סיגעטע שטימע גאנץ ענדליך ווי דעם רבין ז"ל און ער האט גוט געקענט דעם רבין'ס נוסח און דער עולם האט נישט געוואלט וויסן פון א טויש איז מען געגאנגען קיין סיגוט


לויט מיין אינפארמאציע האט א ריזיגער ציבור שוין געקלערט אפען וועגן א ממלא מקום נאך אינמיטן די שבעה
אין ס'איז געווען היבש סיבות (ואכמ"ל) וואס האט געטריבן דעם עולם שוין מחליט צי זיין וועגן דעם עתיד
בנוגע פארוואס סיגוט'ער רב איז גאנץ פשוט,
היות די באלק פון די סאטמארע חסידים זענען אפשטאמיגע פון סיגוט'ע חסידים לדורותיהם
the SCY is the limit

אוועטאר
scy4851
שר ששת אלפים
תגובות: 6671
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך אוגוסט 26, 2009 10:15 pm

scy4851 האט געשריבן:ליינעניג און אן אנערען אשכול וועגען חנוכה און אז דער רבי האט גיהייסען בויען א טיהר. און אז דער טיהר איז גיווען לעבען בית שני.

מען האט מיך צירוק גיברענגט צי מיינע זכרונות.
איך גידענג גיט דער טיהר. טאקע לעבען בית שני, מען האט גיקענט זעהן אז עס איז ספעציעל גיבויט פאר דעם צוועק. עס איז גיווען רויע האלץ נישט גיפענט. איך גידענג אויך אז די מנורה איז נישט גישטאנען אין חלל פון יענעם טיהר.
דאס אויך, אז דער שמש איז גיווען פין אויל אוויא די אנדערע לעכט.
נאכדעם וויא דער רבי האט גיצונדען מיט א וואקסענעם ליכט האט ער אנגיצונדען דעם שמש אויפען מנורה.

ביי די ענדע פון יעדע ברכה האט ער שנעל גיזאגט דאס לעצטע ווארט כדי דער עולם זאלל נישט אנפאנגע אמן איידער ער ענדיגט.
נאך ליכטצינדען איז ער גיזעצען אויף זיין שטיל אין גיזאגט די אלע מזמורים וואס מען זאגט. איך גידענג נישט אז ער זאלל האבען פאר זיך א סידור. עס ליגט מיר און קאף וויא ער זיצט אזוי אין אלעס גיזאגט פון אויסעוויינג.
ווען ער איז פארטיג גיווארען האט ער גיווינקען דארט אין עס איז גיווען א קאהר פון עלטערע מיט יונגע קונדער וואס האבען גיזינגען.
עס ליגט מיר נאך פאר די אויען ווען א יונג קונד האט גיזינגען א סאלא אין עס איז גיווען עפעס אויסטערליש מתוקותדיג אז דער רבי האט זיך אויפגישטלט זעהן ווער עס זינגט .(פון וויא ער איז גיזעצען האט ער נאר גיקענט זעהן א טייל פונעם קאהר.)

דער רבי איז דערנאך גיגאנגען צי זיין פלאץ וויא ער פלעגט פירען טיש.
איך גיעג איהם זאגען תורה. א יעדע נאכט האט ער גיזאגט א תירוץ אויפען בית יוסףס קשיא. איך האב איינמאל באמערקט אז איידער ער האט אנגיפאנגען זאגען האט ער גיטאפט אויפען טיש פאר זיך צי פילען אויב עס איז דא א מייק אינטערען טישטאך אין ער האט זיך צישמייכלט.
the SCY is the limit


צוריק צו “על הצדיקים ועל החסידים”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 7 געסט