נעמען בילדער/ארטיקלען פון אייוועלט, איז דאס יושר?

די אחראים: אחראי, געלעגער

היסטאריקער
שר חמישים ומאתים
תגובות: 312
זיך איינגעשריבען אום: דינסטאג מאי 05, 2009 5:00 pm

תגובהדורך היסטאריקער » מיטוואך אוקטובער 10, 2012 11:51 am

קומט נישט אלעס פון BROOKLYN PUBLIC LIBRARY?

אוועטאר
יוראפ
שר עשרת אלפים
תגובות: 17467
זיך איינגעשריבען אום: דינסטאג אוקטובער 18, 2011 12:16 pm
לאקאציע: על אדמת נכר

תגובהדורך יוראפ » מיטוואך אוקטובער 10, 2012 11:53 am

אז זיי האבן נישט קיין פראבלעם אריינצולייגן פאטאשאפ בילדער אדער סתם בילדער וואס מ'שפילט זיך ארום חוזק צו מאכן פון רבנים אדער סתם אידן, זאלן זיי האבן א פראבלעם צו נעמען פון דא?

אוועטאר
מיללער
שר עשרים אלפים
תגובות: 25696
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אוקטובער 10, 2012 12:06 pm

ולא מיין האט געשריבן:איך פארשטיי באמת נישט מה כל הרעש, היינט איז אן אינטערנעט עפאכע. אסאך בילדער פון אייוועלט, קומט פון אנדערע סייט'ס אויכעט, נו יעדעס מאל דארף מען שרייבן די אריגינאלער מקור? און אפשר דארף מען צושרייבן די נעמען פון די ניק'ס אויכעט?? אין מיינע אויגן, וואס ס'געפונט זיך אויף אינטערנעט איז א רשות הרבים, און ס'איז ווי מופקר מאליו, און יעדער איז ערלויבט אראפצונעמען דערפון.


באמת, מענטשליך איז אז ווען איינער נעמט סיי וועלכע אינפארמאציע פון א סייט, צו א בילד אדער אן ארטיקל, אז מ'זאל טאקע יא שרייבען די מקור, האומר דבר בשם אומרו מביא גאולה לעולם, מ'זעהט טאקע אנדערע וואס זענען מקפיד דערויף ותבא עליהם ברכת טוב.

אבער דא איז די רעדע פון אסאך מער פון דעם, א גאנצע דיקע אויסגאבע, מיט בילדער וועלכע זענען 95-100 פראצענט גענומען ממקום אחד, נישט א קאלעקציע פון בילדער געזאמעלט בקובץ על יד פון דא און דארט, נאר זיך באנוצט מיט א פולע קאלעקציע כשלחן הערוך אן דאס מינדענסטע קרעדיט, און נאך שרייבען אז דאס ווערט פארעפנטליכט דאס ערשטע מאל?

והשנית, אז מ'רעדט שוין, האבן זיי בכלל געמאכט זייער א שוואכע ארבייט מיט די בילדער אנטשיידונגען, לדוגמא; הרה"ח ר' אפרים וויינבערגער ז"ל דער מלמד דרדקי ומרביץ תורה לעדרים רבות בשנים, ווערט נישט אידענטיפיצירט ביים נאמעם נאר אלס א 'ענגלישע לערער', דער באטורער רב זצ"ל ווערט געברעגנט מער ווי איינמאל אן זיין נאמען, די תורה ריזען ר' וועלוול מרגליות און רא"א יודעלעוויטש ווערן געברענגט מער ווי איינמאל אן זייער כבוד הראוי ווי למשל זייער פאסטען און ספרים שחיברו, וכהנה רבות.

אין קורצען, א שוואכע ארבייט פון א זשורנאליסטישען שטאנדפונקט (ווי שוין כמ"פ ארויסגעברענגט בין כותלי מחנינו איז דאס א המשך צום שוואכען אידישען זשורנאליזם בימינו וועלכע פאלט וועכנטליך, און צייגט א הילכיגען אראגאנץ כלפי די לייענער ואכמ"ל אויפדעם האבן מיר דעם אלעמען באקאנטען 'מאשקע וויינען אשכול' viewtopic.php?p=108852#p108852) און א אומפארשעמטע גניבת דעת הבריות וואס וואלט פארשריגען געווארן און סיי וועלכע זשורנאליסטישע און ליטעראטורישען קולטור אלס ביליגע פלעיגעריזם, וכדי בזיון וקצף.

אוועטאר
מיללער
שר עשרים אלפים
תגובות: 25696
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אוקטובער 10, 2012 12:11 pm

היסטאריקער האט געשריבן:קומט נישט אלעס פון BROOKLYN PUBLIC LIBRARY?


די וואך בילדער זענען מער/ווייניגער בילדער וועלכע קומען פון די ברוקלין פאבליק לייברערי, אבער ווי דערמאנט, באזירט אויף די קאלעקציע און אויסשטעל קען מען קלאר זעהן אז זיי האבן עס נישט גענוומען ממקור ראשון (וועלכע איז א היבשער ארבייט כידוע ליודעים) נאר זיך באנוצט מכלי שני פון די בילדער וועלכע זענען שוין דורכגעזופט געווארן און סעלעקטירט געווארן ביינונז אינעם וועלטל.

