אפענע שמועס איבער די צענזור פון אייוועלט

גריסן און שמועסן

אחראי: אחראי

אוועטאר
מיללער
שר עשרים אלפים
תגובות: 25690
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך מארטש 07, 2012 2:27 pm

מי חכם,

אדרבא משם ראי' איך האב מיך בשעתו אפגערעדט (וואס אגב האט זיך היבש געטוישט מיטן אויפקום פון נייע גאר געלונגענע מעמבערס, ואין הזמנים והעתים שוות) אויפן צופלוס פון שוואכע קאליבער שרייבער וואס אדער זוכען זיי דייקא קאנטערווערסיעס אדער צייגען זיי כתה א' שטריכען און ווייסען נישט ווי איין/אויס.

ותן למי חכם ויחכם עוד בבחינת מגלה טפח ומכסה טפחיים, נער הייתי וגם זקנתי ולא ראיתי פארום נעזב ומעמבערס מבקשים לחם, אז מ'ווייסט וויאזוי זיך אומצוגיין טרעפט מען דאס פלאץ אפי' מ'איז א סקרענטאנער חסיד און אויב נישט מעג מען זיין אן ארכי-סאטמארער, אין די לעצטע פאר וואכען ממש זענען מיר געווארן נתעשר מיט ידיעות אשר לא שערום זרחותינו, מיט א פלוס פון ידענים און בקיאים יקרי ערך, און ווער ס'וויל זעהן פעסעמיסטיש כדרכם פון אסאך מענטשן (מיט וואס סאטמאר איז ב"ה אויך געבענטשט) זאל ווייטער זעהן, צדיקים ילכו בם ופושעים יכשלו בם בשבתך בבתיך ובלכתך בדרך עקלתון, יוצאי חפזון ספקם מזון לשובע ולא לרזון קדוש!

אוועטאר
הרבטייטעלבוים
שר האלף
תגובות: 1686
זיך איינגעשריבען אום: מאנטאג פאברואר 20, 2012 5:52 pm
לאקאציע: שתולים בבית ד'

תגובהדורך הרבטייטעלבוים » מיטוואך מארטש 07, 2012 2:29 pm

מי חכם? מיללער!!!
הק' איתמר טייטעלבוים
אבד"ק דלאָניע והגלילות

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך מארטש 07, 2012 2:41 pm

וויכטיג מאכער האט געשריבן:א אינטערעסאנטע באמערקונג, פון די 4 אקטיווע מנהלים וואס מיר האבן דא, לערנען די קינדער אין 4 באזונדערע מוסדות! יא! די מנהלים זענען נישט פון די זעלבע טייג געגאסן, נאר מ'ארבייט אינאיינעם מיט איין ציהל, און דאס איז די סוקסעס פונעם פלאץ.

אוי ביסטו א לץ, זיי וואוינען דאך אין 4 אנדערע געגנטער...

אוועטאר
שנאפס
שר עשרת אלפים
תגובות: 15203
זיך איינגעשריבען אום: מאנטאג סעפטעמבער 12, 2011 9:59 pm
לאקאציע: אויף די קרעטשמע פאליצעס
פארבינד זיך:

תגובהדורך שנאפס » מיטוואך מארטש 07, 2012 2:48 pm

אויב רעכענסטו וויליאמסבורג און בעד-סטיי באזונדער...
kraitchmah עט גימעיל

אוועטאר
מאנ-יימער
שר עשרת אלפים
תגובות: 10552
זיך איינגעשריבען אום: מיטוואך דעצמבער 14, 2011 10:36 am
לאקאציע: אויפן וועג ארויף

תגובהדורך מאנ-יימער » מיטוואך מארטש 07, 2012 2:50 pm

אט האט איר אן עקזעמפל פון א ניק'ס גריבלן אין הנהלישע אידענטיטעט.
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?

אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מיטוואך מארטש 07, 2012 2:56 pm

פאר די וואס פראבירן צו צושטעל זמנים אויף דעם פארום, וויל איך זאגן אזוי.
איך דריי מיך דא בערך 3 מיט א האלב יאר (מיין ערשטע ניק איז נעלם געווארן ביים צונאמי), און עס טוישט זיך כסדר די "אקטיווע" שרייבער, און ווי יוסף שרייבער דערמאנט, צווישן נארמאלע באזעסענע מענטשן קען מען רעדן פון האקעלערע ענינים ווי ווען עס איז דא קינדער אין שטוב. ופשוט.
לעצט פאראכטן דורך ווינקל אום מיטוואך מארטש 07, 2012 4:01 pm, מאל פאראכטן געווארן 1 סך הכל.

SPUSMN
שר עשרת אלפים
תגובות: 12854
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » מיטוואך מארטש 07, 2012 3:30 pm

DotCom האט געשריבן:...איך וויל עפעס זאגן פאר די חשוב'ע מייסדים און מנהלים שליט"א כל אחד בשמו יבורך, אין מיינע אויגן זענט עטץ די העלדן פונעם דור במלוא מובן המלה, יעדן טאג וואס דער פארום שטייט און בליהט איז דאס א קידוש שם שמים גדול ונורא, דעס אז אידן קומען זיך צוזאם אויף אזא מקום, און מען רעדט דברי תורה, סיפורי צדיקים, מ'איז זיך מתחזק אין די אמונה, און דערצו איז אלעס על טהרת הקודש אן קיין שמץ לשה"ר וניבול פה, דאס איז זיכער א געוואלדיגע זכות...


גוט געזאגט.

ביי דער געלעגענהייט וויל איך אויך באדאנקען די וואס האבען אונז צו געשטעלט אזא געשמאק און בא'טעם'ט פלאץ על טהרת הקודש ממש ווי מיר קענען זיך און מיטען די ארבעט אביסעל אויס טשוכען די ביינער צווישען אזוי פיל געשמאקע און טייערע אידען. א זעלטענע פלאץ וואס וואלט נישט געקענט געשעהן אן א עינא פקיחא.
עת לחשות ועת לדבר - קהלת ג ז

קארל
שר חמש מאות
תגובות: 796
זיך איינגעשריבען אום: מיטוואך סעפטעמבער 09, 2009 11:16 pm

תגובהדורך קארל » מיטוואך מארטש 07, 2012 4:10 pm

איך מעג אריינרעדן?
איך בין א שטיקל מחותן דא, צוערשט וויבאלד איך האב מחליט געווען אפיציעל זיך אריבערצוציען קיין "קאווע שטיבל", און אויך וויבאלד איך האב דארטן געעפנט דעם אשכול וואס פארמאגט בילדער פון נשים.
קודם כל איבער דעם אשכול מיט די בילדער: איך האב עס געעפנט אין דעם "מידיא ווינקל" פון קאווע שטיבל אלץ א קאמענטאר אויף א געוויסער אויסגאבע, נישט קעגן א געוויסער משפחה. וועגן די בילדער. איך האב ארויפגעשטעלט די בילדער פון יענער פאראדיע-צייטונג פון א טאבלעט קאמפיוטער. פאר מיר האבן די בילדער אויסגעזען זייער קליין און אומקלאר, און איך האב נישט געוואוסט אז זיי וועלן ארויפגיין אזוי גרויס און קלאר. ווען איך האב באמערקט וואס דא איז געשען איז שוין געווען א טומל, און למעשה האט די דארטיגע הנהלה מחליט געווען אז מ'גייט הערן דעם דעת הציבור איבער דער נושא.

