א ברייטע אויפקלערונג איבער די פראבלעם בנוגע חינוך

אוועטאר
יוד אלף
שר חמש מאות
תגובות: 560
זיך איינגעשריבען אום: דאנארשטאג נובעמבער 12, 2015 9:34 pm

תגובהדורך יוד אלף » דינסטאג סעפטעמבער 03, 2019 3:27 pm

דענק איך נאך ווען איך פלעג כאפן ציפעס פון מיין טאטען זז"ג שבת נאכמיטאג ביים פארהער (נאך אלץ 9 יעריג קינד) פארן נישט טראכטן זעלבסט שטענדיג, נאר פארן אננעמען וואס דער מלמד זאגט בתמימות (די זעלבע טאטע וואס איך האב צוגעזעען מיט די אויגן ווי ער איז מאמין בפשיטות אן קיין קושיות אינעם בורא עולם און פרעגט נישט קיין קושיות אויף עגמת נפש וואס איך וואלט פאר קיין איד געוואונטשן)
זעהט אויס אז דעמאלט האט מען נאכנישט געוואוסט די שעדליכקייט פון טראכטן

קאזאבלאנקא
שר חמש מאות
תגובות: 549
זיך איינגעשריבען אום: דינסטאג אוגוסט 02, 2016 11:11 pm

תגובהדורך קאזאבלאנקא » דינסטאג סעפטעמבער 03, 2019 5:03 pm

וע"ז אמרו אם אין דעת הבדלה מנין, צו פארשטיין ווען און וואו און ווער, צו נוצן דעם אייגענעם דעת, און ווען מען דארף זיך פארלאזן
עכ"פ דעם גוי'ס מהלך און מקום פון טינקינ"ג איז אודאי מטוב"ל בדבר אחר

תענית חלום
שר חמישים ומאתים
תגובות: 382
זיך איינגעשריבען אום: פרייטאג אוגוסט 23, 2013 12:26 pm

תגובהדורך תענית חלום » דינסטאג סעפטעמבער 03, 2019 5:12 pm

קאנסילמאן האט געשריבן:you failed to make your case

קריטיקעל טינקינג איז נישט קיין סתירה צו אמונה, און במציאות אלע אונזערע גדולים זענענן דענקער מיוסדום, און לאוו דווקא די לעצטע דורות א שטייגער ווי הרב טויבער / פינקוס / הרב מילער זכרונם לברכה, נאר אפילו בחיר האבות אא"ה איז צוגעקומען צו השי"ת דורוך מחשבה ווי די מדרשים זענענן מסביר באריכות, קריטיקעל טינקינג איז א גיטע טול - און הלוואי יעדער איז געבענטש דערמיט - צו דערגיין און וועלן וויסען די אמת און די ריכטיקייט פון א יעדע זאך, אז מען איז זוכה צו לעגבן א לעבן מיט מחשבה און וועלן דערגיין און אליינס אלעס פארשטיין דאן איז די רוחניות און גשמיות בעסער, די אמונה איז שטערקער און די טעגליכע לעבן איז שטערקער.

אמונה איז איין זאך, מען קען אויסלערנען א קינד שמע ישראל וכו' און אים גלייכצייטיג אויסלערנען אז ער זאל זיך וועלן דערגרינטערן און זאכען וואס מען לערענט אים, און זאכען וואס ער זעט.

1- מיר האט מען אויסגעלערנט אז מען דארף האבן אמונה פשוטה און נישט צו אריינקלערן אין די נושא צו פיל. מיר האט מען אויסגעלערנט אז מען לערנט נישט מורה נבוכים.

2- קריטיקעל טינקינג מיינט נישט נאר טראכטן טיעף. עס מיינט נישט אננעמען וואס א צווייטער זאגט אנדעם וואס דו ווייזט זיך אליינס אויף אז דאס איז דער אמת.
קוק די ווערטער פון דעם כופר הכל "Do not indoctrinate your children" ווייסט וואס מיינט "indoctrinate" לייג עס אין גוגל וועסטו זעהן:
teach (a person or group) to accept a set of beliefs uncritically. דאס מיינט אז מען קען פארמאכן יעדע ישיבה און תלמוד תורה (עכ"פ די אידיש דעפארטמענט). עס מיינט אז שמע בני מוסר אביך ואל תיטוש תורת אמך" איז דערנאך, אלט מאדיש, פארצייטיש.

דו נעמסט איין חלק פון טראכטן טיעף און די לייגסט אין דעם אריין די גאנצע איידיע פון קריטיקעל טינקינג, עס איז נישט אמת. א גרויס חלק פון קריטיקעל טינקינג איז צו פארשטעלן די צווייטע זייט פונעם ארגומענט און זיך איבערצייגן פארוואס דאס איז אמת און דאס נישט. זעה דא

און נאך א שטארקע נקידה איז אז מען רעדט פון קינדער, וואס אז מען טרעינט זיי אזוי יונג אריין צו טראכטן אזוי טיעף, פארוואס זאל ער עס נישט נעמען ווייטער און אנהייבן פרעגן קשיות אויף גרעסערע יסודות וואס מען האט אים אויסגעלערנט צו גלייבן ווייל אזוי טראכט א איד?

ווען מען איז שוין 25-30 יאר און מען איז ביזי מיט די טאג טעגליכע העקטיק לעבן, און מען וויל זיך פארשטערקערן און די עניני אמונה בטחון ועוד, יא פארדעם איז דא שיעורים און בעלי דרשנים וואס קענען העלפן מיט דעם, אבער אפילו דארט גייט קיינער נישט אויפברענגען קשיות אויף די יסודי האמונה, מען וועט ארויסברענגען א זאך שטארק, אבער חלילה נישט פרעגן אדער אויפברענגען א צווייטע זייט.

גלות איד
שר העשר
תגובות: 42
זיך איינגעשריבען אום: מאנטאג יולי 10, 2017 8:48 pm

תגובהדורך גלות איד » דינסטאג סעפטעמבער 03, 2019 5:12 pm

הלואי וואלט מען געקענט דא האבן א אשכול אדרוך צו טוהן די מעלות און חסרונות פון קאמאן קאור, דערווייל זעה איך נאר דא אזעלכע וואס ווילן איך זאל גלייבן אז עס איז א פראבלעם אבער איך דארף עס גלייבן און נישט פארשטיין!

לערנען מעטה מיט א פארשטאנד, קען האבן מעלות און עס קען האבן חסרונות, אבער דאס וואס מ'וויל אהערשטעלן אז עס איז ברענגט צו מינות, אפיקורסות, עגלה ערופה און וואס נישט, הייב איך נישט אן צו פארשטיין.

אפילו מ'לערנט אויף א אויפן פון חוקר זיין און פארשטיין מוז מען דאך אויך צוקומען צו אסאך אסאך אמונה. די שפראך איז איין שטיק אמונה, ווי האט הלל געזאגט פאר'ן גר? אז דאס איז אל"ף און דאס איז בי"ת מיסטו דאך בין כך אנקומען צו מסורה. און די זעלבע איז מיט קאלירן וכו'. בקיצור, וויפיל מ'פראבירט נאר צו פארברייטערן די הבנה, אז אלעס זאל זיין גרינטלעך אדורכגעטראכט, -וואס דאס איז לכאורה די אלף בית פון לערנען תורה הקדושה, תוס' פרעגט, די מהרש"א פרעגט אויף תוס', די קצות פרעגט און די נתיבות פרעגט נאך טיפער וכו'- אבער למעשה נאך אלע הבנות מוז מען דאך סוף כל סוף אנקומען צו גאר אסאך אמונה, אויב אזוי מה כל הרעש?

איך ווארט נאך אז איינער זאל עפענען א אשכול אדרוך צו טוהן די מעלות און חסרונות פון קאמאן קואר.

תענית חלום
שר חמישים ומאתים
תגובות: 382
זיך איינגעשריבען אום: פרייטאג אוגוסט 23, 2013 12:26 pm

תגובהדורך תענית חלום » דינסטאג סעפטעמבער 03, 2019 5:36 pm

גלות איד האט געשריבן:...לערנען מעטה מיט א פארשטאנד, קען האבן מעלות און עס קען האבן חסרונות, אבער דאס וואס מ'וויל אהערשטעלן אז עס איז ברענגט צו מינות, אפיקורסות, עגלה ערופה און וואס נישט, הייב איך נישט אן צו פארשטיין...

זאג נאר, דו ווייסט אפשר פארוואס מען טאר נישט גיין שטודירן אין קאלעדזש?

אפשר האלסטו אז מען מעג יא, עכ"פ אלע גדולים פון די פריערדיגע דורות און די היינטיגע האלטן אז מען טא נישט. ווייסט אפשר א טעם?
(און די תירוץ איז נישט תערובות....)