דער בליק האט נישט דייקא פון בפ"ל, נאר אויך אסאך אנדערע בילדער וועלכע זענען קלאר ערשינען במקור ראשון אין אייוועלט, ואדרבא, ווי שוין געשריבען נייתי ספר וניחזי, ווער עס קען סקענען איין בלאט אויפאמאל, וועלן מיר פרובירען צו צייגען דעם מקור אויף אייוועלט און ווי מגעליך צושטעלן די ראיות אז דאס זענען גענומען געווארן אויסשליסליך פון דא, לית דין צריך בושש.

אוועטאר
derech eretz
שר ארבעת האלפים
תגובות: 4109
זיך איינגעשריבען אום: דאנארשטאג אוגוסט 04, 2011 3:13 pm

תגובהדורך derech eretz » מיטוואך אוקטובער 10, 2012 12:15 pm

מיללער האט געשריבן:
בן בוזי האט געשריבן:ס'איז מיר אונטער געקומען די האנט ביידע בילדער ביכלעך וועלכע פאראייביגן דעם נוא יארקער אמאל, און כ'קען אנווייזן אויף רוב בילדער פון דער "דער בליק" אויסגאבע אז ס'איז נישט גענומען געווארן פון ערגעץ אנדערש ווי פון אונזער אייוועלטל. אמת טאקע אז זיי טוען דערמיט נישט קיין עוולה ווייל דערמיט וואס עס ליגט אויפן פאבליק דאמיין איז עס נחלת הכלל, אבער עס וואלט זיך געפאדערט אז די אלע ארויסגעבער'ס זאלן מיט עטליכע ווערטער ארויסהייבן לשבח פון ווי עס איז גענומען געווארן, איינס פשוט דערפאר, וואס זיי האבן עס פון דא גענומען, און צווייטנס, ווייל אייוועלט איז ווערט אז זי זאל באערט ווערן אין די אידישע פרעסע אלס דער איינציגסטער אידישע נייעס און אינפארמאציע קוואל וועלכע איז הונדערט פראצענטיג ריין אומאפהענגיק, וואס מאכט אונזער וועבזייטל א יחיד בדור סיי אין דעם געביט און אויך אין אנדערע געביטן.


עמו אנכי בצרה, איך האב געזעהן ביידע אויסגאבעס, די עוולה איז אומדערהערט! זיי האבן נאך די חוצפה צו שרייבען אין די פארווארט (זעה בייגעלייגט) אז זיי האבן אריינגעלייגט א גרויסען ארבייט אפירצוזוכען ........רט א קאמיטע וועלכע וועט זיך אפגעבן מיט די טענות עפ"י דיני תורה ולהבדיל ע"פ דינא דמלכותא, צו פארלאנגען די ריכטיגע קאמפענסאציע ולכה"פ עפנטליכע אנטשולדיגונג, פאלגט נאך ווייטערדיגע פרטים.

בנתיים, ווער עס קענען אריינסקענען בלאט נאך בלאט און מיר וועלן פרובירען צושטעלן לינקס צו יעדן בילד, ווי זי איז ערשינען בתוכינו, מיט קלארע ראיות צו די תביעה אז די בילדער קומען נישט פון ערגעץ אנדערש נאר פון דא, וירא הקהל וישפוט.

החותם בצער פה סקרענטאן יצ"ו
בשם מכון מורשת חכמי אמעריקא
הק' יעקב דוב מיללער
מזכיר המכון


.האט די גאנצע אויסגאבע אנליין JDN

אוועטאר
מאנ-יימער
שר עשרת אלפים
תגובות: 10552
זיך איינגעשריבען אום: מיטוואך דעצמבער 14, 2011 10:36 am
לאקאציע: אויפן וועג ארויף

תגובהדורך מאנ-יימער » מיטוואך אוקטובער 10, 2012 12:20 pm

מיללער האט געשריבן: ואדרבא, ווי שוין געשריבען נייתי ספר וניחזי, ווער עס קען סקענען איין בלאט אויפאמאל, וועלן מיר פרובירען צו צייגען דעם מקור אויף אייוועלט און ווי מגעליך צושטעלן די ראיות אז דאס זענען גענומען געווארן אויסשליסליך פון דא, לית דין צריך בושש.
צוגעלייגטע
וויליאמסבורג-אמאל-און-היינט-די-וואך-סוכות-תשעג-4-470x607.jpg
וויליאמסבורג-אמאל-און-היינט-די-וואך-סוכות-תשעג-3-470x607.jpg
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?