לאמיך צוקומען צו דעם ענין פון צענזור. ווי "מי חכם" האט שוין ארויסגעברענגט, איז דער עיקר פראבלעם פון אייוועלט "סאטמאר". עס איז אבער אויף גאר אן עקסטרעמען אופן. איך געדענק ווי איך האב אמאל געשריבן א הערה אויף א תשובה אין דברי יואל, נישט "אפגעפרעגט", נאר געפרעגט א שאלה מיט'ן פולסטן רעספעקט. עס האט נישט גענומען לאנג ביז עס איז פארמעקט געווארן. אז איר וועט א קוק טאן אונטער מיין נאמען, וועט איר זען אז איך האב געשריבן 796 תגובות. ווי איך פארשטיי, רעכנט דאס נישט אריין תגובות וועלכע זענען גענצליך פארמעקט געווארן, אבער עס רעכנט יא אריין תגובות וועלכע זענען באהאלטן געווארן. אז איר וועט מאכט "חפש את הודעות המשתמש" וועלן נאר אפיר קומען 678 הודעות. דאס מיינט אז 118 פון מיינע הודעות זענען באהאלטן געווארן. ווי געזאגט איז דאס אלעס חוץ וואס מ'האט גענצליך פארמעקט, און חוץ וואס מ'האט געלאזט אבער צענזורירט.
עס וועלן אוודאי זיין אזעלכע וואס וועלן זאגן, "נו, אוודאי, קארל דארף מען מעקן. ער שרייבט דאך שוידערליכע זאכן." איך גלייב אז "שטארק זיך" וועט אזוי זאגן. איך גלייב אז ווען ער דאנקט "קאווע שטיבל" פאר'ן אוועקנעמען די "אפפאל" פון אייוועלט מיינט ער מיך, וויבאלד איך בין כמעט דער איינציגסטער וואס שרייבט דארטן מיט דעם זעלבן נאמען ווי איך האב געשריבן דא. עס זענען אבער דא א סך אנדערע וואס האלטן אז איך שרייב יא גוט; עס זענען דא אזעלכע וועלכע האבן אין לויף פון די יארן מיר געזאגט אין אישית און אין דזשי-טאלק אז זיי קוקן ארויס אויף יעדער תגובה וואס איך שרייב. ווען איך האב אפילו אמאל גערעדט צו איינעם פון די באהערדע האט ער מיר געזאגט אז ביי די מנהלים האט מען געשמועסט אז כאטש קארל גייט אמאל "אריבער דעם גבול", איז ער דאך אן "עסעט" וואס מ'דארף האבן אין אייוועלט.

וועגן די אויפפירונג פון די מנהלים אין אייוועלט. פאר א שטיק צייט האב איך געהאמערט אויף א געוויסער ביליגער צייטונג. איך האב כסדר אויפגעברענגט עם-הארצ'ישע טעותים און סתם טיפשות וועלכע ווערן אפט געדרוקט דארטן. די הנהלה פון אייוועלט האט עס נישט געגליכן; די רעדאקציע פון יענער צייטונג האט עס נישט ליב געהאט, מ'שטיינס געזאגט. די הנהלה האט אין רעאקציע געהאנדלט זייער מענטשליך. איך האב באקומען א מעסעדזש אין אישית פון איינער פון די מנהלים וועלכער האט מיר ערקלערט די סיטואציע. איך האב אים פארשטאנען, ער האט מיר פארשטאנען, און איך האב תיכף אויפגעהערט.
אבער נישט אייביג פירן זיי זיך אויף אזוי. איך האב אנגעהויבן מיין קאריערע אין "אייוועלט" מיט דעם ניק "סעיגען". עס געדענקען נאך אוודאי דא א סך דעם ניק הידוע לשמצה... איך בין דא אריינגעקומען פשוט הנאה צו האבן פון דעם ווינקל, צו זיין א דולה ומשקה, הנאה האבן און מהנה זיין. האט זיך פונקט דעמאלס געמאכט א פרשה אין א"י ווי די קנאים האבן זיך לענ"ד אויפגעפירט זייער מיאוס, האב איך געקלערט אז מ'דארף עס אויסשמועסן דא. (וואו דען אויב נישט דא? עס איז דאך נישטא קיין אנדערע פלאץ וואו נארמאלע מענטשן דרייען זיך) איך האב דאן בכלל נישט געוואוסט אז רוב עולם פון אייוועלט איז סאטמאר, און איך האב מיך ארויסגעלאזט אויף דער רייזע... דער וואס ווייסט נישט פון וואס איך רעד, זאלן כאפן א בליק אין דעם אשכול מיט'ן נאמען "וואס אנדערע ירושלימער איינוואוינער זאגן", און וועלן זיכער הנאה האבן.
עס איז נישט קיין סוד אז דער עולם האט זיך פאסמאקעוועט מיט דעם אשכול, עס איז געווען לוסטיג און לעבעדיג. מילער און קרעמער האבן העפטיג אנטיילגענומען – ביז דער אשכול האט זיך פלוצלינג פארמאכט, און איך האב זיך געפינען אויסגעשפארט. איך האב נישט געגלייבט וואס איך זע. איך בין באמת געווען שאקירט. איך האב געשיקט א בריוול אין אישית פאר די מנהלים, געשריבן איידל און מיט הכנעה, ווי פאלגנד:
שלום וכל טוב,
ווען כ'האב באמערקט אז איר האט אפגעשפארט דעם אשכול איבער וואס "אנדערע ירושלימער איינוואוינער זאגן" בין איך געווען אין שאק. עס איז געווען פלוצלינג, אן קיין שום ווארנונג פון פריער, און - לויט מיין מיינונג - אָן קיין געהעריגן ביאור.
כ'זוך נישט אז איר זאלט זיך פארענטפערן פאר מיר, איר זענט אוודאי בארעכטיגט צו האבן אייערע מיינונגען און האלטן אנדערש ווי מיר. כ'דענק אבער א ס'איז נישט געווען קיין יושר אפצושפארן מיינע שרייבן-מעגליכקייטן אן דעם וואס איר זאלט עס ערקלערן.
איך בין דא אריינגעקומען מיט אן ערך פון צוויי וואכן צוריק מיט'ן חשבון צו זיין אן ערליכן לייענער און שרייבער. כ'האב דורכגעלייענט די תקנות, און איך האב מיך פרובירט צו האלטן צו זיי. אפילו ווען די דעבאטעס אין דעם ספעציפישן אשכול זענען צומאל געווען היציג, האט איר זיך געקענט אליין איבערצייגן אז אין דער צייט וואס אנדערע זענען געווען פארנומען מיט פערזענליכע אטאקעס קעגן מיר, האב איך פרובירט זיך בכלל נישט אפצוגעבן דערמיט און זיך נישט אריינלאזן אין קעגנזייטיגע העצערייען.
למען האמת, לכתחילה ווען איך האב באמערקט אז איר האט אפגעשטעלט דעם אשכול, האב איך געקלערט אז די סיבה איז מסתמא ווייל א גרויסער עולם האט זיך פארנומען מיט אטאקעס (א זאך וואס איז קעגן די תקנות) און נישט געשריבן לענין אויף אן אינטעליגענטן שטייגער (א זאך וואס - ווי איך האב פארשטאנען - איך איינער פון די צילן פון "קרעטשמע"). עס האט גענומען ביז איך האב באמערקט אז מען האט אוועקגענומען מיינע שרייבן רעכטן, ווען איך בין געוואויר געווארן אז מען האט מיר געמיינט פערזענליך.
איר האט געשריבן אז "אלע מנהלים" זענען געווען בדעה אחת אז מען מוז אפשפארן דעם אשכול. איז אין דעם אויך אריינגערעכנט "קרעמער" וועלכער האט אנטייל גענומען אין דעם אשכול ביז ממש צום סוף? וויאזוי געשעט אזא זאך אז מען טאלערירט און מען נעמט אנטייל אין די שמועסן ביז איבער 200 הונדערט תגובות, מען שיקט נישט קיין שום מעסעדזש אז עס געפעלט נישט פאר איינעם, און פלוצלונג איז יעדער מסכים אז מען מוז עס פארשפארן? און לא די פארשפארן דעם אשכול, נאר מען שפארט אפ מיינע שרייבן-מעגליכקייטן?
מיינט נישט אז איך שעץ נישט אייער ארבעט, איך אנערקען די כוחות וואס איר לייגט אריין אין דעם פארום אז עס זאל זיין אויסגעהאלטן און אויף א הויכן שטאפל, אבער טאקע דערפאר איז מיר א וואונדער אויף דער יעצטיגער געשעעניש.
איך האף אז איר פארשטייט מיין צד, און עס וועט מיר זיין א כבוד צו הערן פון אייך,
סעיגען

