א גט אין די תש"פ יארן

הפוך בה דכולה בה

די אחראים: אחראי, גבאי ביהמד

קאטשקע אויפן וואסער
שר חמישים ומאתים
תגובות: 373
זיך איינגעשריבען אום: מאנטאג סעפטעמבער 25, 2017 12:20 am

א גט אין די תש"פ יארן

תגובהדורך קאטשקע אויפן וואסער » זונטאג דעצמבער 01, 2019 2:11 am

אן אינטערעסאנטע שאלה וואס איז נוגע (עס זאל נישט זיין נוגע) אין די תש"פ יארן:
וויאזוי שרייבט מען אין א גט? שמונים מיט א ו', אדער שמנים חסר ו'?

די פוסקים ברענגען, מען זאל שרייבן 'שמנים' חסר ו', ווייל אין תנ"ך שטייט כמעט אלעמאל 'שמנים' חסר ו', נאר 6 מאל שטייט 'שמונים' מלא ו'. דעריבער גייט מען נאך רוב. אבער בדיעבד אויב מען האט עס געשריבן מלא ו', איז עס כשר.
אזוי שטייט אין שו"ת מהרי"ל החדשות סי' רג[1]; פנים מאירות חלק ב סי' פח[2]; ספר תירוכין סי' א[3]; ישועות יעקב אה"ע סוס"י קנד[4]; פתחי תשובה אה"ע סי' קכו ס"ק ט[5].

איך האב שוין געזען מערערע גיטין פון די תר"פ יארן, און אין אלע שטייט 'שמנים' חסר ו'. זע אין הערה[6] בילדער פון דריי גיטין. אזוי טרעפט מען אויך אין העתקות פון אלטע גיטין (סדר הגט למהר"י מינץ סי' קח; שו"ת פלא יועץ חלק ב סי' כו; קהילת צפרו, ג, עמ' 343).
אין יאר תר"פ איז געגעבן געווארן א גט אין בערלין, מיטן כתיב מלא 'שמונים' און מען האט עס גע'כשר'ט (חגור אפד סי' רנב). דאס זעלבע איז אויך געווען מיט א גט פון טאשקענט, יאר תר"פ (עטרת חזקיה, מזכרת גיטין, עמ' שו).

יעצט, אנהייב תש"פ, האט מען בודק געווען אין די ארכיוון פון בד"ץ העדה החרדית, און עס שטעלט זיך ארויס אז אין אלע גיטין פון די תר"פ יארן וואס זענען געגעבן געווארן אינעם בד"ץ שטייט 'שמונים' מלא ו'!
דאס האט מעורר געווען א פליאה ביי די חברי הבד"ץ, ווייל כאטש עס איז 100% כשר באין פקפוק, איז עס דאך נישט לכתחילה אזוי צו שרייבן!

זוכנדיג, איז געפונען געווארן א בריוו פון א פוילישן גדול, וועלכער שרייבט אין תרפ"א צום בד"ץ, אז עס וואונדערט אים פארוואס זיי שרייבן 'שמונים' מלא. די תשובה האט מען נישט. דאך שטעלט זיך ארויס, אז מען האט ווייטער אזוי געשריבן מלא, ביז די ענדע תר"פ יארן.

עס איז יתכן אז מען האט אזוי געשריבן על פי דברי הערוך השלחן אה"ע סי' קכו סעיף כז: "ודע, דשמונים הוא מלא ויו, אף על גב דשמנה חסר".
יודעי דבר זאגן, אז אינעם עדה"ח האט מען זיך אין יענע תקופה אסאך פארלאזט אויף די פסקים פונעם ערוה"ש.
עס בלייבט אבער דערווייל א פלא, אויף וואס דער ערוך השלחן בויעט זיין פסק.

יעצט איז די שאלה געווארן רעלאווענט אין בד"ץ העדה"ח און עס איז אויפגעברענגט געווארן די שאלה וויאזוי זיך לכתחילה צו פירן אין די יארן פון תש"פ-תשפ"ט.
די החלטה איז געבליבן, דארט ווייטער צו שרייבן: שמונים מלא, ווי עס איז דארט איינגעפירט געווארן דורך הגאוה"צ זצ"ל פאר 100 יאר צוריק.