ראש הקהל
שר חמש מאות
תגובות: 878
זיך איינגעשריבען אום: מאנטאג יולי 04, 2011 1:36 pm

תגובהדורך ראש הקהל » מיטוואך אוקטובער 10, 2012 12:44 pm

ווי גייט מען צו צום נעילה ביום הקדוש, למען נחדל מעושק ידינו, ווען זיי האבן שוין דעמאלס בדעה אפ'לקח'ענען (מילד גערעד) בלי בושה וכלימה?
קענענדיג פון דו גאר נאנט המוציאם לאור פון דער מאגאזין דער וואך (וואס ס'איז בכלל א חידוש (אדער נישט קיין חידוש!) פארוואס דו רבנים אסערן עס נישט,
בתוך שאר בילדער מאגאזינין), ווייס איך פאר א פאקט, פאקט, אז אלעס קומט קאפי פעסט פון אייוועלט,
און ידידינו הרב מיללער ס'איז ממש א שאד אויף די צייט זיך מיגע צו זיין צו ברענגן הוכחות דערצו, און אויפווייזען מבטן מי יצאו,
ולדעתי הקלושה וואלט מען יא געדאפט נעמן שריט, און טאקע גאר שנעל, צו סטאפן דער אומדערהערטער שלעכקייט פון נישט אפגעבען די ריכטיגע
שכויח און הכרת הטוב ווי עס באדארף צו זיין, פאר דיע העוסקים במלאכת הקודש, און אפיר זוכען די אלע אלטע היסטארישע ווערק

אוועטאר
מיללער
שר עשרים אלפים
תגובות: 25696
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אוקטובער 10, 2012 1:12 pm

שכח מאן יימר, נאט אייך די לינקס צו בילדער פונעם בייגעלייגטען בלעטל:

1. דער בילד פונעם שוחט אין צענטער, גענומען פון דא:
viewtopic.php?p=83091#p83091
האבן זיי פאפערלט צו אידענטיפיצירען אלס הרה"ח ר' יחזקא'לע גליק שו"ב פון קרית יואל

2. דאס אינטערשטע בילד פארנט פון ר' שלום לויפער'ס אתרוגים שילד, קומט פון דאנעט:
viewtopic.php?p=83284#p83284
זיי האבן פארפעלט צו אידענטיפיצערן דאס אינגל רעכטס אלס ר' יוסף הערש לויפער הי"ו, קרעדיט שוועמל:
viewtopic.php?p=85550#p85550
צוגעלייגטע
וויליאמסבורג-אמאל-און-היינט-די-וואך-סוכות-תשעג-3-470x607.jpg

עף.בי.איי.

תגובהדורך עף.בי.איי. » מיטוואך אוקטובער 10, 2012 1:15 pm

אויב וועלן די ארויסגעבער געבן קרעדעט פאר אייוועלט וועט די עולם זיין צופרידן? אדער זאל מען זיך נעמען ליארמען אזש זיי זאלן זיך עפענטליך אנטשולדיגן.

מי חכם
שר ארבעת האלפים
תגובות: 4080
זיך איינגעשריבען אום: זונטאג מארטש 13, 2011 2:02 pm

תגובהדורך מי חכם » מיטוואך אוקטובער 10, 2012 1:40 pm

די לעצטע זאך וואס א אזוי-אויך-שוואכע זשורנאליסטישע אויסגאבע קען אדער זאל טאן, איז געבן קרעדויט פאר זייער גאנצע אויסגאבע צו אפאר אנאנימע ניקס אויף די אינטערנעט. (אדרבה, איך גלייב אז אויב מיללער, בן בוזי, נחמן נתן און אלע אנדערע קאנטריביוטירער צום היסטאריע פארום וועלן באשטיין מען זאל פובליצירן די ארבעט אונטער זייערע נעמען, וועלן די אויסגאבעס גערן מסכים זיין עס צו לייגן. פאר זיי איז נישט קיין נפק"מ ווער דער שרייבער איז).

וואס יא? איך גלייב נישט אז די ניקס האבן פריוואטע תביעות, עס איז נאר דער סייט וואס עס באדערט זיי. אלזא, זאל די אויסגאבע צוריק טון עפעס לתועלת הסייט. אדווערטייזן דא, אדער מנדב זיין זייערע אלטע אויסגאבעס צום אוצר הספרים (איינער געדענקט עס נאך?)
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃

אוועטאר
מיללער
שר עשרים אלפים
תגובות: 25696
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אוקטובער 10, 2012 1:46 pm

מי חכם האט געשריבן:די לעצטע זאך וואס א אזוי-אויך-שוואכע זשורנאליסטישע אויסגאבע קען אדער זאל טאן, איז געבן קרעדויט פאר זייער גאנצע אויסגאבע צו אפאר אנאנימע ניקס אויף די אינטערנעט. (אדרבה, איך גלייב אז אויב מיללער, בן בוזי, נחמן נתן און אלע אנדערע קאנטריביוטירער צום היסטאריע פארום וועלן באשטיין מען זאל פובליצירן די ארבעט אונטער זייערע נעמען, וועלן די אויסגאבעס גערן מסכים זיין עס צו לייגן. פאר זיי איז נישט קיין נפק"מ ווער דער שרייבער איז).

וואס יא? איך גלייב נישט אז די ניקס האבן פריוואטע תביעות, עס איז נאר דער סייט וואס עס באדערט זיי. אלזא, זאל די אויסגאבע צוריק טון עפעס לתועלת הסייט. אדווערטייזן דא, אדער מנדב זיין זייערע אלטע אויסגאבעס צום אוצר הספרים (איינער געדענקט עס נאך?)