איך האב געשיקט די זעלבע הודעה אויך פאר דעם ניק "קרעמער", שרייבנדיג אז דאס איז א קאפיע פון וואס כ'האב געשיקט פאר "קרעטשמער".
נאך עטליכע טעג וואס "קרעטשמער" האט זיך נישט וויסנדיג געמאכט, האב איך געשיקט א הודעה פאר "קרעמער", און אים געבעטן אז ער זאל מזרז זיין קרעטשמער מיר צו ענטפערן.
א טאג שפעטער האב איך געשיקט די פאלגענדע הודעה צו קרעמער:
א גוטן הרב קרעמער,
שלום לך,
א חבר מיינער האט גערעדט צו א יונגערמאן וואס זאגט אז ער האט גערעדט צו דיר, און ער האט נאכגעזאגט בשמך אז מען האט דעם סעיגען אפגעשפארט נאכדעם וואס ער האט באקומען דריי ווארנונגען אין אישית אז ער זאל נישט שרייבן געוויסע זאכן.
יעצט איז מיר שוין אלעס פארענטפערט געווארן. איך האב ביז היינט באמת נישט פארשטאנען פארוואס מען האט אפגעשפארט מיינע זכותים צו קענען שרייבן, אויב איז אמת אז מען האט מיר טאקע געגעבן עטליכע ווארנונגען קען איך אוודאי נישט האבן קיין שום טענות.
איך וואלט אבער געוואלט אנמערקן אז איך האב קיינמאל נישט באקומען די ווארענונגען. איך ווייס נישט וואס די סיבה איז, אבער דער פאקט איז אז ווען מען האט אפגעשטעלט דעם אשכול און מיין ניק בין איך געווען אין פולן שאק, כ'האב באמת נישט געהאט קיין שום מושג אז עס איז דא א קעגנשאפט צו וואס איך האב געשריבן (פארשטייט זיך חוץ עטליכע קאמענטארן פון פשוט'ע חברים אין דעם אשכול וועלכע האבן געשריבן זייער מיינונג אז מען דארף אפשפארן דעם אשכול - אבער פון דער אנדערער זייט האב איך געזען אז דו האסט קיינמאל נישט מיטגעהאלטן מיט זייערע סענטימענטן, און נאך מער, האסט אנטייל גענומען אין דער דעבאטע כמעט ביז'ן סוף. אזוי אויך זענען געווען אזעלכע שרייבער ווי "מיללער" וועלכע האבן הנאה געהאט פון דער דעבאטע).

איך וועל שטארק דאנקבאר זיין צו באקומען אן ענטפער, אפילו דו האלסט אנדערש פון מיר קומט מיר נאך צו ווערן באהאנדלט ווי א מענטש. שרייב צוריק, און אדרבה, לאמיך הערן וואס דו האסט צו זאגן.
נאך מער, איך וואלט זייער געוואלט וויסן וואס דו האסט געשריבן אין די דריי הודעות אישית וואס איך האב נישט באקומען. ווי איך האב שוין געשריבן, האב איך באמת פרובירט זיך צו האלטן צו די תקנות, און איך בין גרייט צו הערן איבער סיי וועלכע רעגולאציעס וואס זענען נוגע מיך און אנדערע שרייבער, און איך וועל זיך בע"ה האלטן צו זיי.
כל טוב,
סעיגען

א טאג שפעטער האט "קרעטשמער" געשיקט אין אישית א בריוול בזה"ל (באמערקט די פערזענליכע אטאקעס):
כבוד הרב סעיגען, שלום וברכה.

מיר האבן מיטגעהאלטן אייער בריוו צו אחד מחברינו הרב קרעמער, און ווי אויך אייער צווייטע בריעף צו אים, מיר וועלן פרובירן ענפערן בחדא מחתא אויף אלעם.

ווי מיר פארשטייען, זענט איר געכאפט געווארן אין סורפרייז. און בעיקר האט אייך געווואונדערט אויף די ווילדע באנעמונג צום אשכול וואס 'קרעמער' אליינס האט מיטגעהאלטן כמעט ביז איר טויט. און ווי אויך, צו וואס האט מען אייך חוסם געווען אן א פריערדיגע מעלדונג. און עס איז נישט געווען קיין שום מעלדונג, און דער וואס האט אייך איבערגעגעבן בשם קרעמער אז מ'האט געווארענט דריי מאל, איז אדער וויל ער אייך פארנארען, אדער ווייסט ער נישט ווער קרעמער איז.

מיר וועלן נישט אריינגיין אין צופיל דעטאלן, אבער מיט געציילטע ווערטער וועלן מיר אייך געבן צו פארשטיין די סיטואציע.

'היימישע קרעטשמע' איז געבויעט געווארן דורך עטליכע מנהלים, אז אידן זאלן האבן א פלאץ וואו א שמייכל צו טוהן. און אז אידן זיצן שוין, רעדט מען שוין נייעס. און אז מ'רעדט נייעס, שרייבט מען שוין פון צדיקים אויך. און אז מ'שרייבט שוין, רעדט מען פון שפראך. א.א.וו. ווי איר זעט אין אלע פארומ'ס וואס האבן זיך געפענט מיט די צייט.

רעדן פון פירצות, איז אויסדרוקליך נישט ערלויבט געווארן ביי אונז. מוחה זיין, אוודאי און אוודאי נישט. (אויב ווייסטו נישט דערפון, עיין בתקנות) נאר וואס? איינס האט געבראכט דאס אנדערע, און עס האט נישט אויסגעזען אזוי שלעכט, ביז....

עד שבא 'סעיגען' און האט געמאכט א 'מצב', וואס דאס האט אויפגעוואכט ס'רוב מנהלים, אז מ'דארף איינציען די פאסיקעס. זאל קומען א ניק, נאר כדי צו ארויפברענגן הייס-בלוט ביי רוב ליינער? צו וואס זאל מען עס לאזן? ווען דו וואלסט געווען א וותיק וחסיד, וואלט מען עס נאך פארדייעט. העכסענס וואלט מען זיך געוואנדן צו דיר אין אישית, און געזאגט: הרף.. ווילסט זיין ציוניסטיש געשטימט, האלט עס ביי זיך... אבער ווען דאס גאנצע סעיגען איז דא פאר פראוואקאציעס, איז מען אים תיכף חוסם עם כל שום וחניכא דאית להו אן קיין שום ווארענונג.

נישט אז מיר האבן 'געפערליכע' טענות קעגן דיר, און אויך נישט אז דו האסט עובר געווען אויף ווייס איך וויפיל תקנות. דאס עצם עפענען א ניק מיט א פארקערטע ציל ווי 'היימישע קרעטשמע' טראגט מיט זיך, אין היימישע קרעטשמע, איז א בחי' פון לכבוש את המלכה עמי בבית. און אויף דעם שטייט ווייטער, ופני המן חפו....

ממילא פארשטיי וואס דא האט פאסירט, און קום צו זיך פון די גרויסע שאק. אונז שטערט נישט אז מענטשן גייען אין בחדרי חרדים, און שרייבן כל מה שבא להם. אבער דא דארפן מיר היטן אויף אן אויר הנח והזך.

אין אמת'ן, וואלט'ן מיר נישט געדארפט ענפערן. נאר וואס? מיר האבן חושד געווען, אז דו וועסט נאך קלערן אז מיר האבן פשוט געהאט א פראבלעם מיט דיינע דעות, אז עס וועט קאליע מאכן עמיצין, און צוליב דעם האבן מיר דיך חוסם געווען. וויל'ן מיר דיר זאגן אז ניין, מיר האבן נישט געהאט וואס מורא צו האבן. פארקערט, ס'האט יעדערער געזען ווי דו ביסט געווארן ללעג ולקלס. ווען מ'האט גערעדט פון אויסמעקן דאס גאנצע אשכול, האבן ס'רוב מנהלים געוואלט אז די אשכול זאל בלייבן לחרפון ולדראון עולם, זאל יעדער זען וויאזוי עס קוקט אויס די צד השני קעגן די עדה החרדית אין ירושלים. נאר ווי געזאגט, מיר קענען נישט לאזן קיין שארפע פראוואקציעס אין היימישע קרעטשמע, און אויך נישט קיין ניק וואס איז געבוירן געווארן נאר פאר פראוואקאציעס.

בתקווה להבנה.
מנהלי היימישע קרעטשמע.