-------
[1] זה לשונו: "נראה דיש לכתוב שמנים חסר ו' מדמנה המסורת ו' מלאים, אלמא דמיעוטא נינהו המלאים כדאמרינן גבי חיות ועופות גלוי וידוע כו' (לכך) [ולכך] מנה המיעוט, (כיון) [וכיון] דרובן חסרים לכתחילה עבדינן הכי ודיני' להיות חסר. והכי נמי בנימין י"א מלאים במסורת ואפי' הכי לא כתב מהר"א לכותבו מלא אלא משום דעיקר שם בנימין דאפי' קים לן הוה מלא. וכן רבינו בנימין הגדול חתם עצמו בכל דוכת' חסר והכי נמי אשכחן שלשה מלא וכן שלש ע"פ המסורת, ואפי' הכי מנהג פשוט לכותבו חסר, וכן שמנה. אף על גב דכתבתי כבר למר ספרי דווקנא הוה דכת' שמונה מלא, היינו שאין לפסול הגט בכך התם דאיתייה, אבל לכתחילה פשיטא דדינא דכולהו חסר. והא לא תיקשי דכתבינן העומד מלא כדאיתא במרובה אף על גב דהמסורת מנה המלאים, דנראה דהיינו טעמא דלא לישתמע עמד לשעבר ואנן בעינן יום הגירושין, אבל כל הני דמניינא דאי אפשר לקרותו לעניין מניין אלא כדינן, הילכך כתבינן כדיניה".

[2] זה לשונו: "נשאלתי איך לכתוב בגט שמנים אם חסר או מלא. גבי שמנה נזכר בטור ובש"ע [אה"ע] סימן קכ"ו דיש לכתוב חסר ואם כתב מלא כשר וכתב בח"מ משום דלפעמים הם כתובין כן ע"פ מסורה א"כ איך יש לנהוג בשמונים. תשובה: גבי שמונים נמי מצינו במסורה סוף בראשית ששה מלאים ויחי מתושלח וגו' ותשקוט הארץ דאהוד ויהי בשמנים שנה ויך במחנה אשור דמלכים ואם בגבורות שמונים שנה בהראותו את עשרו וגו'. ואני מניתי שע"פ רוב שמונים הוא חסר וכבר כבר רמ"א [אה"ע] בסוף סי' קכ"ט בהג"ה ודבר הנמצא בכתוב לפעמים חסר ולפעמי' מלא הולכים אחר הרוב א"כ הכי בנ"ד ע"כ יש לכתוב בשנת חמשת אלפים וארבע מאות ושמנים חסר כנ"ל לפע"ד".

[3] זה לשונו: "ושמנים חסר וי'ו, שכן הרוב. פנים מאירות".

[4] זה לשונו: "והנה מבואר בתשובת פנים מאירות חלק ב' סימן פ"ז דשמנים כותבין חסר, הואיל ובמסורה הרוב שמנים שבמקרא חסרים. ואם כן, לעתיד בשנת חמשה מאות ושמנים יכתבו חסר כדעת הרב הנ"ל. ועיין סי' קכ"ו בשלחן ערוך לענין 'שמנה', דיש לכתוב חסר, אם כתב מלא כשר בדיעבד, והוא הדין בזה".

[5] זה לשונו: "ועיין בתשו' אא"ז פנים מאירות ח"ב סי' פ"ז שכ' דתיבת שמונים יש לכתוב חסר דבמסורה הרוב שמונים שבמקרא חסרים. וכבר כתב הרמ"א בסי' קכ"ט סל"א שדבר הנמצא בכתוב לפעמים חסר ולפעמים מלא הולכים אחר הרוב ע"ש. ופשוט דאם כתב שמונים מלא כשר וכמו בשמנה, ועי' ס"ד בהגה, וכ"כ בס' ישועות יעקב ס"ס קנ"ד".