תענית חלום
שר חמישים ומאתים
תגובות: 382
זיך איינגעשריבען אום: פרייטאג אוגוסט 23, 2013 12:26 pm

תגובהדורך תענית חלום » דינסטאג סעפטעמבער 03, 2019 5:37 pm

יוד אלף האט געשריבן:דענק איך נאך ווען איך פלעג כאפן ציפעס פון מיין טאטען זז"ג שבת נאכמיטאג ביים פארהער (נאך אלץ 9 יעריג קינד) פארן נישט טראכטן זעלבסט שטענדיג, נאר פארן אננעמען וואס דער מלמד זאגט בתמימות (די זעלבע טאטע וואס איך האב צוגעזעען מיט די אויגן ווי ער איז מאמין בפשיטות אן קיין קושיות אינעם בורא עולם און פרעגט נישט קיין קושיות אויף עגמת נפש וואס איך וואלט פאר קיין איד געוואונטשן)
זעהט אויס אז דעמאלט האט מען נאכנישט געוואוסט די שעדליכקייט פון טראכטן

מיש נישט אויס צוויי זאכן.

מען רעדט נישט דא פון "טראכטן" אדער פארשטיין. מען רעדט פון טראכטן פארקערט און פון נישט אננעמען עפעס נאר אויב מען זעהט באווייזן דערויף, און ווילאנג מען זעהט נישט קיין באווייזן איז עז נישט אמת.

programmer
שר מאה
תגובות: 125
זיך איינגעשריבען אום: דאנארשטאג פאברואר 07, 2019 11:34 am

תגובהדורך programmer » דינסטאג סעפטעמבער 03, 2019 5:39 pm

וואס ענטפערט די גוי ווען די אינגל פרעגט ווער זאגט אז דאס איז אן A און דאס איז א B?

בריווח
שר העשר
תגובות: 34
זיך איינגעשריבען אום: דינסטאג יולי 23, 2019 12:44 am

תגובהדורך בריווח » דינסטאג סעפטעמבער 03, 2019 5:55 pm

תענית חלום האט געשריבן:1- מיר האט מען אויסגעלערנט אז מען דארף האבן אמונה פשוטה און נישט צו אריינקלערן אין די נושא צו פיל. מיר האט מען אויסגעלערנט אז מען לערנט נישט מורה נבוכים.

2- קריטיקעל טינקינג מיינט נישט נאר טראכטן טיעף. עס מיינט נישט אננעמען וואס א צווייטער זאגט אנדעם וואס דו ווייזט זיך אליינס אויף אז דאס איז דער אמת.
קוק די ווערטער פון דעם כופר הכל "Do not indoctrinate your children" ווייסט וואס מיינט "indoctrinate" לייג עס אין גוגל וועסטו זעהן:
teach (a person or group) to accept a set of beliefs uncritically. דאס מיינט אז מען קען פארמאכן יעדע ישיבה און תלמוד תורה (עכ"פ די אידיש דעפארטמענט). עס מיינט אז שמע בני מוסר אביך ואל תיטוש תורת אמך" איז דערנאך, אלט מאדיש, פארצייטיש.

דו נעמסט איין חלק פון טראכטן טיעף און די לייגסט אין דעם אריין די גאנצע איידיע פון קריטיקעל טינקינג, עס איז נישט אמת. א גרויס חלק פון קריטיקעל טינקינג איז צו פארשטעלן די צווייטע זייט פונעם ארגומענט און זיך איבערצייגן פארוואס דאס איז אמת און דאס נישט. זעה דא

און נאך א שטארקע נקידה איז אז מען רעדט פון קינדער, וואס אז מען טרעינט זיי אזוי יונג אריין צו טראכטן אזוי טיעף, פארוואס זאל ער עס נישט נעמען ווייטער און אנהייבן פרעגן קשיות אויף גרעסערע יסודות וואס מען האט אים אויסגעלערנט צו גלייבן ווייל אזוי טראכט א איד?

ווען מען איז שוין 25-30 יאר און מען איז ביזי מיט די טאג טעגליכע העקטיק לעבן, און מען וויל זיך פארשטערקערן און די עניני אמונה בטחון ועוד, יא פארדעם איז דא שיעורים און בעלי דרשנים וואס קענען העלפן מיט דעם, אבער אפילו דארט גייט קיינער נישט אויפברענגען קשיות אויף די יסודי האמונה, מען וועט ארויסברענגען א זאך שטארק, אבער חלילה נישט פרעגן אדער אויפברענגען א צווייטע זייט.

מען האט שוין באמת די אלע זאכן אויסגעשמועסט, נאר אפשר דארף מען איבערגיין אין קורצן.

ווער רעדט פון לערנען מורה נבוכים? ביי לימודי חול לערענט מען אמונה, השקפה וכדו'? מען רעדט דאך פון רעכענען און שרייבן. און איך ווייס נישט פון וועלכן כופר דו ביסט מעתיק, אבער אז יענער זאגט "Do not indoctrinate your children" איז דאס זיין מיינונג, וואס האט דאס מיט מיר?

ער האלט מען זאל נישט הייסן קינדער אננעמען א אמונה חלילה, איך האלט פארקערט, און איך לערן דעם קינד יא אויס אמונה, וואס האב איך מיט זיין וויזיע? מילא ער, ער לערענט מיט זיין קינד נישט קיין אמונה, און ער לערענט מיט זיין קינד "גלייב נישט", נא, דאס איז וואס ער וויל, און אויב חלילה איינער זאל אזוי לערנען מיט זיין קינד איז עק וועלט.

אבער אז אונז טיען בפירוש פארקערט, מען לערענט יא אמונה, מען האקט און מען בראקט עד אין סוף, אויף אמונה אין אין סוף, וואס האט דאס מיט אונז?

און יא, קריטיקל טינקינג איז נישט נאר טראכטן טיף, נאר צו פארשטיין ביידע צדדים און פארשטיין פארוואס די געוויסע זייט איז ריכטיג, און דעריבער? טאר מען נישט "פארשטיין"?

און אז מען רעדט פון "פארשטיין טיף", איז דאס א פראבלעם? דאס מאכט פראבלעמען? איז אפשר די פלאן ארויסצוווארפן אלע שס'ן פון בית המדרש, אויפהערן לערן קצות אין נתיבות, ווייל עס איז א ווארשיינליכע פאקט, אז עס איז נישטא קיין שטערקערע "קירטיקעל טינקינג" לימוד ווי וואס אונז לערנען מיר.

אין די גאנצע לימוד פון די גוים, איז נישטא אז אזאך. און די פאקט באווייזט - עפעס וואס אלע זענען מודה - אז די בעסטע סטודענטן אין די גרעסטע אוניווערזיטעיטן, די בעסטע לויערס - דארט וואו קריטיקל טינקינג איז אזוי קריטיש ווי פארשטענדליך - זענען די סטודענטן וואס האבן געלערענט אין א ישיבה. דאס האט איך געהערט פון מערערע מבינים אין עדוקעישאן, און פון פראפעסארן. דער סופרים קוארט ריכטער סקאליע וואס איז באוויסט געווען אלס איינע פון די שטערקסטע און טיפסטע קעפ אין געזעץ, האט געזאגט אז זיינע בעסטע קלרקס - דאס הייסט ארויסהעלפער שמשים - זענען אזעלעכע וואס זענען דורך די ישיבה סיסטעם!!

ווייל עס איז נישטא אין די וועלט קיין שטערקערע קריטיקל טינקינג ווי דאס וואס קומט פאר אין ישיבה.

אלזא, אויב איז א סכנה פאר אמונה דאס מען טראכט אויף דעם וועג, ווי איידער זיך זארגן אז ווען מען פארשטייט רעכענען און שרייבן, אפילו מען זאגט נישט פארן סטודענט קיין איין ווארט "פארשטיי אין נישט גלייב", נאר איינפאך דאס לערנען מיט אים "אויף דעם סיסטעם" אז ער זאל פארשטיין, וועט בע"כ אים מאכן פאבלעמען, זאלט איר ליבערשט אפשטעלן אלע לימודי קודש, ווייל דאס איז פיל מער שעה א טאג, דאס איז עפעס וואס די קינד ווערט אויסגעלערענט איז "הייליג", און דארט זאגט מען יא בפירוש ארויס נאכמאל און נאכאמאל "פארשטיי" נישט גלויב.
איך פארטרעט נישט קיינעם. איך בין נישט קיין ווארטזאגער פאר קיינעם. סך הכל פרוביר איך צו פארשטיין וואס גייט פאר. דעריבער אויב טרעפט איר עפעס אין מיינע רייד וואס שטימט נישט, לייגט עס חלילה נישט אן אויף די רבנים אדער עסקנים.