פארוואס איז דאס די לעצטע זאך צו טאן? גיי קוק וויאזוי פרעסטיזשפולע שרייבערס למיניהם געבן קרעדיט פאר יעדן שמויגער, אויס מורא צו ווערן געכאפט פון פלעיגעריזם, און אלס רעספעקט צום כלל פון 'גיב קרעדיט ווען עס קומט זיך'.

פרעגסט צו מיללער איז מסכים? פארוואס זאל נישט יענער כאטש נעמען די מיה און פרעגן לכה"פ צו מען איז מסכים? ובכלל, וואס הייסט גערן מסכים צו לייגען, פאר אנדערע שרייבערס באצאלט איר? אפשר באצאלט איר פאר מיללער'ן אויך וויפיל עס קומט אים פאר די טירחא

די ניקס קענען יא האבן פריוואטע תביעות, ווי דערמאנט ווערן די תביעות יעצט באהאנדלט דורך עקספערטן אויף דעם געביט.

אוועטאר
לכתחילה אריבער
שר עשרת אלפים
תגובות: 19989
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מיטוואך אוקטובער 10, 2012 1:46 pm

אפשר איז מיין מיינונג אביסל פאני, אבער איך האב אביסל אריינגעטראכט, און כ'מיין אז איך אליינ'ס וואלט נישט געוואלט זעהן א מקור אין א אויסגאבע פון קיין שום אינטערנעט סייט, אפגעזעהן צו עס איז פון א אויסגעהאלטענע פלאץ ווי אייוועלט, אדער א פלאץ וואס אין רוח חכמים נוחה, צוליב עטליכע סיבות, קודם דארף א קליין אינגעל אדער בחור בכלל נישט וויסען און באקומען א רייץ צו ניצן אינטערנעט, און אפי' א בעה"ב וואס קוקט נישט קיין אינטערנעט, באקומט א רייץ צו זעהן "נאך גיטע סחורה" אא"וו.

נאר וואס יא? קען זיין עס דארף זיין א קאסע, ווי אזא אויסגאבע וועט אריין צאלן געלט פארן ניצן אונזערע סחורה, און די געלט וועט גענוצט ווערן אויף צו פארבעסערען אונזער וועלטעל.

(נ.ב. איך שרייב דאס אלס איינער וואס האלט, אז געוויסע האבן שוין געניצט סחורה וואס איך האט דא ארויף געלייגט.)
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש

אוועטאר
מיללער
שר עשרים אלפים
תגובות: 25696
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אוקטובער 10, 2012 1:51 pm

לכתחילה,

צו שרייבען אינעם פארווארט די ווערטער 'מיר ווילען זיך באדאנקען פאר די חשובע חברי המערכת פון אידישע וועלט וועלכע האבן בייגעשטייערט פיל בילדער און אינפארמאציע צום היינטיגען נומער, תשוח"ח להם וימלא ה' כל משאלות לבבם לטובה' וכדו' זעה איך נישט קיין שום פחיתות הכבוד, דער אינטערנעט ברויך נישט דערמאנט ווערן.

ובכלל, דאס איז שוין די צווייטע פאזע, וואס טוט זיך מיט פשוט זיך פארבינדען מיט די שרייבערס און בעטן/מעלדן צו נעמען די בילדער 'אן געבן קרעדיט'?

מי חכם
שר ארבעת האלפים
תגובות: 4080
זיך איינגעשריבען אום: זונטאג מארטש 13, 2011 2:02 pm

תגובהדורך מי חכם » מיטוואך אוקטובער 10, 2012 1:56 pm

אז די ניקס האבן פריוואטע תביעות, איז דאס עפעס אנדערש. (הגם איך גלייב נישט אז עפ"י תורה איז דא דערביי א טענה, אבער קען זיין לעגאל יא).

זינט מילער האט נישט געטון די ארבעט פאר די אויסגאבע, קען ער נישט פארלאנגען צו באקומען באצאלט ווי א שרייבער. (קרעדיט, לייגן אויף זיין נאמען, יא).

א פרעסטיזשפולער שרייבער קען זיך יא ערלויבן צו געבן קרעדיט, ווייל ער קען אליינס אויך. אבער ווען א אויסגאבע שרייבט בפירוש אז די גאנצע סחורה קומט פון א וועבסייט, דאן הייבט עס אן צו טראגן א פנים ווי די "אידישע געדאנק" אין די שוואכע צייטן...
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃

אוועטאר
לכתחילה אריבער
שר עשרת אלפים
תגובות: 19989
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מיטוואך אוקטובער 10, 2012 1:56 pm

מיללער האט געשריבן:לכתחילה,

צו שרייבען אינעם פארווארט די ווערטער 'מיר ווילען זיך באדאנקען פאר די חשובע חברי המערכת פון אידישע וועלט וועלכע האבן בייגעשטייערט פיל בילדער און אינפארמאציע צום היינטיגען נומער, תשוח"ח להם וימילה ה' כל משאלות לבבם לטובה' וכדו' זעה איך נישט קיין שום פחיתות הכבוד, דער אינטערנעט ברויך נישט דערמאנט ווערן.

