"פאמיליע" חודש'ליכע אויסגאבע (מלפנים "אוצרות" שע"י חסידי סאטמאר)

די אחראים: אחראי, געלעגער

אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מאנטאג נובעמבער 26, 2012 1:41 pm

איך האב אויך אזוי פארשטאנען.

אוועטאר
שמעלקא טויב
שר חמשת אלפים
תגובות: 5327
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » מאנטאג נובעמבער 26, 2012 5:11 pm

קודם אנטשולדיגט, כ'זעה טאקע אז ער רעדט פון "אייראפע ביז אמעריקא".

און איבער דעם איז שוין דא א מחלוקה אין די ראשונים צו מ'גייט בתר כמות צו בתר איכות. ס'איז זיכער אז דער מספר פון בחורים אין די ישיבות זענען דראסטיש גרעסער ווי אמאל, און די מספר פון אידן מוקירי תורה, שומרי שבת, סתם ערליכע אידן וואס האלטן זיך צו ערליכע אידישקייט, איז גרעסער, אבער באיכות? אין אמעריקא אליין קען מען זעהן די חילוק באיכות פון היינט ביז צוואנציג יאר צוריק. מ'זאגט פון ר' מיכאל בער ז"ל, ער האט עס נאך געזאגט בימים ההם, ההם מיט א דגוש אויפ'ן צייריי, ההיייים, אז אין אמעריקא בויעט מען אידישקייט אויף די לענג, אויף די ברייט און אויף די הייך, אבער נישט טיף.
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

אוועטאר
מיללער
שר עשרים אלפים
תגובות: 25644
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג נובעמבער 26, 2012 5:18 pm

שמעלקא טויב האט געשריבן:קודם אנטשולדיגט, כ'זעה טאקע אז ער רעדט פון "אייראפע ביז אמעריקא".

און איבער דעם איז שוין דא א מחלוקה אין די ראשונים צו מ'גייט בתר כמות צו בתר איכות. ס'איז זיכער אז דער מספר פון בחורים אין די ישיבות זענען דראסטיש גרעסער ווי אמאל, און די מספר פון אידן מוקירי תורה, שומרי שבת, סתם ערליכע אידן וואס האלטן זיך צו ערליכע אידישקייט, איז גרעסער, אבער באיכות? אין אמעריקא אליין קען מען זעהן די חילוק באיכות פון היינט ביז צוואנציג יאר צוריק. מ'זאגט פון ר' מיכאל בער ז"ל, ער האט עס נאך געזאגט בימים ההם, ההם מיט א דגוש אויפ'ן צייריי, ההיייים, אז אין אמעריקא בויעט מען אידישקייט אויף די לענג, אויף די ברייט און אויף די הייך, אבער נישט טיף.


[1. וואו אין די ראשונים איז דא די מחלוקת פון כמות ווס. איכות? (אולי הכוונה לדברי הר"ן סוף יומא לענין שחיטה לחולה שיש ב"ס]

2. איר האט ציפערן אינטערצושטיצען אייער כמות פון שומתומ"ץ היינט ווס. אמאל?

3. באיכות נישט? זיי מוחל און לייען וואס הרב ביק זאגט, אדער טוה זיך אריין אין די היסטאריע פון קיום המצוות אינדערהיים (כמובן מפאת חוסר הזדמניות ולאו דוקא מחוסר הרצון), מצות שמורה, ד' מינים, כשרות הבשר, סת"ם ותשמישי קודשה, ועוד ועוד

4. איין חילוק באיכות וואס מיר הערן כסדר, איז אז די אמת'ע ערליכע אידען זענען געווען (בלבם ונפשם ומאודם) מער ווי היינטיגע ערליכע אידען, ווי רוב זאכען זענען מצוות אנשים מלומדה, והדברים עתיקין ארוכים כבדים ויגיעים ואכמ"ל (מיר האבן עטליכע אשכולות וועלכע בארירען די נקודות, דא רעדט מען וועגן אוצרות, אולי איז כדאי אז דער שמועס זאל ווערן אפגעטיילט/צאמגעשמאלצען)

אוועטאר
יוסף שרייבער
שר ארבעת האלפים
תגובות: 4571
זיך איינגעשריבען אום: מוצ"ש אוקטובער 23, 2010 4:24 pm

תגובהדורך יוסף שרייבער » מאנטאג נובעמבער 26, 2012 7:41 pm

מיללער האט געשריבן: והדברים עתיקין ארוכים כבדים ויגיעים ואכמ"ל

אוועטאר
שמעלקא טויב
שר חמשת אלפים
תגובות: 5327
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » דינסטאג נובעמבער 27, 2012 1:57 pm

בכמות מיינעך טאקע בעסערע מצות און בעסערע תפילין וכו', און באיכות רעדט מען פון די טייערע ערליכע אידן. ווי אויך איז היינט אנדערש ווייל יעדער בחור, עכ"פ רובא דרובא, קומען אן אין א ישיבה, וואס אמאל איז עס נישט געווען ווי היינט.