אוועטאר
אומאפיציעל
שר חמש מאות
תגובות: 538
זיך איינגעשריבען אום: דאנארשטאג פאברואר 16, 2012 4:24 pm

תגובהדורך אומאפיציעל » דינסטאג סעפטעמבער 03, 2019 6:07 pm

איך האב נישט אדורכגעטון קאמאן קאור, אבער לויט ווי איך פארשטיי איז די טענה פון די מענטשן אז קאמאן קאור לערנט אויס טראכטן "פארוואס זאל איך דאס גלייבן? אפשר איז דאס נישט ריכטיג?", און אייגנטליך ווילאנג "איך פארשטיי נישט" אז דאס איז ריכטיג, איז נישט קיין נפק"מ "ווער" עס זאגט.

ביי יודן איז אזא מהלך המחשבה נישטא, נישט אין גמרא, נישט אין משניות, נישט אין קצות, און נישט אין ערגעץ. אזא מהלך המחשבה איז אפגעפרעגט משורשו. ביי יודן איז דער ענטפער אויף אזא שאלה "די תורה זאגט, די גמרא זאגט, די חז"ל זאגן, דער רבי זי"ע זאגט, אדער מיין מאמע האט מיר אזוי געזאגט!".

וואס איז דא אין קצות און אין גמרא איז אינגאנצן עפעס אנדערש, די שאלה דארט איז "צו קען דאס שטימען?", און מער אפט איז די פראגע "וויאזוי קען דאס שטימען?"
און נאך אלע "קריטיקל טינקינג" פון די גמרא און קצות, אויב איז נישטא קיין ענטפער אויף די ספק אדער שאלה וואס מען האט, איז נישט פשט אז אויב אזוי איז די זאך "נישט ריכטיג" אדער אז "איך נעם עס נישט אן", נאר די זאך בלייבט קאי וקיימא און "איך פארשטיי עס נישט, אבער איך גלייב אז אויב תוספות זאגט אזוי איז עס זיכער ריכטיג".
ווי איך פארשטיי פון די אלע טוענים קעגן קאמאן קאור, איז לויט דעם סיסטעם פון קאמאן קאור נישטא אזא סארט זאך, דארט עקזיסטירט נישט "איך פארשטיי נישט פארוואס, עס זעהט מיר נישט אויס ריכטיג, אבער איך גלייב פארט אז עס איז אזוי".

אוועטאר
פרוביר אויך
שר חמש מאות
תגובות: 925
זיך איינגעשריבען אום: דינסטאג יולי 09, 2013 11:02 pm

תגובהדורך פרוביר אויך » דינסטאג סעפטעמבער 03, 2019 6:09 pm

Critical thinking means
making reasoned judgments that are logical and well-thought out.
It is a way of thinking in which you don't simply accept all arguments and conclusions you are exposed to
but rather have an attitude involving questioning such arguments and conclusions.
אז יענער קען קענסטו אויך

בועז
שר מאה
תגובות: 112
זיך איינגעשריבען אום: פרייטאג אפריל 04, 2014 12:54 am

תגובהדורך בועז » דינסטאג סעפטעמבער 03, 2019 6:53 pm

קריטיקל טינקינג האט גארנישט צוטאן מיט גויאישקייט פונקט ווי לאגיק האט נישט צו טון מיט גויאישקייט. חכמי ישראל באזיצן קריטיקל טינקינג און אן אייזערנעם לאגיק אנע דעם וואס זיי זאלן דארפן דאס לערנען אין טעקסט ביכער. רביה"ק מסאטמאר האט אויסגעלערנט מבקר צו זיין סיפורי צדיקים וואס זענען זיך מתנגד צו הלכה אדער דרך התורה, ס'מיינט סאך הכל זיך אויסלערנען צו האבן א חוש הביקורת.
דא קומט די גרויסע "אבער" אז די חוש הביקורת קען ווערן גענוצט צו פארשטיין בעסער א תוספות אדער א שמועה פון גדולי ישראל אדער להבדיל פאר ביזנעס, משא"כ ווען סעקולארע מענטשן רעדן פון חוש הביקורת רעדן זיי דאס צו נוצן אויך אין ענינים הנוגעים לדת. און סה"כ דאס דארפן מען שטיין על המשמר אז די טעקסט ביכער זאל חלילה נישט אויספארמען דעם טאלאנט פון חוש הביקורת בענינים הנוגעים לדת נאר אין אלגעמיינעם לעבן. אבער חס וחלילה אז די תורה וויל מ'זאל זיין שוטים פתאים מאמינים לכל דבר, וכאמור גדולי חכמי ישראל האבן דאס באזיצט און אז מ'קען שארפן דעם קאפ צו טראכטן לאגיש און מיט א חוש הביקורת מה טוב ומה נעים און נישט ווי די צעהיצטע קעפ וואס טראכטן טאקע נישט לאגיש און זאגן אז גאר האבן א חוש הביקורת איז א פראבלעם

תענית חלום
שר חמישים ומאתים
תגובות: 382
זיך איינגעשריבען אום: פרייטאג אוגוסט 23, 2013 12:26 pm

א ברייטע אויפקלערונג איבער די פראבלעם בנוגע חינוך

תגובהדורך תענית חלום » דינסטאג סעפטעמבער 03, 2019 8:44 pm

בריווח האט געשריבן:מען האט שוין באמת די אלע זאכן אויסגעשמועסט, נאר אפשר דארף מען איבערגיין אין קורצן.

ווער רעדט פון לערנען מורה נבוכים? ביי לימודי חול לערענט מען אמונה, השקפה וכדו'? מען רעדט דאך פון רעכענען און שרייבן. און איך ווייס נישט פון וועלכן כופר דו ביסט מעתיק, אבער אז יענער זאגט "Do not indoctrinate your children" איז דאס זיין מיינונג, וואס האט דאס מיט מיר?

1- איינער האט געשריבן אז קריטיקעל טינקינג אין רוחניות איז א גוטע זאך, אויף דעם האב איך געשריבן אז ביי רוחניות איז אויף דא סדרים וסייגים וואס מען לעיני און וואס נישט.

2- די וועט ווערטער וואס איך ברענג נאך זענען ווערטער וואס סייען ארויף אויף קריטיקעל טינקינג. איך האב געוואלט ווייזן אז קריטיקעל טינקינג איז נישט קיין אויסגעהאלטענע זאך.

זאגטס אז עס איז נאר שרייבן און לייענען, און פרעגסט וואס עס האט מיט דיר. וועל איך דיך פראבירן מסביר צו זיין.

נעם דיין אינגל, זעץ אים אראפ, לייען מיט אים א ענגלישע בוך (פון די לימודי חול). און פאנג אן דורכטוהן פונקטליך פארוואס דזשאני האט דאס געזאגט און פארוואס בילי האט אים דאס געענפערט. און ברענג ראיות מיט הוכחות לכאן ולכאן ביז דיין קינד איז איבערצייגט מיט קלארע באווייזן אז ער האט געמיינט יענץ צו זאגן וועגן אזוי און אזוי.

ווי אויך, לערן אים אויס אז ווילאנג דו ביסט נישט זיכער אז בילי האט יענץ געמיינט, מיינט עס נישט גארנישט, ווייל דו האסט נישט קיין ״עווידענץ״ אז ער האט דאס געמיינט.

לערן אין אויס אז ווען דו זאגטס 1+1=2 זאל ער דיך נישט גלייבן ביז ער איבערצייגט זיך אליינס. און ווען דו ווייזט אין די וועג פון רעכענען טיימס, זאל ער זיך אליינס מוזן איבערצייגן נישט נאר אז עס איז די ריכטיגע ענטפער, נאר אז דאס איז די וועג ווי אזוי מען רעכנט דאס אויס. ועוד ועוד.

מארגן ווען ער וועט קומען פרעגן פארוואס מען דארף גיין מיט לאנגע פיאות אראפ, וואס וועסטו אים ענטפערן? און ווען דו וועסט שוין האבן א תירוץ, מיז ער דיר נישט גלייבן/פאלגן האסטו דאך אים אויסגעלערנט אז מען מוז זיך אליינס איבערצייגן. און ווי לאנג גייט עס נעמען ביז ער וועט זיך שוין מוזן אליינס איבערצייגן אז די וועלט איז נאך 5779 יאר אלט און נישט מער (חלילה) און ווי לאנג די האסט נישט באווייז אויף דיין זייט, איז קיינער נישט גערעכט.