איך האב אויף דעם געענטפערט:
א דאנק פאר'ן ענטפערן.
מיר קוקט אויס אז איר האט גאר א פאלשן "אימפרעשאן" איבער מיר. איך האב שוין געשריבן טאקע אין יענעם אשכול אז איך בין בכלל נישט אהערגעקומען אגיטירן אדער איינעם אויפרייצן. נאך איידער יענעם אשכול, האב איך געשריבן בעיקר אין די "אקאדעמישע" אשכולות און איך האב געשריבן פון פארשידענע סארט ענינים.
סך הכל קען איך אייך זאגן, גלייבט מיר אויפ'ן ערן ווארט אז איך בין נישט געקומען זיך רייצן מיט קיינעם, און נאך מער, עס איז מיר געווען א שאק אז כמעט קיינער איז נישט ארויסגעקומען צו מיין צד, איך האב באמת נישט געהאט קיין מושג אז רוב עולם דא איז סאטמאר געשטימט.
איך האלט נאך אלץ אז עס וואלט געווען יושר מיר צו געבן א שאנס, און ווארענען פון פאראויס, איר האט עס אבער נישט געטאן. די סיבה וואס איר גיט אן דערפאר איז ווייל איך האב מקיים געווען דעם "לכבוש את המלכה עמי בבית." דא אבער ליגט דער מיספארשטענדעניש - איך האב בכלל נישט געוואוסט אז דער עולם דא איז אזוי סאטמאר געשטימט.
לענין, אין אייער ענטפער שרייבט איר מיט א סך האס. איך מיין אז איר אליין דארפט אין אכט נעמען אז אויב קענט איר שרייבן אויף איינער וואס האט באמת פרובירט צוצוגעבן צום פארום "ופני המן חפו", קען דאס זיין אן אנדייטונג אז אייער באשלוס איז ליבערשט געווען באזירט אויף אייער מיינונג אין דער דעבאטע ווי אויף א יושר'דיגן אינסטינקט.

באמת האט איר בכלל נישט געענטפערט אויף דעם אז קרעמער האט מיטגעהאלטן די דעבאטע ביז'ן סוף. האב איך דאס נישט געמעגט אננעמען אלס אן אנדייטונג אז אלעס איז בסדר? כ'מיין, עפעס יושר מוז דאך עקזיסטירן.

דאס וואס איר שרייבט אז איך בין געווען ללעג ולקלס, כ'שלוג אראפ אייערע דערנידערונגס רייד (וואס איז לענ"ד בכלל נישט אין פלאץ ווען איך שרייב צו אייך אויף א נארמאלן ציוויליזירטן אופן), אבער בכל אופן קען איך זאגן אז איך האלט אז כ'האב יא אוועקגעשטעלט א פיינעם קעיס. נו, אויף דעם זאגט מען דאך "על טעם וריח אין להתוכח"...

איך שעם זיך אזוי נישט מיט וואס כ'האב געשריבן אין יענעם פארום, אז איך בין גרייט ווייטער זיך צו דרייען צווישן דעם עולם פונעם קרעטשמע, און ווייטער צו שרייבן. פארשטייט זיך אז דאס איז תלוי אין אייער רצון, אבער מיין רצון איז דא - איך בין גרייט נישט צו שרייבן סיי וואס איר האלט אז עס באלאנגט נישט אין דעם פארום.
כל הכבוד,
סעיגען


יענער בריוו-אויסטויש האט מיך אביסל געוויזן א דריי-פאכיגער פראבלעם:
א) סאטמאר: האב איך דען געשריבן "ציוניסטיש געשטימט" – איך האב בסך הכל רעפלעקטירט די מיינונג פון פילע קהילות קדושות בישראל, ווי בעלזא, באיאן, סלאנים, קארלין, וויזניץ, צאנז, סקווירא, כמעט אלע פרומע ליטווישע קרייזן וכו' וכו'. טאר מען דאס נישט שרייבן? ווערט מען וועגן דעם "ציוניסטיש געשטימט"?
ב) רעספעקט: און אפילו אויב יא, קען מען נישט זען וואו דער מיספארשטענדעניש ליגט? קענט איר נישט פארשטיין אז איך האב געקענט נאאיוו טראכטן אז עס נישט קיין פראבלעם? האב איך נישט דעם פולסטן רעכט אנצוגיין מיט דעם אשכול אויב דער גאנצער ציבור האלט געשמאק מיט, און קיינער פון דער הנהלה זאגט נישט קיין ווארט דערקעגן? דאס ווייזט אז דער פראבלעם איז נישט נאר שיטת סאטמאר, עס פעלט א פונדאמענטאלער רעספעקט פאר א מענטשן.
ג) מידות: "סעיגען" האט א סך געשריבן, ער האט געארבעט שווער, מענטשן האבן הנאה געהאט. מיט וועלכן רעכט קומסטו אטאקירן? פארוואס שרייבסטו אז דער גאנצער ניק איז געקומען צו "פראוואצירן" ווען דער מציאות איז קלאר נישט אזוי? אלץ וואס שרייבסטו "ופני המן חפו" – איז ער דיין שונא? האט ער דיר עפעס געטון?

ווי איר פארשטייט אליין האט עס מיר וויי געטון, אבער למעשה איז דאך טאקע נישט דא קיין נארמאל פלאץ וואו צו פארברענגען, האב איך דעריבער ווידער קובע מקום געווען אין אייוועלט מיט דעם נאמען "קארל" און פרובירט מיטצושטיין מיט די מנהלים.
ווען איך בין אנגעקומען צו 200 תגובות האב איך אפגעשריבן דעם פאלגנדן בריוול צו קרעמער:

א"כ מייסד חבורתינו הרב קרעמער שליט"א,
כבודו האט אוודאי באמערקט אז עס איז דא א שטיקל מנהג דא אין קרעטשמע אז געוויסע עפענען א ספעציעלן אשכול לכבוד'ן עררייכן צו שרייבן א געוויסן צאל תגובות. יעדער אוודאי קען - און דארף - טאן לויט ווי זיין תכונת הנפש דיקטירט אים, און די אלע וואס זענען זיך אזוי נוהג האבן זיכער א קורת רוח דערפון.
איך פערזענליך בין נישט געאייגנט פאר דעם מנהג, אבער פטור בלא כלום אי-אפשר. האב איך זיך באקלערט אז איך וועל טאקע נישט מפרסם זיין אזא עגאצענטריסטישן אשכול, אבער איך וועל דאך שרייבן מיין צוויי-הונדערטסטע תגובה פערזענליך צו אייך, ווייל אם לא עכשיו, אימתי?
תודה לא-ל אז אין די לעצטע עטליכע חדשים האט השי"ת מזמין געווען אז איך האב געטראפן דעם דאזיגן מקום, איי-וועלט, וואס איז באמת א קידוש ה' מיט זיין אייגנארטיגן מהלך וואס מען קען נישט טרעפן קיין ערגעץ אויף דעם אינטערנעט. עס איז באמת צו באוואונדערן וויאזוי איר, וכל הנלוים אליכם, האבן גענומען אויף זיך די עבודה קשה צוצושטעלן פאר'ן היימישן ציבור אזא הערליכן ארט וואו צו פארברענגען אין דער ווירטואלער וועלט.
איך האב נישט קיין ספק אז איר דארפט זיך יעדן טאג ספראווען מיט הויפנס אי-מעילס און אישית'לעך מיט כל מיני בקשות, און דאך שטעלט דאס אייך נישט אפ פון אנגיין מיט דער עבודת הקודש ברוב גאון ועוז. איך בין זיכער אז דער דאזיגער מקום האט שוין אפגעהיטן אידן פון ארומוואנדערן אין די מבואות המטונפות וועלכע געפינען זיך אויפ'ן אינטערנעט בכל מקום ובכל זמן.
אנקומענדיג צו מיין צוויי-הונדערטסטער תגובה איז מיר א כבוד אייך צו ווינטשן מיט כל הברכות הכתובות התורה, איר זאלט זוכה זיין ווייטער צו קענען אנגיין מיט אייער ארבעט, און בכלל געניסן פון סייעתא דשמיא, נחת און הרחבת הדעת, הצלחה וכל טוב סלה.
כה דברי ידידיכם,
קארל


וואס בלייבט? ווי איך האב שוין פריער געשריבן מעקט מען כסדר וואס איך שרייב, איז אלזא "אייוועלט" נישט געמאכט פאר מיר. אייוועלט איז א פיין פלאץ, עס איז אבער נישט געמאכט פאר יעדן. מענטשן וועלכע זענען "אפפאל" פאר אייוועלט קען מען מחשיב זיין אין אנדערע ערטער, און מענטשן וואס זענען אפפאל ערגעץ אנדערש קען מען מחשיב זיין אין אייוועלט. איז אלזא, זאלן זיך די געמוטער בארואיגן, "קאווע שטיבל" איז א נייע זאך – אויף וויפיל איך האב מיטגעהאלטן ארבעטן די דארטיגע מנהלים זייער שווער אז עס זאל זיין ריין און פאסיג פאר חרדישע אידן, כל התחלות קשות, און פארוואס זאלן נישט עקזיסטירן ביידע ערטער צו סערווירן אן אנדערן סארט עולם?