גלייב מיר אז כ'האב עס נישט געזעהן אין די ראשונים, נאר ביי פרק פארלערנען אין ביהמ"ד הגדול אין קרית יואל האב איך עס כמ"פ געהערט אלץ מחלוקת הראשונים.

וויפיל אידן וואוינען היינט איבער די וועלט שומרי תורה ומצות?
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

שוטה
שר האלף
תגובות: 1238
זיך איינגעשריבען אום: פרייטאג אוגוסט 29, 2008 2:21 am

תגובהדורך שוטה » דאנארשטאג נובעמבער 29, 2012 12:17 am

ונפשי יודעת מאד ידיעה ברורה שאין ביצת הנמלה כנגד הגלגל העליון צעירה כאשר חכמתי קטנה ודעתי קצרה (הקדמת הרמב"ן לפירושו עה"ת)

מאטקע
שר מאה
תגובות: 211
זיך איינגעשריבען אום: פרייטאג דעצמבער 05, 2008 4:20 am

תגובהדורך מאטקע » מאנטאג דעצמבער 10, 2012 6:45 pm

מיללער האט געשריבן:4. איין חילוק באיכות וואס מיר הערן כסדר, איז אז די אמת'ע ערליכע אידען זענען געווען (בלבם ונפשם ומאודם) מער ווי היינטיגע ערליכע אידען, ווי רוב זאכען זענען מצוות אנשים מלומדה, והדברים עתיקין ארוכים כבדים ויגיעים ואכמ"ל (מיר האבן עטליכע אשכולות וועלכע בארירען די נקודות, דא רעדט מען וועגן אוצרות, אולי איז כדאי אז דער שמועס זאל ווערן אפגעטיילט/צאמגעשמאלצען)


אנטשולדיגט איך בין נאך דא מגיב, כאטש דער רב האט געבעטען דאס צו צאמשמאלצען/טיילען.

דאס אז אין א שווערע דור מיט אזעלכע גראבע נסיונות, האלטען זיך טויזענטער בחורים מיט אינגערלייט ערליך און פירען זיך לויט ווי דער חכמי ומאורי הדור צייכענען צו, איז נישט פילפאכיג שענער ווי אין דער פריערדיגער דורות?

אויפריכטיג
שר שלשת אלפים
תגובות: 3340
זיך איינגעשריבען אום: דינסטאג דעצמבער 16, 2008 8:10 pm
לאקאציע: ביים געפילטערטן קאמפיוטער

תגובהדורך אויפריכטיג » פרייטאג דעצמבער 14, 2012 12:39 pm

שוטה האט געשריבן:אינטערעסאנט.

אינטערעסאנט צו וויסן אויב דער שרייבער האט אן אנטווארט אויף יענעמ'ס טענות.

אוועטאר
דער תהילים איד
שר ששת אלפים
תגובות: 6353
זיך איינגעשריבען אום: זונטאג יולי 26, 2009 9:54 pm

תגובהדורך דער תהילים איד » זונטאג דעצמבער 16, 2012 1:07 pm

אינטערסאנט צו וויסן אז יענער קאווע-שטיבל-שרייבער איז מעגליך א כופר בענין גן עדן בכלל.

(כזאג "מעגליך", כהאב נישט דורכגעטוהן די נושא).
רבינו שאג בקול גדול וגו'

מי חכם
שר ארבעת האלפים
תגובות: 4080
זיך איינגעשריבען אום: זונטאג מארטש 13, 2011 2:02 pm

תגובהדורך מי חכם » זונטאג דעצמבער 16, 2012 1:14 pm

תהילים, דארפסט נישט ווערן אפענדעט, עס איז א אינטעלעקטואלער וויכוח, און קיינער וואס קויפט די אוצרות גייט עס נישט סטאפן יעצט צו קויפן. אויב מען וואגט זיך מפקפק צו זיין אויף א המצאה פון א אוצרות שרייבער, ווערט מען נאכנישט קיין כופר.