בריווח האט געשריבן:ער האלט מען זאל נישט הייסן קינדער אננעמען א אמונה חלילה, איך האלט פארקערט, און איך לערן דעם קינד יא אויס אמונה, וואס האב איך מיט זיין וויזיע? מילא ער, ער לערענט מיט זיין קינד נישט קיין אמונה, און ער לערענט מיט זיין קינד "גלייב נישט", נא, דאס איז וואס ער וויל, און אויב חלילה איינער זאל אזוי לערנען מיט זיין קינד איז עק וועלט.‏

דו האסט מיט זיין וויזיע, ווייל קאמאן קאר פארלאנגט ״קריטיקעל טינקינג״. און קאמאן קאר איז דא אין רוב מוסדות, און קריטיקעל טינקינג קען ברענגען זייער נישט גוטע רעזאלטאטן.

בריווח האט געשריבן:אבער אז אונז טיען בפירוש פארקערט, מען לערענט יא אמונה, מען האקט און מען בראקט עד אין סוף, אויף אמונה אין אין סוף, וואס האט דאס מיט אונז?‏


אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

בריווח האט געשריבן:און יא, קריטיקל טינקינג איז נישט נאר טראכטן טיף, נאר צו פארשטיין ביידע צדדים און פארשטיין פארוואס די געוויסע זייט איז ריכטיג, און דעריבער? טאר מען נישט "פארשטיין"?

און .......

אזוי ווי אומאפיציעל ברענגט ארויס. לערנען תורה, פארשטיין א סברה, וויל מען זיך צוברענגען צו פארשטיין וואס איז שוין א פאקט. די מגושמ׳דיגע מוח זאל צוקומען צו משיג זיין דברי אלוקים חיים וואס זענען חיי וקיים לנצח נצחים. מען פרעגט נישט אפ די סברה וועגן איך פארשטיי עס נישט.

מען דארף נאך אלץ קישן די פאדערשטע ציצית ביי ברוך שאמר, און מען דארף נאכאלץ לייגן די הענט אויף די אויגן ווען מען זאגט שמע ישראל אפילו איך פארשטיי נישט. אוודאי אויב וועל איך וויסן א טעם וועט די מצוה האבן מער טעם און מען וועט עס טוהן מיט מער חשק. ווען עס קומט סוכות און מען האט געלערנט אפי׳ נאר משניות מיטן זוהן, און מען בויעט די סוכה צוזאמען און מען גייט דורך די הלכות שנעל פון אויסעווייניג, נישטא קיין בעסערע תענוג פון דעם. אבער מען פרעגט נישט אפ, מען זאגט נישט ״ווי לאנג די קענסט מיך נישט אויפווייזן אז סכך וואס איז הויעך 20 אמות איז לא שלטה בה עינא״ איז עס נישט אמת ח״ו, אוודאי איז עס אמת און עס איז א פאקט.

קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

און דאס וואס דו שרייבסט אז ישיבה גרעדועטס קומען אן ווייטער, איז אמת. ווייל די תורה איז די ריכטיגע וועג פון שארפן די מוח. נישט די כופרישע וועג פון נישט אננעמען גארנישט ביז מען קען זיך דאס אליינס אויפווייזן.

אוועטאר
למעלה משבעים
שר תשעת אלפים
תגובות: 9554
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » דינסטאג סעפטעמבער 03, 2019 11:09 pm

תענית חלום האט געשריבן:‏אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

ווייל יעדע זאך וואס איז נישט תורה שבכתב אדער תורה שבעל פה, זאל ער טאקע נישט גלייבן, מיר לערנען אונזערע קינדער אז גלייבן גלייבט מען נאר אין וואס דער באשעפער האט געזאגט, אדער חז"ל האבן געלערנט, אלעס אנדערש וועל איך אים אויסלערנען נישט צו אננעמען ביז ער איבערצייגט זיך אליין אז דאס איז ריכטיג, כ'זע נישט קיין שום פראבלעם מיט די מהלך.

תענית חלום האט געשריבן:‏קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

די ווערטער איז נאר פאר א קינד וואס איז אויפגעוואקסן אין פאבליק סקול, אדער אין וואלד, א קינד וואס פון קליינווייז אן האקט מען אריין אין אים די אמונה, איז ריכטיג דאס וואס כ'האב פריער געשריבן.

נישט נאר דאס, איך טשעלענדזש דיר צו טרעפן אפילו נאר איין מוסד וואס לערנט חשבון באופן אז מען דארף גלייבן אז 1+1=2, און נישט אז די קינד זאל זיך איבערצייגן אליין.

תענית חלום
שר חמישים ומאתים
תגובות: 382
זיך איינגעשריבען אום: פרייטאג אוגוסט 23, 2013 12:26 pm

תגובהדורך תענית חלום » דינסטאג סעפטעמבער 03, 2019 11:23 pm

למעלה משבעים האט געשריבן:
תענית חלום האט געשריבן:‏אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

ווייל יעדע זאך וואס איז נישט תורה שבכתב אדער תורה שבעל פה, זאל ער טאקע נישט גלייבן, מיר לערנען אונזערע קינדער אז גלייבן גלייבט מען נאר אין וואס דער באשעפער האט געזאגט, אדער חז"ל האבן געלערנט, אלעס אנדערש וועל איך אים אויסלערנען נישט צו אננעמען ביז ער איבערצייגט זיך אליין אז דאס איז ריכטיג, כ'זע נישט קיין שום פראבלעם מיט די מהלך.

תענית חלום האט געשריבן:‏קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

די ווערטער איז נאר פאר א קינד וואס איז אויפגעוואקסן אין פאבליק סקול, אדער אין וואלד, א קינד וואס פון קליינווייז אן האקט מען אריין אין אים די אמונה, איז ריכטיג דאס וואס כ'האב פריער געשריבן.

נישט נאר דאס, איך טשעלענדזש דיר צו טרעפן אפילו נאר איין מוסד וואס לערנט חשבון באופן אז מען דארף גלייבן אז 1+1=2, און נישט אז די קינד זאל זיך איבערצייגן אליין.

הער מיך אויס. איך גיי נישט טוישן מיין מיינונג. איך ווייס וואס איך האלט און וואס מיין מורה דרך האלט אין די נושא.

ס"ה האב איך געזעהן מענטשן שרייבן דא אזעלכע שטיתים, אז עס איז גאר א גוטע זאך, האב איך מיך אנגערופן מיט די האפענונג אויסצוקלארן די פאקטן וועגן קריטיקעל טינקינג, קיינער מוז נישט מקבל זיין וואס איך זאג.

אויב דו וועסט דיך אריינלייגן אין די נושא אביסל מער, מיין איך אז דו וועסט מיט שטימען מיט מיר.

קרייסלער
שר חמש מאות
תגובות: 964
זיך איינגעשריבען אום: מיטוואך מאי 20, 2015 6:01 am

תגובהדורך קרייסלער » מיטוואך סעפטעמבער 04, 2019 12:53 am

סאיז דא א היימישע טעראפיסט מר. שלעפעריג אסאך דא קענען אים מסתמא, האט ער אמאל באהאנדעלט מיין קינד איבער שוועריקייטן אין עברי, האט ער מיר דעמאלטס מסביר געווען א רוב קינדער גלייבן באמונה פשוטה אז אלף איז אן אלף און קמץ אלף איז א וכו׳.
אבער מיין קינד האט דאס נישט געגלייבט נאר געדארפט יעדער מאל אפיר זוכן וואס די סאונד פון אן אלף איז און וואס די נקודה איז און אזוי צוזאמשטעלן אן הבהרה און דעיס מאכט אז דאס קינד געוועלאפט שטייטער עברי ווי אלגעמיינע קינדער, און זיי מעטאד איז טאקע געווען ׳קריטיקעל טינקינג׳ און ב״ה ער האט מצליח געווען.
כהאב דאס דורכגעשמועסט מיט עטליכע מחנכים און דוקא זייער היימישע און האבן מיר מודה געווען אז ספעלט די חלק פון אסאך קינדער און מדארפט טאקע אויסלערנען די קינדער׳ס מוח צו טראכטן און נישט בלויז גלייבן.

און פארשטייט זיך נישט ווען סקומט צו אידישקייט

אוי צו די אלע וואס שרייען אז איינמאל מלערנט אויס א קינד צו טראכטן איז ח״ו, זאג נאר ווען דער בחור גלייבט נישט תוספות אויפן ווארט און מאכט חקירות און לומדות ווערט מען א טאג ארויף א כופר?

בריווח
שר העשר
תגובות: 34
זיך איינגעשריבען אום: דינסטאג יולי 23, 2019 12:44 am

תגובהדורך בריווח » מיטוואך סעפטעמבער 04, 2019 1:15 am

תענית חלום האט געשריבן:
בריווח האט געשריבן:מען האט שוין באמת די אלע זאכן אויסגעשמועסט, נאר אפשר דארף מען איבערגיין אין קורצן.