ובכלל, דאס איז שוין די צווייטע פאזע, וואס טוט זיך מיט פשוט זיך פארבינדען מיט די שרייבערס און בעטן/מעלדן צו נעמען די בילדער 'אן געבן קרעדיט'?

"מיר ווילען זיך באדאנקען פאר די חשובע חברי המערכת פון אידישע וועלט וועלכע האבן בייגעשטייערט פיל בילדער און אינפארמאציע צום היינטיגען נומער"
דאס איז א געוואלדיגע איידיע! איך הייב הענט!
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש

ולא מיין
שר חמש מאות
תגובות: 840
זיך איינגעשריבען אום: פרייטאג מאי 04, 2012 3:10 pm
לאקאציע: בין שחו''ר לשכו''ר

תגובהדורך ולא מיין » מיטוואך אוקטובער 10, 2012 1:57 pm

מיללער האט געשריבן:
ולא מיין האט געשריבן:איך פארשטיי באמת נישט מה כל הרעש, היינט איז אן אינטערנעט עפאכע. אסאך בילדער פון אייוועלט, קומט פון אנדערע סייט'ס אויכעט, נו יעדעס מאל דארף מען שרייבן די אריגינאלער מקור? און אפשר דארף מען צושרייבן די נעמען פון די ניק'ס אויכעט?? אין מיינע אויגן, וואס ס'געפונט זיך אויף אינטערנעט איז א רשות הרבים, און ס'איז ווי מופקר מאליו, און יעדער איז ערלויבט אראפצונעמען דערפון.


באמת, מענטשליך איז אז ווען איינער נעמט סיי וועלכע אינפארמאציע פון א סייט, צו א בילד אדער אן ארטיקל, אז מ'זאל טאקע יא שרייבען די מקור, האומר דבר בשם אומרו מביא גאולה לעולם, מ'זעהט טאקע אנדערע וואס זענען מקפיד דערויף ותבא עליהם ברכת טוב.

אבער דא איז די רעדע פון אסאך מער פון דעם, א גאנצע דיקע אויסגאבע, מיט בילדער וועלכע זענען 95-100 פראצענט קענומען ממקום אחד, נישט א קאלעקציע פון בילדער געזאמעלט בקובץ על יד פון דא און דארט, נאר זיך באנוצט מיט א פולע קאלעקציע כשלחן הערוך אן דאס מינדענסטע קרעדיט, און נאך שרייבען אז דאס ווערט פארעפנטליכט דאס ערשטע מאל?

והשנית, אז מ'רעדט שוין, האבן זיי בכלל געמאכט זייער א שוואכע ארבייט מיט די בילדער אנטשיידונגען, לדוגמא; הרה"ח ר' אפרים וויינבערגער ז"ל דער מלמד דרדקי ומרביץ תורה לעדרים רבות בשנים, ווערט נישט אידענטיפיצירט ביים נאמעם נאר אלס א 'ענגלישע לערער', דער באטורער רב זצ"ל ווערט געברעגנט מער ווי איינמאל אן זיין נאמען, די תרוה ריזען ר' וועלוול מרגליות און רא"א יודעלעוויטש ווערן געברענגט מער ווי איינמאל אן זייער כבוד הראוי ווי למשל זייער פאסטען און ספרים שחיברו, וכהנה רבות.

אין קורצען, א שוואכע ארבייט פון א זשורנאליסטישען שטאנדפונקט (ווי שוין כמ"פ ארויסגעברענגט בין כותלי מחנינו איז דאס א המשך צום שוואכען אידישען זשורנאליזם בימינו וועלכע פאלט וועכנטליך, און צייגט א הילכיגען אראגאנץ כלפי די לייענער ואכמ"ל אויפדעם האבן מיר דעם אלעמען באקאנטען 'משאקע וויינען אשכול' viewtopic.php?p=108852#p108852) און א אומפארשעמטע גניבת דעת הבריות וואס וואלט פארשריגען געווארן און סיי וועלכע זשורנאליסטישע און ליטעראטורישען קולטור אלס ביליגע פלעיגעריזם, וכדי בזיון וקצף.


הרב מיללער, איך בין איינשטימיג אז מצד די אויסגאבע איז עס פארפירעריש, נישט עטיש, און ווייזט אויף שוואכקייט. אבער מצד אייוועלט, זעה איך נישט אז זיי זאלן קענען האבן א תביעה. כאטש איך פארשטיי אז ס'באדערט און טוט וויי ווען מ'זעט אז זייער ארבעט ווערט אויסגעכאפט און צעשמירט דורך אנדערע וועלכע לעקן גאר אפ א גוטן ביינדל, אבער דאס איז דער אינטערנעט עפאכע. איך גלייב נישט אז מדיני תורה אדער להבדיל מדיני דמלכותא איז דא א תביעה דערויף. אינטערנעט איז א רשות הרבים, וכל הרוצה ליטול יוכל לבא וליטול.
נזכירה דודיך מיין מישרים אהבוך. שכור''ה אני ונאוה. (שה''ש א', ד'-ה').

