ודע מה שתשיב

הפוך בה דכולה בה

די אחראים: אחראי, גבאי ביהמד

אוועטאר
derech eretz
שר ארבעת האלפים
תגובות: 4109
זיך איינגעשריבען אום: דאנארשטאג אוגוסט 04, 2011 3:13 pm

תגובהדורך derech eretz » דינסטאג אפריל 30, 2013 7:57 am

גם אני נותן הסכמתי על מהלך האשכול עד כאן,

הג'
דרך ארץ

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 8:41 am

מילכיגער האט געשריבן:'עצם' אמונה מיינט "וואס אלץ מוז א איד גלייבן צו הייסן א איד"? איז א איד וואס גלייבט אין אלע י"ג עיקרים אבער נישט אין תלמידי בע"ש א כופר? ראשונים? U SEE WHERE THIS GOES...

די אלע מושגים (וואס אגב, זענען תלוי בקבלה און ממילא אפען צו דקות'דיגע חילוקים בין שבטי ישראל למיניהם וד"ל) קען מען בעז"ה מסביר זיין GIVEN TIME AND PROPER CONDITIONS אבער נישט אויף IVELT. סארי.


אויב אזוי קלער איך אז מען זאל דא רעדן אך ורק אין 'עצם אמונה'. די אלע שאלות וואס איך האב פריער דערמאנט ווערן ערקלערט דורך די ראשונים אין ספרים וואס זענען געאייגענט לכל נפש (נישט נאר פאר 'נבוכים').

לגבי גלייבען אין תלמידי הבעש"ט וכו', דא גיי'מיר אריין אין הייקעלע ענינים ווייל די תשובות ווערן נישט אויסגעשמועסט קלאר אין די תוה"ק , טא איז שווער צו ענטפערן א תשובה נוצחת און דער וואס וויל מאכען ליצנות האט פאר זיך א פתח פתוח. (ד"א דער תפארת שלמה אויף אן ארט שרייבט אז דער וואס גלייבט נישט אין צדיקי הדורות איז בכלל נישט קיין יוד.)

משא"כ ווען עס קומט צו שאלות פון דעם סארט וואס איך האב פריער געברענגט, דאס ווערט שוין יא קלאר אויסגעשמועסט און דאס איז א מצוה צו לערנען. מען ברויך נאר וויסען צוויי כללים פריער:

א. 'איך ווייס נישט' און 'איך פארשטיי נישט' איז א לעגיטימע תשובה. מיר גלייבען נישט ווייל מיר פארשטיין און מיר זענען נישט מקיין די מצוות ווייל מיר האבען א געפיהל צו זיי. מיר גלייבען און פאלגען ווייל אזוי האט דער אויבעשטער געהייסען אהנע פארוואס. נאר אויב מען איז זוכה עטוואס צו דערגיין כביכול'ס וועגן איז עס א בונוס און עס געבט אריין א געשמאק בעבודת ה'. (דער חנוך אויף אן ארט שרייבט ענליך צו דעם נאר לפי שעה קען איך עס נישט געפונען.)

ב. דער שמועס מוז בלייבען שאלות נישט וכוחים. פרעגן צו וועלן פארשטיין מעג מען, אבער ווען מען הייבט אהן זיך מתוכח זיין קריכט מען אריין אין dangerous territory. בכלל מוז מען געדענקען אז (עפ"י הלכה) טאר מען נישט טענה'ן מיט א מומר ישראל, און אפילו מיט א מומר גוי פעלט נישט אויס צו טענה'ן. דער פראבלעם איז אויב איינער ווערט אנגעפרעגט און ער ווייסט נישט די תשובה דערויף קען ער אליין באקומען ספיקות, ע"כ איז זייער גוט אזא אשכול וואו מען קען פרעגן און באקומען ענטפערס.

צ.ב.ש. איינער האט מיר לעצטענס געפרעגט פארוואס 'דארף' דער אויבעשטער אונזערע מצוות. איך האב בשעת מעשה נישט געהאט קיין קלארע תשובה אבער איך האב געענטפערט אז מיר מוזען ממילא טוהן אפילו מיר פארשטיין נישט. שפעטער האב איך געפארשט און געטראפען דעם הסבר פון די ראשונים ואחרונים (איך וועל שפעטער בעזה"י שרייבען). בכגון דא איז די אשכול זייער פאסיג.

הנלע"ד כתבתי.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
שאינו יודע
שר חמשת אלפים
תגובות: 5405
זיך איינגעשריבען אום: דאנארשטאג מארטש 24, 2011 1:27 pm

תגובהדורך שאינו יודע » דינסטאג אפריל 30, 2013 9:03 am

וואסערפאל, פיין געענטפערט על כל פנים פאר אים, זאג נישט הויעך, אבער דער אמת איז אז מען טאר טאקע נישט גיין אין קיין שייטל


בנוגע סיפורי צדיקים איז דאך דא די באקאנטע תפארת שלמה, אינטערעסאנט אז אנעים האט עס נאכנישט צוגעצייכענט.

אזוי אויך אין נועם אלימלך.