ווער רעדט פון לערנען מורה נבוכים? ביי לימודי חול לערנט מען אמונה, השקפה וכדו'? מען רעדט דאך פון רעכענען און שרייבן. און איך ווייס נישט פון וועלכן כופר דו ביסט מעתיק, אבער אז יענער זאגט "Do not indoctrinate your children" איז דאס זיין מיינונג, וואס האט דאס מיט מיר?


1- איינער האט געשריבן אז קריטיקעל טינקינג אין רוחניות איז א גוטע זאך, אויף דעם האב איך געשריבן אז ביי רוחניות איז אויף דא סדרים וסייגים וואס מען לעיני און וואס נישט.

2- די וועט ווערטער וואס איך ברענג נאך זענען ווערטער וואס סייען ארויף אויף קריטיקעל טינקינג. איך האב געוואלט ווייזן אז קריטיקעל טינקינג איז נישט קיין אויסגעהאלטענע זאך.

1 - דאס ביסטו גערעכט אז ביי אונז האט מען נישט אזוי געלערנט אין רוחניות, כאטש וואס אנדערע האבן יא אזוי געלערנט, דאס איז א מחלוקת הראשונים. אבער ביי אונז איז טאקע געווען זייער הארב די זאך ממש עד הסוף, עכ"פ זיכער פאר פשוט'ע מענטשן. עס איז דא ביי אונז די חובת הלבבות און די ערשטע שער הייחוד לערנט מען נישט, אזוי ווי מען לערנט נישט די מורה נבוכים. ריכטיג.

2 - דאס פארשטיי איך נישט וואס איר ענטפערט. ווייל דאס איז נישט "קריטיקל טינקינג". קריטיקל טינקינג איז צו פארשטיין א ענין. דאס אז מען זאל נישט אינדאקטראנעיטן דאס איז שוין מיין אויסוואל.

א ביישפיל, אז איך באשליס אז אין "רעכענען" וויל איך מיין קינד זאל לערנען אין קריטיקל טינקינג, אבער אין שרייבן וויל איך ער זאל לייענען א מעשה ביכל פון א צדיק וואס ער ווייסט אז יעדעס ווארט דארטן איז אמת - מען רעדט א ספר מעשיות מקובל - מיינט דאס אז איך לערנען מיט אים קריטיקל טינקינג, אבער אין אינדאקטער אים יא.

די פוינט איז, אז קען זיין ווען מען לערנט קריטיקל טינקינג אין אלעמען, און מען אינפארסט ביי אין די געדאנקען גאנג, און קיינמאל פארקערט, קען מען מיט דעם אויפטאן אז מען אינדאקטערט נישט דאס קינד, אבער קריטיקל טינקינג איז נישט "דאס". קענסט זאגן אז נוצן קריטיקל טינקינג אין אלעמען און אינפארסן אז די קינד זאל טאקע אלעס דארפן טראכטן אליינס און גארנישט גלייבן, איז דאס מעגליך א גוטע טול אנצוקומען צו נישט אינדאקטערנעטן.

אבער עס איז דא פאר דעם נאך טולס. א ביישפיל מען קען איינעם ברעין וואשן נישט צו גלויבן. מיינט דאס אז "ברעין וואשן מיינט מאכן א קינד נישט גלויבן"? ניין. ברעין וואשן מאכט מען זאל קענען דעם מענטש עפעס איינרעדן ער זאל פארלירן די אייגענע דעת, און "דאס קען מען נוצן" אויף וואס מען וויל. אויך א ביישפיל קען מען עס נוצן פאר איינעם וואס איז חלילה געשלאגן מיט איינרעדענישן פון שרעק, טראומא וכדו' דאס ארויסצורייסן.

תענית חלום האט געשריבן:
בריווח האט געשריבן:זאגטס אז עס איז נאר שרייבן און לייענען, און פרעגסט וואס עס האט מיט דיר. וועל איך דיך פראבירן מסביר צו זיין.

נעם דיין אינגל, זעץ אים אראפ, לייען מיט אים א ענגלישע בוך (פון די לימודי חול). און פאנג אן דורכטוהן פונקטליך פארוואס דזשאני האט דאס געזאגט און פארוואס בילי האט אים דאס געענפערט. און ברענג ראיות מיט הוכחות לכאן ולכאן ביז דיין קינד איז איבערצייגט מיט קלארע באווייזן אז ער האט געמיינט יענץ צו זאגן וועגן אזוי און אזוי.

ווי אויך, לערן אים אויס אז ווילאנג דו ביסט נישט זיכער אז בילי האט יענץ געמיינט, מיינט עס נישט גארנישט, ווייל דו האסט נישט קיין ״עווידענץ״ אז ער האט דאס געמיינט.

לערן אין אויס אז ווען דו זאגטס 1+1=2 זאל ער דיך נישט גלייבן ביז ער איבערצייגט זיך אליינס. און ווען דו ווייזט אין די וועג פון רעכענען טיימס, זאל ער זיך אליינס מוזן איבערצייגן נישט נאר אז עס איז די ריכטיגע ענטפער, נאר אז דאס איז די וועג ווי אזוי מען רעכנט דאס אויס. ועוד ועוד.

מארגן ווען ער וועט קומען פרעגן פארוואס מען דארף גיין מיט לאנגע פיאות אראפ, וואס וועסטו אים ענטפערן? און ווען דו וועסט שוין האבן א תירוץ, מיז ער דיר נישט גלייבן/פאלגן האסטו דאך אים אויסגעלערנט אז מען מוז זיך אליינס איבערצייגן. און ווי לאנג גייט עס נעמען ביז ער וועט זיך שוין מוזן אליינס איבערצייגן אז די וועלט איז נאך 5779 יאר אלט און נישט מער (חלילה) און ווי לאנג די האסט נישט באווייז אויף דיין זייט, איז קיינער נישט גערעכט.


ערשטנס דו לייגסט עס אראפ כאילו אין די ביכער איז דא די סארט פראגעס און מען לערנט אויף די וועג. און מען זאגט פארן קינד "גלייב נישט" "באווייז" אא"וו. די אמת איז, אז סך הכל רעדט מען אז די פראגעס וואס מען פרעגט פון די קינד נאכן לייענען די מעשה, זאלן זיין אזעלכע זאכן וואס ער דארף "אויסרעכענען" און איז נישט אויבן אויף.

דהיינו, אין יעדע ליין בוך אין שולע זענען דא מעשיות, און דערנאך פראגעס. נאר אמאל זענען די פראגעס געווען נאריש. אז מען פארציילט א מעשה וואס איז פארגעקומען זונטאג. און איינער איז געפארן אין א קאר. און פארנדיג איז ער דורכגעפארן א פעלד, און געזען דארטן קוען פאשען.

זענען די פראגע געווען "וועלכע טאג פון די וואך האט דאס פאסירט"? "וואס האט ער געזען"? אין אנדערע ווערטער, סך הכל האט עס אויספרובירט צו די קינד האט מיטגעהאלטן די געשיכטע.

די נייע סיסטעם זאגט, פרעג אים פראגעס וואס וועט אים "מאכן טראכטן". פרעג אים צום ביישפיל, איז עס געווען ביי טאג אדער ביינאכט? און אז דער קינד טראכט אריין, וועט ער כאפן עס איז געווען בייטאג, ווייל - למשל - ביינאכט שלאפן די קיען זיי פאשען נישט. (דאס איז גראדע א שווערע משל).

דאס הייסט, לערנען אים אויס אויסצורעכענען זאכן אליינס. און ווען ער זאגט דיר עס איז געווען בייטאג, דארף ער דיר ברענגען א ראיה.

איז דאס שעדליך?

אויב יא, וויאזוי קען מען מיט קינדער לערנען חידות? יפה בעתו? שארף דיין קאפ? אלס האט מען געוואוסט אז "מאכן קינדער טראכטן" איז א אויפטו דאס "שארפט אויס די קאפ". אצינד זאגט מען "לאז אים נישט טראכטן, לאז אים נישט אויסרעכענען זאכן?.

און דאס נעמט אונז צו די שטיקל ווייטער, ווייל דאס איז דאך באמת וואס מען טוט די גאנצן טאג ביי לימודי קודש. אבער לאמיר גיין אין די רייע.
תענית חלום האט געשריבן:
בריווח האט געשריבן:ער האלט מען זאל נישט הייסן קינדער אננעמען א אמונה חלילה, איך האלט פארקערט, און איך לערן דעם קינד יא אויס אמונה, וואס האב איך מיט זיין וויזיע? מילא ער, ער לערענט מיט זיין קינד נישט קיין אמונה, און ער לערענט מיט זיין קינד "גלייב נישט", נא, דאס איז וואס ער וויל, און אויב חלילה איינער זאל אזוי לערנען מיט זיין קינד איז עק וועלט.‏

דו האסט מיט זיין וויזיע, ווייל קאמאן קאר פארלאנגט ״קריטיקעל טינקינג״. און קאמאן קאר איז דא אין רוב מוסדות, און קריטיקעל טינקינג קען ברענגען זייער נישט גוטע רעזאלטאטן.