אוועטאר
גרויזאמער
מ. ראש הקהל
תגובות: 3584
זיך איינגעשריבען אום: דאנארשטאג יולי 06, 2006 4:03 pm
לאקאציע: אויף די באלעמער שטיגן

תגובהדורך גרויזאמער » מיטוואך אוקטובער 10, 2012 2:01 pm

לדעתי הערשט דא א מיספארשטענדעניש, איך האב נישט קיין צייט צופיל מאריך צו זיין יעצט. אבער עס קוקט אויס ווי דער עולם איז אזוי "אין" אייוועלט אז מען פארגעסט וואס א אויסגאבע דארף דורכגיין ווען זיי זעהן דא אינטערסאנטע בילדער אדער טעקסט וואס זיי ווילן מעגליך קאפירן.

ווען מען לייגט זיך אביסל אריין אין די שיך פונעם אויסגאבע ווערט פארענטפערט א היבש ביסל פראגען.

קודם כל איז נישטא קיין שום הסבר וואס אייוועלט איז, (יא, איך ווייס אז גאנץ כלל ישראל ווייסט וואס עס איז, אבער דאך...). ווען עס איז דא ווען אויבן א פשוטע לינק פאר פרעמדע און ערשטמאליגע באזיכער וואלט מען זיך איינגעשפארט פיל עגמת נפש.

כאטש עס איז זייער פשוט, וועט א אויסגאבע אין די געיאגטע מינוטן נישט צוזאמענשטעלן אז דא רעדט מען פון ערשטמאליגע זאכן וואס היימישע אינגעלייט (וואס וועלן זעהן די אויסגאבע) האבן זיך געפלאגט צוזאמענצושטעלן. די ערשטע מחשבה וואס קומט ארויף איז "וואס הייסט? עס איז אויפן אינטערנעט!!! אהער דערמיט".

און אויב איינער פארשטייט נאך אלץ נישט: ווען מען זוכט אויף גוגל א בילד, און מען טרעפט עפעס א גוטס, וואס איז די ערשטע רעאקציע? "אהער דערמיט"!!! זיי וועלן מיך קיינמאל נישט טרעפן, ווער גייט מיך אנקלאגן?

נאר וואס? דא אויף אייוועלט, ווייל מען איז אזוי היימיש, און מען ווייסט וויאזוי דיסקאסיעס ווערן צוזאמענגשטעלט, ווי דאס גייט בכלל נישט פון איין מינוט אויפן צווייטן, פארשטייט מען דאס נישט.

אבער דער פרעמדער ווייסט דאס נישט!

און בכלל, לאמיר זאגן אז דער אויסגאבע וויל זיין ערליך, און זיי ווילן זיך פארבינדן מיט איינעם. איז דא דא ערגעץ אין פאבליק א אימעיל אדרעס? איך האב יעצט געזוכט און נישט געפינען! קען זיין איך האב נישט גוט געזוכט, אבער אז איך האב עס נישט געפונען וועט עס דער פרעמדער באזיכער זיכער נישט געפינען! איז וואס פארלאנגט איר? ער זאל אין זיינע געיאגטע מינוטן מאכן א ניק, און ווערן עפראווד און נאכדעם געוואויר ווערן ווער עס איז א מנהל?

בקיצור, הוא הדבר אשר דיברנו, אייוועלט איז אויסגעשטעלט אז מען דארף אלעס אליינס פארשטיין. אבער נישט יעדער פארשטייט אז מען דארף אלעס אליינס פארשטיין... און ווי דערמאנט קוקט דאס דער פרישער באזיכער אן אזויווי איר קוקט אן גוגל. מען פרייט זיך זיך אז מען האט עפעס געטראפן און מען נעמט עס, אן צופיל טראכטן.

ווען מען נעמט זיך די פאר מינוט און מען מאכט א פשוטע הקדמה פארן פרישן באזיכער, א אימעיל אדרעס וואו מען קען זיך צו יעדע צייט פארבינדן צו לעבדעדיגע מענטשן, א ווארענונג און בקשה אז אלעס דא איז קאפירייט און עס דרייען זיך דא פילע היימישע מענטשן וואס וועלן זיכער באמערקן די אומרעכט, וואלט דאס אלעס פארמיטן געווארן.
איינגעשריבענע באנוצער וועלכע האבן באדאנקט די תגובה:
קרעמער | צום זאך | צייטליך | גרויזאמער | וויכטיג מאכער | אויפריכטיג | מאשקע | bloomberg4mayor | arender

לחץ כאן למסור תודה על תגובה זו | דווח על תוכן פגעוני

אוועטאר
שנאפס
שר עשרת אלפים
תגובות: 15203
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מיטוואך אוקטובער 10, 2012 2:17 pm

די מיטארבעטער פון "א בליק" ווייסן שוין איינמאל וויזוי אידישע וועלט ארבעט, חוץ פון דעם קען מען אייביג טרעפן וויכי אין זיין יוקאן
kraitchmah עט גימעיל

עף.בי.איי.