בנוגע דעם עצם אשכול, דארף מען ווען האבן א דעת תורה.
עכ"פ א שמירה מעולה דארף עס זיכער האבן.
אז דו ווייסט נישט, רעד נישט!

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 10:58 am

שאינו יודע האט געשריבן:וואסערפאל, פיין געענטפערט על כל פנים פאר אים, זאג נישט הויעך, אבער דער אמת איז אז מען טאר טאקע נישט גיין אין קיין שייטל


בנוגע סיפורי צדיקים איז דאך דא די באקאנטע תפארת שלמה, אינטערעסאנט אז אנעים האט עס נאכנישט צוגעצייכענט.

אזוי אויך אין נועם אלימלך.


בנוגע דעם עצם אשכול, דארף מען ווען האבן א דעת תורה.
עכ"פ א שמירה מעולה דארף עס זיכער האבן.


אוי איך שעם זיך... :oops:

דער תפא"ש אויף די פסוק לא אוכל עד אם דיברתי דברי (אליעזר עבד אברהם) איז מסביר אז אליעזא האט נישט געוואלט עסן פארען לערנען. איי מען זעהט נישט למעשה ער זאל לערנען? נאר ווען ער האט פארציילט איבער די גדולה פון אברהם אדוניו, איז עס פונקט ווי געלערנט, וויי סיפורי צדיקים זענען אזוי ווי לימוד התורה.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
שאינו יודע
שר חמשת אלפים
תגובות: 5405
זיך איינגעשריבען אום: דאנארשטאג מארטש 24, 2011 1:27 pm

תגובהדורך שאינו יודע » דינסטאג אפריל 30, 2013 11:11 am

איך האב מורא אז אנעים האט שוין לאנג נישט איבערגע'חזר'ט די תפארת שלמה (אדער איך).
איך מיין אז ער זאגט דארט אז עס איז גרעסער ווי לערנען, די גמרא זאגט אויף דעם, אז שיחתן של עבדי אבות יותר מגופי תורה.
אז דו ווייסט נישט, רעד נישט!

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 11:21 am

בר פחתי לא אמינא לך כי קאי רבי בהאי מסכתא לא תשייליניה במסכתא אחריתא*. אין ספר ויקרא פרעגסטו וועגן ספר בראשית?


*טאמער זאג איך נישט ריכטיג נאך די מימרא איז עס ווייל איך האב עס שוין לאנג נישט געלערנט...
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
שאינו יודע
שר חמשת אלפים
תגובות: 5405
זיך איינגעשריבען אום: דאנארשטאג מארטש 24, 2011 1:27 pm

תגובהדורך שאינו יודע » דינסטאג אפריל 30, 2013 11:26 am

בא הכתוב השלישי ויכריע ביניהם...

עס איז דא צוויי שטיקלעך

http://www.hebrewbooks.org/pdfpager.asp ... =&pgnum=44


די לעצטע שטיקל, אויף די צווייטע דף איז דא נאך א שטיקל
אז דו ווייסט נישט, רעד נישט!

אוועטאר
זאלץוואסער
שר האלף
תגובות: 1786
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » דינסטאג אפריל 30, 2013 11:57 am

וואסערפאל האט געשריבן:2) א הייקעלע שאלה וואס ער האט מיר שוין אפאר מאל געשטעלט, אויך נישט אין עניני אמונה, נאר אין דעם וועג וויזוי מיר זענען זיך משדך. (ווען מ'פלעגט אים ענטפערן אז ביי אונז איז פארהאנען די ווייניגסטע גירושין, האט ער עס נישט געוואלט אקצעפטירן, ואין להאריך)

כ'וויל נישט צופיהל אריינקריכן דערין, כ'האב געאנטווארטעט, אז דער ביי אונז איז דער גאנצע תכלית פון חתונה האבן, צו בויען ווייטער דורות אויף א ערליכן וועג, די מינוט וואס מען גייט ארויס 'דעיטן' קען עס צו-פירן צום ארגסטן, וואס אפי' בני נח נצטוו עליה, מילא, די גאנצע צוגאנג צו שידוכים גייט צו מיט אמונה און מיט מסורה, און ווען די ציהל פון המשכת הדורות שטייט אויפן אויבן אן במשך'ן לעבן, ברענגט דאס צו די שטערקסטע הארמאניע.


ווי געוויינליך האסטו זייער פיין געענטפערט. לאמיך נאר מוסיף זיין אין דעם ענין וואס איז מיר אויסגעקומען אמאל צו רעדן צו איינעם דערוועגן, און איך האב אים ארויסגעברענגט א נקודה קרוב לאמת מיין איך

עס האט אלעס צו טוהן מיטן ענין פון ערווארטונגען... עקספעקטעישאן'ס בלע"ז.

דער גויאישער מהלך פון ארויס גיין יארן פאר מען האט חתונה, איז אויבערפלעכליך זייער א גוטער ווייל עס לאזט די צוויי זיך באקענען בעסער. אבער ווען מ'קלערט גוט איבער איז דאס אליינס טאקע דער גורם צו די איבער 50 פראצענט גירושין וואס דארט טוט זיך.