אויפריכטיג, טראכסט עכט אז ער האט א תירוץ? ער דארף צושטעלן א ארטיקל שטעלט ער עס צו. ער האט מסתמא געשפענדעט ווייניגער צייט אויף זיין ארטיקל, ווי יידל אויף זיין תגובה.
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃

אוועטאר
דער תהילים איד
שר ששת אלפים
תגובות: 6353
זיך איינגעשריבען אום: זונטאג יולי 26, 2009 9:54 pm

תגובהדורך דער תהילים איד » זונטאג דעצמבער 16, 2012 1:16 pm

מיין תגובה איז כלל נישט געווען צו דיפענדן די אוצרות, נאר פארקערט... וד"ל.
רבינו שאג בקול גדול וגו'

אוועטאר
farshlufen
שר עשרים אלפים
תגובות: 21602
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג דעצמבער 17, 2012 8:51 am

ע"מ יצא קצפו של יושבי קרנות? מיין בלעקליסט אין מיין מוח לאזט נישט אריין אהין.
סימן דלא ידע כלום, שבוחי.

אויפריכטיג
שר שלשת אלפים
תגובות: 3340
זיך איינגעשריבען אום: דינסטאג דעצמבער 16, 2008 8:10 pm
לאקאציע: ביים געפילטערטן קאמפיוטער

תגובהדורך אויפריכטיג » מאנטאג דעצמבער 17, 2012 11:07 am

איך בין נייגעריג צי דער שרייבער קומט צוריק אין דאזיגן חודש איבער די טעמע און די געאגראפישע טענות וואס זענען ארויסגערוקט געווארן קעגן זיין ארטיקל.

אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מאנטאג דעצמבער 17, 2012 3:28 pm

שוטה האט געשריבן:אינטערעסאנט.


אט איז דער תגובה פון יידל;

איך האב געקויפט דעם אויסגאבע פון חודש כסליו, דערווייל בין איך נאר אנגעקומען צו ליינען צוויי ארטיקלן וועל איך נאר קאמענטירן אויף די וואס כ'האב שוין געליינט. אקדמות מילין, דארף איך חוזר ומדגיש געווען וואס שרגא האט שוין 5 חדשים צוריק מעורר געווען אז אויפן דעקל פון די פאמיליע אוצרות שטייט פאעט (poet) אנשטאט "פאעזיע" (poetry) אדער "פאעמע" (poem). נאך 5 חדשים וואלט שוין כאטש איינער געמעגט מעורר זיין אויף דעם, אבער דערווייל זעט אויס אז ס'אינטערעסירט נישט קיינעם און די אמעראצישע "פאעט" ערשיינט נאך אלץ.

די ערשטע ארטיקל וואס כ'האב געליינט איז הרב זאב אהרן טעלער'ס ארטיקל איבער די נושא פון גן עדן התחתון. דער ארטיקל איז א שיינער ארטיקל מיט שיינע ליקוטים, כאטשיג נישט צו גרינטליך. איך וויל מיך אבער שטעלן אויף די פאקטועלע איינצעלהייטן פון הרב טעלער'ס ארטיקל. הרב טעלער לייגט אראפ א יסוד אז דער גן עדן געפינט זיך אויף דעם וועלט (ווי ס'איז טאקע משמע פשוט פשט אין בראשית ווי די תורה גיט אן פיר טייכן וואס שלענגלן זיך ארויס פונעם גן עדן). הרב טעלער ברענגט אראפ די שיטות פון רש"י, אבן עזרא און רמב"ן ווי זיי אינדענטיפיצירן די טייכן. לויט די אלע שיטות קומט הרב העלער צו צום מסקנא אז "דער גן עדן התחתון געפינט זיך נישט אויפן אמעריקאנעם קאנטינענט, נישט סאוט און נישט נארט... אויך נישט אין אייראפע אדער אויסטראליע. נאר ערגעץ צווישן דרום-מזרח אפריקע ביז ארויף אין מזרח אזיע. ערגעץ צווישן די צוויי קאנטינענטן דארף זיך געפינען דער גן עדן התחתון." ביי דעם פונקט ברענגט הרב העלער אראפ א תשובה פון בן איש חי אין רב פעלים (ח"ב או"ח א') ווי דער בן איש חי שרייבט אז על כרחך איז די גן עדן א רוחניות'דיגע ערד וואס איז אומזעבאר צו פליישיגע אויגן, און עס געפינט זיך העכער פון די גשמיות'דיגער ערד. דער בן איש חי זאגט אויך אז קיין איינער איז נאכנישט געווען אויף יעדען איינציגסטן פלאץ אין דער וועלט, און אלעס וואס די גיאגראפער זאגן איבער די גרויס פון די וועלט וכדומה קומט פון השערות וועלכע קענען ווערן אפגעפרעגט. בתוך הדברים ברענגט דער בן איש חי פונעם אריז"ל אז "דער גן עדן געפינט זיך אויף דער וועלט, פונקט אינמיטן טבור הארץ, אונטערן קו המשוה, אויף דרום זייט פון ארץ ישראל". (אגב, איינמאל מ'ברענגט דעם רב פעלים זעט מען דאך סיי ווי אז דער גאנצער גן עדן איז א רוחניות'דיגע מציאות אין נישט קיין גשמיות'דיגע מקום, וואס איז אלזא שייך דאס צו זוכן? אבער לאמיר מיטשפילן דעם שפיל מיט הרב טעלער און לאמיר זיכן דעם גן עדן.)