וזאת למודעי: איך שרייב דאס אלץ לתועלת הדבר. איך בין בכלל נישט גרייט אויסצושטיין פערזענליכע אטאקעס. איך לייג ארויף די תגובה בתנאי כפול ומכופל אז איך וויל רעדן פון די אישוס, נישט איבער מיר פערזענליך. אויב האט מען שוין דערגרייכט דא, אז מ'קען דיסקוטירן אזא זאך ווי ערוואקסענע מענטשן, לאזט עס ביי דעם!

מי יודע
שר ששת אלפים
תגובות: 6397
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » מיטוואך מארטש 07, 2012 4:28 pm

איך קוק ארויף און איך קוק אראפ

בין איך אין קאווע שטיבל אדער איי וועלט?

קארל, ס'איז גארנישט נעם דיך נישט צום הארצן, ווי דערמאנט אויבן באשטייט די הנהלה פון פיר מענטשן וואס זייערע קינדער לערנען אין פיר באזונדערע מוסדות, און איך קען מעיד זיין ס'איז אמת, סאו דער שרייבער באלאנגט לכאורה צו די עקסטרעמע חלק, כ'האב שוין אויך געכאפט פון אים אמאל א סילוק, ס'גארנישט מ'ווישט זיך אפ די נאז און מ'גייט ווייטער.

שרייב דארט, אבער מזה ומזה אל תנח ידך, מיר דארפן דיך דא אויך

איך האב מיר אויך געמאכט א ניק דארט (ס'קאסט נישט קיין געלט), פאר א שוואכע מינוט ווען איך דארף מיינע בויך קרעמפן אויסדרוקן, אבער למעשה האב איך נאך דערווייל בעסער ליב די אויר דא, ווי האט יענער מחנך געזאגט, ווען דער קינד וויינט און בעט עפעס, זאלסטו וויסן אז ער ווארט אויפן ניין!, ער וויל פילן ער האט א טאטע וואס זארגט פאר אים, און געבט אים נישט נאך זאכן וואס איז נישט גוט פאר אים
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

אוועטאר
ווינקל
שר שבעת אלפים
תגובות: 7777
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » מיטוואך מארטש 07, 2012 4:38 pm

איך קען נאר רעדן בשמי, קארל; יעך בין א סאטמארער און איך האב אסאך הנאה געהאט פון דיין שרייבעריי.
כ'האב דיר עס נאר געוואלט זאגן פאר דו גייסט אריבער צום קאפי רום... הצלחה.

אוועטאר
על דא ועל הא
שר מאה
תגובות: 182
זיך איינגעשריבען אום: זונטאג פאברואר 05, 2012 12:28 pm

תגובהדורך על דא ועל הא » מיטוואך מארטש 07, 2012 6:34 pm

וידבר קארל, וימלאו כל העם את פיהם מים.
חותמו של הקדוש ברוך הוא אמת (שבת נה, א)

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך מארטש 07, 2012 8:31 pm

נוסח אחר: והעם הלכו לבית המדרש לשמוע מקרא מגילה ולעסוק במצות היום

שטארק זיך
שר ששת אלפים
תגובות: 6170
זיך איינגעשריבען אום: דינסטאג יולי 28, 2009 8:23 pm
לאקאציע: ביים נעקסטן שטאפל

תגובהדורך שטארק זיך » מיטוואך מארטש 07, 2012 8:51 pm

על דא ועל הא האט געשריבן:וידבר קארל, וימלאו כל העם את פיהם מים.

לידיעתך הדתיים שבינינו התענו היום...
What's your MO? mine is
8373
-the KOLBE index
Know - Go - Show - GROW

אוועטאר
סאכדעס
שר עשרים אלפים
תגובות: 20443
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » מיטוואך מארטש 07, 2012 9:31 pm

כ'וויל זיך עקסטער באדאנקן קארל'ן פאר'ן ארויפברענגן די דין ודברים בענין סעיגען, אזוי זע מיר אז מ'האלט מיר זיך צום זעלבן שניט כסדר.

אן אריינגיין נאכאמאל אין די סומאטוכע, זע איך אז אפילו יעמאלט האט קארל נישט עומד געווען על דברינו, און איז אומזיסט פארווייטאגט געווען, און געזען א חסרון אין סאטמר, מידות, רעספעקט. נו, מיט די פולסטע רעספעקט, כ'זע נישט אז קאווע שטיבל איז אזא שלעכטע אויסוואל פאר אים.

א פרייליכען פורים.

אוועטאר
למעלה משבעים
שר תשעת אלפים
תגובות: 9638
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » מיטוואך מארטש 07, 2012 9:51 pm

כדי שלא יאמרו מדשתקי רבנן ש"מ דניחא להו, וועל איך דערווייל ענטפערן ביז די וואס קענען בעסער ארויסברענגן א ענין וועלן דא ענטפערן.

לאמיר גיין על הסדר;
איר האט טענות וועגן אייערע געמעקטע תגובות, היות עס איז געמעקט קענט איר פארקויפן וואס איר ווילט און האבן טענות אז מען וואלט עס נישט געדארפט מעקן... דאס איז אזאך וואס מען קען נישט זאגן יא גוט צו נישט גוט, קוק ביי מיר איז אויך דא 22 געמעקטע תגובות, מיינסט איך האב א אנונג פון וואס די רעדע איז? וואס מען האט מיר געמעקט? גלייב מיר עס גייט מיר נישט אן, אויב איז עס געמעקט געווארן האט עס געדארפט געמעקט ווערן.

און וועגן שטארק זיך, איך ווייס נישט ווי די האסט זיך פארטשעפעט מיט אים, ווער זאגט ער מיינט דיר? ער האט נישט געזאגט אז די יעניגע וואס שרייבן דארט ניצן די זעלבע ניק, נאר היות די סיבה פון עפענען דעם פארעם דארט איז געווען אלץ די צענזור אונזערע איז טייטשט אז די שרייבער'ס דארט זענען פון אונזער אפפאל, וואס פארנעמען נישט אונזער צענזור, נו האט ער נישט קיין רעכט זיך צו באדאנקן פאר זיי?

די זאגסט אז איינע פון די מנהלים האבן דיר געזאגט "אז כאטש קארל גייט אמאל "אריבער דעם גבול", עס זעט אויס ווי עס איז געווען סבור וקיבל, פארוואס טאקע? פארוואס גייסטו אריבער דעם גבול? די זאגסט דאך די האסט קלאר געזען די תקנות, נו, צו-וואס פעלט עס אויס? אז שפעטער זאלסטו קענען קומען מיט טענות אז מען מעקט דיר?

און וועגן דיין סעיגען ניק, איז אזוי, יענער אשכול וואס די לינקסט צו געדענק איך גאר גאר גוט, איך וויל דיר אבער זאגן עפעס פארדעם, איך בין נישט קיין סאטאמארע (גילוי?), און איך האב מיט סאטאמרע אידן נישט אנגעקערט ביז איך בין אנגעקומען צום קרעטשמע.

יעצט, די מאכסט זיך אזוי תמימות'דיג, אז די האסט נישט געוויסט אז דא דרייען זיך נאר סאטמארע, איז אזוי, ווען די האסט געשריבן דעם אשכול האסטו שוין געהאלטן נאך דורכגיין אנדערע אשכולות, לאמיר דיר אביסל אויפפרישן די זכרון די אשכול viewtopic.php?p=262623#p262623 געדענקסטו? ביז דיין תגובה, וואס קומט דיר אויס ווער דרייט זיך דא? אדער דאס viewtopic.php?p=263796#p263796 געדענקסטו? דארט האסטו מגיב געווען, אין די שעה פון עפענען דיין אשכול...

אבער לאמיר זאגן אז די האסט נישט געכאפט, איך געדענק נאך גאר גאר גוט ווי די אשכול איז געפארן אויף גאר גאר הויכע טענער, איך האב אין יענער צייט געשיקט אין אישי צו איינע פון די הנהלה, ער זאל ביטע פארשפארן דעם אשכול, ווייל עס איז נישט לפי רוח ותקנת הקרעטשמע, איך בין געווען שאקט צו הערן פון אים אז ניין, מען קען עס נאך געבן צייט, ווילאנג מען פראסקעט זיך נאכנישט נאר די טענער זענען גאר הויך וועט ער עס לאזן, און לויט ווי איך געדענק איז טאקע געמעקט געווארן דארט גאנצעטע שטיקער פערזענליכע אטאקעס.