פארוואס? ווייל לאמיר זיך נישט נער'ן, אז אין די צייטן וואס מ'גייט ארויס פאר די חתונה פרובירט יעדער פון די צדדים צו זיין דאס בעסטע וואס איז נאר מעגליך, מ'שרייט נישט מ'שימפט נישט, מ'גייט אנגעטון ווי געהעריג, מ'זעהט אז אלעס זאל קלאפן, מ'ארבעט אז אלעס זאל זיין קלאפעדיג און קנאקעדיג.

דערנאך ווען מ'האט שוין חתונה, און עס באווייזט זיך דער אדם במיעודו במלוא מובן המלה פאנגט מען אן צו ווערן סורפרייזט אויף אן אופן של סורפרייז ממש, און דארט איז ווי דער קייט גייט א גאנג. ווייל מ'האט זיך א לאנגע צייט געפאפט און געמיינט אז מ'האט חתונה מיט א מלאך, און אט איז א מענטש מיטן פולן טעמפער.

משא"כ ווען מ'האט חתונה ווייל מ'דארף חתונה האבן און דער שידוך ווערט נאך א האלבע שעה שמועס, איז דאך אלעס וואס איז יא גוט האק לריוח און יעדע מעלה וואס מ'זעהט צום צד שכנגד, איז נאר א מעלה, און ווען עס קומט צו חסרונות פארשטייט מען אסאך בעסער אז דאס איז וואס עס איז און א מענטש איז נאר א מענטש...

דאס איז לכאורה די סיבה (אויסער וואס מיר גלייבן און ווייסן אז אלעס איז משמים, איך באציה מיך צום נאטורליכן סיבה פארוואס דער לעבן איז אסאך בעסער און רואיגער ווען די עקספעקטאציע'ס זענען נישט אזוי הויך)

איך האף אז איך בין גענוג קלאר ווייל איך האלט דא אינמיטן די ארבעט און איך האב שוין אינמיטן אריינגעהויבן א פסק, און געענטפערט א טעלעפאן קאל, און אריינגעגעבן א פסק פאר א צווייטן... אבער דאס האב איך שנעל געוואלט קאמענטירן פאר אונזער רב וואסערפאל.

אוועטאר
שאינו יודע
שר חמשת אלפים
תגובות: 5405
זיך איינגעשריבען אום: דאנארשטאג מארטש 24, 2011 1:27 pm

תגובהדורך שאינו יודע » דינסטאג אפריל 30, 2013 12:05 pm

דאס הייסט מאלטי טעסק!!

נאך א סיבה, איז ווייל יונגע מענטשן, ווערן פארבלענדעט פון די חיצוניות, משא"כ די עלטערן, קענען מער קוקן אויף פנימיות, איינס ווייל זיי זענען נישט די מענטש אליין, און צווייטענס ווייל זיי האבן שוין די ערפארונג און באזעסנקייט.

א גוי'טע האט אמאל געזאגט פאר מיין ב"ב, נאך וואס איר טאכטער איז געווארן 'ענגעדזשט', אז זי וואלט זיך ווען געוואונטשען אז זי זאל קענען נעמען אינפארמאציע אזוי ווי ביי אידן.
אז דו ווייסט נישט, רעד נישט!

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 12:14 pm

דער עיקר חסר מן הספר. ווילאנג מען האט נאכנישט חתונה פילט קיינעער פונעם פאר פאלק אז דער\די צווייטע איז איהם\זי עפעס שולדיג. דער פראבלעם איז נאר ווען מען ווערט פארהייראט און מען הייבט אהן זיין תובע בפה פארשידענס. ודו"ק כי קצרתי.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
זאלץוואסער
שר האלף
תגובות: 1786
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » דינסטאג אפריל 30, 2013 12:15 pm

אנעים זמירות האט געשריבן:דער עיקר חסר מן הספר. ווילאנג מען האט נאכנישט חתונה פילט קיינעער פונעם פאר פאלק אז דער\די צווייטע איז איהם\זי עפעס שולדיג. דער פראבלעם איז נאר ווען מען ווערט פארהייראט און מען הייבט אהן זיין תובע בפה פארשידענס. ודו"ק כי קצרתי.


איך האב הנאה פון דיין "ודו"ק כי קצרתי" וואלטסט נאר געמעגט מקצר זיין אפאר ווערטער פריער וד"ל.

אוועטאר
לכתחילה אריבער
שר עשרת אלפים
תגובות: 19987
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » דינסטאג אפריל 30, 2013 2:42 pm

נא שוין, אז מ'רעדט פשוט פון שאלות וואס זיי האבן אויף אונזער הנהגה, איז שוין נישט אזוי ווייט קיין סכנה צו שמועסען. אבער עס קען זיך אלס אנהאנקענען א פראבלעם.

לאמיר נעמען די איין זאך וואס מען האט דא ארויף געברענגט, די שייטל.