ווער זאגט? דאס איז לויט דיין פריערדיגע הנחה. אבער קענסט נישט אנכאפן די זאך פון צוויי זייטן. אויב איז קריטיקל טינקינג סך הכל א "טול" וואס מען קען נוצן אויף פארשידנס, זעה איך נישט וויאזוי דו קומסט צו די מסקנה אז עס ברענגט "זייער נישט גוטע רעזולטאטן".
תענית חלום האט געשריבן:
בריווח האט געשריבן:אבער אז אונז טיען בפירוש פארקערט, מען לערענט יא אמונה, מען האקט און מען בראקט עד אין סוף, אויף אמונה אין אין סוף, וואס האט דאס מיט אונז?‏

אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

פארוואס נישט? איז עפעס א מצוה צו "גלייבן" אז איינס מיט איינס איז צוויי? איז עפעס א פראבלעם אז ער פארשטייט פארוואס דאס איז אזוי?

ווייטער, אויב זאגסטו אז "פארשטיין" איז א פראבלעם, דאן איז פארשטיין סיי וואס א פראבלעם. אבער אויב פארשטיין איז נישט קיין פראבלעם, נאר "וויסן אז אויב פארשטיי איך נישט איז עס נישט אמת" איז א פראבלעם, איז ווילאנג איך לערן אים דאס נישט, פארקערט, איך לערן אים דאס פארקערטע, וויאזוי ווערט א פראבלעם אז ער פארשטייט רעכענען, אדער ער פארשטייט פון וואו איך ווייס אז די מעשה - ווי פריער דערמאנט - איז געווען בייטאג?
תענית חלום האט געשריבן:
בריווח האט געשריבן:און יא, קריטיקל טינקינג איז נישט נאר טראכטן טיף, נאר צו פארשטיין ביידע צדדים און פארשטיין פארוואס די געוויסע זייט איז ריכטיג, און דעריבער? טאר מען נישט "פארשטיין"?

און .......

אזוי ווי אומאפיציעל ברענגט ארויס. לערנען תורה, פארשטיין א סברה, וויל מען זיך צוברענגען צו פארשטיין וואס איז שוין א פאקט. די מגושמ׳דיגע מוח זאל צוקומען צו משיג זיין דברי אלוקים חיים וואס זענען חיי וקיים לנצח נצחים. מען פרעגט נישט אפ די סברה וועגן איך פארשטיי עס נישט.

מען דארף נאך אלץ קישן די פאדערשטע ציצית ביי ברוך שאמר, און מען דארף נאכאלץ לייגן די הענט אויף די אויגן ווען מען זאגט שמע ישראל אפילו איך פארשטיי נישט. אוודאי אויב וועל איך וויסן א טעם וועט די מצוה האבן מער טעם און מען וועט עס טוהן מיט מער חשק. ווען עס קומט סוכות און מען האט געלערנט אפי׳ נאר משניות מיטן זוהן, און מען בויעט די סוכה צוזאמען און מען גייט דורך די הלכות שנעל פון אויסעווייניג, נישטא קיין בעסערע תענוג פון דעם. אבער מען פרעגט נישט אפ, מען זאגט נישט ״ווי לאנג די קענסט מיך נישט אויפווייזן אז סכך וואס איז הויעך 20 אמות איז לא שלטה בה עינא״ איז עס נישט אמת ח״ו, אוודאי איז עס אמת און עס איז א פאקט.

קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

און דאס וואס דו שרייבסט אז ישיבה גרעדועטס קומען אן ווייטער, איז אמת. ווייל די תורה איז די ריכטיגע וועג פון שארפן די מוח. נישט די כופרישע וועג פון נישט אננעמען גארנישט ביז מען קען זיך דאס אליינס אויפווייזן.

איך פארשטיי נישט וואס דו מיינסט.

איז דעם נישט די פאקט אז "איינס מיט איינס איז צוויי"? סך הכל, וויל איך מיין קינד זאל פארשטיין "פארוואס". אין די משל פון די מעשה פריער. איז דעם נישט קיין פאקט אז בייטאג זענען די קיען אויף די פעלד, און ביינאכט זענען זיי אין שטאל, סך הכל וויל איך ער זאל ארויסהאבן די פונקט.

און עס גייט טיפער. אויב לערנסטו אויס ביים לערנען "זיך נישט צו לאזן", איז כאטש דו זאגסט אים אז "אפילו דו פארשטייסט נישט איז עס ווייטער אמת", פארוואס האסטו נישט מורא אז ער וועט עס נעמען צום נעקסטן שטאפל? אז ער וועט טאקע יא ווילן אלס פארשטיין און נישט אננעמען נאר וואס ער פארשטייט?

און אויב האסטו דארט נישט מורא, פארוואס אויב וועט ער פארשטיין און ארויסהאבן רעכענען האסטו יא מורא ער וועט עס נעמען צום נעקסטן שטאפל?

אין ביידע פעלער, האסטו אים נישט געזאגט "גלייב נישט אין גארנישט", האסט אים אויסגעלערנט אויספארשן, פרעגן, ארויסהאבן, ברענגען ראיות, צונעמען, צוטיילן אא"וו - אלע קריטיקל טינקינג זאכן - און ווייטער, ביז ער האט עס ארויס. און דו טוסט עס עטליכע שעה א טאג, און דו זאגסט אים אז יעדעס ווארט וואס ער פארשט אן טראכט איז "די ריכטיגע זאך", איז "תורת אמת" אא"וו.

זאגט אים נאר "אפילו דו האסט עס למעשה נישט ארויס, מען דארף ווייטער קישן די ציצית".

איז אויב אזוי, ביי רעכענען, וואס מען טוט נישט די אלע קריטיקל טינקינג זאכן, פיל ווייניגער, ממש א געלעכטער - די טיפסטע קריטיקל טינקינג ביי רעכענען איז א ליצנות קעגן א שטיקל ר' עקיב איגר, אפגערעדט א ר' חיים - און ווייטער גארנישט טוישט זיך נישט, איינס מיט איינס בלייבט צוויי אפגעזען פון זיין פארשטאנד, דאס טוסטו א קליין שטיקל צייט אין טאג, און ער ווייסט אז דאס איז להבדיל נישט ווי די תורה, נישט הייליג, און דו פלוצלינג ביסטו באזארגט אז דאס וועט אים ברענגען צו פרעגן איבער דאס קישן די ציצית? איבער די אלט פון די וועלט?

ווי געזאגט פריער. קריטיקל טינקינג איז א "טול" וואס דו קענסט עס נעמען צו אסאך ערטער. און אויב ווילסטו מיר זאגן אז "נוצן די טול איז א סכנה" קענסטו נישט בארעכטיגן דאס נוצן אפילו אין גמ'.

איך וועל דיר געבן א משל.

א זעג צו שניידן האלץ. א קינד טאר דאס נישט נוצן, פינטל! נישט אויף צו שניידן האלץ, נישט אויף צו שניידן אייזן. נישט אז ער טוט אן די ספעציעל ברילן, נישט אז ער האלט די זעג ריכטיג, ניין! א קינד נוצט נישט קיין זעג.

אבער א ערוואקסענער קען נוצן א זעג. אפילו א קינד קען נישט. און אפילו געוויסע ערוואקסענע נוצן עס אומריכטיג. אבער אז דו נוצט עס ריכטיג. דו ווייסט וויאזוי עס צו נוצן, דו טוסט אן די ברילן, דו נוצט די ריכטיגע בלעיד פאר האלץ און פאר אייזן אא"וו, איז גוט!

עס איז א טול, מען דארף עס נאר נוצן ריכטיג. און אויב קען מען עס נוצן ריכטיג, קומט נישט אריין אז "מען קען דאך עס אויך נצן אומריכטיג".

און פארקערט אויך. אויב איז עס א זעג פאר א קינד, איז נישטא קיין וועג אין די וועלט וויאזוי דו קענסט לאזן דיין קינד עס נוצן.

דעריבער - צום אויספיר - אויב קען מען נוצן קריטיקל טינקינג אין לימודי קודש, קענסטו מיר נישט קומען זאגן אז דאס איז "א זעג פאר א קינד". און דעריבער, איז סך הכל וואס מען דארף זיכער מאכן, אז מען נוצט די זעג ריכטיג. און אז דער גוי נוצט עס פאר שלעכטס, איז דאס ווי דער אומפאראנטווארטליכער מענטש וואס נוצט די זעג אומריכטיג.
איך פארטרעט נישט קיינעם. איך בין נישט קיין ווארטזאגער פאר קיינעם. סך הכל פרוביר איך צו פארשטיין וואס גייט פאר. דעריבער אויב טרעפט איר עפעס אין מיינע רייד וואס שטימט נישט, לייגט עס חלילה נישט אן אויף די רבנים אדער עסקנים.

פארווייטאגט
שר מאה
תגובות: 156
זיך איינגעשריבען אום: דאנארשטאג פאברואר 14, 2019 1:29 pm

תגובהדורך פארווייטאגט » מיטוואך סעפטעמבער 04, 2019 1:48 am

תענית חלום האט געשריבן:
גלות איד האט געשריבן:...לערנען מעטה מיט א פארשטאנד, קען האבן מעלות און עס קען האבן חסרונות, אבער דאס וואס מ'וויל אהערשטעלן אז עס איז ברענגט צו מינות, אפיקורסות, עגלה ערופה און וואס נישט, הייב איך נישט אן צו פארשטיין...

זאג נאר, דו ווייסט אפשר פארוואס מען טאר נישט גיין שטודירן אין קאלעדזש?

אפשר האלסטו אז מען מעג יא, עכ"פ אלע גדולים פון די פריערדיגע דורות און די היינטיגע האלטן אז מען טא נישט. ווייסט אפשר א טעם?
(און די תירוץ איז נישט תערובות....)


וואס ???

איך זעה גוט?

דאס וואס אונזער רבי'ס האבן נישט געלאזט גיין שטודירן איז געווען אלס מ'זאל חלילה נישט קענען רעכענען?

ממש א חידוש. מ'דארף עס פארציילן פאר די גדולים, ספעציעל די וואס זענען שוין נישט מיט אונז זצ"ל. זיי מעגן אויך הערן דעם חידוש.

בראשית ברא
שר האלף
תגובות: 1219
זיך איינגעשריבען אום: דינסטאג דעצמבער 06, 2016 3:16 pm

תגובהדורך בראשית ברא » מיטוואך סעפטעמבער 04, 2019 2:03 am

למעלה משבעים האט געשריבן:
תענית חלום האט געשריבן:‏אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

ווייל יעדע זאך וואס איז נישט תורה שבכתב אדער תורה שבעל פה, זאל ער טאקע נישט גלייבן, מיר לערנען אונזערע קינדער אז גלייבן גלייבט מען נאר אין וואס דער באשעפער האט געזאגט, אדער חז"ל האבן געלערנט, אלעס אנדערש וועל איך אים אויסלערנען נישט צו אננעמען ביז ער איבערצייגט זיך אליין אז דאס איז ריכטיג, כ'זע נישט קיין שום פראבלעם מיט די מהלך.

תענית חלום האט געשריבן:‏קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

די ווערטער איז נאר פאר א קינד וואס איז אויפגעוואקסן אין פאבליק סקול, אדער אין וואלד, א קינד וואס פון קליינווייז אן האקט מען אריין אין אים די אמונה, איז ריכטיג דאס וואס כ'האב פריער געשריבן.

נישט נאר דאס, איך טשעלענדזש דיר צו טרעפן אפילו נאר איין מוסד וואס לערנט חשבון באופן אז מען דארף גלייבן אז 1+1=2, און נישט אז די קינד זאל זיך איבערצייגן אליין.

מאטעמאטיקס איז אנדערש ווי מלתא התלוי בדעות

אוועטאר
טראמפ20
שר העשר
תגובות: 21
זיך איינגעשריבען אום: מאנטאג מאי 27, 2019 3:49 pm
לאקאציע: אין די מעכטיגע גרויסע ווייסע הויז

תגובהדורך טראמפ20 » מיטוואך סעפטעמבער 04, 2019 3:26 am

בראשית ברא האט געשריבן:
למעלה משבעים האט געשריבן:
תענית חלום האט געשריבן:‏אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

ווייל יעדע זאך וואס איז נישט תורה שבכתב אדער תורה שבעל פה, זאל ער טאקע נישט גלייבן, מיר לערנען אונזערע קינדער אז גלייבן גלייבט מען נאר אין וואס דער באשעפער האט געזאגט, אדער חז"ל האבן געלערנט, אלעס אנדערש וועל איך אים אויסלערנען נישט צו אננעמען ביז ער איבערצייגט זיך אליין אז דאס איז ריכטיג, כ'זע נישט קיין שום פראבלעם מיט די מהלך.

תענית חלום האט געשריבן:‏קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

די ווערטער איז נאר פאר א קינד וואס איז אויפגעוואקסן אין פאבליק סקול, אדער אין וואלד, א קינד וואס פון קליינווייז אן האקט מען אריין אין אים די אמונה, איז ריכטיג דאס וואס כ'האב פריער געשריבן.

נישט נאר דאס, איך טשעלענדזש דיר צו טרעפן אפילו נאר איין מוסד וואס לערנט חשבון באופן אז מען דארף גלייבן אז 1+1=2, און נישט אז די קינד זאל זיך איבערצייגן אליין.

מאטעמאטיקס איז אנדערש ווי מלתא התלוי בדעות

איך רעד נישט אריין וויאזוי די חינוך זאל זיין.
אבער איך וויל פארשטיין.
געוויסע רולס מוז עניוועי זיין וואס יא און וואס נישט אפילו ביי די גוים, ווייל א קליין קינד פארשטייט נישט אלעס, למשל ער קען נישט באשליסן צו עסן קענדיס פאר פרישטיג אפילו ער פארשטייט נישט פארוואס נישט, און די קענסט עם נישט מסבר זיין פונקליך וואס און פארוואס עס וועט געשען, נאר ער וועט מוזן גלייבן אויפן ווארט.
סא געוויסע זאכן וועלן חוק בלי טעם עניוועי זיין.
נא לערן עם אויס אינגערהייט פונקט ווי ביז היינט אז די תורה און חז"ל איז פון די זאכן אויף וואס מען גלייבט אן פראגעס. און פונקט ווי ביז היינט האט יעדע אינגל געהאט די רעכט צו פרעגן פארוואס די תנא האלט אזוי און די תנא אזוי און מען האט נישט געענטפערט ווייל אזוי האט ער געזאגט און מען טאר נישט פרעגן (חוץ די מלמדים וואס זענען געווען פויל און געענטפרט "די מפרשים פרעגן עס שוין) נאר מ'האט גהעריג געענטפערט יעדע זאך. וואס דאס איז לכאורה 'קריטיקל טינקינג'.
וואס איז מען משנה? אלעמאל האט מען אויסגעלערנט צו זיך פלאגן צו פארשטיין א שטיקל גמרא. וואס דען מיינט א גמרא קאפ אויב נישט 'קריטיקל טינקינג?
די איינציגסטע סיבה צו וואטען פאר א דעמאקראט איז צוליב איר זענט אפגעמיטשעט פון געווינען (טראמפ)

אוועטאר
יש בו
שר חמש מאות
תגובות: 540
זיך איינגעשריבען אום: זונטאג אוגוסט 12, 2018 5:53 pm

תגובהדורך יש בו » מיטוואך סעפטעמבער 04, 2019 8:50 am

טראמפ20 האט געשריבן:
בראשית ברא האט געשריבן:
למעלה משבעים האט געשריבן:
תענית חלום האט געשריבן:‏אמת. אבער פארוואס זאל איך אויסלערנען מיין קינד נישט אנצונעמען וואס מען לערנט אים אויס ביז ער איבערצייגט זיך אליינס.

ווייל יעדע זאך וואס איז נישט תורה שבכתב אדער תורה שבעל פה, זאל ער טאקע נישט גלייבן, מיר לערנען אונזערע קינדער אז גלייבן גלייבט מען נאר אין וואס דער באשעפער האט געזאגט, אדער חז"ל האבן געלערנט, אלעס אנדערש וועל איך אים אויסלערנען נישט צו אננעמען ביז ער איבערצייגט זיך אליין אז דאס איז ריכטיג, כ'זע נישט קיין שום פראבלעם מיט די מהלך.

תענית חלום האט געשריבן:‏קריטיקעל טינקינג ביי מעטה און שרייבן ענגליש, און זיך אויסלערנען - פון קליינווייז אן - אז מען נעמט נישט אן קיין פאקטן ביז איך קען עס פראוון, קען צוברענגען עס צו נעמען צו א סטעפ ווייטער אריין אויף רוחניות אויך.

די ווערטער איז נאר פאר א קינד וואס איז אויפגעוואקסן אין פאבליק סקול, אדער אין וואלד, א קינד וואס פון קליינווייז אן האקט מען אריין אין אים די אמונה, איז ריכטיג דאס וואס כ'האב פריער געשריבן.