וואס איך מיין ארויסצוברענגן, אז נאכן גיין אויף אזעלכע הויכע טענער האסטו שוין איינמאל געוויסט אז דאס איז נישט לפי התקנות, ווייל אין די תקנות איז איינע פון די זאכן, אז מען טאר נישט שרייבן א זאך וואס וועט יענעם וויי-טון, און דאס איז קלאר געווען פון די יעניגע תגובות אז עס טוט זיי וויי, איז פארוואס האסטו נישט אנגעפילט א מויל מיט וואסער און געגאנגען ווייטער?

לאמיר גיין א טריט ווייטער די האסט געשריבן פאר די הנהלה אז די האסט געליינט די תקנות און זיך פראבירט צו האלטן דערצו, איז אזוי, דאס איז זיכער אז די האסט געוויסט אז עס דרייען זיך דא סאטמארע, איז לאמיר זאגן האסט געטראכט אז עס איז נאר 10 ניקים, נו וויזוי האסטו געמעגט עפענען דעם אשכול, פאר די 10 שטעכט עס ביזן 7'טן ריפ???? איז דאך עס קלאר נישט לויט די תקנות...

דאס וואס די זאגסט אז די האסט געזען א דריי-פאכיגער פראבלעם, לאמיר עס צונעמען.
קארל האט געשריבן:א) סאטמאר: האב איך דען געשריבן "ציוניסטיש געשטימט" – איך האב בסך הכל רעפלעקטירט די מיינונג פון פילע קהילות קדושות בישראל, ווי בעלזא, באיאן, סלאנים, קארלין, וויזניץ, צאנז, סקווירא, כמעט אלע פרומע ליטווישע קרייזן וכו' וכו'. טאר מען דאס נישט שרייבן? ווערט מען וועגן דעם "ציוניסטיש געשטימט"?


די האסט געוויסט זייער גוט, און די ווייסט זייער גוט, אז ווען די שרייבסט יענעם אשכול אין א סאטמארע פארום גייט מען דיר באטיטלען אלץ ציוניסטיש געשטימט, ווייל דאס האט מען זיי געלערנט, די האסט נאר ביז יעצט געזאגט אז די האסט נישט געוויסט אז דא איז סאטמאר (הגם איך ווייס עס נאך יעצט נישט....).

קארל האט געשריבן:ב) רעספעקט: און אפילו אויב יא, קען מען נישט זען וואו דער מיספארשטענדעניש ליגט? קענט איר נישט פארשטיין אז איך האב געקענט נאאיוו טראכטן אז עס נישט קיין פראבלעם? האב איך נישט דעם פולסטן רעכט אנצוגיין מיט דעם אשכול אויב דער גאנצער ציבור האלט געשמאק מיט, און קיינער פון דער הנהלה זאגט נישט קיין ווארט דערקעגן? דאס ווייזט אז דער פראבלעם איז נישט נאר שיטת סאטמאר, עס פעלט א פונדאמענטאלער רעספעקט פאר א מענטשן.


אזוי?????????? נאאיוו טראכטן אז עס נישט קיין פראבלעם??? דער גאנצער ציבור האלט "געשמאק" מיט???? די הנהלה זאגט נישט קיין ווארד דערקעגן? קודם קענסטו עס קלאר זען אין קרעמער'ס תגובות דארט אז ער איז שטארק נישט געווען צופרידן פון דיין אשכול, ועוד דא האסטו א אנמערק פון אן אחראי viewtopic.php?p=266175#p266175.
און בכלל זע איך נישט ווי עס פעלט רעספעקט אין די תגובה.

קארל האט געשריבן:ג) מידות: "סעיגען" האט א סך געשריבן, ער האט געארבעט שווער, מענטשן האבן הנאה געהאט. מיט וועלכן רעכט קומסטו אטאקירן? פארוואס שרייבסטו אז דער גאנצער ניק איז געקומען צו "פראוואצירן" ווען דער מציאות איז קלאר נישט אזוי? אלץ וואס שרייבסטו "ופני המן חפו" – איז ער דיין שונא? האט ער דיר עפעס געטון?


זאג האסטו נישט אליין געזען אז די הנהלה האט אזא איינדריק? וואס מיינט די תגובה viewtopic.php?p=266603#p266603 אויב נישט אז די הנהלה האלט אז די ביזט דא געקומען צו "פראוואצירן". און דאס טאקע האסטו זיך דארט פראבירט צו פארענטפערן אז די מיינסט דאס נישט, וואס קוקט אויס אז עס איז געווען אן ערפאלג, איז וואס פארשטייסטו נישט מיט וועלכע רעכט זיי האלטן אזוי?

די בעטסט מען זאל רעדן פון די אישו'ס נישט דיר פערזענליך, איך האף אז דאס וואס איך האב געשריבן הייסט נישט פערזענליך, אבער אויב יא, דערוואג איך זיך עס צו שרייבן וויבאלד אויב מעגסטו שרייבן אויף די הנהלה פערזענליך אז עס פעלט מדות וכו', מעג איך כאטש אזויפיל שרייבן דאס אפצוענטפערן.
איך וואלט געוואלט נאך מער מאריך זיין, אבער איך האב נישט קיין צייט, סוף כל סוף איז דאך פורים אויפן וועלט.
---
איך האב אנגעהויבן שרייבן די תגובה נאך פארן מגילה ליינען, און יעצט פארענדיגט, זע איך אז די עולם האט און קורצן מגיב געווען, אבער איך שיק נאכאלץ.

משנה מקום
שר שלשת אלפים
תגובות: 3504
זיך איינגעשריבען אום: פרייטאג מאי 14, 2010 4:13 pm
לאקאציע: משנה מקום יעדע שטיק צייט

תגובהדורך משנה מקום » דאנארשטאג מארטש 08, 2012 1:14 am

די טענה מיט סאטמאר איז גערעכט ווייל איך קען אנווייזען אפאר פלעצער ווי מען מאכט חוזק פון חבד אין נאך אפאר חסידות ברמיזה

אוועטאר
וויכטיג מאכער
שר עשרים אלפים
תגובות: 23144
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » דאנארשטאג מארטש 08, 2012 1:19 am

און איך קען אנווייזן אויף תגובות וואס מאכן חוזק פון סאטמאר...
הכונו ל'מעמד אדיר איום אסיפת ה''ניקס'' לטוהר המחנה!!!

אוועטאר
dell
שר חמישים ומאתים
תגובות: 304
זיך איינגעשריבען אום: דאנארשטאג ינואר 19, 2012 2:17 pm

תגובהדורך dell » פרייטאג מארטש 09, 2012 9:17 am

על דא ועל הא האט געשריבן:וידבר למעלה משבעים, וימלאו כל העם את פיהם מים.

אוועטאר
געשמאקער
שר האלף
תגובות: 1477
זיך איינגעשריבען אום: זונטאג אוגוסט 10, 2008 7:27 pm
לאקאציע: נישט צום געפונען

תגובהדורך געשמאקער » פרייטאג מארטש 09, 2012 9:48 am

ב"ה ס'איז דא דא א פעסטע צענזור, און בעסער ע"פ תורה האט נישט קיין שיעור

וועגען די אויסגעהאלטנקייט פון די קאווע שטיבעל גיי איך נישט אריין, נאר אויפגעסיינט האב איך מיך נישט , נאכען זעהן די אינהאלט פון עטליכע אשכולות דארטען,
מיט דעם אלעם, א שמייכעל קענסט די נאך אלץ געבען ....

קויפט איר אויף איבעי? ביטע ניצט דעם לונק.
זה נהנה וזה לא חסר

אוועטאר
DotCom
שר חמש מאות
תגובות: 682
זיך איינגעשריבען אום: זונטאג נובעמבער 23, 2008 10:29 pm
לאקאציע: אין גלות

תגובהדורך DotCom » פרייטאג מארטש 09, 2012 10:01 am

ווי עס קוקט מיר אויס איז קארל פון די מענטשן וואס קענען זיך פאר קיין געלט נישט מוחל זיין אז זיי זענען געבוירן און אויפגעוואקסן אין סאטמאר נעבעך... בעד ניוס, באט די סאטמארער פלעק וועט קיינמאל נישט אראפגיין, פארקערט ווי מער מקראצט עס אראפ ווערט עס מער אויפגעשוואלן...
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).