[6] א גט פון ק"ק ספרדים אין ירושלים:

א.JPG
א.JPG (25.55 KiB) געזעהן 3298 מאל

א גט פון סינגאפור:
ב.JPG
ב.JPG (23.75 KiB) געזעהן 3298 מאל

און איינס פון לאבשין:
ג.JPG
ג.JPG (22.91 KiB) געזעהן 3298 מאל
לעצט פאראכטן דורך קאטשקע אויפן וואסער אום זונטאג דעצמבער 01, 2019 3:03 am, מאל פאראכטן געווארן 1 סך הכל.
"גם שכלנו מתת אלקים הוא ואיסור גמור לצערו" (הג"ר ישראל משה חזן, איי הים על תשובות הגאונים - שערי תשובה, סי' קפז הערה כח).

עושר וכבוד
שר חמש מאות
תגובות: 682
זיך איינגעשריבען אום: זונטאג יולי 28, 2019 12:30 am

תגובהדורך עושר וכבוד » זונטאג דעצמבער 01, 2019 2:22 am

געוואלדיגע ידיעות!!
מיר מיינען נאר דיין כבוד, מיר דארפן האבן געלט, צו דינען דעם באשעפער פון די גאנצע וועלט!

אוועטאר
נו גוט נו שוין
שר האלפיים
תגובות: 2198
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » זונטאג דעצמבער 01, 2019 7:03 am

אינטערעסאנט

אוועטאר
אברהם העיברי
שר מאה
תגובות: 219
זיך איינגעשריבען אום: מיטוואך סעפטעמבער 11, 2013 2:52 pm
לאקאציע: מעבר הנהר

תגובהדורך אברהם העיברי » זונטאג דעצמבער 01, 2019 8:13 am

שטארק אינפארמאטיוו. ייש״כ

איך מיין אז נאכמער איז אינטערסאנט די קרישקעלע אז די עידה פסקו בהוראת בעל הערוה״ש. וואס איז פשט טאקע?

Programming
שר חמש מאות
תגובות: 542
זיך איינגעשריבען אום: מאנטאג ינואר 16, 2017 8:53 pm

תגובהדורך Programming » זונטאג דעצמבער 01, 2019 9:03 am

פארוואס נישט? אזוי האט מען געטון ברחבי ליטא ביז דער משנה ברורה האט צוביסלעך איבערגענומען דעם ערוך השולחן אלס פוסק הדור(ות)

אוועטאר
מענטשאלע
שר חמש מאות
תגובות: 863
זיך איינגעשריבען אום: דינסטאג מארטש 05, 2013 8:50 am

תגובהדורך מענטשאלע » זונטאג דעצמבער 01, 2019 9:44 am

"קאטשעק אויפן וואסער האט געשריבן"
יעצט איז די שאלה געווארן רעלאווענט אין בד"ץ העדה"ח און עס איז אויפגעברענגט געווארן די שאלה וויאזוי זיך לכתחילה צו פירן אין די יארן פון תש"פ-תשפ"ט.
די החלטה איז געבליבן, דארט ווייטער צו שרייבן: שמונים מלא, ווי עס איז דארט איינגעפירט געווארן דורך הגאוה"צ זצ"ל פאר 100 יאר צוריק.


אבער לפי הבירור האט מען נישט אזוי מחליט געווען, אמת ס'איז שוין געווען אפאר גיטין תשפ אבער נישט מיט קיין ענטגילדיגע החלטה 'שמונים' אדער 'שמנים', און וועגן וואס 'אברהם העיברי' ברעגנט ארפא אז מהאט געשרטבין לויטן ערוה"ש איז ריכטיז ביז די ל' יאהרן ווען דער מנח"י איז געקומען און מ'האט אנגעהויבן שרייבן פון קב נקי.
איך גלייב אז אין תשובות ספר פון מומחה הגיטין והשמות הגרא"י אולמאן שליט"א חבר הביד"צ וועט זיין א לאנגע תשובה וועגן דעם.