ווי שאינו האט שוין געזאגט איז אויף דעם נישטא קיין געהעריגע ענטפער. בעסער געזאגט די געהעריגע ענטפער איז אז .... מען טאר טאקע נישט! (מיין משפחה גייט אויך דערמיט, און מיט א צודעק). און כ'האף קיינער גייט מיך נישט חושד זיין מיט "פארמאכטקייט", און "קליינקעפיקייט" ווען כ'וועל אייך זאגן, אז איינער וואס איז נישט אביסעל אויסגעבויט, קען אפי' אזא אומשילדיגע שאלה קנאקן אין קאפ. דהיינו "מיר טיען טאקע אזא זאך וואס האט נישט קיין היתר"? אויב אזוי, ווער באשלוסט וואס יא און וואס נישט?

איר פארשטייט אז אזא שאלה קען זיין ממש סם פאר געוויסע מענטשען!

(אז מען האט שוין ארויף גברענגט, כדי עס זאל נישט בלייבן שווער מוז מען זאגן אז אין א געוויסע זין איז עס ווי "פאטעטא סטארטש" אין פסח. עס איז אזאך וואס איז - געווען עכ"פ - קריטיש וויכטיג, און וויבאלד עס איז נישט ממש קיין האר, האט מען עס נישט גאסור'ט ווייל סוף כל סוף איז די קאפ למעשה צוגעדעקט (יא כ'ווייס פון די שלטי הגיבורים פארשטייט זיך, און דאס איז זיכער אז ער האט פון די היינטיגע שייטלן נישט גערעדט, און אויך נישט בלויז מיטן שייטל, נאר מיט א צודעק דעראויף) בקיצור עס איז נישט אזוי פשוט אז "עס איז אסור. און מען טוט עס נאכאלס" דאס האבעך נאר געשריבן אז זאל מען זאל טאקע למעשה נישט בלייבן מיט די שאלה הנ"ל).

דאס איז איין זאך.

און דערנאך אנדער זאכן איז אזוי:

לענ"ד, ווילאנג מען וועט פאר דעם גוי נישט קענען מסביר זיין אז טויזענטער אידן עסן נישט קיין מאשין מצות, אפי' עס איז שוין נישטא די אלע שאלות פון אמאל, נאר פשוט ווייל דער הייליגער צאנזער רב זיעועכי"א האט געזאגט אז ער האט א "טעם כמוס"! וועט איר אים סיי ווי נישט קענען מסביר זיין אונזער הנהגה. ועל זה כתוב "גיי לערן מיט א גוי ברטנורה".

אבער איך זאג נאכאמאל איבער מיין שטעלונג:

שאלות אין אמונה, אדער זאכן וואס זענען אפי' נאר נגיעות אין אמונה, טאר בשום אופן נישט ווערן אויסגעשמועסט אין א פאבליק פארום.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
גלייכגילטיג
שר חמש מאות
תגובות: 539
זיך איינגעשריבען אום: מאנטאג סעפטעמבער 03, 2012 5:23 pm
לאקאציע: ששש.. ס'גילו!!

תגובהדורך גלייכגילטיג » דינסטאג אפריל 30, 2013 2:49 pm

איז דער אשכול אויסגעהאלטן?
איך וואלט געענטפערט אזויווי זאלץ וואסער האט אויסגעלערנט - איך ווייס נישט, איך בין נישט קיין ראביי!

אבער לויטן מהלך ביז אהער קוקט עס יא אויס גאר נוצליך, ווען דער עולם איז וואכזאם אויפן העכסטן אלערט נישט אריינצוגיין אין טעריטאריע אין וואס מיר זענען נישט ערלויבט. פארוואס זאלן מיר נישט קענען ענטפערן פאר גוים אדער פאר תינוק שנשבו'ס און אליין וויסן ענטפערס לגבי שאלות 'אין אידישקייט' און נישט ח''ו 'אויף אידישקייט', וואס האבן פשוטע תירוצים און ווערן דערמאנט אין די ספרים.

ערשטענס דברי שבח אויפן פותח האשכול וואס איך זעה דא אין אים אן אמור מעט ועשה הרבה. בלויז די וואך האב איך געהאט מיט אים א שמועס אין פערזאן וועגן דעם ענין און דא האט ער גלייך געטוען צו דער זאך און עס ארויפגעברענגט ברבים. אינאיינוועגס וואלט איך דיר געוואלט בעטן זאלסט דא ארויפלייגן פרטים פון יענעם שמועס וועגן שאלות וואס דו ביזט געפרעגט געווארן דורך פארשידענע עלעמענטן און דו האסט געענטפערט פאר זיי א תשובה ניצחת.

לגבי די דערמאנטע שאלות האב איך הערות צו עטליכע:
לוי יצחק האט געשריבן:רעדענדיג מיט א בעל תשובה, פרעגט ער מיר, מ'זעט אין חז"ל פארשידענע זאכן אין מציאות העולם, צומאל אפילו געוויסע הלכות וואס ווערן גע'פסק'ענט אויף דעם, און אין היינטיגע צייטן ווי מ'קען דאס מברר זיין זעט עס אויס אינגאנצן אנדערש, וואסי פשט?
.