יארצייטן
שר מאה
תגובות: 245
זיך איינגעשריבען אום: מוצ"ש פאברואר 06, 2010 6:04 pm

תגובהדורך יארצייטן » פרייטאג מארטש 09, 2012 10:17 am

קארל, איך וועל נישט פארענטפערן די מנהלים מיט די אישי'תער וואס דו האסט געהאט מיט זיי. אבער אויף דיין דריי פאכיגע אויספיר ווי דו באשולדיגסט אז די פלאץ פעלט מידות און רעספעקט, וואס די אטאקע איז קעגן אונז אלע און אויף דעם האלט איך אז איך בין בארעכטיגט זיך אנצונעמען אויף מיין כבוד און אויף די כבוד פון אלע מיטגלידער.
און איך וועל דיר עס זאגן אין קורצן, דיין פראבלעם איז איין זאך. דו ביסט דא אין קרעטשמע מיט אן אגענדע! נישט ווי אלע פון אונז וואס קומען דא ליינען און שרייבן און הנאה האבן, ביסטו דא מיט אן אגענדע. אמאל איז דיין אגענדע אונטערצורייסן די בלאט און צומאל איז דיין אגענדע אויפצוווייזן פאר די סאטמערע אידן אז זיי לעבן אין א טעות. און דאס איז די פראבלעם מיט דיר. איך קען א שיינע פאר ניקס דא וואס זיי זענען ווייט ווייט פון סאטמער אבער זיי זענען דא צו ליינען און ווען זיי האבן עפעס צוצולייגן זאגן זיי וואס זיי האבן צו זאגן, אבער זיי זענען ווייט נישטא "איבערצוצייגן" דעם
עולם. איך קען דיך נישט פערזענליך אבער פון דיין וועג פון שרייבן איז משמע אז דו ביסט א סאטמערע געבוירענער וואס איז געוואויר געווארן ביי די פיפצען געוואויר געווארן אז ס'איז פארהאן נאך אידן אויף די וועלט אויסער סאטמער, און דו ביסט אויסן דאס צו לאזן וויסן פאר יעדעם איינעם אז מ'זאל נישט לעבן אין אזא טעות ווי דו. און דאס איז א פראבלעם פאר קרעטשמע.
אונזער וועלט איז נישט געמאכט פאר דעם. יא, אסאך אידן האבן הנאה פון וואס דו שרייבסט, און דאס אז מ'האט געלאזט רוב פון דיינע תגובות דא ביי אונז איז די גרעסטע ראי' אויף די טאלארעץ וואס די הנהלה האט צו דיינע אגענדעס אבער ווי דו אליינס זאגסט, אז דו ווייסט אויך אז דו גייסט אמאל אריבער די ליניע. קוק אויף דיין לעצטע תגובה וואו דו אטאקירסט א חשוב'ע ניק. צו
ווייסטו אז דאס איז קעגן די תקנות?
בסך הכל, אנשטאט דו זאלסט ליינען און קאמענטירן ביסטו דא צו טרייבן דיין אגענדע און פון כמעט יעדע תגובה דיינע שפריצט שנאה צו דיין אמאליג לעבן.
איך זאג נישט אז די פארום איז נישט א רוב פון סאטמערע אידן, אבער איך מיין יעדער וועט מודה זיין אז מיר זענען אפענע מוחות און מיר פארנעמען א צווייטע שיטה אבער נישט ווען איינער איז דא נאר צו ווייזן אז דאס וואס מיר קענען און גלייבן איז גרייזיג. זאלסט מיר זייער אנטשולדיגן אבער דיין
פלאץ איז טאקע אין קאווע שטיבל. דארט זענען אלע שרייבערס מער ווייניגער פון די סארט טייג געקנעטן, אידן וואס זענען אנגעווייטאגט אויף זייער מסורה און ביי זיי איז קורמאן א צדיק וקדוש.
איך וואלט נישט געשריבן אזוי שארף. אבער אויב האסטו נישט קיין פראבלעם ארויסצוקומען און שרייען אויף אונזער קרעטשמע אז ס'פעלט אונז מידות, וויל איך דיר זאגן אז אונז פעלט גארנישט ב"ה, אבער מיר פארנעמען נישט ווען איינער קומט מיט אן אגענדע און דיקטירט אונז וויזאוי צו טראכטן און זאגן.
הצלחה אין דיין נייע פלאץ

--

דאט קאם האקט מיט די זעלבע.

tell.me.something
שר האלף
תגובות: 1249
זיך איינגעשריבען אום: מיטוואך מארטש 17, 2010 11:43 am
לאקאציע: אין די קנא נייעס אפיס

תגובהדורך tell.me.something » פרייטאג מארטש 09, 2012 11:10 am

נאכן דורכליינען אלע 6 בלעטער אין איין שאס. איז נישטא צופיל מוסיף צו זיין.

באמת האלט איך אז עס איז וויכטיג אזא דיסקוסיע. אבער נישט ווייל איך האלט אז עס איז עפעס שלעכט מיט די הנהלה'ס עדיטן תגובות(סארי. אבער איך וויל עס נישט אנרופן צענזור
1)ווייל עס איז אויסדרוקליך נישט קיין אפיציעלע, רוטינע זאך אז מען עדיט/מעקט תגובות
2)די צענזור איז געגרידעט געווארן מיט א רשעותדיגע ציל צו מאכן יודן פארגעסן די עיקרי אמונה וכדו'. און איך וואלט נישט אנגערופן די הנהלה מיט אזא נאמען) נאר אז מען שמועסט זיך דורך האבן ביידע זייטן קלארער ארויס דעם בילד

איך שרייב טאקע נישט אסאך דא. אבער אין די קרוב צו צוויי יאר וואס איך בין דא איינגעשריבן ב"ה. האב איך קיינמאל נישט געהאט מיט די מנהלים. סיי לטובה(הילף) און סיי לרע (ווארענונגען). מען האט מיר סך הכל 2 מאל געמעקט(וואס איך ווייס) איינמאל ווייל איך האב געברענגט א יו-טוב קליפ. און די צווייטע מאל(אינעם פריימערי געפילן אשכול) ווען עס איז געווען א פערזענליכע טענה'ריי איבער א ניק. וואס דעמאלט האב איך קלאר געוואוסט אז עס גייט פליען.

פון די אנדערע זייט האב איך געהאט נאך א היפשע פאר תגובות וואס וואלטן "געקענט" געמעקט/געעדיט ווערן(נישט עפעס מעכטיג. אבער אמאל צו שארף וכו')אבער עס איז געבליבן

צו עס קען זיין בעסער? זיכער! אבער מי אנוכי? ווער ביסטו צו רעדן(איך רעד נישט פון פארשלאגן איידיעס)? וויאזוי האט יענער פון גמ"ח הצלה געזאגט פאר דעם וואס האט זיך אפגערעדט עפעס אויפן דרייווער? "נעקסטע מאל באקומט איר 50% אףף"...

ווען יענער ארבייט שלא על מנת לקבל פרס. און דו ווייסט אז ער מיינט נישט קיין שלעכטס אדער כבוד. ער מיינט נאר דיין גוטס. קענסטו קיין טענות נישט האבן. אין ערגסטן פאל דיספיוט דיין סובקריבשן טשארדזש אויפן קארטל...

אסאך ניקס האבן עס שוין געשריבן דא. אבער איך שפיר אז איך דארף עס נאכאמאל שרייבן. כמעט קיינער(אפילו איך...) ווייסט נישט וויפיל די הנהלה/טעקנישן'ס גיבן אוועק פאר אונז דא. איך האב זיך ארומגעקוקט ווי צענדליגער(אדער גאר הונדערטער)"קלייניגקייטן" וואס זיי האבן דא געמאכט צו פארגרינגערן פארן עולם. איך בין טאקע נישט קיין פראגראמער. אבער אזויפיל ווייס איך נאך אז אסאך זאכן וואס זעען אויס פשוט דא. דויערט שעות ארוכות צו מאכן(איך רעד שוין נישט ווילאנג מען דארף זיך ברעכן קאפ צו אויפקומען מיט אן איידיע)

דעריבער ווילן מיר איבערגעבן א הארציגן יישר כוח פאר א יעדן איינעם וואס העלפט אז דער פלאץ זאל זיין וואס עס איז ב"ה. סיי די מנהלים און גרינדער און עלטערע שרייבער. און אפילו די יונגערע שרייבער(מיט רויטע בלוט...). יעדער גיבט צו צום פלאץ דא און מאכט מען זאל זיך שפירן באקוועם דא

בברכת שמחת (שושן) פורים
טעלל מי
In the end everything will be ok. if its not ok, its not the end!