אוועטאר
נו גוט נו שוין
שר האלפיים
תגובות: 2198
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » זונטאג דעצמבער 01, 2019 9:49 am

א כתובה איז אנדערש?

אוועטאר
מענטשאלע
שר חמש מאות
תגובות: 863
זיך איינגעשריבען אום: דינסטאג מארטש 05, 2013 8:50 am

תגובהדורך מענטשאלע » זונטאג דעצמבער 01, 2019 10:10 am

נו גוט נו שוין האט געשריבן:א כתובה איז אנדערש?

זיכער.

אוועטאר
נו גוט נו שוין
שר האלפיים
תגובות: 2198
זיך איינגעשריבען אום: דינסטאג אוגוסט 07, 2018 12:33 pm

תגובהדורך נו גוט נו שוין » זונטאג דעצמבער 01, 2019 10:16 am

פארוואס? פשוט ווייל די דקדוק איז נישט אזוי וויכטיג?
די דאטום שטייט דארט אויך, דארט קען מען שרייבן וויאזוי מ'וויל?

אוועטאר
מענטשאלע
שר חמש מאות
תגובות: 863
זיך איינגעשריבען אום: דינסטאג מארטש 05, 2013 8:50 am

תגובהדורך מענטשאלע » זונטאג דעצמבער 01, 2019 10:40 am

נו גוט נו שוין האט געשריבן:פארוואס? פשוט ווייל די דקדוק איז נישט אזוי וויכטיג?
די דאטום שטייט דארט אויך, דארט קען מען שרייבן וויאזוי מ'וויל?

אין א כתובה איז א אזא טעות נישט מעכב ווייל ס'איז א שטר לכל דבר וענין, ריכטיג אז מ'איז היינט מקפיד אסאך מער ווי אמאל, אבער ס'איז נישט מעכב.

מחזור
שר חמש מאות
תגובות: 543
זיך איינגעשריבען אום: זונטאג דעצמבער 28, 2008 8:14 pm

תגובהדורך מחזור » זונטאג דעצמבער 01, 2019 10:45 am

מענטשאלע האט געשריבן:"קאטשעק אויפן וואסער האט געשריבן"
יעצט איז די שאלה געווארן רעלאווענט אין בד"ץ העדה"ח און עס איז אויפגעברענגט געווארן די שאלה וויאזוי זיך לכתחילה צו פירן אין די יארן פון תש"פ-תשפ"ט.
די החלטה איז געבליבן, דארט ווייטער צו שרייבן: שמונים מלא, ווי עס איז דארט איינגעפירט געווארן דורך הגאוה"צ זצ"ל פאר 100 יאר צוריק.


אבער לפי הבירור האט מען נישט אזוי מחליט געווען, אמת ס'איז שוין געווען אפאר גיטין תשפ אבער נישט מיט קיין ענטגילדיגע החלטה 'שמונים' אדער 'שמנים', און וועגן וואס 'אברהם העיברי' ברעגנט ארפא אז מהאט געשרטבין לויטן ערוה"ש איז ריכטיז ביז די ל' יאהרן ווען דער מנח"י איז געקומען און מ'האט אנגעהויבן שרייבן פון קב נקי.
איך גלייב אז אין תשובות ספר פון מומחה הגיטין והשמות הגרא"י אולמאן שליט"א חבר הביד"צ וועט זיין א לאנגע תשובה וועגן דעם.


הרב אולמאן האט שוין ארויסגעגעבן ספרים?

אוועטאר
מענטשאלע
שר חמש מאות
תגובות: 863
זיך איינגעשריבען אום: דינסטאג מארטש 05, 2013 8:50 am

תגובהדורך מענטשאלע » זונטאג דעצמבער 01, 2019 11:05 am

מחזור האט געשריבן:
מענטשאלע האט געשריבן:"קאטשעק אויפן וואסער האט געשריבן"
יעצט איז די שאלה געווארן רעלאווענט אין בד"ץ העדה"ח און עס איז אויפגעברענגט געווארן די שאלה וויאזוי זיך לכתחילה צו פירן אין די יארן פון תש"פ-תשפ"ט.
די החלטה איז געבליבן, דארט ווייטער צו שרייבן: שמונים מלא, ווי עס איז דארט איינגעפירט געווארן דורך הגאוה"צ זצ"ל פאר 100 יאר צוריק.