איך וואלט אים געענטפערט אזוי: ערשטענס, עס זענען פארהאן אסאך מציאות'ן וואס עס איז אנדעקט געווארן אין די לעצטערע יארן וואס מען זעהט קלאר אז די חכמי התלמוד האבן פון דעם שוין געוואוסט מיט טויזענטער יאר צוריק. פון דעם איז גענוג צו זעהן אז זיי האבן געוואוסט פון א העכערן מקור. און אויף די וואס קוקן יעצט אויס פארקערט ווי די מציאות - 1) אדער לעבט די היינטיגע וועלט אין א טעות און מיט די יארן וועט זיך גאר ארויסשטעלן וויאזוי זיי האבן דאס געזאגט 2) אין די ווערטער ליגט א פנימיות'דיגע סוד וואס עס איז נישט פשוט וויאזוי מיר פארשטייען דאס.

וואסערפאל האט געשריבן:
2) א הייקעלע שאלה וואס ער האט מיר שוין אפאר מאל געשטעלט, אויך נישט אין עניני אמונה, נאר אין דעם וועג וויזוי מיר זענען זיך משדך. (ווען מ'פלעגט אים ענטפערן אז ביי אונז איז פארהאנען די ווייניגסטע גירושין, האט ער עס נישט געוואלט אקצעפטירן, ואין להאריך)

לסיומא, וועל איך ערווענען נאך איין שאלה, וואס ער האט מיר געשטעלט, נעמליך, אויב אידישע טעכטער טארן נישט גיין מיט קיינע האר, וואסיז פשט פון א שייטל..., דאס האב איך שוין געמוזט צו-קומען צו א חבר מיינער, האט מיר אויסגעלערנט א נייעם באגריף, אז א סך מאל איז דאס א חק בלי טעם, דאס איז עס מר., מיט דעם טארן מיר, נישט און מיט דעם יא.


לגבי די וועג וויאזוי מיר זענען זיך משדך האב איך די מערסטע הנאה געהאט פון שאינו יודע'ס ענטפער, און איך האב לעצטענס געזעהן אן ענליכע ערקלערונג פון ר' אליהו דסלר זצ''ל. ער איז מסביר ווי פאלגענד:

די שכל פון א מענטש וואס זאגט אים וואס יא און וואס נישט צו טוען ווערט גאר אסאך מושפע פון נגיעות און הרגשים. דערפאר האט די תורה אזוי שארף פארבאטן פאר דיינים צו נעמען שוחד 'כי השוחד יעור עיני חכמים' און ר' ישמעאל (דאכצעך) האט נישט געוואלט פסק'ענען פאר זיין ארבערטער א דין תורה ווייל ער האט אים געברענגט די פירות 'פריער' ווי געווענליך, און ער האט מורא געהאט אז דאס וועט ערוועקן ביי אים א געפיל לטובת דעם ארבערטער.

ווען א מענטש וועלט זיך אליין אויס א בן זוג וועט אים די חיצוניות פארבלענדן די אויגן און וועט איינרעדן זיין שכל אז דאס איז פאסיג פאר אים, ווען אין פאקט וואלט ער מיט זיין קלארן דעת אן נגיעות איינגעזעהן אז עס איז נישט פאר אים.
מש''כ די עלטערן קענען טראכטן מיט 'שכל' וואס עס איז ריכטיג און זענען נישט מושפע פון די ערדישע געפילן. טאקע דערפאר איז ביי אונז פארהאן אסאך ווייניגער גירושין ווייל מען טרעפט אסאך ענדערשער צו דעם פאסיגן.

וועגן שייטלען האט מען מתיר געווען באין ברירה וועגן א גזירת המלכות אין א בחינה פון בוחר הרע במיעוטו. (אזוי האב איך לעצטענס געהערט)

--

לכתחלה האקט.
איך האב שוין געזאגט אז איך נעם נישט קיין שטעלונג.
איך שרייב נישט אונטער בשום אופן!!!

אוועטאר
זאלץוואסער
שר האלף
תגובות: 1786
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » דינסטאג אפריל 30, 2013 2:55 pm

א יעדע זאך קען מען מסביר זיין מ'דארף נאר זיין זייער פארזיכטיג וואס מ'רעדט, און דאס איז דער ציהל פון דעם אשכול, האפענטליך וועט עס זיין לתועלת הרבים.

איך וואלט זייער געבעטן פון אלע מגיבים מימין ומשמואל, לאמיר עס געבן א טשענס, לאמיר זעהן וויאזוי עס ארבעט זיך אויס, און לאמיר ארבעטן עס זאל זיך האלטן אויף די רעלסן.

ביזדערווייל איז נאך יעדע שאלה וואס איז אויפגעברענגט געווארן, א גוטע און א באלערנדע נושא פאר זיך, און מ'האמיר נאך נישט געזעהן עס זאל ח"ו קומען לידי . . ..

פרעגט און ענטפערט בדרכי התורה, און פארשטייט זיך מראי מקומות וואלטן געווען א געוואלדיגע תועלת.