אוועטאר
DotCom
שר חמש מאות
תגובות: 682
זיך איינגעשריבען אום: זונטאג נובעמבער 23, 2008 10:29 pm
לאקאציע: אין גלות

תגובהדורך DotCom » פרייטאג מארטש 09, 2012 11:16 am

גאר גוט ארויסגעברענגט מר. יארצייטן, נאכ'ן אפליינען די דערמאנטע בריוו אויסטויש פון סעגענער קארל האב איך אים ביי מיר דייאגנאוזד מיט "internalized racism" זייער א קאממאן מחלה ביינונז... א נישט סאטמארער וואלט זיך נישט מוסר נפש געווען אריינצוגיין צו יענעם כסדר און פראבירן אויפקלערן... אבער די גוטע נייעס איז אז מען קען שלום מאכן מיט'ן מצב, און נאכאלס זיין א ערליכער איד, סאטמאר איז זייער ענליך צו אידישקייט...

מענין לענין, נאכ'ן זעהן ווי שטארק דער עולם דא וויל צענזור האב איך אביסל פארשטאנען דעס וואס המן האט געטענה'ט ישנו עם אחד מפזר ומפורד בין העמים... ודתיהם שונות מכל עם, ואת דתי המלך אינם עושים.... די ברייטע אינטערנעט וואס איז די גרעסטע און מעכטיגסטע קעניגרייך היינטיגע צייטן, די קעניגרייך וואס ברענגט אונטער די שטערקסטע מדינות פון יענע עק וועלט אבער אן קיין מיליטער, נאר דורך די נייע סארט וואפן וואס דאס איז פרייהייט! די וואפן וואס קיין שום פאלק אדער גלויבן האט נאכנישט געטראפן קיין עצה דערצו, קומען זיך דא א קליינער קליקע פון אידן, וואס זיי ווילן זיין אנדערש ווי די גאנצע וועלט, זיי ווילן דוקא יא צענזור, איז עס דאך א ריכטיגע מרידה במלכות איז אוודאי ולמלך אין שוה להניחם!

אבער אונז אידן די עם קשה עורף, וואס אונזער גאנצער עקזיסטענץ איז נאר צו באדאנקען דאס זיין אפגעטיילט מדור דור, וועלן דא זיך אויך נישט אונטערווארפן, והימים האלה נזכרים ונעשים, עם ישראל חי! א גוטען פורים.
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).

tell.me.something
שר האלף
תגובות: 1249
זיך איינגעשריבען אום: מיטוואך מארטש 17, 2010 11:43 am
לאקאציע: אין די קנא נייעס אפיס

תגובהדורך tell.me.something » פרייטאג מארטש 09, 2012 12:00 pm

דתי. דו ביסט צוקער זיס....

אבער לגבי די מעכטיגקייט פון די אינטערנעט ביסטו א נוגע בדבר(.קאם)...
In the end everything will be ok. if its not ok, its not the end!

אוועטאר
טייבעלע
שר עשרת אלפים
תגובות: 10245
זיך איינגעשריבען אום: מיטוואך ינואר 11, 2012 4:00 pm
לאקאציע: ביי אלאסקא

תגובהדורך טייבעלע » פרייטאג מארטש 09, 2012 1:15 pm

איך פארשטיי נישט וואס די גאנצע טעמע איז דא, וואס איז דא צו פרעגען און וואס איז דא בכלל צו ענטפערען,
עס שטייט דאך אזוי קלאר ווי די טאג דלא משתמעי לתרי אנפין, עס דארף נישט קיין הסברים, עס איז ארויס
געשריבען אלע פונקטען אין "תקנות הפורם" מיט אלע איינצעלהייטען ברחל בתך הקטנה, עס איז נישט
געבליבען קיין מקום ספק ווי אזוי מען דארף זיך פירען דא אין קרעטשמע, דא האט איר וואס עס שטייט דארט,

1) בשום פנים ואופן, נישט שרייבן עפעס וואס קען באיזה אופן בשוגג או במזיד, במישרין או בעיקיפין מצער זיין סיי וועמען.
מיר ווילן אויך מדגיש זיין: 'היימישע קרעטשמע' איז נישט געגרינדעט אויסצודרוקן קולי מחאות אויף סיי וואספארא עוולה קעגן אידישקייט.

2) סיי וואספארא זאך וואס גרעניצט זיך אפילו ברמז רמיזה מיט לשון הרע ומחלוקת וועט נישט טאלערירט ווערן.


און אזוי שטייט אויך אינעם אשכול "האלט! איידער איר סיינט זיך איין",

) א ניק וואס איז געמישט מיט, פאליטיק, חסידות, ניבול, וועט דא נישט ווערן אקצעפטירט, סאו פארוואס זאלט איר זיך מוטשענען אומזיסט.
2) א ניק וואס פארשעמט אן אנדערן ניק, אדער סיי וואספארא מענטש בפרטיות, וועט נישט ווערן אנגענומען, סאו פארוואס וכו'.


איז יעצט! נאך וואס עס שטייט אזוי קלאר אלעס וואס מען טאר נישט טוהן אינעם קרעטשמע, וואלט די אשכול געדארפט געשלאסען ווערען
נאך פאר איינער האט געקענט שרייבען די צווייטע תגובה, נאר מלפנים שורת הדין האבען עס די מנהלים אפען געלאזט און זיי ענטפערן
נאך בהכנעה ובטוב טעם ודעת אויף אלע טענות, וויל איך אייך פרעגען "הזאת נעמי" דאס הייסט צענזור? מען וואלט וועהן געדארפט קומען
מיט א טענה פאר וואס פירען נישט די מנהלים אויס די תקנות כדבעי, ווי אזוי פלעגט מען זאגען אין חדר? דער רבי האט נישט געלאזט א אינגעל
ארויס גיין טרינקען ווען ער איז געוועהן דארשטיג אבער ער האט געמעגט טרינקען דריי גלעזער קאווע און נאך אין קלאס א קעגען די קינדערס
אויגען, זיי מעגען איך טארנישט, איך האב שוין געזעהן דא גענוג און נאך אשכולות/תגובות וואס פארלעצען די תקנות הקרעטשמע ואין פוצה פה
ומצפצף, ווי זענען די בעלי טענה דארטען? איך בעט די עולם פיהרט אייך אויף ווי דערוואקסענע מענטשען בעלי שכל, און זאגטס א הילכיגען ישר כח
פאר די מנהלים, אחראים, טעקנישענס, נישט אין אלע פלעצער דארף מען זיין קינדעריש קליין קעפיג און זיין בייז אויפען מנהל ער האט מיך געשלאגען,

לסיכום! דא פיהרט מען זיך מיט אונז "לפנים משורת הדין" מען מעקט נישט וואס עס וואלט באדארפען צו ווערען געמעקט, און נאך מיט אזא שטארקע איבער
געגעבענקייט און נאך דערצו "שלא על מנת לקבל פרס" ביז אין די שפעטע נאכט שעות, און אנגעהויבן אין די פריע שטונדען פונעם טאג, קען מען נאך האבען
טענות, צו וועמען, און פאר די וואס האבען טענות זאלען זיי איבער ליינען די תקנות, (אויב זיי האבען עס בכלל געליינט איינמאל),

און היצטער ישר כח פאר אייך אלע מנהלים, אחראים, גבאים, טעקנישענס, טוהט'ס ווייטער אייער ארבעט מיר זענען אלע צופרידען, און אויב מעגליך צו אינפארסען
במלוא המובן אלע תקנות אהן קיין צווייפעל.
וד' הטוב ישלם לכם, שכרכם הרבה מאד, עס איז א שאד די ווערטער צו זאגען ווייל נאר דער אויבישטער קען אייך און וועט אייך באצאלען.

צפצופי המצפצף טייבעלע
לעצט פאראכטן דורך טייבעלע אום פרייטאג מארטש 09, 2012 2:03 pm, מאל פאראכטן געווארן 1 סך הכל.
יונתי בחגוי הסלע בסתר המדרגה הראיני את מראיך השמיעני את קולך כי קולך ערב ומראיך נאוה: (שה"ש ב יד)
1teibele@birdlover.com


צוריק צו “היימישע פארברענגן”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 5 געסט