מפעל "הוצאת ספרים שעל ידי אייוועלט"

[יידישע קהילות]

דא האט הרב מיללער גלייגט א לינק צו דער פראנקפורטער ביבליאטעק. פול מיט כתבי יד פון הגאון ר' נתן מאז און ר' אהרן פולדה און נאך.
מי יתן ווען איינער קען מעתיק זיין די כתבים און ארויסגעבן לתועלת הרבים. דעס ביסל וואס איך האב דורכגעלייענט איז גאר גאר חשוב!

אפשר קענען מיר דא צוזאמען נעמען איין ספר, (למשל: ר' נתן מאז'ס ספר על התורה) און יעדער זאל מעתיק זיין און אפטייפן איין בלאט, און אין א קורצע צייט וועט דער ספר זיין אין PDF - כל המברר מקחו של צדיק וכו'.
מי לעבודה אלי!!!

[שמו]

מי לעבודה אלי!!!

בעז"ה מוכן לתת כמה עמודים

[יידישע קהילות]

או קעי, אז גענוג מענטשן וועלן זיך מעלדן וועט מען מחליט זיין אויף א ספר. און מ'וועט זיך נעמען צו די מלאכה.
איך געב דין קדימה פאר א ספר על התורה/דרוש ואגדה, פאר א ספר אויף הלכה/שו"ע. בין איך גערעכט?

[שמו]

צדקת, עה"ת אדער אגדה גייט בעסער

נעם א ספר וואס האט ווייניגער פעידזשעס, ווייל אז מ'וועט זעהן אז מ'קומט אן, וועט דאס געבן חשק אנצוגיין ווייטער.

[טייבעלע]

די ספרי הכלים {כלי חמדה, כלי יקר, כלי פז} מרבנו שמואל לאניאדו.

[מיללער]

מי לעבודה אלי!!!

בעז"ה מוכן לתת כמה עמודים

גם אני אקח איזה עמודים בל"נ

[מיסטעריעז]

הנני מוכן ומזומן!

קיינמאל געוויסט אז ר נתן (רבו של החת"ס) האט געמאכט א ספר על התורה.

הערות און מראי מקומות זענען אויך וועלקאם פארשטיי איך, ריכטיג?

[שמו]

הערות און מראי מקומות זענען אויך וועלקאם פארשטיי איך, ריכטיג?

הרב מיסטעריעיז, לדעתי מיין איך דו כאפסט לאקשן פאר די זופ
דער סדר העולם איז
טייפן, הגה"ה צו ס'איז ריכטיג געטייפט, הערשט דערנאך הוספת מראי מקומות און הערות, אז נישט ארבעט מען פיר מאל מער כך נראה לענ"ד
(איך בעט שוין איבער יודישע קהילות, פארן זיך אריין מישן און זאגן דיעות אין זיין פראיעקט).

[למעלה משבעים]

זאל איינער שטעלן א לינק צו א ספר מיט וואס מען זאל אנהייבן, און עמער אי"ה אויך צושטייער געבן.

[מיסטעריעז]

איך האב גראדע גערעדט פון הערות און מ"מ וואס קומען ארויף פון זיך אליינס בשעת'ן איבערזעצן.

ווער עס האט געדולד צו מעתיק זיין איז אודאי ענדערש קודם דאס צו טון ווי איידער הערות ומ"מ, אבער אולי זאל אידישע קהילות זיך טאקע משתף זיין מיט א צווייטע ניק וואס זאל זיך אפגעבן מיט די וואס האבן נישט קיין געדולד מעתיק צו זיין נאר ענדערש געמאכט הערות ומ"מ.

[שמו]

דאס איז שוין א פלאן
אבער לדעתי דארף מען קודם טייפן די גאנצע
און דערנאך זיך צו נעמען צו די מראי מקומות וכדו'

[מיסטעריעז]

זאל איינער שטעלן א לינק צו א ספר מיט וואס מען זאל אנהייבן, און עמער אי"ה אויך צושטייער געבן.

בעסער אז אידישע זאל צוטיילן די דפים, ניין? אז נישט וועט ווערן א צומישעניש וכו'

[מיסטעריעז]

דאס איז שוין א פלאן
אבער לדעתי דארף מען קודם טייפן די גאנצע
און דערנאך זיך צו נעמען צו די מראי מקומות וכדו'

ליין איבער...
איך האב גערעדט פון די וואס האבן נישט קיין געדולד צו מעתיק זיין, פארוואס זאלן זיי נישט עוסק זיין אין הגה, מ"מ און הערות די פריעסטע מעגליך?