נאכקוקנדיג אין רב פעלים האב איך געזען אז ער ברענגט פון אריז"ל די פאלגענדע לשון: "ביאור ג"ע הארץ, כבר נתבאר שהוא נקודת האמצעי של קו שוה היום של כל העולם והוא לדרום א"י". וואס "נקודת האמצעי של קו שוה היום" מיינט, ווייס איך נישט, אבער הרב טעלער לערנט פשט אז דאס מיינט "פונקט אינמיטן טבור הארץ, אונטערן קו המשוה". איך ווייס נישט וואס איז די "מיטעלסטע פונקט פונעם קו המשוה", אבער דאס איז זיכער אז פונעם אריז"ל'ס ווערטער איז לכאורה קלאר אז ער מיינט דעם קו המשוה זעלבסט און נישט אונטער דעם. ווי מיר וועלן שוין זען איז הרב טעלער'ס אינדענטיפיקאציע פונעם גן עדן אנגעהאנגען אין דעם הוספה פון אונטערן קו המשוה. לויטן אריז"ל קומט אויס אז דער גן עדן געפינט זיך אויפן קו המשוה, דירעקט אונטער ארץ ישראל' דאס קומט אויס בערך צווישן די קאארדינעטס פון 0,34.216512 און 0,36.040242 (איך בין נישט זיכער ביז ווי די גבול המזרחי איז געגאנגען, איך האב עס געמאכט גאנץ ווייט אוועק פונעם היינטיגן איזראעל). לאמיר אלזא קוקן אויפן מאפע וואס געפינט זיך אויפן קו המשוה אונטער ארץ ישראל:

Gan Eden ARI.GIF

ערגעץ וואו אויף דעם שטרעקע געפינט זיך דער גן עדן לויטן אר"יGan Eden ARI.GIF (170.01 KiB) געזען געווארן 354 מאל

עס שטעלט זיך ארויס אז דער גן עדן איז אין קעניע, ערגעץ ווי אויפן רויטן ליניע צווישן די צוויי צייכענעס. הרב טעלער איז אבער נישט צופרידן מיט דעם. זעט אויס אז אויף דעם ליניע איז נישט קיין איין גענוג אינטערעסאנטע פלאץ אויף וועלכע ס'איז געשמאק ארויפצוקלעבן דעם "גן עדן" טיטל. זיין עצה איז צוצולייגן א ווארט צום אריז"ל און אנשטאט "אויפן קו המשוה" איז עס "אונטערן קו המשוה". איינמאל עס איז אונטערן קו המשוה איז הרב טעלער פראנק און פריי אויפצוזוכן דעם גן עדן סיי ווי אין דרום אפריקע (נישט די לאנד, די קאנטינענט) אונטער ארץ ישראל.

שרייבט ווייטער הרב טעלער:



ווען מיר גייען אראפ, פון ארץ ישראל קיין דרום, וועלן מיר זיך באגעגענען מיט "עגיפטען" . . . אראפציר איז דער לאנד "אוגאנדא", און דערנעבן דאס לאנד קעניע. דארט, אונטערן קו המשוה, באגעגענען מיר דעם ריזיגן וואסער פאול, "וויקטאריע פאול'ס", דער גרעסטער וואסער פאול אין די וועלט. און מיר זעהן א מערקעוודיגע זאך ווי דער גרויסער טייך ווערט צוטיילט אויף פיר! איינס דערפון גייט אראפ קיין עטאפיע (כוש). דאס איז מעגליך דער 'גיחון' וועלכע נעמט ארום דאס לאנד כוש, ווי עס שטייט אין פסוק. די אנדערע ווערן צושפרייט אינעם גרויסן מדבר, ווען א חלק ציען קיין אזיע, אינעם ווייטן מדבר (זעה בילד בייגעלייגט).


הרב טעלער איז דערנאך ממשיך אז לויט דעם איז אפשר מעגליך צו זאגן אז דער נהר היוצא מעדן איז די וויקטאריע פאלס, און דער גן-עדן גופא געפינט זיך ערגעץ וואו אין מזרח אפריקא.