אבער לפי הבירור האט מען נישט אזוי מחליט געווען, אמת ס'איז שוין געווען אפאר גיטין תשפ אבער נישט מיט קיין ענטגילדיגע החלטה 'שמונים' אדער 'שמנים', און וועגן וואס 'אברהם העיברי' ברעגנט ארפא אז מהאט געשרטבין לויטן ערוה"ש איז ריכטיז ביז די ל' יאהרן ווען דער מנח"י איז געקומען און מ'האט אנגעהויבן שרייבן פון קב נקי.
איך גלייב אז אין תשובות ספר פון מומחה הגיטין והשמות הגרא"י אולמאן שליט"א חבר הביד"צ וועט זיין א לאנגע תשובה וועגן דעם.


הרב אולמאן האט שוין ארויסגעגעבן ספרים?

נאכ'נישט, אבער ער שרייבט א'גאנצן טאג.

זיסקינד
שר מאה
תגובות: 166
זיך איינגעשריבען אום: דינסטאג יולי 04, 2017 6:57 am

א מאמר איבער דעם אין בטאון פון ק"ק תפארת ירושלים

תגובהדורך זיסקינד » זונטאג ינואר 12, 2020 7:15 pm

אין בטאון פון ק"ק תפארת ירושלים וואס איז ארויס געקומען די פאריגע וואך ביים שבת התאחדות
איז דא א מאמר איבער דעם פון הגאון ר' זאב דייטש מו"צ העדה החרדית ומרבני הקהילה
איך לייג עס ארויף לטובת החברים


שמונים או שמנים - הג''ר זאב דייטש.pdf
(130.57 KiB) דאונלאודעד 79 מאל

בית שמחה
שר העשר
תגובות: 34
זיך איינגעשריבען אום: זונטאג אוגוסט 13, 2017 10:48 pm

שו"ת תשובה מאהבה שצריך לכתוב "שמונים"

תגובהדורך בית שמחה » מאנטאג ינואר 13, 2020 10:54 am

עי' שו"ת תשובה מאהבה חלק ג' סוף סימן תל"ט שכתב שצריך לכתוב שמונים מלא וי''ו, ושהסכים עמו מהר''ש לאנדא בנו של הנודע ביהודה, ויתר הרבנים.
ופשוט שסמכו בירושלים על דברי הגאונים הנ''ל, א' מהר''ש לאנדא, ב' בעל תשובה מאהבה, ג' ד' יתר הרבנים (מיעוט רבים שנים), ה' בעל הערוך השלחן סי' קכ''ו סעיף כ''ז.
ואין לשנות מן המנהג הבנוי על פי גדולי עולם.

קאטשקע אויפן וואסער
שר חמישים ומאתים
תגובות: 373
זיך איינגעשריבען אום: מאנטאג סעפטעמבער 25, 2017 12:20 am

תגובהדורך קאטשקע אויפן וואסער » מאנטאג ינואר 13, 2020 11:19 am

א דאנק פאר זיסקינד און פאר בית שמחה.
עס איז אבער דא עפעס וואס מען דארף נאך קלאר מאכן. אין תשובה מאהבה שטייט אז וויבאלד "ושמונים" (מיט א ו' אנהייב ווארט) שטייט רוב מאל 'מלא', ממילא דארף מען אזוי שרייבן:

תשובה מאהבה.JPG
תשובה מאהבה.JPG (57.07 KiB) געזעהן 1469 מאל

למעשה ווייזט מיר בר-אילן אנדערע תוצאות.
"ושמונים" שטייט 7 מאל אין תנ"ך, און "ושמנים" שטייט גאר 11 מאל!