יישר כח

אוועטאר
זאלץוואסער
שר האלף
תגובות: 1786
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » דינסטאג אפריל 30, 2013 2:55 pm

גלייכגילטיג, איך געדענק נישט אונזער שמועס, פשוט ווייל איך בין שוין אלט. גיב מיך א דערמאן די נושאים און אדרבה וועל מיר זעהן צו מ'קען דאס ליגעלי דיסקאסן דא אויף דעם גאר שטרענגן אשכול

אוועטאר
גלייכגילטיג
שר חמש מאות
תגובות: 539
זיך איינגעשריבען אום: מאנטאג סעפטעמבער 03, 2012 5:23 pm
לאקאציע: ששש.. ס'גילו!!

תגובהדורך גלייכגילטיג » דינסטאג אפריל 30, 2013 2:59 pm

וואס האסטו געענטפערט פאר דעם גוי וואס האט דיר געפרעגט פארוואס די אידן האלטן אז זיי זענען ספעשעל?

און דערנאך וועסט דיך שוין זיכער דערמאנען נאך צוויי דריי אזאלכע שאלות וואס דו האסט מיר געזאגט וויאזוי דו האסט זיי געענטפערט
איך שרייב נישט אונטער בשום אופן!!!

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 5:30 pm

איך האב פריער דערמאנט די שאלה (הובא בראשונים) צי כביכול 'דארף' אונזערע מצוות; אצינד וויל איך בקיצור אויסשמועסען.

ובכן, דאס איז קלאר אז דער היה הוה ויהיה דארף גארנישט פון אונז, ווייל ער האט דאך עקזיסטירט איידער מיר זענען צושטאנד געקומען. טאמער וואלט 'אויסגעפעלט' פאר כביכול סיי וואס, וואלט עס דאך אויסגעפעלט פון אייביג, איז פון דעם אליין אז דער בורא ב"ה איז היה הוה ויהיה א ראיה אז עס איז נישט שייך ביי איהם קיין שום צורך. (ספר הישר לר"ת*)

אויב אזוי פארוואס האט דער אויבעשטער באשאפען א וועלט? אויף דעם איז באקאנט אז מדרך הטוב להיטיב האט ער אונז געוואלט געבן די מעגליכקייט צו טוהן רצונו יתברך און פארדינען שכר בעוה"ב.

אויב אזוי פארוואס פונקט די געוויסע מצוות, דהיינו וואס 'גייט אהן' פאר כביכול צי מיר טוהן קודם אהן דעם רעכטע זאק אדער לינקע וכדו'? די מצוות זענען לויט חכמתו יתברך צו ברענגען דעם תכלית השלימות פאר אונז און פארען גאנצע בריאה. דאס איז א זאך וואס נאר דער באשעפער פונעם וועלט קען וויסען ווייל ער 'קען זיך אויס' פונטקליך אין יעדע שרייפעל פון זייון וועלטל.
------
לגבי אונזערע וועג פון שידוכים כאפ איך נישט בכלל וואס איז דער פראבלעם. עלטערן צווינגען נישט זייערע קינדער צו הייראטען וועמען זיי געפעלט, זיי טוהן נישט מער ווי צוזאמען שטעלן פאסיגע שידוכים. איי וויאזוי קען מען באשליסען פון בלויז עטליכע שעה? אויף דעם איז דאך די מציאות מוכיח אז ביי אונז זענען דא פיהל ווייניגער גיטין - אי'דאך בלויז די פראגע וואס איז דער הסבר. נו, אויף דעם קען מען אדער ענטפערן סייעתא דשמיא אדער טבעיות'דיגע תירוצים, אבער דער גאנצע ענין איז נאר academic, ווייל בפועל איז נישט פארהאנען קיין פראבלעם דערין.
------
מיר זענען ספעציעל ווייל מיר זענען דעם עם הנבחר. מיר זענען ערוועלט געווארען צו פארשפרייטען ידיעת ה' אינעם גאנצען וועלט און צו זיין כביכול'ס אמבאסאדארס. מיר האבען זוכה געוועהן דערין ווען מיר האבען מקבל געוועהן די תורה און אויסגעשריגען נעשה ונשמע, אינדערצייט ווען אלע אנדערע פעלקער האבען זיך אנטזאגט דערפון. (פאר א גוי דארף מען נישט מער זאגען)


*כמדומני אז עס שטייט אזוי אין ספר הישר. אדער שטייט עס אין אמונות ודעות לרבינו סעדיה גאון. איך האב געלערנט ביידע ספרים איין פרייטאג צונאכטס און דאס ארויסגענומען, ואינם תח"י אצינד נאכצוקוקען.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
וואסערפאל
שר חמש מאות
תגובות: 537
זיך איינגעשריבען אום: דאנארשטאג מאי 10, 2012 9:27 pm

תגובהדורך וואסערפאל » דינסטאג אפריל 30, 2013 7:58 pm

יאפ, סאו פאר קוקטאס אויס פיין דער אשכול, זאלץוואסער-דיס איז די קיינד אשכול יו לייק, נישט אזוי?

יעצט, לגבי מיין הסבר בנוגע שידוכים, הגם איך בין מודה, און איך האב הנאה פון יעדנס תשובה, די הסבר פון רב זאלץוואסער האט מיר אפי' דער לאנדסבורגער געזאגט ביי די שיעורים, איך וויל אבער זיין איתן בדעתי, ווייל אויף אלע תירוצים, האט ער גרייט אן אפשלאג:

די ווייניגסטע גירושין- עטס זיינטס א קליינע קומיוניטי, מילא איז דא א קליינע ראטע (גיי טענה'דיך, נישט כדאי)

עקספעטעישאנס - מיר האבן אויך סיריעס דעיטינגס, נישט געבויט אויף בלויזע עקספעקטעישאנס, ספעציעל ביי די גלויביגע (ווידער, גיי טענה דיך)

כ'דענק נישט אויף די מינוט וואס נאך די חשובע מגיבים האבן געשריבן, אבער וואס איך האב געוואלט באצוועקן, איך האב אים געענטפערט מיט א 'פראבלעם' וואס זייער דרך האט, (ער האט דאס אויך קודם פרובירט אפווענדן, אבער דערנאך בעל כרחך יענה אמן.

דער שלוס וואס כ'האב באטאוינט איז געווען דער 'דרכיה דרכי נועם', ווייל מיר האלטן זיך צו א 'קלינע' 'תורה'דיגע' מהלך, וועגן דעם זענען מיר מצליח בע"ה, און דאס איז נישט מער און נישט ווייניגער ווי די ברכה וואס דער 'מסדר קידושין' זאגט אונטער די חופה.

ודו"ק כי הראכתי.
על מי מנוחות ינהלנו

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 8:56 pm

וואס איז אייגענטלעך דעם חיסרון מיט שידוכים? דאז אז פאר יענעם געפעלט נישט און איז זיך אנדערש נוהג אי'דאך נישט אונזער דאגה. ווען עס טויג נישט אונזער מהלך, פארשטיי איך די טענה, אבער למעשה טויג ביי אונז פיהל מער ווי אירגענד וואו, טא וואס איז די פראבלעם?
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
וואסערפאל
שר חמש מאות
תגובות: 537
זיך איינגעשריבען אום: דאנארשטאג מאי 10, 2012 9:27 pm

תגובהדורך וואסערפאל » דינסטאג אפריל 30, 2013 9:50 pm

קיין פראבלעם איז נישטא, אבער דאך שפיר איך אומאנגענעם אויב איך האב נישט קיין תשובה ניצחת, כ'שפיר אז ער צילט אין דעם 'דרכיה דרכי נועם', היתכן מלאזט נישט די צוויי לענגער זיך באקענען, איידער מען 'פארקנס'ט זיי (כלשונם), לשטתיה איז דאס א פאנישמענט.

עכ"פ, אנשטאט זיך דיפענדן, אדער איבערצייגן, דארף מען פשוט אבער קלאר מסביר זיין, אז אונזער מהלך איז אזוי אויסגעשטעלט, ווייל ס'איז תורה'דיג, און פון א תורה'דיג וועג קומט נאר ארויס גוטס. כנלע"ד.
על מי מנוחות ינהלנו

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » דינסטאג אפריל 30, 2013 10:03 pm

נאכאמאל, מען בא'קנס'עט קיינעם ווייל זיי טוהן עס מרצונם הטוב. טאמער מאכט זיך אז איינער פון די צדדים וויל נישט ווייטער גיין וועט קיינער נישט צווינגען.

ס"ה וואלט איינער געקענט האבען אני טענה טאמער וואלט עס נישט געארבעט, אבער אז עס ארבעט, און פיהלפאכיג בעסער ווי סיי וואו, וואס איז שייך אוועקצומאכען.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
זאלץוואסער
שר האלף
תגובות: 1786
זיך איינגעשריבען אום: זונטאג מאי 20, 2012 6:41 pm
לאקאציע: אין א זאלץ וואסער מעסטל
פארבינד זיך:

תגובהדורך זאלץוואסער » מיטוואך מאי 01, 2013 9:26 am

אנעים זמירות האט געשריבן:וואס איז אייגענטלעך דעם חיסרון מיט שידוכים? דאז אז פאר יענעם געפעלט נישט און איז זיך אנדערש נוהג אי'דאך נישט אונזער דאגה. ווען עס טויג נישט אונזער מהלך, פארשטיי איך די טענה, אבער למעשה טויג ביי אונז פיהל מער ווי אירגענד וואו, טא וואס איז די פראבלעם?

אנעים דו פארגעסט אז מ'רעדט דא נישט ווען איינער טענה'ט אויף הייד פארק מיט א כופר, מ'רעדט דא ווען מ'האט א פריינטליכן שמועס צום פארשטיין קאנצעפט. און יא! זייער קשי' איז וויאזוי קען זיין אז ביי אונז איז אזוי קליין דער גירושין פראצענט, און זיי ענטפערן אויף דעם אז ביי אונז איז דא א חוק אז מ'טאר זיך נישט גט'ן און אז רוב פון אונז לעבן דעם לעבן נאר ווייל מ'האט נישט קיין ברירה. און אויף דעם טענה קענסטו נישט ענטפערן נאר מיט לאגיק ווייל אין להוכיח.

עכ"פ עס איז א טעמע וואס טוט נישט וויי קיינעם עס איז פשוט אינטערסאנט. און וואסערפאל איז גערעכט מיט זיין ענטפער און דאס איז קלאר אז ס'איז אזוי, אבער אמאל איז דא וואס די ווערטער דארפן זיין אויסגעשטעלט דער מקבל זאל עס דערהערן.