די פאראגראף איז אבער פיל מיט טעותים. ערשטנס, ווי איך האב געוויזן, איז דער אנגעבליכער 'גן עדן' אין קעניא, נישט אונטער קעניא. אבער אפילו מיר וועלן אננעמען אז קו המשוה איז לאו דוקא, און עס מעג אויך זיין אונטערן קו המשוה, איז וויקטאריע פאלס בכלל נישט אין די געגנט. אז מ'קוקט אויפן מאפע זעט מען וויקטאריע פאלס געפינט זיך איבער 670 מייל אוועק פון די ווייטסטע פוינט צו מעריב אונטער ארץ ישראל!


Ethopia.GIF
די גרינע צייכן איז ווי וויקטאריע פאלס געפינט זיך, די רויטע איז די ווייטסטע פלאץ צו מעריב וואס איז דירעקט אונטער א"יVictoria Falls.GIF (237.21 KiB) געזען געווארן 354 מאל

לאמיר אבער אננעמען אז "אונטער" ארץ ישראל איז לאו דוקא דירעקט אונטער ארץ ישראל, נאר דאס נעמט אריין דעם גאנצן אפריקאנעם קאנטינענט, און לאמיר אויך אננעמען אז וויקטאריע פאלס איז טאקע דער נהר היוצא מעדן. פון ווי נעמט אבער הרב טעלער אז וויקטאריע פאלס צעטיילט זיך אין פיר? וויקטאריע פאלס איז א חלק פון די ריזיגע זאמבעזי טייך, און עס צעטיילט זיך בכלל נישט אין פיר.

און דערנאך מאכט ער נאך דעם בושות'דיגען טעות אז "איינס דערפון גייט אראפ קיין עטאפיע". אראפ קיין עטיאפיע? עטאפיע איז איבער 2000 מייל העכער וויקטאריע פאלס! און קיין איין וואסער וואס גיסט ארויס פון וויקטאריע פאלס קומט נישט אן קיין עטיאפיע! (זע דא די מאפע פון אלע עטיאפישע טייכן.)


די גרינע צייכן איז ווי וויקטאריע פאלס געפינט זיך, די רויטע איז עטיאפיע'ס הויפט שטאט.Ethopia.GIF (98.51 KiB) געזען געווארן 354 מאל

ביי דעם פונקט אינעם ארטיקל שרייבט הרב העלער דעם פאלגענדעם דיסקלעימער:



(עס איז זעלבסטפארשטענדליך, אז א זאך וואס איז מבואר אין די תורה הקדושה אדער אין די רייד פון די ראשונים, דארף נישט קיין שום חיזוק פון די מציאות, צי מיר געפינען עס יא אדער נישט. דער עקזעסטירנדער מציאות גיט גארנישט צו און איז בכלל נישט קיין נפקא מינה, ווען די זאך איז קלאר אין די תורה שבכתב אדער אין חז"ל. פונדעסטוועגן, נאכדעם וואס מיר ווייסן און גלייבן אין די זאכן, האט אונז די תורה הק' ערלויבט נאכצוקוקן און צושטעלן דערצו דעם פאקטישן מציאות. ועי' חולין דף נ"ז: ובתוס' שם).


נאך א מזל אז ער שרייבט דעם דיסקלעימער, ווייל נאך אזעלכע סארט "עקזעסטירנדער מציאות"'ן וואס הרב טעלער ברענגט, מוז מען טאקע צוקומען צו א דאזע אמונה פשוטה.

צום לעצט האט מיר אויפגעברויזט די פאלגענדע פאראגראפן וועלכע געפינט זיך כמעט ביים סוף פון ארטיקל:


עד היום הזה, פרובירן נאך מאנכע, צו געפינען דעם וועג, אנצוקומען צום טייך, דער נהר היוצא מעדן. ווי עס דערציילט א איד, א היימישער אינגערמאן, וועלכע פארט אפט אין יענע געגענטער. האט אים אמאל אנגעכאפט א גלוסטעניש צו כאפן א בליק אינעם גן עדן... איז ער געפארן קיין עטאפיע, (כוש, פון וואו עס קומען די אזוי גערופענע אידישע פאלאשן). פון דארט איז ער נאכגעפארן, דעם וואסער נעמט ארום כוש, ביז דער וואסער האט אים געפירט צו דעם גרויסן "וויקטאריע פאול'ס". פון דארט איז נישט מעגליך צו פארן ווייטער, נאר אין די הייך מיט א פליגער, צוליב די שארפטקייט און הויכקייט פון די וואסער. פונעם פליגער זעט מען גארנישט נאר א גרויסן טונקעלען מדבר. באקאנט אלס דער סהרה מדבר.

