ידיעות באגאזש...

הפוך בה דכולה בה

די אחראים: אחראי, גבאי ביהמד

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » מיטוואך ינואר 24, 2007 10:44 am

ס'יז מיר א פארגעניגן צו זעהן אז מיין ארבעט איז נישט געווען לריק, און די קרעטשמע זיצערס האבן געהאט דערפון א פארגעניגן.

איך וויל זיך אבער אפשטעלן אויף איין תגובה דא, וועלכע האט געצויגן מיין אינטערעסע.
א אידעלע האט געשריבן:אפשר וואלט געווען כדאי, אז דו זאלסט כסדר צוברענגען אין דעם אשכול אינטערעסאנטע תשובות, וואס מען קען הנאה האבן, וואס לדאבוני האב איך גאנץ א קנאפע ידיעה אין תשובה ספרים, נישט ווייל אין אנדערע ספרים האב איך יא א ידיעה, נאר תשובה ספרים מאך איך זייער זעלטן אויף איבער'ן יאר............


טייערער א אידעלע:
דיין איינפאל איז באמת א גיניאלער איינפאל, אבער זייט וויסן אז ס'זייער שווער צו זיין א "וואן מען בענד", איבערהויפט ווען ס'פארנעמט צייט. ווען איך זאל ווען וויסן אז דאס איז אזא שותפות, דהיינו, די מעמבערס שערן זיך איינעם מיטן אנדערן אינטערסאנטע ידיעות וואלט דאס ווען געווען גאזאלין אויף אנצוגיין ווייטער, און ס'צאלט זיך אויס די צייט!. פארוואס? ווייל אמאל לוינט זיך אוועק צו געבן צייט פאר יענעם וויסנדיג אז איך וועל נאך בקרוב הנאה האבן פון יענעמ'ס צייט, און יענער וועט מיר היינט אדער מארגן בארייכן מיט א ידיעה'לע וואס איז ווערט אלע געלטער, אזוי אז מיין נעכטיגע צייט וועט זיך מיר האבן אויסגעצאלט... אבער צו זיין א "וואן מען בענד" שאינו מצפה לתשלום גמול, דאס איז מיר שוין זייער שווער.

נעם א ביישפיל דעם עקזעסטירנדן אשכול זעלבסט...

***
קרעמער האט געשריבן:"טוב מאד להתפלל בין עשבים ואילנות" (כף החיים סי' צ' בשם ליקוטי מצות)

סאכדעס האט געשריבן:קרעמער, כ'ווייס נישט צו ס'איז דיין טעות, אדער אזוי שטייט טאקען אין כף החיים, אבער לכאורה איז דער מקור ליקוטי עצות.

קרעמער האט געשריבן:אזוי שטייט אין מיין כף החיים (סימן צ' סקכ"ט בשם יפה ללב בשם ליקוטי מצות), אבער עס איז שטארק יתכן אז עס איז א טעות הדפוס (הגם איך גלייב שווער אז די ספרדישע חכמים זאלן צוברענגן פון ר' נחמן'ען, איך וואלט גיכער געזאגט אז דאס איז עפעס א פארשטופט ספרד'יש ספר, ויש לעיין).


קרעמער און סאכדעס:
לענ"ד קען מיינען ספר ליקוטי מצות, דער ספר ליקוטי תנ"ך טעמי מצות = פון רבי חיים וויטאל.

(קרעמער: כ'גלויב אז דו מאכסט נאר א וויץ, זעהסטו דען נישט ווי מאסן ספרדים זענען פארכאפט געווארן אין ברעסלאוויזים... משמע פארקערט ווי דיין הנחה... נישט אזוי?)

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך ינואר 24, 2007 11:06 am

איך גלייב אז סאכדעס איז גערעכטער, ווייל איך האב טאקע געפונען אקוראט כהאי לישנא אינעם לקוטי עצות:
(1) ספר לקוטי עצות - ערך התבודדות
טוב מאד להתפלל ולפרש שיחתו לפני השם יתברך בשדה בין עשבים ואילנות, כי כשאדם מתפלל ומפרש שיחתו בשדה, אזי כל העשבים וכל שיח השדה כולם באים בתוך תפלתו ומסיעין לו ונותנין לו כח בתפלתו ושיחתו (ח"ב. יא):


ובנוגע הקשר שבין ספרדים לברסלב, איך גלייב זייער שווער אז דאס האט זיך שוין אנגעהויבן בימי הכף החיים.