נישט נאר דאס, איך טשעלענדזש דיר צו טרעפן אפילו נאר איין מוסד וואס לערנט חשבון באופן אז מען דארף גלייבן אז 1+1=2, און נישט אז די קינד זאל זיך איבערצייגן אליין.

מאטעמאטיקס איז אנדערש ווי מלתא התלוי בדעות

איך רעד נישט אריין וויאזוי די חינוך זאל זיין.
אבער איך וויל פארשטיין.
געוויסע רולס מוז עניוועי זיין וואס יא און וואס נישט אפילו ביי די גוים, ווייל א קליין קינד פארשטייט נישט אלעס, למשל ער קען נישט באשליסן צו עסן קענדיס פאר פרישטיג אפילו ער פארשטייט נישט פארוואס נישט, און די קענסט עם נישט מסבר זיין פונקליך וואס און פארוואס עס וועט געשען, נאר ער וועט מוזן גלייבן אויפן ווארט.
סא געוויסע זאכן וועלן חוק בלי טעם עניוועי זיין.
נא לערן עם אויס אינגערהייט פונקט ווי ביז היינט אז די תורה און חז"ל איז פון די זאכן אויף וואס מען גלייבט אן פראגעס. און פונקט ווי ביז היינט האט יעדע אינגל געהאט די רעכט צו פרעגן פארוואס די תנא האלט אזוי און די תנא אזוי און מען האט נישט געענטפערט ווייל אזוי האט ער געזאגט און מען טאר נישט פרעגן (חוץ די מלמדים וואס זענען געווען פויל און געענטפרט "די מפרשים פרעגן עס שוין) נאר מ'האט גהעריג געענטפערט יעדע זאך. וואס דאס איז לכאורה 'קריטיקל טינקינג'.
וואס איז מען משנה? אלעמאל האט מען אויסגעלערנט צו זיך פלאגן צו פארשטיין א שטיקל גמרא. וואס דען מיינט א גמרא קאפ אויב נישט 'קריטיקל טינקינג?

לימוד גמרה תוספות הייבט אויף ענגליש Analytical research
אל תירא מפחד פתאם, ומשאת רשעים כי תבא, עצו עצה ותפר דברו דבר ולא יקום כי עמנו א-ל, ועד זקנה אני הוא ועד שיבה אני אסבול, אני עשיתי ואני עשה, ואני אסבול ואמלט,

זכריהו
שר חמישים
תגובות: 83
זיך איינגעשריבען אום: דינסטאג נובעמבער 14, 2017 12:47 pm

תגובהדורך זכריהו » מיטוואך סעפטעמבער 04, 2019 10:22 am

עס איז ממש א חידוש אז מענטשן זאלן קענען האלטן אז ס'איז א פראבלעם צו טראכטן און דורכטון א זאך. וואס טוסטו ווען עמיצער שלאגט דיר פאר אן אינוועסמענט. דו גייסט פרעגן דיין מאמע? דו שלעפסט ארויס א חומש און דו מאכסט א גורל הגר"א? אדער דו זעצט זיך אוועק טראכטן "קריטיש" צו עס מאכט סענס, צו אפשר וויל ער דיר אריינארן און דו פארלאנגסט דאקומענטן און באווייז?

עס קוקט אויס ווי מאנכע ווילן דא גוזר זיין א נייע גזירה "אסור לחשב ולחקור שום דבר שבעולם גזירה שמה יבא לחקור באמונה"...

פאר אזא גזירה דארפט איר צאמנעמען א בית דין של שבעים ואחד, און אויסשיסן די מח פון אלע מענטשן, און הערשט דערנאך וועט עס נאך זיין א גזירה שאין רוב הציבור יכולין לעמוד בהם... חוץ די פאר וועלכע האבן סיי ווי נישט קיין קריטיקל טינקינג

אביונה
שר מאה
תגובות: 224
זיך איינגעשריבען אום: מיטוואך יולי 17, 2019 1:39 pm

תגובהדורך אביונה » מיטוואך סעפטעמבער 04, 2019 10:40 am

יע יע, פארהאן עד היום מקומות אויפן כדור, וואו עס הענגט א שילד ביים אריינגאנג "השימוש במוח אסורה בהחלט"

אוועטאר
אורח הכבוד
שר חמש מאות
תגובות: 862
זיך איינגעשריבען אום: מיטוואך יולי 27, 2016 10:21 am
לאקאציע: פרוזדור (עולם הזה)

תגובהדורך אורח הכבוד » מיטוואך סעפטעמבער 04, 2019 11:48 am

טשאטע רב שרייבט אויף די שעריריה בשווקים וברחובות פון עסקנים וואס זענען מערר אןיף קאממען קאר וואס מ'ניצט איבעראל און די צווייטע זייט איז דא רבנים יראי ה' וואס זענען דערין בקי וואס זעהן נישט דערין קיין שום חשש און אוודאי נישט מינות וכדומה
ווי אויך האט די וועד החינוך פון בנ''י מיט זייערע רבנים נישט געזעהן דערין קיין דברים זרים אדער שלא כהוגן און כ''ש מינות וכדומה
פארט גייט מען מחמיר זיין עס מער נישט צו ניצען און איז זיך סומך אויף וואס רביה''ק זי''ה האט געזאגט פאר זיין שווער הרה"ג ר' נתן יוסף זצ''ל אז א מורה הוראה זאל מחמיר זיין פון אזאך וואס האט א פקפוק אף שבאמת אין כאן שום ערעור

2019-09-03 (1).png
2019-09-03 (1).png (232.62 KiB) געזעהן 247 מאל
כללו של דבר: האדם לא נברא בעבור מצבו בעולם הזה אלא בעבור מצבו בעולם הבא, אלא שמצבו בעולם הזה הוא אמצעי למצבו בעולם הבא שהוא תכליתו.
(מסילת ישרים פרק א')



orechhakuved@gmail.com

יואל שרייבער
שר חמש מאות
תגובות: 840
זיך איינגעשריבען אום: דינסטאג אפריל 04, 2017 1:33 am

תגובהדורך יואל שרייבער » מיטוואך סעפטעמבער 04, 2019 12:20 pm

למעלה משבעים האט געשריבן:
נישט נאר דאס, איך טשעלענדזש דיר צו טרעפן אפילו נאר איין מוסד וואס לערנט חשבון באופן אז מען דארף גלייבן אז 1+1=2, און נישט אז די קינד זאל זיך איבערצייגן אליין.


גראדע געדענק איך ווי איך האב געהאט א גאנצע מערכה מיט מיין ענגליש טיטשער אלס יונגל וועגן עפעס א כלל אין רעכענען וואס איך האב געוואלט פארשטיין פארוואס עס איז אזוי און ער האט נאר געענטפערט ווייל אזוי איז עס.
(ער איז נישט געווען קיין היימישער יונגערמאן, כאטש איך ווייס נישט וואס זיינע קרידענשעלס זענען יא געווען)

תענית חלום
שר חמישים ומאתים
תגובות: 382
זיך איינגעשריבען אום: פרייטאג אוגוסט 23, 2013 12:26 pm

תגובהדורך תענית חלום » מיטוואך סעפטעמבער 04, 2019 12:26 pm

פארווייטאגט האט געשריבן:
תענית חלום האט געשריבן:
גלות איד האט געשריבן:...לערנען מעטה מיט א פארשטאנד, קען האבן מעלות און עס קען האבן חסרונות, אבער דאס וואס מ'וויל אהערשטעלן אז עס איז ברענגט צו מינות, אפיקורסות, עגלה ערופה און וואס נישט, הייב איך נישט אן צו פארשטיין...

זאג נאר, דו ווייסט אפשר פארוואס מען טאר נישט גיין שטודירן אין קאלעדזש?

אפשר האלסטו אז מען מעג יא, עכ"פ אלע גדולים פון די פריערדיגע דורות און די היינטיגע האלטן אז מען טא נישט. ווייסט אפשר א טעם?
(און די תירוץ איז נישט תערובות....)


וואס ???

איך זעה גוט?

דאס וואס אונזער רבי'ס האבן נישט געלאזט גיין שטודירן איז געווען אלס מ'זאל חלילה נישט קענען רעכענען?

ממש א חידוש. מ'דארף עס פארציילן פאר די גדולים, ספעציעל די וואס זענען שוין נישט מיט אונז זצ"ל. זיי מעגן אויך הערן דעם חידוש.

איך האב נישט געזאגט רעכענען. דו לייגסט ווערטער אין מיין מויל. איך האב גערעדט פארוואס מען טאר נישט גיין שטודירן אין קאלעדזש.


צוריק צו “אקטועלע נייעס”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 7 געסט