תגובהדורך עף.בי.איי. » מיטוואך אוקטובער 10, 2012 2:21 pm

גרויזאמער האט געשריבן:ווען מען נעמט זיך די פאר מינוט און מען מאכט א פשוטע הקדמה פארן פרישן באזיכער, א אימעיל אדרעס וואו מען קען זיך צו יעדע צייט פארבינדן צו לעבדעדיגע מענטשן, א ווארענונג און בקשה אז אלעס דא איז קאפירייט און עס דרייען זיך דא פילע היימישע מענטשן וואס וועלן זיכער באמערקן די אומרעכט, וואלט דאס אלעס פארמיטן געווארן.

;l;p-

מעלות-חברינו
שר העשר
תגובות: 48
זיך איינגעשריבען אום: מיטוואך ינואר 12, 2011 12:05 pm

תגובהדורך מעלות-חברינו » מיטוואך אוקטובער 10, 2012 3:43 pm

די גמרא זאגט, כידוע, לאו עכברא גנב אלא חורא גנב. די גמרא זאגט אויך, "פירצה קורא לגנב", כידוע.

און די וועלט זאגט, "וויין נישט איבער אויסגעגאסענע מילך".

ווען אייוועלט זאל ווען זיין אן אפיציעלע וועבסייט, פון אן אפיציעלע קאמפאני, מיט א טעלעפאן נומער, אדרעס און לעגאלע נאמען, וואלט דאס געוויינעריי דא אויך געווען איבער אויסגעגאסענע מילך. אבער מען וואלט כאטש געקענט שרייען אויפ'ן אויסגיסער.

דער ניו יארק טיימס, ניוסדעי, וואל סטריט זשורנאל, זענען מאכטפולע צייטונג פירמעס, און זיי מאכן שטארקע זיכערהייט באווארענונגען מען זאל נישט קענען גנב'נען, און מען קען זיך פארשטעלן אז זיי האבן אייזן שטארקע קאפירייט פאליסיס וואס זיי פירן מסתמא שטרענג אויס. און פונדעסטוועגן ווען קענען זיי אפט בלויז שטיין הילפלאז איבער זייערע אינטערנעט סייטס.

כל שכן וכל שכן, אייוועלט וואס האט נישט קיין טאטע און קיין גואל הדם, עס איז ניטאמאל א סייט וואס שטעלט צו סיי וועלכע סערוויס, עס איז בלויז א "בלאג", וואס איז פאקטיש א מקום הפקר לכל וואו יעדער קען זיך אויסגעבן זיינע געדאנקען - און פאר אומזיסט, אומבאצאלט - וואס שרייט מען דא? אויף וועמען שרייט מען דא?

ווען איינער שרייבט דא אן ארטיקל איז ער זיך אליין שולדיג, ער גיסט אויס זיין אייגענע מילך, און נאכדעם זאל ער נישט קומען שרייען אויף די קאץ וואס טרינקט דאס אויס.

די ניקס וואס פארפירן מען זאל געבן קרעדיט פאר אייוועלט, ווי אזוי ווילן זיי אז יענער זאל אפן ארויסשרייבן אז ער האט דאס גענומען פון א וועבסייט ווען דער ניק אליין האט נישט קיין גאטס צו דערציילן ברבים אז ער איז אן אפיציעלער שרייבער אויף אינטערנעט בלאגס און ער איז דער שרייבער אונטער דעם ניק?

דא זענען דא שרייבער וואס זענען אויסערארדענטליך טאלאנטפול און ידענים נפלאים (מיללער וכו' ), איך בין זיכער אז אזעלכע יונגעלייט, אדער בעלי בתים (איך האב נישט קיין ידיעה קלושה ווער די שרייבער דא זענען) געבן אויס זייערע טאלאנטן אויך ערגעץ אנדערש. איך האב נישט קיין ספק אז אזעלכע אינהאלטסרייכע יונגעלייט ווערן פארבעטן צו האלטן דרשות, צו שרייבן ארטיקלען אד"ג.
וואלטן זיי געהאט קוראזש צו דערציילן ביי א דרשה ברבים, אדער אין אן ארטיקל אין סיי וועלכע אויסגאבע, אז "איבער דעם ענין איז אין כאן מקומו להאריך, אבער אני הקטן שרייב אויף אייוועלט און דארט האב איך שוין באהאנדלט זייער ברייט דעם ענין ועיי"ש"?

די אלע ניקס - במחילת כבודם, ווייל איך צייל זיך אויך פון זיי, נאר איך פארפיר נישט דא - פירן א שטיקל געהיימע סארט לעבן (לייען: דאבעל לייף), זיי שפירן זיך זיכער פיל באקוומער צו זיין אקטיוו אנאנים, אונטער א ניק נאמען, ווי אויסער זיינע געציילטע חברים ווייסט קיינער נישט ווער ער איז, און ווייטער גיין אין שוהל אריין מיט א גלייכן רוקן.