ושמונים:
ושמונים.JPG
ושמונים.JPG (254.94 KiB) געזעהן 1469 מאל


ושמנים:
ושמנים.JPG
ושמנים.JPG (266.21 KiB) געזעהן 1469 מאל

אבער לפי האמת קען מען אראפנעמען 3 "ושמנים" פונעם רשימה פון די חסרים (נומער 7, 10 און 11) ווייל דארט איז עס א נייער מספר (למשל "ושמנים אלף חצב בהר") וואס איז אנדערש פון "שלש ושמנים שנה", וואו "ושמנים" איז א המשך צו "שלש". לויט דעם דארף מען אויך אראפנעמען איין "ושמונים" (נומער 3). אבער פארוואס זאגט דער תשובה מאהבה אז "ושמונים" איז דא מער פון "ושמנים"? עס בלייבט דא נאך אלץ 8 ושמנים קעגן 6 ושמונים!
לעצט פאראכטן דורך קאטשקע אויפן וואסער אום מאנטאג ינואר 13, 2020 12:04 pm, מאל פאראכטן געווארן 1 סך הכל.
"גם שכלנו מתת אלקים הוא ואיסור גמור לצערו" (הג"ר ישראל משה חזן, איי הים על תשובות הגאונים - שערי תשובה, סי' קפז הערה כח).

אוועטאר
מענטשאלע
שר חמש מאות
תגובות: 863
זיך איינגעשריבען אום: דינסטאג מארטש 05, 2013 8:50 am

תגובהדורך מענטשאלע » מאנטאג ינואר 13, 2020 11:46 am

שרייבן שרייבט מען שמנים, גפרעגט הגאון הגרא"י אולמאן שליט"א חבר הביד"צ ומומחה מיוחד בעניני גיטין שמות וכו'

קאטשקע אויפן וואסער
שר חמישים ומאתים
תגובות: 373
זיך איינגעשריבען אום: מאנטאג סעפטעמבער 25, 2017 12:20 am

תגובהדורך קאטשקע אויפן וואסער » מאנטאג ינואר 13, 2020 11:56 am

מענטשאלע האט געשריבן:שרייבן שרייבט מען שמנים, גפרעגט הגאון הגרא"י אולמאן שליט"א חבר הביד"צ ומומחה מיוחד בעניני גיטין שמות וכו'

יא יא. אזוי שטייט אויך אויבן אין גליון תפארת השבת. ייש"כ פארן עס באשטעטיגן דורכן אנפרעגן בע"פ.

==

עס בלייבט נאר איבער צו דערגיין פון וואו דער תשובה מאהבה האט אויפגעבויעט זיין פסק מען זאל יא שרייבן ושמונים מלא. וועלכע ספר מסורה האט ער גענוצט וואס ברענגט אז "ושמונים" איז על פי רוב מלא? די בעלי המסורה ברענגען אז אין דברי הימים איז עס על פי רוב מלא, אבער באופן כללי נישט.

בפשטות האט דער ערוך השלחן גענומען זיין פסק פונעם תשובה מאהבה, ווי עס זעט אויס פונעם ענליכקייט, אז ביידע רעדן פונעם חילוק צווישן "ושמונים" און "שמנה" (כאטש דער ערוה"ש איז זייער מקצר).
"גם שכלנו מתת אלקים הוא ואיסור גמור לצערו" (הג"ר ישראל משה חזן, איי הים על תשובות הגאונים - שערי תשובה, סי' קפז הערה כח).

אוועטאר
טעם וריח
שר האלף
תגובות: 1213
זיך איינגעשריבען אום: מאנטאג יוני 19, 2017 7:33 pm

תגובהדורך טעם וריח » מאנטאג ינואר 13, 2020 3:38 pm

סאיז מיר פונקט אויסגעקומען צו רעדן מיט ידידי א כותב גיטין אין די עדה, זאגט ער מיר אז ווען מקוקט אין די גיטין פון די תר״פ יארן פון די עדה שטייט יא מיט א ו׳.
נאר הרב אולמן שליט״א האט מברר געווען אן א ו׳ (אריכות דברים אין לי פנאי להאריך) און ביי דעם איז עס געבליבן.