די סיבה פון דעם פארהוילעניש, אויך פארוואס דאס איז פארהוילן פון די סאטעלייט אויגן און אנדערע פארשער, איז ווי געזאגט, ווייל "אין עצה ואיו תבונה נגד ה'". אז דער באשעפער האט עס באהאלטן און פארדעקט פון אונזערע אויגן וועט מען עס נישט געפינען. און פונקט ווי קיינער ווייסט נישט פון קיין הרי חושך, קיין סמבטיון, שדיים, א.א.וו., כאטש מיר ווייסן און גלייבן אז די אלע זאכן עקזעסטירן אויף דער וועלט.


קודם כל, ווי איך האב שוין פריער געשריבן, עס איז בכלל נישטא אזא טייך וואס נעמט ארום עטיאפיע און קומט אן צום וויקטאריע פאלס.

צווייטנס, ווי דער איד איז אנגעקומען פון וויקטאריע פאלס צום סאהארא מדבר, ווייזט איין גאט. אט איז א מאפע ווי די דריי פלעצער: עטיאפיע, וויקטאריע פאלס און סאהארא מדבר זענען אנגעצייכנט:


A איז עטיאפיע, B איז וויקטאריע פאלס און C איז דער מדבר סאהאראSahara.GIF (81.95 KiB) געזען געווארן 354 מאל

Sahara.GIF
די שארפקייט און הויכקייט פון וואסער וועלכע טוט אנגעבליך שטערן פון פארן ווייטער איז אויך שקר וכזב. עס זענען דא צייטן פון יאר ווען די וואסער גייט גענוג אראפ און מ'קען אריבערגיין אויף א בריק אריבער די פאלס. קוקט אין דעם לינק וועט איר זען ווי עס זענען דא פלעצער ווי מ'קען אפילו צוקריכן צום עק פון די פאלס! דאס אז "פונעם פליגער זעט מען נישט גארנישט נאר א גרויסן טונקעלן מדבר" איז אזעלכע שטותים אזש איך שעם זיך אפילו צו ברענגן ראיות לפירכא. עס איז גענוג אנצוצייכענען צום פאקט אז הונדערטע טויזענטע מענטשן נעמען טורס מיט פליגערס העכערן פאלס יערליך (עיין אינעם לינק לעיל) און אז דער מדבר סאהארא איז טויזנטע מיילן אוועק פון דארט.

די צווייטע ארטיקל וועל איך קריטיקירן אין א צווייטן געלעגנהייט ווייל איך מיין אז איך האב שוין אינוועסטירט אין דעם תגובה מער צייט ווי הרב טעלער האט אינוועסטירט אין זיין ארטיקל...

אוועטאר
שמעלקא טויב
שר חמשת אלפים
תגובות: 5327
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » מיטוואך דעצמבער 19, 2012 4:48 pm

אוצרות אויף חודש טבת איז שוין ארויס, און אונזער נייער שטערן ר' יואל הירש האט אונז נישט דיסעפוינטעט! א מאסיווער ארטיקל איבער רבי זלמן לייב גרינוואלד פון קאלומבס.
ס'וועט זיין העכסט אונטערסאנט פאר אונזערע אייוועלט גולשים וואס זענען באקאנט מיט די היסאריע פון הרב גרינוואלד.
ס'איז מיר נאר אינטערסאנט, ווי קומט אריין הרב גרינוואלד אין חודש טבת? אדער אפשר איז עס סתם א גוטע ארטיקל וואס מ'קעל ליינען סיי ווען!
אזוי צו אזוי, ס'איז מוראדיג. כ'רעקאמאנדיר אז יעדער זאל לויפן קויפן דעם אוצרות.
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

אוועטאר
על דא ועל הא
שר מאה
תגובות: 182
זיך איינגעשריבען אום: זונטאג פאברואר 05, 2012 12:28 pm

תגובהדורך על דא ועל הא » מיטוואך דעצמבער 19, 2012 5:26 pm

איך רעקאמאנדיר אויך. עס איז ווירקליך א הערליכער אויסגאבע.
חותמו של הקדוש ברוך הוא אמת (שבת נה, א)

אוועטאר
Ron Paul
שר האלף
תגובות: 1530
זיך איינגעשריבען אום: דאנארשטאג אפריל 26, 2012 10:04 pm

תגובהדורך Ron Paul » מיטוואך דעצמבער 19, 2012 5:28 pm

איז איין אדער צוויי ארטיקלען טאקע ווערטה 6 טאלער? איך בין דאס נישט מסיג.
Im old but i don't kalech yet.