דאס וואס אנעים ברענגט ארויס אז מיר זענען דער עם הנבחר דאס ארבעט נישט אלס ווען מ'רעדט צו איינעם וואס וויל דאס נישט וויסן.

אוועטאר
שאינו יודע
שר חמשת אלפים
תגובות: 5405
זיך איינגעשריבען אום: דאנארשטאג מארטש 24, 2011 1:27 pm

תגובהדורך שאינו יודע » מיטוואך מאי 01, 2013 9:50 am

אינ'אמת'ן פארשטייט דאך דער גוי אויך וואס פארא שמוציגע סארט לעבן די גאנצע דעיטן איז.
ער וויל דיר נישט מודה זיין.
אז דו ווייסט נישט, רעד נישט!

אוועטאר
אנעים זמירות
שר שלשת אלפים
תגובות: 3821
זיך איינגעשריבען אום: מיטוואך סעפטעמבער 05, 2012 10:32 am
לאקאציע: ווען מען זאגט אמר ר' בנימין הכל בחזקת סומין וכו'

תגובהדורך אנעים זמירות » מיטוואך מאי 01, 2013 10:11 am

זאלץוואסער האט געשריבן:
אנעים זמירות האט געשריבן:וואס איז אייגענטלעך דעם חיסרון מיט שידוכים? דאז אז פאר יענעם געפעלט נישט און איז זיך אנדערש נוהג אי'דאך נישט אונזער דאגה. ווען עס טויג נישט אונזער מהלך, פארשטיי איך די טענה, אבער למעשה טויג ביי אונז פיהל מער ווי אירגענד וואו, טא וואס איז די פראבלעם?

אנעים דו פארגעסט אז מ'רעדט דא נישט ווען איינער טענה'ט אויף הייד פארק מיט א כופר, מ'רעדט דא ווען מ'האט א פריינטליכן שמועס צום פארשטיין קאנצעפט. און יא! זייער קשי' איז וויאזוי קען זיין אז ביי אונז איז אזוי קליין דער גירושין פראצענט, און זיי ענטפערן אויף דעם אז ביי אונז איז דא א חוק אז מ'טאר זיך נישט גט'ן און אז רוב פון אונז לעבן דעם לעבן נאר ווייל מ'האט נישט קיין ברירה. און אויף דעם טענה קענסטו נישט ענטפערן נאר מיט לאגיק ווייל אין להוכיח.

עכ"פ עס איז א טעמע וואס טוט נישט וויי קיינעם עס איז פשוט אינטערסאנט. און וואסערפאל איז גערעכט מיט זיין ענטפער און דאס איז קלאר אז ס'איז אזוי, אבער אמאל איז דא וואס די ווערטער דארפן זיין אויסגעשטעלט דער מקבל זאל עס דערהערן.

דאס וואס אנעים ברענגט ארויס אז מיר זענען דער עם הנבחר דאס ארבעט נישט אלס ווען מ'רעדט צו איינעם וואס וויל דאס נישט וויסן.


אחר העיון טראכט איך אז דער אונטערשיד פון מיינע תגובות ביז דיינע און וואסערפאל'ס אויף דעם אשכול איז צו וועמען זיי זענען געאייגענט.

מיין איינציגע ציהל איז אויפצוקלערן פאר אנ"ש וואס הערן אמאל א פראגע און עס עגבערט ווילאנג מען האט נישט קיין קלארען ענטפער, משא"כ ענק פראבירען זיך צו פארענטפערן פאר פרעמדע.

איך האב דיר שוין אמאל געזאגט אויפען טעלעפון אויך אז פאר פרעמדע מוז מען ענטפערען עז סימפעל עז פאסיבעל ווייל עס איז נישט מעגליך צו לערנען א גוי ברטנורא! כולא האי ואולי בלויז פאר דער וואס פרעגט אויס נייגער, אבער דער וואס וויל ליצנות מאכען אדער אטאקירען איז נאר דא דעם עצה פונעם בעל הגדה - הקהה את שיניו.

אויב איך האב פאלש ארויס דער אונטערשיד ביטע 'זעץ מיר גראד'.
יעדער בשר ודם קען זיך טועה זיין. ואולי אין דברי ההלכות (הרי"ף) בזה נכונים כי אין השלימות בלתי לה' לבדו יתברך ויתעלה ויתנשא שמו יתברך. (ספר הזכות להרמב"ן יבמות כד: מדפי הריף)
די סכנה פון באזוכען כפירה\ליצנות בלאגס

אוועטאר
דער תהילים איד
שר ששת אלפים
תגובות: 6353
זיך איינגעשריבען אום: זונטאג יולי 26, 2009 9:54 pm

תגובהדורך דער תהילים איד » מיטוואך מאי 01, 2013 10:27 am

אנעים, איך בין מיט דיר! (משיח קען שוין קומען?...)
רבינו שאג בקול גדול וגו'


צוריק צו “ידיעות התורה”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 4 געסט