עכ"פ די לעצטע ווארט ליגט ביי אידישע....

[יידישע קהילות]

רבותי ארדענונג!!!
דער סדר גייט זיין אזוי:
1 - אלע מתנדבים זאלן זיך מעלדן דא אדער אין אישי. (פארשטייט זיך אז איך וועל אויך אי"ה בל"נ ביישטייערן מיטן העתקה און טייפן)
2 - אלע מתנדבים וועלן באקומען א שטים-רעכט וועלכע ספר אויסצווועלן.
3 - יעדער מתנדב וועט באקומען זיין חלק.
4 - די געטייפטע וועט ווערן געשיקט צו מתנדבים וועלכע זענען גרייט מגיה צו זיין.
5 - דערנאך צו מתנדבים אויף צו לייגן מ"מ וכדומה.
6 - עס וועט ארומגעשיקט ווערן דער פייל צו אלע מתנדבים פאר זייערע הגהות.
7 - צו א מתנדב פאר עימוד אויף א פי. די. עף.
8 - שיקן צו אוצר החכמה, היברו-בוקס און בר אילן.

דערווייל האלט מען אין מיטן #1

[יידישע קהילות]

שאלה צום עולם:
זאל מען אנהייבן מיט א כתב יד אדער א אלט ספר (דוגמת וואס טייבעלע האט געשריבן)?

[לכתחילה אריבער]

עקסטערע אשכול אלערט.

[ענדע צדיק!]

פון וויפל עמודים רעדט מען דא? (איך וויל נישט ארבעטן אומזיסט...)

טייפן גלייב איך נישט. אבער אין אנדערע זאכן קענען מיר זיין אפשר בייהילפיג

[לכאורה]

i can type iy"h

[תג נוצער]

שאלה צום עולם:
זאל מען אנהייבן מיט א כתב יד אדער א אלט ספר (דוגמת וואס טייבעלע האט געשריבן)?

כתב יד
קען פרובירן צו זיין בייהילפיג מיט מ"מ

[ענדע צדיק!]

איך וואלט ענדערשט געוואוט פאר כתב יד (שווערער).

פון וויפל עמודים רעדט מען דא? (איך וויל נישט ארבעטן אומזיסט...)

יעצט זעה איך אז מען האט נאכנישט אויסגעוועהלט קיין ספר, אנטשולדיגט

[מיסטעריעז]

א כתב יד האט מער תועלת, אבער קען צומאל זיין פיל א שווערער ארבעט.

[יידישע קהילות]

איך האב גראדע גערעדט פון הערות און מ"מ וואס קומען ארויף פון זיך אליינס בשעת'ן איבערזעצן.

ווער עס האט געדולד צו מעתיק זיין איז אודאי ענדערש קודם דאס צו טון ווי איידער הערות ומ"מ, אבער אולי זאל אידישע קהילות זיך טאקע משתף זיין מיט א צווייטע ניק וואס זאל זיך אפגעבן מיט די וואס האבן נישט קיין געדולד מעתיק צו זיין נאר ענדערש געמאכט הערות ומ"מ.

איך האף אי"ה צו מענעדשזן די גאנצע זאך. קודם דארף איך נאך גענוג נדבנים.

[יידישע קהילות]

שמו
מיללער
מיסטעריעז
למעלה משבעים
לכאורה
יידישע קהילות
יאפין - אולי גם הגהה
שמחת עולם
בארען קלאפער
קנאפער ידען
עין טובה
מאגר
נישט
מומחה יוחס
צולייגער - אויך פאר פרינטן קאפי'ס פאר די מתנדבים וכדומה.
אנכי
דרךהמלך
ולא מיין

גערעכטער - הגהה ומ"מ
תג נוצער - מראה מקומות
ענדע צדיק! - אנדערע זאכן

[מיללער]

הנני מוכן ומזומן!

קיינמאל געוויסט אז ר נתן (רבו של החת"ס) האט געמאכט א ספר על התורה.

הערות און מראי מקומות זענען אויך וועלקאם פארשטיי איך, ריכטיג?

רבי נתן מאז היה רבו של החת"ס? או שכבודו טועה ברבי נתן אדלער?

[מיסטעריעז]

ביידע
עיין בהקדמה לדרשות חת"ס