אוועטאר
על דא ועל הא
שר מאה
תגובות: 182
זיך איינגעשריבען אום: זונטאג פאברואר 05, 2012 12:28 pm

תגובהדורך על דא ועל הא » מיטוואך דעצמבער 19, 2012 5:36 pm

6 דאלער איז טאקע טייער, אבער ס'איז נישט ריכטיג צו זאגן אז מ'צאלט פאר בלויז צוויי אדער דריי ארטיקלן.
חותמו של הקדוש ברוך הוא אמת (שבת נה, א)

אוועטאר
שמעלקא טויב
שר חמשת אלפים
תגובות: 5327
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » מיטוואך דעצמבער 19, 2012 5:38 pm

אין די פרויען אויסגאבע לויפט אן ארטיקל איבערן דערפעל קוממיות. ס'איז עפעס אויסטערליש שיין, זייער ארגינעל געשריבן. ס'זעהט אויס ווי איינער פון ר' ישראל מאיר עקשטיין ע"ה טעכטער שרייבן עס.

כ'צאל דערפאר זעקס טאלער, און ס'איז ווערד יעדע פעני!
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

אוועטאר
מיללער
שר עשרים אלפים
תגובות: 25644
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג דעצמבער 20, 2012 9:46 am

שמעלקא טויב האט געשריבן:אוצרות אויף חודש טבת איז שוין ארויס, און אונזער נייער שטערן ר' יואל הירש האט אונז נישט דיסעפוינטעט! א מאסיווער ארטיקל איבער רבי זלמן לייב גרינוואלד פון קאלומבס.
ס'וועט זיין העכסט אונטערסאנט פאר אונזערע אייוועלט גולשים וואס זענען באקאנט מיט די היסטאריע פון הרב גרינוואלד.
ס'איז מיר נאר אינטערסאנט, ווי קומט אריין הרב גרינוואלד אין חודש טבת? אדער אפשר איז עס סתם א גוטע ארטיקל וואס מ'קעל ליינען סיי ווען!
אזוי צו אזוי, ס'איז מוראדיג. כ'רעקאמאנדיר אז יעדער זאל לויפן קויפן דעם אוצרות.



כר' שמעלקא ועוד, אויסער דעם דערמאנטן ארטיקל (אן ארטיקל ברויך האבן מיטן חודש?) איז פארהאן דארט א המשך פון א שמועס מיט ר' עקיבא'לע גאנז לאויט"א פון קרית יואל, מיט אסאך הערליכע ידיעות איבער די היסטאריע פון קרית יואל, און פערזענליכע מעשיות מיט רביה"ק ז"ל, ווי אויך פארשידענע הדרכות [לדוגמא, קומט מיר יעצט ארויף אז דער רבי האט גע'פסק'נט פאר אים אז ווען מ'פארט אויף קברי אבות/צדיקים אין אייראפא אדער אר"י, זאל מען מאכען די ברכה אריינקומענדיג אין א ביה"ח, ביי יעדע ביה"ח באזונדער, כאטש מ'גייט צו עטליכע אינעם זעלבן טאג, ועוד].

איינער גליקמאן שרייבט באריכות די פרשה מיטן ספר תורה אין א קיבוץ נעבן מגדיאל וואס די חלוצים האבן געשענדעט באופן נורא, די מעשה איז מיר געליגען אין קאפ פון 'ליכט שטראלן' וואס איך האב געליינט צוויי צענדליגע יארן צוריק, אבער דא איז עס אראפגעשריבען מיט דעטאלן און גאר אינטערעסאנטע פרטים, באגלייט מיט היסטארישע דאקומענטן פון יענע יארן.

Ron Paul האט געשריבן:איז איין אדער צוויי ארטיקלען טאקע ווערטה 6 טאלער? איך בין דאס נישט מסיג.


די אנדערע חלקים איז מיר נאכנישט אויסגעקומען צו לעזן, אבער מר. פאול, פאר די 6 טאלער קריגט איר צוויי באזונדערע אויסגאבעס, מיט פיל מער ווי איינס אדער צוויי ארטיקלען, און דאס איז בעיסיקלי די פרייז היינט פאר אזעלכע זאכען (אינפלאציע?) דאס איז א קאווע קאסט היינט איבער א טאלער, זענט איר מסיג? (איר מיינט לכאורה משיג, ווייל מסיג איז מען גבול)

-

קריטיק: פטור בלא כלום זאגט דאך דער רבי אי אפשר, וכדי שלא יאמרו מדשתקי וכו', זיי מעגן שוין אנהייבען אריינשטעלן גרעסערע און קאלירטע בילדער, די בילדער ווערן פארשטעקט אין א ים פון טעקסט, און פארלירט די חשיבות. והשנית, א בריווען אפטיילונג איז א גוטע זאך וואס זיי מעגן צושטעלן, עס ברענגט די ליינערס צו זיין ווי מ'רופט 'אינטערעקטיוו' און גיט א געפיל פאר די לייענער אז זיי זענען א חלק פונעם אויסגאבע און נישט סתם דער מיטל פארן ציהל.