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » מאנטאג ינואר 29, 2007 3:15 pm

אקעי, כ'על אביסל אויפוועקן דעם עולם פון שלאף...

כ'האב זיך באגעגנט מיט אן אינטערסאנטער תשובת הריב"ש, ס'קען מעגליך זיין אינטערסאנט.
די מעשה גייט אזוי: א געוויסער גר האט זיך ערקלערט אלס א קונצן ווייזער, און ער האט איינגערעדט דעם עולם הוידל בוידל, הבלים ושגעונות. האט זיך געמאכט אמאל א מעשה, ער האט איינגערעדט איינעם אז ער האט מיט השבעות אראפגעברענגט די לבנה פון הימל... אין אן אנדער געלעגנהייט האט ער דערציילט, אז ער האט עטליכע מאל געריטן און שפאצירט מיילן ווייט אין א דינעם וואלקען...

שרייבט אויף דעם ריב"ש סוף סי' צ"ד (אין סי' צ"ב האט ער דארט א לענגערן ביאור אין די ענינים פון מעשה כשפים, מעונן, מנחש ושדים. ועי' ביור"ד סי' קע"ט בענינים אלו):

די הבלים און שגעונות וואס דער גר האט דיר דערציילט אז ער האט אראפגעברענגט די לבנה פון הימל, ווער עס האט שכל צו פארשטיין וועט נישט גלייבן צו די אלע כזבים, כ"א פתי יאמין לכל דבר (נאר א נער וועט גלייבן יעדע זאך).

און דאס צווייטער ענין וואס ער דערציילט אז ער האט שוין עטליכע מאל געריטן אויף א דין וואלקען און אזוי שפאצירט מיילן ווייט. איך האב אויך געהערט זאגן [ענדליכ'ס צו דעם] אז ס'איז דא וואס טוהן באשווערן א שד און דער שד קומט אין א דמיון פון א שווער וואלקן און פירט דעם מענטש למרחוק. צי דאס איז אמת צי שקר? ווער עס וויל גלייבן דערין זאל גלייבן ס'שאדט נישט אויף גארנישט, אבער דער [גר] זאל זיך נישט קומען בארימען דערמיט אז ער קען טוהן די זאכן, ווייל אויב קען ער טאקע דאן פארוואס האט ער דאס נישט געטוהן ווען ער איז געווען א נרדף און ער איז געווען באהאלטן חדר בתוך חדר, טיילמאל מחמת סכנה ממש?
פירט דער ריב"ש אויס:
ווען ער איז געווען ביי אונז [ביים ריב"ש] האט ער זיך שוין גארנישט אויפגעטוהן און בארימט מיט די אלע זאכן!. אבל (א ראי' צו שוועמל...) ווייל באמת לויט ווי עס האט זיך איבערגעצייגט זיין סוף איז ער א רמאי, א פאפער און א ליגנער.

לויט ווי מיר האבן געהערט אויף אים – זאגט דער ריב"ש - איז ער חזר לסורו (ער איז צוריק געווארן א ישמעאלי) אין [שטאט] תוניס. די סוחרים דארט האבן אים איבערגערעדט און פאר געלט האט ער זיך געלאזט איבערעדן און ער האט זיך געשמד'ט. א צייט שפעטער האט ער געוואלט תשובה טוהן, אבער קהל האט אים נישט מקבל געווען און ער איז צוריק צום דת ישמעאל רח"ל, און היינט צו טאגס איז ער א ישמעאלי.

ווער עס קען מיר העלפן מיט פונקטליכע דעטאלן פון דעם "גר", וועל איך אים דאנקבאר זיין

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מאנטאג ינואר 29, 2007 3:20 pm

שכוח זארעכ פאר די שיינע ידיעה.
העלפן? מסתמא קרעמער וועט קענען. איך נישט.
An article a day keeps the babies away

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג ינואר 29, 2007 5:32 pm

סארי. כ'קען גארנישט.

---
נעכטן געלערנט (כף החיים סי' צ' בשם חסד לאברהם בשם מהר"א מגרמיזא ז"ל) א וויכטיגע הלכה אין דיני בית הכנסת: די מענטשן וואס זיצן אין פאליש (עזרת בית הכנסת) און קומען נישט אריין אינעווייניג אין שוהל (הערה: ווארשיינליך רעדט זיך דא ווען עס איז דא גענוג פלאץ אינעם גרויסן צימער, אבער זיי קלייבן אויס צו זיצן אין פאליש פאר זייער באקוועמליכקייט), ווי אויך די וואס רעדן אין שוהל אין די צייט וואס דער עולם דאווענט, "וועלן גע'משפט' ווערן מיט צואה רותחת (פעלט אויס איבערצוטייטשן?).

היינט האבן מיר געלערנט א פרישע הלכה אין הלכות תפילה, וואס איז זייער נוגע פאר היימישע אידעלעך: די וואס דרוקן זיך איינער דעם צווייטן כדי אנצוקומען אינדרויסן פון ביהמ"ד ווי פריער, וכל שכן די וואס לויפן שוין ארויס ביי אנהייב עלינו לשבח און זאגן עלינו אינמיטן גיין, אדער די וואס גייען ארויס בעפאר מען ענדיגט דאס דאווענען, די אלע "טוען נישט גוט", ווייל מען טאר זיך נישט ארויסאיילן פון בית המדרש (שם בשם חסד לאברהם).

אוועטאר
שוועמל
שר עשרת אלפים
תגובות: 14181
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דינסטאג ינואר 30, 2007 12:17 am

קרעמער דאכט זיך אז א פאליש איז נישט קיין 'עזרת בית הכנסת',
א פאליש איז א ביהמ"ד ממש ! עס האט א ארון הקדוש געווענליך און מען דאווענט דארט כסדר [אינדערוואכן],

עזרת בית הכנסת איז טייטש א 'האללועי' דאס מיינט די דורכגאנג אדער לאבי אריינצוגיין בעפארן בית הכנסת.


ווי אויך וואלט איך מיר געטרויעט צו זאגן אז דארט רעדט מען פון א 'בית הכנסת' וואס האט א פול העכערע קדושה פון א 'בית המדרש'.
היינט האבן מיר נאר א בית המדרש נישט קיין בית הכנסת.ודוק.
שוש אשיש בה', תגל נפשי באלקי! (ישעיה סא)

אוועטאר
סאכדעס
שר עשרים אלפים
תגובות: 20440
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » דינסטאג ינואר 30, 2007 2:24 pm

להערה בעלמא, קדושת בית המדרש איז העכער פון קדושת בית הכנסת, סיז א בפירוש'ע שולחן ערוך.

אבער לכאורה בנוגע דיין הערה איבער עזרת / פאליש, ביסטו לכאורה גערעכט, דאס איז לכאורה פשוט אז אן אפענע פאליש רעדט ער זיכער נישט.

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » דינסטאג ינואר 30, 2007 6:32 pm

אויב איינער האט באטראכט אמאל די למנצח סיין בצורת המנורה, וועט באמערקן אז ס'האט אותיות, און ווער ס'ווייסט נישט האט נישט קיין אהנונג וואס די פשט איז, בין איך היינט געוואר געווארן, אז דאס איז דער שם ע"ב, און ס'קומט ארויס פון די צוויי פסוקים פון די וואך, אנגעפאנגען פון ויסע אלקים וכו'.

(ס'איז אביסל העכערע זאכן, אבער אז פאר מיר איז עס געווען אינטערעסאנט קען זיין אז פאר א צווייטן וועט עס אויך זיין.)

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » דינסטאג ינואר 30, 2007 6:35 pm

אין טייל סידורים שטייט די צוויי פסוקים העכער קריאת שמע. אדער דריי פסוקים, כ'דענק שוין נישט.
An article a day keeps the babies away

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך ינואר 31, 2007 12:28 am

עס איז דריי פסוקים, ויסע ויבא ויט, און עס זענען דא פארשידענע וועגן וויאזוי מען שטעלט זיי צוזאם. אדער ישר הפוך ישר (ס'טייטש: די ערשטע אות פונעם ערשטן פסוק, די לעצטע אות פונעם צווייטן פסוק, און די ערשטע אות פונעם ערשטן פסוק), אויך איז דא ישר ישר ישר (די ערשטע אותיות פון אלע דריי פסוקים, נאכדעם די צווייטע, א.א.וו.). עפ"י אריז"ל דארף מען אינזין האבן די שמות ביי די ערשטע צוויי פרשיות פון קריאת שמע.

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מיטוואך ינואר 31, 2007 12:45 am

שכוח קרעמער פאר'ן אראפברענגען דעם ענין במילואו.
An article a day keeps the babies away

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דינסטאג פאברואר 06, 2007 7:02 pm

עס שטייט דאך אל יפטור אדם מחבירו אלא מתוך דבר הלכה, שמתוך כך זוכרהו, וועל איך אייך איבערלאזן מיט אן אינטערסאנטע הלכה וואס איך בין היינט געוואויר געווארן ביים לערנען מיין טעגליכן שיעור (יעצט האלט מען ביי הלכות תפילה).

דאס האב איך שוין לאנג געוואוסט אז עס איז אן ענין אוועקצונעמען די הארעלעך פון די אויערן ביים דאווענען, ווייל עס שטייט אין זוה"ק אז אויב די האר שטערן די אויערן, קען דאס ח"ו בלאקירן די אויבערשטע אויערן פון אויסהערן די תפילות. (דערפאר זעט מען די אידן וואס דרייען געווענליך די פיאות אויפן אויער, געבן דאס א שליידער אראפ ביי שמונה עשרה).

היינט בין איך אבער געוואויר געווארן אז די זעלביגע איז אקטועל ביי די האר וואס נעמען ארום די מויל, אז מען זאל זיי אוועקריקן פונעם מויל בעפאר שמונה עשרה, כדי זיי זאלן נישט שטערן די תפלות פון ארויפגיין.

אוועטאר
שוועמל
שר עשרת אלפים
תגובות: 14181
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » פרייטאג פאברואר 09, 2007 2:41 am

דערפאר איז דא יידן וואס שניידן [טרימען] די שנאלצן, גמני בתוכם.

און צוליב נאך א טעם וואס ווערט דערמאנט אין יו"ד לגבי חשש בשר בחלב.
שוש אשיש בה', תגל נפשי באלקי! (ישעיה סא)

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מוצ"ש פאברואר 10, 2007 9:40 pm

די טעם פארוואס אידן טרימען (מלשון תרומה..) די שנאלצן (וואנצעס, שנאוצען), האב איך געוואוסט/געדענקט אז דאס איז צוליב דעם וואס דער אריה"ק האט זייער מקפיד געווען אז די האר זאל נישט קומען אין בארירונג מיטן עסן (כמדומה, נישט אלץ בשר בחלב, נאר עפעס העכערס, שער/דינים אזוי דאכט זיך מיר).

---
מיטוואך האב איך געלערנט אין כף החיים אן אינטערסאנטע הלכה (כ'מיין אז די וועלט פירט זיך נישט אזוי): יתומים'לעך וועלכע זאגן קדיש און זענען נאך אונטער די בר מצוה, ברויכן אויך אנטאן א גארטל אלץ הכון לקראת אלקיך ישראל!

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג פאברואר 12, 2007 3:44 pm

לעצטנס געלערנט אין כף החיים (וואו דען?) אז עס פאסט נישט מען זאל דאווענען שחרית מיט איין ארבל אנגעטאן און די אנדערע אויסגעטאן - אזוי ווי רוב וועלט פירט זיך היינט צוטאגס אז מען לאזט די לינקע ארבל אונטערן רוקן נאכן אנטאן די תפילין - ווייל די הלכה פארלאנגט אז מען זאל האבן אנגעטאן א געהעריגן בגד ווען מען שטעלט זיך דאווענען.