זענען אבער געקומען די אויסגאבעס און געמאכט א גוטן חשבון, נאך כינוס כלל ישראל איז אינטערנעט באנוץ זייער באגרעניצט געווארן ביים חרדישן ליינער קרייז, און דא קומט איינער סטופיד וואס אנשטאט מאכן געלט פון שרייבן, שרייבט ער אומזיסט אויף א בלאג וואס א פאר הונדערט מענטשן ליינען. איך וועל דאס קאפיען און פעיסטען אין מיין אויסגאבע און טויזנטער מענטשן וועלן דאס ליינען, און לאז יענער שרייבער שרייען קאזאק הנגזל און זיך אויסבייזערן די גרינע גאל פאר זיינע עטליכע הונדערט נאכפאלגער אויף אייוועלט, און מיינע טויזנטער ליינער וועלן ניטאמאל וויסן דערפון.

איך בעט אנטשולדיגונג פון אלע ניקס אויב איך האב געשריבן צו שארף. אבער איך מיין עס איז צייט זיך צו עפענען די אויגן. מען קען זיך ענדזשויען אויף אייוועלט ווילאנג מען וויל און וויפיל עס גייט. אבער געדענקען אז דא איז א רשות הרבים אן קיין שום גדר, אפילו נישט קיין עירוב.

אוועטאר
דער תהילים איד
שר ששת אלפים
תגובות: 6353
זיך איינגעשריבען אום: זונטאג יולי 26, 2009 9:54 pm

תגובהדורך דער תהילים איד » מיטוואך אוקטובער 10, 2012 3:50 pm

מיין מיינונג איז אז עס איז באמת נישטא אויף וועמען צו שרייען, מטעמים המבוארים, און דער סומאטאכע צייגט בלויז אויפן נידריג-דשורנאליסטישן צושטאנד פון אונזערע צייטונגען, בילדער-העפטן און אויסגאבעס, וועלכע שפורן זיך בכלל נישט שלעכט צו נעמען יענעמ'ס כמעט-פארטיגע ארבעט און אביסל גראפירן, והנה-און-אט, מהאט "אריינגעלייגט גרויס מיה און פלאג"...
רבינו שאג בקול גדול וגו'

אוועטאר
מיללער
שר עשרים אלפים
תגובות: 25696
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך אוקטובער 10, 2012 4:03 pm

הרב מעלות,

נניח אז איר זענט כשר גערעכט און דאס געוויין איז אויף אויסגעגאסענע מילך, בארעכטיגט דאס די אויסגאבעס אקט, אדער איר זאגט נאר אז דאס איז א פאקט צו וועלכע מיר ברויכען זיין געפאסט?

מעלות-חברינו
שר העשר
תגובות: 48
זיך איינגעשריבען אום: מיטוואך ינואר 12, 2011 12:05 pm

תגובהדורך מעלות-חברינו » מיטוואך אוקטובער 10, 2012 4:05 pm

תהילים איד, מיט דעם בין איך מסכים צו דיר 100 פראצענט. אבער פלעיג'עריזם האט שוין פאסירט אפילו ביי אזא ריז ווי דער ניו יארק טיימס און גנבים פונקציאנירן שוין מדור המבול. נאר אנבאלאנגט אייוועלט, האבן חז"ל געזאגט פירצה קורא לגנב.

אוועטאר
ירוחם
שר האלפיים
תגובות: 2257
זיך איינגעשריבען אום: זונטאג אפריל 08, 2012 11:37 pm

תגובהדורך ירוחם » מיטוואך אוקטובער 10, 2012 5:33 pm

שנאפס האט געשריבן:די מיטארבעטער פון "א בליק" ווייסן שוין איינמאל וויזוי אידישע וועלט ארבעט, חוץ פון דעם קען מען אייביג טרעפן וויכי אין זיין יוקאן

ס'האט מיך גענומען איבער א יאר פון ווען כ'האב אנדעקט אייוועלט ביז כ'האב אויסגעפיגערט וואס פונקטליך איז וויכי'ס ראלע דא, און אפילו דאס אויך נאר ווייל כ'האב באקומען א שטיקל הסבר פון אן "אינסיידער".

איך האלט אזויווי גרויזי. לאמיך אייך פרעגן, ווען איינער גייט אריין איןא בית מדרש און הענגט אויף אין פאליש אפאר אלטע בילדער, און ס'גייט "א בליק" און דרוקט עס וואלט מען אויך געקענט האבן טענות? די חוצפה איז נישט די עצם לקחנען, ווייל דא איז א פובליק שול/פאליש/בית שני וכו'. די חוצפה איז אז זיי שרייבן אז דאס איז זייער ארבעט. ווען זיי פילן אן א מויל מיט וואסער און געבן עס ארויס אן א פארווארט וואלט מען נישט געקענט האבן טענות אויף זיי.
ביטע האלטן די פראפאגאנדע צו א מינימום, אויב מעגליך. ~ שלמה הילדעסהיימער

Gevald Geshrigen
שר האלפיים
תגובות: 2896
זיך איינגעשריבען אום: דאנארשטאג דעצמבער 29, 2011 10:41 pm

תגובהדורך Gevald Geshrigen » מיטוואך אוקטובער 10, 2012 6:18 pm

מהיום והלאה אויף די מעין פעיזש ארויפגעשריבן גרויס ״כל הזכויות שמורות נאכמאכן/דאונלאודען פארבאטן״


צוריק צו “היימישע אויסגאבעס און נייעס קוועלער”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 9 געסט