דאס איז דער מיינונג פון צאמווייניגסטענס איין געטרייע ליינער

אוועטאר
farshlufen
שר עשרים אלפים
תגובות: 21602
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דאנארשטאג דעצמבער 20, 2012 10:03 am

געלעזט דעם ארטיקל פון הרב הירש, חידוש אצלי כי חשבתי אז דזשעק גרינוואלד איז ווייטער פארקראכן, דערווייל שרייבט ער אז ער איז אן ארטאדאקסעישער טוער און עסקן, ואם קבלה הוא נקבל.

על מו"ר ר' עקיבא'לע זז"ג און שטארק, ער דערציילט בין הדברים אז בשנים קדמוניות האט מען נישט געוואוסט פון די מנהגים פון קב הישר, כנראה לא נהגו כך במאדיאר אונגארן, אדער נאך די קריג איז דאס נשתכח געווארן.
סימן דלא ידע כלום, שבוחי.

אויפריכטיג
שר שלשת אלפים
תגובות: 3340
זיך איינגעשריבען אום: דינסטאג דעצמבער 16, 2008 8:10 pm
לאקאציע: ביים געפילטערטן קאמפיוטער

תגובהדורך אויפריכטיג » דאנארשטאג דעצמבער 20, 2012 10:26 am

וואס זענען די מנהגים פון קב הישר?

אוועטאר
שמעלקא טויב
שר חמשת אלפים
תגובות: 5327
זיך איינגעשריבען אום: דינסטאג מאי 04, 2010 2:41 pm
לאקאציע: אויפ'ן באשעפער'ס וועלט'ל!

תגובהדורך שמעלקא טויב » דאנארשטאג דעצמבער 20, 2012 11:28 am

מיללער האט געשריבן:והשנית, א בריווען אפטיילונג איז א גוטע זאך וואס זיי מעגן צושטעלן, עס ברענגט די ליינערס צו זיין ווי מ'רופט 'אינטערעקטיוו' און גיט א געפיל פאר די לייענער אז זיי זענען א חלק פונעם אויסגאבע און נישט סתם דער מיטל פארן ציהל.

דאס איז דער מיינונג פון צאמווייניגסטענס איין געטרייע ליינער


בריעון איז זייער א גוטע אבער דעליקעטע זאך. מ'דארף האבן זיבן אויגן פאר מ'לייגט אריין א בריעוו, איבערהויפט אויב מ'קען נישט דעם שרייבער.

אוועראלל איז אוצרות ב"ה א גוטע אויסגאבע, ס'האט שוין לאנג איבערגעשטיגן די "לייף ספעם" וואס מ'האט פארגעזעהן, און אויב אזוי קען עס שוין ווייטער אנגיין "אנדער דע רעדאר".
הק' שמעלקא טויב
נו"נ להחסיד המפורסם רבי שלום טויב ע"ה
shmelketaub@gmail.com

אוועטאר
בן בוזי
שר ארבעת האלפים
תגובות: 4706
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » דאנארשטאג דעצמבער 20, 2012 12:44 pm

איך וויל טאקע באטאנען אז כאטש איך האב נישט אבאנירט דעם אוצרות, איז מיר שוין אונטערגעקומען צו ליינען עטליכע פון די היסטאריש רייכע ארטיקלען, און כ'מוז אויסדרוקן אז זיי זענען לויבנסווערטה, זייערע שרייבער זענען פון גאר אן אינטעלעקטואלע קוואליטעט. מהם ילמדו וכן יעשו די ארויסגעבער פון אנדערע מאנאטליכע ליין מאטריאל.
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
שאץ מאץ
שר האלפיים
תגובות: 2885
זיך איינגעשריבען אום: דאנארשטאג מאי 15, 2008 5:01 pm
לאקאציע: איבעראל
פארבינד זיך:

תגובהדורך שאץ מאץ » זונטאג דעצמבער 23, 2012 10:32 pm

אנגעהויבן ליינען פון די בעק צוליב דעם ארטיקל איבער רז"ל גר"וו, דער ארטיקל איז א מיינסטער ווערק, אבער לדעתי וואלט מען געדארפט אביסל מער מרחיב זיין את הדיבור איבער דעם ביכל טויזנט יאר אונגארן וועלכע איז מסתמא די שטערקסטע ארבעט פון גרינוואלד וואס איז אונז נוגע,

(דאס אז ער איז געוועהן א האלבע משכיל.... פון דעם העמיר נישט רעדן.... אין איינע פון זיינע ביכער לאכט ער אפ פונעם מגיד וועלכע האט געלערנט מיטן ב"י, אבער אז קיינער ווייסט נישט זאל עס בלייבן ביי דעם...)


צוריק צו “היימישע אויסגאבעס און נייעס קוועלער”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט