עד שתגיע למקומו, ממש ממש ממש

געשמאקע ארטיקלן און בילדער וכדו'

די אחראים: אחראי, געלעגער

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

עד שתגיע למקומו, ממש ממש ממש

תגובהדורך קרעמער » זונטאג מאי 31, 2009 1:14 pm

איך האב היינט געהערט אן עפיזאד וואס ווארפט א שטארקע שטראל אויף די הייליגע ווערטער פון חז"ל (אבות פ"ב מ"ד) אל תדין אל חבירך עד שתגיע למקומו, וואס ווי די מפרשים טייטשן, באדייט דאס אז איין מענטש קען קיינמאל נישט אנקומען צו זיין חבר'ס פלאץ, און דערפאר איז נישט מעגליך מען זאל יענעם קענען דן זיין אויף א זאך וואס ער האט געטאן.

משה פייגנבוים איז א מיטגליד אין איינע פון די געזאנג גרופעס וואס האבן זיך די לעצטע יארן געווידמעט, דאס זענען אזעלכע חבורות פון זינגער וואס קומען אראפ צו מסיבות און שמחות אויפן פארלאנג און לויטן טייסטער פון די בעלי בתים וואס רופן זיי.

האט זיך געמאכט אמאל אז משה מיט זיינע קאלעגעס זענען געלאדענט געווארן צו א בר מצוה אין א פרעכטיגע זאל אין די אומגעגענטער פון ניו יארק סיטי. נאכדעם וואס זיין גרופע האט זיך באקוועם געמאכט ארום איינע פון די קיילעכיגע טישלעך ביים עק פון זאל, האט זיך צוגעשארט צו זיי דער פאטער פונעם בר מצוה בחור, אייגנטליך דער וואס האט זיי גערופן מהנה צו זיין די געלאדענטע געסט ביי זיין שמחה.

ער האט פארלאנגט פון זיי אריינצוזינגען ווי נאר דער בחור'ל הייבט אן זיין פשט'ל, צוגעבנדיג א מאדנע זאץ: איך וועל זיך אויפשטעלן און פארלאנגען מען זאל נישט אריינזינגען, אבער איר זאלט ווייטער אנגיין מיט אייערע געזאנגען!

משה האט פארשטאנען אז דער טאטע וויל דא באשיצן זיין בר מצוה בחור'ל וואס האט עטוואס א שוואכערן קעפל און וועט מעגליך נישט קענען איבערזאגען דעם גאנצן איינגע'חזר'טן פשטל, פון די אנדערע זייט וויל ער דאך ארויסווייזן געטריישאפט פארן זוהן וואס האט זיך אזוי געמוטשעט צו קענען די דרשה, דערפאר וועט ער מאכן דעם אנשטעל ווי גלייך עס שטערט אים דאס וואס מען זינגט אריין און מען שטערט זיין זוהנ'דל פון אויסזאגען דעם פשט'ל.

במשך די גאנצע סעודה האבן חברת "מצלצלים" הערליך שיין אנגעפירט די שירה וזמרה, דערקוויקנדיג אלע אנוועזנדע וואס האבן דערביי איינגענעם געגעסן די רייכע מאלצייט און פארברענגט מיט משפחה און גוטע פריינט. ביז... עס איז געקומען דער ערווארטעטער מאמענט פון די בר מצוה דרשה. דער טאטע שטעלט זיך אויף און פארלאנגט אויסדרוקליך: איך וויל בעטן מען זאל נישט אריינזינגען אינמיטן די פשט'ל...

דער בחור'ל שטעלט זיך אויף, און נאך איידער ער עספיהט געהעריג ארויסצוזאגען אויף וועלכע מסכתא די פשט'ל איז געווידמעט, הערט מען שוין דעם הילכיגן אפקלאנג פון "וראה בנים לבניך" דורך חברת "מצלצלים" מיט אונזער משה פייגנבוים אלס אונטערברומער.

דאן האט עס פאסירט. איינער פון די פעטערס האט זיך אויפגעשטעלט מיט איין אימפעט און גענומען מאכן באנומענע קולות אין ריכטונג פון די זינג-טישל: איר חברה "מצלצלים"! וואו נעמט איר די פרעכהייט אריינצוזינגען אינמיטן א פשט'ל נאך אזא פערזענליכע בקשה פונעם אבי הבן? איך האב שוין לאנג געוואוסט אז איר זענט נישט קיין געטרייע קאפעליע און מען טאר אייך נישט רופן צו קיין שמחה...

אזוי איז יענער אנגעגאנגען מיט שימף-רייד און זידל-ווערטער אויפן חשבון פון די טייערע אינגעלייט וואס האבן ניטאמאל געמעגט עפענען זייער מויל און ענטפערן אז דאס גערעכטיגקייט ליגט ביי זיי, און זיי האבן אלעס געטוהן אויפן דירעקטן באפעל פונעם בעל שמחה אליין.

דאס איז א נייע באגריף און א שטארקע דערהער וואס אנבאלאנגט די אויבנדערמאנטע משנה, עס איז כדאי איבערצו'חזר'ן און גוט געדענקן אויף למעשה.

אוועטאר
ווארום
שר חמש מאות
תגובות: 833
זיך איינגעשריבען אום: מיטוואך אוקטובער 24, 2007 11:40 am

תגובהדורך ווארום » זונטאג מאי 31, 2009 1:27 pm

די משל איז גוט,
נאר די חברה מצלצלים האבן דאס געדארפט זעהן פון פאראויס.

אביסל שכל!

ווייסעך וואס
שר חמש מאות
תגובות: 563
זיך איינגעשריבען אום: מיטוואך נובעמבער 05, 2008 7:06 pm

תגובהדורך ווייסעך וואס » זונטאג מאי 31, 2009 1:50 pm

איך וואלט געבעטן פונעם פאטער א עקסטער אפצאל פאר דעם סערוויס וואס ער האט זיך באשטעלט, אויב עס האט אפי' א פרייז.
דער געטרייער פעטער איז אומשטאנד דעי גאנצע ביזנעס אוועקצולייגן, אויב איז ער נישט בארוהגט געווארן דארט אויפן פלאץ נאכן זיך אויס געבן מיט זיינע שומף רייד, ווער וויייסט וואס נאך שריט ער וועט טוען קעגן די חברה מצלצלים?
תכלית הידוע שלא נדע

אוועטאר
הערשי קניהויז
שר חמש מאות
תגובות: 837
זיך איינגעשריבען אום: מיטוואך דעצמבער 24, 2008 1:23 pm

תגובהדורך הערשי קניהויז » זונטאג מאי 31, 2009 1:55 pm

יישר כח קרעמער.

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » זונטאג מאי 31, 2009 2:47 pm

WOW, א מורא'דיגע מעשה, יישר כח.

אוועטאר
געלעגער
שר עשרת אלפים
תגובות: 11896
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » זונטאג מאי 31, 2009 2:49 pm

דעם פעטער וואלט איך געוואלט אביסעל דא אפיר נעמען.
איינער האט'וך געפרעגט??
די צאלסט דא צי אז די שרייסט אזוי??
ביי יעדע פאמיליע מאכט זיך אזאנע אימבא'חנ'טע פעטערס וואס העלען אריין רעדען אין שרייען איבעראל אחוץ ווי מען דארף זיי,
די טאטע וואס צאלט פאר מצלצלים איז דא, אין אז ער האט א פראבלעם קען ער זיך אפרעכענען מיט זיי, דיר האט קיינער נישט געפרעגט!! זיי מוחל זעצט דיך אראפ, פיץ אפ דיין בארד פין די שטיקעל קאמפאט וואס ס'איז שטעקען געבליבען דארט, אין שא שטיל! טענקס

קרעמער, טאקע א וויכטיגע נקודה וואס מ'דארפ האלטען אין איין חזר'ן
ש'כוח

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » זונטאג מאי 31, 2009 2:58 pm

יישר כח אלע בא'שכוח'ערס, אבער דו 'געלעגער' האסט מיך אויפגעפלאצט.

אוועטאר
יגרסהדותא
מ. ראש הקהל
תגובות: 3682
זיך איינגעשריבען אום: מאנטאג יולי 03, 2006 10:14 am
לאקאציע: קאר וואש

תגובהדורך יגרסהדותא » זונטאג מאי 31, 2009 4:04 pm

קרעמער; האסט שוין געענדיגט דיין תגובה? איך וויל נישט אריינזינגן אינמיטן..

יש"כ

3x0
המכונה 'טריאו'
תגובות: 9146
זיך איינגעשריבען אום: מיטוואך יוני 28, 2006 11:29 am
לאקאציע: חבוי

תגובהדורך 3x0 » זונטאג מאי 31, 2009 4:25 pm

שכוח קרעמער פאר די עפיזאד.

געלעגער, איך לאך צוזאמען מיט קרעמער...

אוועטאר
דארפסמאן
שר ששת אלפים
תגובות: 6442
זיך איינגעשריבען אום: דינסטאג נובעמבער 14, 2006 2:52 pm
לאקאציע: אין דארף

תגובהדורך דארפסמאן » זונטאג מאי 31, 2009 4:43 pm

דאס איז זייער א גיטע לעקציע אבער מען פארגעסט בשעת מעשה,

איך פארשטיי די פעטער, ער האט מסתם געהאט א שווערע טאג און ארבעט אין זיך אויסגעגעבען אויף די חברה מצלצלים
הכו"ח ר' אברהם דארפסמאן שליט"א
פה ב'דארף יצ"ו -

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג מאי 31, 2009 4:51 pm

א מערקווירדיגער עובדא, ממש ממש ממש.
שוש אשיש בה', תגל נפשי באלקי! (ישעיה סא)

אוועטאר
יאנאש
שר שמונת אלפים
תגובות: 8292
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » זונטאג מאי 31, 2009 4:51 pm

אן אמעיזנג מעשה איבערן נושא פון דן זיין לכף זכות, שכוח קרעמער.

אוועטאר
פאטאקי08
שר עשרת אלפים
תגובות: 11195
זיך איינגעשריבען אום: דאנארשטאג אוגוסט 09, 2007 1:30 pm
לאקאציע: בקרוב אין וואשינגטאן

תגובהדורך פאטאקי08 » זונטאג מאי 31, 2009 6:33 pm

קרעמער

עפעס הייבסטו אן צי רעדן פון איינעם פייגענבוים און...
קוקט אויס די ווילסט נישט ענדיגען די מעשה צי וואס...
אל תדין חברך... ממש... עד שתגיע.... האט נאך א טייטש ביז די וועסט פארשטיין...

אוועטאר
וויכטיג מאכער
שר עשרים אלפים
תגובות: 23452
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » זונטאג מאי 31, 2009 6:55 pm

וואס האב איך נאך צו זאגן?.. די מעשה רעדט פון זיך אליין..

אה קרעמער, די וועג וויזוי דו האסט די מעשה געפארבט, איז הערליך... ממש ווי א עקטער..

טענק יו..
הכונו ל'מעמד אדיר איום אסיפת ה''ניקס'' לטוהר המחנה!!!

וואס
שר חמש מאות
תגובות: 648
זיך איינגעשריבען אום: מיטוואך יוני 20, 2007 8:57 am

תגובהדורך וואס » זונטאג מאי 31, 2009 9:21 pm

דארפסמאן האט געשריבן:דאס איז זייער א גיטע לעקציע אבער מען פארגעסט בשעת מעשה,

איך פארשטיי די פעטער, ער האט מסתם געהאט א שווערע טאג און ארבעט אין זיך אויסגעגעבען אויף די חברה מצלצלים


יא דו פארשטייסט אים ??? זיי מסביר ביטע ווי אזוי דו פארשטייסט א נערוועזן נודניק וואס שרייט אויף מענטשן.

קרעמער דאס איז א געוואלדיגע מעשה.

אוועטאר
לוסטיג
שר האלף
תגובות: 1138
זיך איינגעשריבען אום: דינסטאג דעצמבער 23, 2008 1:56 pm

תגובהדורך לוסטיג » זונטאג מאי 31, 2009 11:41 pm

געוואלדעניא!! מורעדיג מודררררעדיגג!
אבער צום סוף לאכן מיר דיר אויס, הא..הא..הא..חחח...

אוועטאר
cano
שר האלפיים
תגובות: 2322
זיך איינגעשריבען אום: מיטוואך יוני 28, 2006 5:25 pm

תגובהדורך cano » מאנטאג יוני 01, 2009 1:49 am

העי וואס: די הערסט נישט וואס קרעמער זאגט עד שתגיע ממש ממש ממש, און יגר עס פאסט נישט פון דיר מען האט דאך באצאלט זאלסט יא אריינזינגען.

און וויכי קים שרייב מיר יעצט אז איך זאל נישט דן זיין יגר'ן עד שאגיע למקומו ממש....
דיסקליימער: ווען איך מאך א ספעלינג טעות, איז דאס נישט דיירעקט, עס פשוט א טעות.

אוועטאר
סאכדעס
שר עשרים אלפים
תגובות: 20443
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מאנטאג יוני 01, 2009 6:18 am

או הא, קרעמער, כ'קלער טאקע, אז דאס איז ממש פשט אין די משנה, סר'א חידוש.
כאבעס ממש געליינט, און ממש ממש ממש הנאה געהאט.

אוועטאר
bailout
שר האלפיים
תגובות: 2208
זיך איינגעשריבען אום: דינסטאג נובעמבער 25, 2008 10:27 am

תגובהדורך bailout » מאנטאג יוני 01, 2009 8:02 am

די מערסטע האב איך הנאה געהאט פון קרעמער, אבער איך האב אויך הנאה געהאט פון די טאטע וואס האט זיכער געמאכט פון פאראויס אז ס'זאל אויסקוקן גוט פארן עולם ווי כאילו זיין אינגל קען גוט, ער דערמאנט מיר פון די יונגעלייטליך מיט געלט, וואס איינמאל זיי האבן געלט האבן זיי שוין תורה וגדולה במקום אחד....

אוועטאר
farshlufen
שר עשרים אלפים
תגובות: 22101
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג יוני 01, 2009 8:13 am

קרעמער, א דאנק פאר די מוסר דרשה, כ'קלער וויפל מאל טראכט מען קיין צוויי איידער מען זאגט א ווארט און למעשה זעט מען אויס אווי יענער פעטער.
סימן דלא ידע כלום, שבוחי.

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » מאנטאג יוני 01, 2009 10:10 am

רבותי, ס'שטעלט זיך ארויס ס'יז גארנישט אזוי פשוט די מעשה מיטן פעטער.

האט מיר פארציילט א חבר אז ער האט געהערט פון זיין שוואגער, אז זיין שוואגער האט אים אנגעזאגט ביי זיין זונס בר מצוה אז ער זאל קעיר נעמען מען זאל נישט אריינזינגען ביי די פשעטיל. ער האט מתחילה נישט געוואלט ווייל וואס האט ער זיך צו מישן, אבער נאך וואס זיין שוואגער האט אים שטארק מפציר געווען האט ער גענומען די אויפגאבע אויף זיך. ער פארציילט אז דער שוואגער האט אים אפילו געבעטן צו שרייען און אויף "מצלצלים" אויב נייטיג.

הייסט דאס אז דער כיטרער אבי הבן האט באשטעלט ביידע, סיי מצלצלים און סיי דעם פעטער. ביידע האבן געטון זייער תפקיד בשלימות.

יעצט אז די מעשה טראגט שוין אן אנדער פנים, ביטע טראכט איידער איר שרייבט ארויס א ווארט אויפן פעטער. (יא, דער פעטער איז א טיפ וואס גלייכט קעיר צו נעמען, אבער ס'נעמט נישט אוועק פון די מעשה).
שוש אשיש בה', תגל נפשי באלקי! (ישעיה סא)

אוועטאר
פאטאקי08
שר עשרת אלפים
תגובות: 11195
זיך איינגעשריבען אום: דאנארשטאג אוגוסט 09, 2007 1:30 pm
לאקאציע: בקרוב אין וואשינגטאן

תגובהדורך פאטאקי08 » מאנטאג יוני 01, 2009 10:20 am

אזוי האב איך פארשטאנען פון קרעמער פון אנהויב אז ער ענדיגט ספעציעל נישט די מעשה כדי צי זען דער עולם וועט טאקע נישט דן צי יא דן זיין....

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » מאנטאג יוני 01, 2009 11:06 am

שוועמל, וואויל.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג יוני 01, 2009 11:19 am

פאטאקי08 האט געשריבן:אזוי האב איך פארשטאנען פון קרעמער פון אנהויב אז ער ענדיגט ספעציעל נישט די מעשה כדי צי זען דער עולם וועט טאקע נישט דן צי יא דן זיין....

שוין נעכטן האסטו עפעס גערעדט פון אומגעפארטיגטע מעשיות... איך האב געשריבן די מעשה לויט ווי איך האב דאס געהערט, און אויב עס פעלט עפעס דערפון, וועט מען בעטן די בעקערס (א שטייגער ווי שוועמל) מוסיף נופך צו זיין.

פשוט פשט
שר העשר
תגובות: 35
זיך איינגעשריבען אום: דינסטאג מאי 26, 2009 11:04 am

תגובהדורך פשוט פשט » מאנטאג יוני 01, 2009 11:48 am

ווייסעך וואס האט געשריבן:איך וואלט געבעטן פונעם פאטער א עקסטער אפצאל פאר דעם סערוויס וואס ער האט זיך באשטעלט, אויב עס האט אפי' א פרייז.
דער געטרייער פעטער איז אומשטאנד דעי גאנצע ביזנעס אוועקצולייגן, אויב איז ער נישט בארוהגט געווארן דארט אויפן פלאץ נאכן זיך אויס געבן מיט זיינע שומף רייד, ווער וויייסט וואס נאך שריט ער וועט טוען קעגן די חברה מצלצלים?

דער פעטער האט נישט קיין פעני, דעריבער וואלט ער געוואלט זען א סוף מיט די זינגערס וואס ער קען נישט עפארדן. דוק ותשכך.
:mrgreen:
אין מקרא יוצא מידי פשוטו


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נחזור לענינינו, נעם אין אכט און 21 געסט