נאך זאגט ער מיר, רב אולמן שליט״א האט מסופק געווען ווי אזוי צו שרייבן די פ׳ תש״פ אדער תש״ף (אין זיינע בריוון הסכמות המלצות וכדומה) דוגמת תש״ם תש״ן וואס מטרעפט אזוי שרייבן אין יענע יארן, האט דער כותב ידידי ני״ו געזאגט פארן רב אז ף איז מרמז אויף דינים (וחרה אף) וועגן דעם געפינט מען נישט קיין ף אין ברכת המזון. והודה לדבריו און ער וועט טאקע נישט שרייבן תש״ף.

קאטשקע אויפן וואסער
שר חמישים ומאתים
תגובות: 373
זיך איינגעשריבען אום: מאנטאג סעפטעמבער 25, 2017 12:20 am

תגובהדורך קאטשקע אויפן וואסער » מאנטאג ינואר 13, 2020 5:02 pm

טעם וריח האט געשריבן:סאיז מיר פונקט אויסגעקומען צו רעדן מיט ידידי א כותב גיטין אין די עדה, זאגט ער מיר אז ווען מקוקט אין די גיטין פון די תר״פ יארן פון די עדה שטייט יא מיט א ו׳.
נאר הרב אולמן שליט״א האט מברר געווען אן א ו׳ (אריכות דברים אין לי פנאי להאריך) און ביי דעם איז עס געבליבן.

נאך זאגט ער מיר, רב אולמן שליט״א האט מסופק געווען ווי אזוי צו שרייבן די פ׳ תש״פ אדער תש״ף (אין זיינע בריוון הסכמות המלצות וכדומה) דוגמת תש״ם תש״ן וואס מטרעפט אזוי שרייבן אין יענע יארן, האט דער כותב ידידי ני״ו געזאגט פארן רב אז ף איז מרמז אויף דינים (וחרה אף) וועגן דעם געפינט מען נישט קיין ף אין ברכת המזון. והודה לדבריו און ער וועט טאקע נישט שרייבן תש״ף.

ייש"כ פאר די אינפארמאציע.
בנוגע 'שמנים' חסר ו' האט מען דאס שוין אויבן געברענגט פונעם בלעטל תפארת השבת בשם הרב אולמן. קען זיין אז דו האסט געהערט מער פרטים.
און בענין תש"פ-תש"ף, זע דא נאך וועגן דעם.
"גם שכלנו מתת אלקים הוא ואיסור גמור לצערו" (הג"ר ישראל משה חזן, איי הים על תשובות הגאונים - שערי תשובה, סי' קפז הערה כח).

מחנך
שר חמישים ומאתים
תגובות: 396
זיך איינגעשריבען אום: דינסטאג מאי 03, 2016 10:49 am

תגובהדורך מחנך » מאנטאג ינואר 13, 2020 5:05 pm

כ'בין דיסעפוינטעד!
איך עפען די אשכול מיט ענטוזיאזעם, איך פריי מיך אז ענדליך גייט ער שוין געבען א גט, אבער, אהה... א הלכה פילעמיק, שוין זאל השי"ת העלפען אלע עגונות זאלען גרינגערהייט ווערען אויסגעלייזט.

דערבארומדיג'ער
שר האלפיים
תגובות: 2166
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » מאנטאג ינואר 13, 2020 9:39 pm

אז מען רעדט שוין, אזוי גייט עס? מען לאזט איבער די גיטין אויף שפעטער? מען האט נישט מורא פאר מעררים?

איין גט קוקט אויס צו האבן שניטן דערין.
דאס איז נאר מיין צייטוויליגע אינטערשריפט.

לב בשר
שר חמישים ומאתים
תגובות: 423
זיך איינגעשריבען אום: זונטאג מאי 26, 2019 2:03 pm

תגובהדורך לב בשר » מאנטאג ינואר 13, 2020 9:43 pm

דערבארומדיג'ער האט געשריבן:
איין גט קוקט אויס צו האבן שניטן דערין.

איך מיין אז יעדע גט צושניידט מען נאכדעם.