(דאכט זיך מיר אז דער עולם פירט זיך נישט אזוי, אפשר צוליב חסרון ידיעה)

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » מאנטאג פאברואר 12, 2007 6:07 pm

ברוך השם, אז איך טוה טאקע אלץ צוריק אן מיין ערמל, איך האב עס אלץ געטוהן פאר מיינע נערוון, אבער יעצט ווער איך געוואר אז ס'איז מער אויסגעהאלטן אויך.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג פאברואר 12, 2007 7:24 pm

ווייזט אויס אז דיינע נערוון שפירן און טאן דאס וואס עס איז רעכטפארטיג (אין די בחינה פון אברהם אבינו כידוע מספרים הקדושים)

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » דינסטאג פאברואר 13, 2007 10:43 am

א שיינעם דאנק. (אויך געשריבן פאר די נערוון.)

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך פאברואר 14, 2007 10:34 pm

היינט איז אויפגעקומען א שמועס אין קרעטשמע בנוגע שלאפן מיט די שיך, האב איך זיך גענומען די מיה - לתועלת הרבים, ולתועלת עצמי - און נאכגעקוקט אין ספר היקר שמירת הגוף והנפש, ויגעתי ומצאתי תאמין.

עס איז אין ערשטן חלק פונעם ספר, סימן קט"ו, זעה דארט א הערליכע ליקוט כדרכו פון דעם חשוב'ן מחבר. איך האב נאר ארויסגענומען עטליכע קליינע נקודות וואס קענען זיין אינטערסאנט אינעם ידיעות באגאזש.

דאס וואס איך האב דארט געשריבן אז ביים שלאפן מיט די שיך אנגעטאן שפירט מען א טעם פון מיתה, איז א גמרא מפורשת אין מסכת יומא (דף ע"ח ע"ב) עיין שם.

דאס וואס "א אידעלע" שרייבט אז עס איז קשה לשכחה, שטייט אויך אין "ספר הזכירה" און "ישמח משה".

ער ברענגט פון אוצר י"ד החיים (אות צ"ז) אז דאס וואס די גמרא זאגט (שבת פ"ג ע"ב) אין דברי תורה מתקיימין אלא במי שממית עצמו עליה, קען גאר מיינען אז דער תלמיד חכם איז זיך אזוי מייגע אויף תורה, אזש ער נעכטיגט איבער מיט די שיך און זאקן, וואס דאדורך שפירט ער א טעם מיתה!

ר' יוסף חיים זאנענפעלד שרייבט גאר אין זיין ספר (שו"ת שלמת חיים) אז אויב איינער איז חלילה פארשאלטן געווארן מיט א קללה פון מיתה, האט ער אן עצה זיך צו לייגן שלאפן מיט די שיך, און מיט דעם וועט ער אפקומען די גאנצע זאך!

יותר ממה שכתבתי לפניכם כתוב שם, און איך זאג אייך באמת אז דער ספר איז איום ונורא, יעדעס ווארט זיך צו באלעקן און דערקוויקן, כאפט א בליק און איבערצייגט אייך אליין.

אוועטאר
ערנסטער
שר חמש מאות
תגובות: 582
זיך איינגעשריבען אום: דינסטאג ינואר 30, 2007 11:23 am
לאקאציע: פון יעהופעץ

תגובהדורך ערנסטער » דאנארשטאג פאברואר 15, 2007 3:20 am

קרעמער, יישר כח ותשואות חן חן.
די וואָר הענגט אויף א האָר

אוועטאר
מאשקע
מ. ראש הקהל
תגובות: 12555
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » דאנארשטאג פאברואר 15, 2007 11:04 am

קרעמער: א הערליכע שיעור כללי. זייער שיין צוזאמגעשטעלט.
An article a day keeps the babies away

אוועטאר
סאכדעס
שר עשרים אלפים
תגובות: 20440
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » דאנארשטאג פאברואר 15, 2007 12:56 pm

קרעמער, יישר כוח.

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » דאנארשטאג פאברואר 15, 2007 5:59 pm

קרעמער, א דאנק.

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » דאנארשטאג פאברואר 15, 2007 6:03 pm

אה, כא'פארגעסן, איך זאג אויך: קרעמער, שכויח.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג פאברואר 15, 2007 10:34 pm

עניטיים רבותי, ברענג אויף א טעמע, און מען וועט עס פרובירן צו דעקן.


צוריק צו “ידיעות התורה”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 5 געסט