אוועטאר
Think and Thank
שר ארבעת האלפים
תגובות: 4870
זיך איינגעשריבען אום: דינסטאג ינואר 09, 2018 11:08 pm

תגובהדורך Think and Thank » מאנטאג ינואר 13, 2020 11:03 pm

נאכ'ן באצאלן די כתובה געלט צושניידט מען עס אז די פרוי זאל נישט קענען נאכאמאל איינמאנען דערמיט אין א צווייטע בי"ד (כ"כ רש"י בכתובות סו"פ הכותב).

דערבארומדיג'ער
שר האלפיים
תגובות: 2166
זיך איינגעשריבען אום: דאנארשטאג יוני 22, 2017 12:04 pm

תגובהדורך דערבארומדיג'ער » דינסטאג ינואר 14, 2020 1:45 pm

אה מען צושנייד עס, איך האב אויך געוויסט עפעס אזוי, און דעריבער ווינדער איך זיך וויאזוי די שטרי גיטין ליגן דא אזוי שיין אויף אייוועלט, וויאזוי אארבעט עס?
דאס איז נאר מיין צייטוויליגע אינטערשריפט.

קאטשקע אויפן וואסער
שר חמישים ומאתים
תגובות: 373
זיך איינגעשריבען אום: מאנטאג סעפטעמבער 25, 2017 12:20 am

תגובהדורך קאטשקע אויפן וואסער » דינסטאג ינואר 14, 2020 2:22 pm

דערבארומדיג'ער האט געשריבן:אה מען צושנייד עס, איך האב אויך געוויסט עפעס אזוי, און דעריבער ווינדער איך זיך וויאזוי די שטרי גיטין ליגן דא אזוי שיין אויף אייוועלט, וויאזוי אארבעט עס?

איך אליין האב אפאר אלטע גיטין אין מיין קאלעקציע, אלע האבן שניטן. קאפּיס פון גיטין האב איך שוין געזען אסאך, דאס מערהייט מיט שניט-צייכנס.
די גיטין וואס איך האב דא ארויפגעשטעלט, האבן אויך שניטן (אמאל זענען די שניטן אין צענטער פונעם גט, נישט ביי די עקן, ממילא זעט מען עס נישט אינעם טיילווייזן בילד). איינס פון זיי געפינט זיך דא און עס שטייט צום פארקויפן (מען קען באמערקן, אז א צייט שפעטער האט בי"ד צוגעשריבן נייע נעמען און דאטומען צום גט, כדי דער סופר זאל פון דעם מעתיק זיין דעם נוסח הגט פאר אן אנדערן פארפאלק).

הג"ר יחיאל טויבער ז"ל האט מיר אמאל קלאר געמאכט וועגן די גיטין וואס בי"ד לייגט אוועק. מען מאכט טאקע שניטן דערין, אבער זיי ווערן אוועקגעלייגט כמו שהם אינעם בית דין'ס ארכיוון. בית דין וועט אויף קיין פאל נישט ארויסגעבן דעם אריגינעלן גט, כדי מען זאל נישט טרעפן דערין קיין שאלות. אבער דא-דארט פאלן ארויס אלטע גיטין צום רשות הרבים און ווערן פארקויפט.
ער האט מיר פארציילט אז ער האט געהאט אסאך אלטע גיטין פון פארן קריג, און אז ער קען בשום אופן נישט ארויסגעבן די גיטין מטעם הנ"ל, אבער קאפּיס קען ער געבן ווייל א קאפּי איז גארנישט ווערט, אפילו אויב מען טרעפט א פסול אין א קאפּי, וועט מען אייביג ענטפערן אז עס איז נאר א קאפּי און דער גט אליין איז כשר!
"גם שכלנו מתת אלקים הוא ואיסור גמור לצערו" (הג"ר ישראל משה חזן, איי הים על תשובות הגאונים - שערי תשובה, סי' קפז הערה כח).


צוריק צו “ידיעות התורה”

ווער איז אונליין

באנוצערס וואס דרייען זיך דא: Kollel, Toyota און 7 געסט